【巴黎人.瘋玩篇】體驗夢工場:冰之歷奇、巨星大巡遊!再睇埋街頭藝人演出!

★訂房必備:酒店優惠代碼大集合 - Agoda、Expedia、Hotels.com、Booking.com ...


澳門新建酒店百花齊放,要喺眾五光十色的酒店突圍而出,以多元化娛樂為主題,能滿足各有不同喜好不同年齡層嘅旅客先係致勝之道。巴黎人酒店呢棟度假型酒店,一站式提供購物、餐飲、娛樂、遊樂各設施,無論係情侶定一家大小,全部玩完都起碼要兩日。

通往巴黎的隨意門

明明身處澳門,但小編一步入巴黎人購物中心,就好似開啟左多啦A夢既隨意門,頓時置身於巴黎凡登廣場及香榭麗舍大道!從酒店華麗大堂既海神噴泉為起點,慢慢步入購物中心正中央既凡登廣場,再通往各個著名嘅巴黎購物街道,整個購物中心完全由巴黎標誌性建築及特色設計連貫。

巴黎人,澳門
凡登廣場既天花板更會投影與當日時間相應既天空

為咗重現巴黎的街頭風光 Streetmosphere,巴黎人購物中心每天都安排街頭表演,包括滾筒風琴表演、默劇、人像畫、真人雕像、17/18世紀俊男美女舞者穿梭人群中等。另外,巴黎人共有超過170多個品牌店鋪,其中Antonia、Sonia Rykiel、Temptation、Isabel Marant、MCQ、Sinequanone、Repetto、Carven、Zadig & Voltaire、MSGM、Garel Paris、IRO、Phase 8、Bora Aksu、Djula、Point de Vue、Germain、Debucci、Herzo、Lancaster Paris、Jean Rousseau、Isabelle Langlois 等多個品牌更加係首次進駐澳門。

澳門, 巴黎人
小編尤其鍾愛滾筒風琴的現場表演。

巴黎人每日均會有默劇、華爾茲及真人雕像等街頭藝人演出。

巴黎人,澳門
好精彩嘅華爾茲

係浪漫街頭悠閒購物及欣賞表演,邊個話澳門只有賭場或美食呢?

酒店以巴黎做藍圖,只啱成年人去玩?巴黎人的多元化娛樂適合任何年齡層!

今時今日所有新酒店都必備水上樂園,而巴黎人除咗酒店住客專用嘅泳池外,仲有名為水世界 AQUA WORLD 嘅水上主題公園。

澳門, 巴黎人
AQUA WORLD 水上主題公園

水世界及泳池同樣位於酒店6樓。水世界中間有一隻巨型飛船,飛船有水上管道、 攀爬網、搖擺木橋和兩條高12米的滑梯。滑梯彎多又急,都相當刺激,飛船中間的熱氣球吊籃更會不定時倒水,行過都隨時中招!雖然水世界設施唔算多,不過成年人小朋友都啱玩又玩得開心,水世界入面仲有小食亭,玩足全日完全唔駛擔心餓親!巴黎人酒店住客入場玩仲可以有9折添。不過如果唔想俾錢入場,就去巴黎人泳池遊水都好OK 呀。

而住客專用的泳池一貫歐洲風格,可以邊暢泳邊欣賞巴黎鐵塔同紅磨坊風車!

水世界入場資料

開放時間:
夏季 (每日10am至6pm)
入場費用:週一至週五.每位MOP160
;家庭套票 (買3送1) 每日澳門幣MOP480|週六、週日及公眾假期.每位MOP180
;家庭套票 (買3送1) 每日澳門幣MOP540
*入住客人可享 9 折購票優惠 (此優惠不適用於家庭套餐)。

玩冰之歷奇.瀡冰之滑梯

老實講,小編熱愛夢工場 (DreamWorks) 的程度,跟同行嘅小朋友不相伯仲!因為小編係買巴黎人嘅住宿套票,
裡面包括「體驗夢工場」冰之歷奇冰雕展的門票,好開心係冰雕展裡一次過見到史力加、功夫熊貓、馴龍記、荒失失奇兵等多個角色!冰之歷奇係亞洲最大型的室內冰雕展,由40位來自哈爾濱的冰雕藝術家運用250萬磅色彩繽紛的冰,設計出各個夢工場角色。

留意返,展場內只有零下8度,係堅係零下8度!而且係越玩越凍 ! 所以真心強調保暖衣物係必.須.!會場亦好貼心,大人同小朋友都可以免費借用外套!不過小編前後兩次借用既外套都有小小破爛,但都可以保暖嘅!如果各位介意就可以為自己或者小朋友自備保暖衣物啦!

進入展場後亦可以先把不必要嘅行李做寄放,就可以非常方便同夢工場玩一轉啦!

展覽唔單只有一系列以探險為主題的遊戲,最好玩最好玩最好玩 (好重要所以要講3次) 係果個冰滑梯!

看似平平無奇的滑梯,小編本來心想:咁大個人唔通走去玩呢條咁短既滑梯,點知,好玩到停唔到!

小編第一次瀡嘅時候唔知點解唔係幾郁,但同行女友人就出人意表地瀡得勁快!快到佢尖叫!到咗第二次,小編唔再瞓係度瀡,終於成功快速瀡落去!想睇小編瀡冰梯嘅「瘋姿」就 click 下面條片喇!同場加映夢工場大遊行。

「體驗夢工場」冰之歷奇冰雕展覽

日期:2017年3月16日至7月9日
場地:澳門威尼斯人金光會展F館
開放時間:11am至8pm (最後入場時間為晚上7:30pm)
票價:成人及小童 (3至12歲) $120元|家庭套票 (包括三位家庭成員及一位3歲或以上小童)$312

相關套票:

澳門金沙度假區「冰之歷奇」2天自由行套票|每位$699起

  • 包le Buffet早餐或午餐 (或免費提升之「體驗夢工場」功夫熊貓之舞林盛宴享用早餐)
  • 包「冰之歷奇」門票
  • 包金光飛航香港往返澳門經濟艙船票
  • 包一晚酒店住宿(可選擇:澳門金沙城中心假日酒店、澳門巴黎人、澳門威尼斯人或澳門金沙城中心康萊德酒店)

立即預訂:https://goo.gl/Ljl25b

 

【立即 like!讚好 Big Fun Trip!】