【巴黎人.飲食+鐵塔篇】食盡巴黎人Buffet+法式午餐!再欣賞巴黎鐵塔的日與夜!

【訂房必備】每日更新!酒店優惠代碼大集合
DBS 旅遊保單次55折 / 全年6折+送高達$700回贈


前排小編去咗澳門巴黎人睇「西遊記」,個package 包埋早餐或午餐buffet,小編本來想揀午餐,但同行旅友餓底,話等唔切食lunch 同埋晨早要飲杯咖啡充電,所以最後揀咗早餐!

必食巴黎人自助餐

之前都聽聞巴黎人個buffet 幾唔錯,今次親身試,睇下係咪真係掂。

首先,講種類,以早餐嚟講,款式算唔少!最驚喜係有魚生飯,而且食落新鮮!唔好諗住魚生飯呢啲正嘢會一早比人攞晒無得食,小編眼見不斷有補給,所以基本上係人人都有機會攞到的。

巴黎人, 早餐, buffet, 魚生飯
早餐竟然有魚生飯!

早餐最緊要食咩?小編就一定要食煎太陽蛋,因為就好似晨早見到太陽一樣,個人都醒神啲!唔好睇少一隻煎蛋,最基本嘅嘢做得好定唔好,可以睇到間餐廳有冇heart!小編對煎太陽蛋好有要求,一定要即煎到個底金黃色,仲有就係個邊要煎得香脆!呢度嘅煎太陽蛋小編好滿意,再配上至愛嘅茄汁豆、炒菇菇、車厘茄!簡簡單單卻十分滿足!除此之外,仲有腸仔、煙肉等,不過小編好少食加工肉類,所以無試到。

巴黎人, 早餐, buffet, 太陽蛋
太陽蛋+茄汁豆+炒菇菇+車厘茄=完美的早餐

西式早餐,小編仲試咗烤豬脾,味道唔錯。

除咗西式嘢,仲有中式早餐供應,選擇有粥品、點心同粉麵。

巴黎人, 早餐, buffet, 中式點心
中式點心

由於胃部空間有限,小編只揀咗豬手河粉嚟試,唔係講笑,啖啖骨膠原,味道仲拍得住澳門果幾家老麵店!

巴黎人, 早餐, buffet, 豬手河粉
啖啖骨膠原嘅豬手河粉!

小編好注重健康,每日都要食大量蔬菜,現場Salad 菜有好多選擇,而且仲有頭盤小食。啱晒胃口!

巴黎人, 早餐, buffet
美味頭盤小食!

如果鐘意有包落肚嘅話,呢度有大量選擇,牛角包、丹麥酥、Doughnut、蛋糕⋯⋯不過小編真係食得好飽,個肚只夠位放多一片綠茶蛋糕,味道都算OK,可試。至於Cereal、果汁果兩part,對唔住真係頂住食唔落了。

巴黎人, 早餐, buffet, 包
大量包包!

整體嚟講,呢個早餐buffet 好值得食,如果入住巴黎人,記住揀包埋早/午餐buffet 嘅package。

法式餐廳.抵食Set Lunch

食完早餐,喺巴黎人同金沙度假區行下買下,又差唔多到食Lunch 時間,原本想食巴黎鐵塔入面間巴黎軒,但full 咗,今次無得食,最後去咗法式餐廳——Brasserie。

Brasserie 有午市Lunch Set,2 courses MOP168、3 courses MOP198。一於叫3 courses!

小編Appetizer 揀咗蟹餅,Main course 揀咗烤三文魚伴薯蓉,Dessert 揀咗Creme Brulee。旅友Appetizer 揀咗香草三文魚,Main course 揀咗牛扒伴薯條,Dessert 揀咗Fruit de Saison。

先講Appetizer,蟹餅賣相好靚,用咗唔少蟹肉,食落有陣陣蟹味!掂!至於香草三文魚,份量足,味邊亦唔錯。

巴黎人, Brasserie, 蟹餅
賣相好吸引嘅蟹餅!
巴黎人, Brasserie, 香草三文魚
香草三文魚

Main course 方面,我嘅烤三文魚烤得剛好,表面香脆之餘,裡面保留了肉汁。至於旅友嘅牛扒,她則說麻麻地,不太有牛味!反而伴碟嘅薯條就幾香脆好味!

巴黎人, Brasserie, 烤三文魚
烤三文魚
巴黎人, Brasserie, 牛扒, 薯條
牛扒伴薯條

最後係Dessert,Creme Brulee 表面焦香,入面軟滑!Fruit de Saison 亦都做得唔錯!

總體嚟講,除咗年扒,其他的都做得唔錯!最重要係價錢好抵食!以呢個價錢,有齊頭盤、主菜、甜品,仲想點先?

巴黎鐵塔的日與夜

除咗睇Show 同飲飲食食,去得巴黎人,如果時間許可不妨登上巴黎鐵塔37樓觀景台欣賞澳門嘅市景,而晚上嘅鐵塔燈光Show 就更加係不能錯過。

先講37樓觀景台,由於今次個package 包埋觀景台嘅門票,所以小編覺得上去看看是有趣的,不過如果要另購門票俾$100上去嘅話,小編會覺得有啲肉赤,雖然上到去視野遼闊,但四處的景晚未算動人。反而遠觀巴黎鐵塔就令人讚歎!尤其係鐵塔燈光Show,真係好靚,如果同至愛一齊欣賞更加係啱feel 又浪漫!

最後送俾大家巴黎鐵塔的日與夜。

相關套票:

如果有興趣嚟個2日1夜澳門遊,入住巴黎人、睇《西遊記》,可以留意以下永安旅遊嘅套票優惠,每位$799起!包晒住宿、《西遊記》門票、來回船飛,都真係幾抵玩!

澳門金沙度假區「西遊記」2天自由行套票每位$799起

  • 包西遊記C區門票
  • 包金光飛航香港往返澳門經濟艙船票
  • 包一晚酒店住宿 (可選擇:澳門金沙城中心假日酒店、澳門巴黎人、澳門威尼斯人或澳門金沙城中心康萊德酒店)

立即預訂:http://bit.ly/2obQIWb

如果只想食同瞓,可以留意埋以下呢個包住宿,同埋le Buffet早餐或午餐嘅套票優惠,每位$939起!

澳門巴黎人2天自由行套票每位$939起

  • 包le Buffet早餐或午餐
  • 包金光飛航香港往返澳門經濟艙船票
  • 包澳門巴黎人一晚住宿

立即預訂:http://bit.ly/2nB0nnM