【早鳥賞櫻套票】遊關西睇櫻花!大阪「機票+酒店」連稅:5日4夜$2,370起、7日6夜$2,508起

機票、酒店、套票優惠大搜尋月租酒店抵過租樓


去日本除咗秋天賞楓,都可以諗定明年春季去睇櫻花!以套票形式預訂大阪「機票+酒店」,價格非常吸引!

2人同行每位連稅計:5日4夜 $2,370起、7日6夜 $2,508起!呢口價於明年櫻花季都適用,可以去粉紅櫻花大道打卡、再掃貨同周圍去玩!

以上價格係以香港快運最平機位及入住最平酒店為例,航班時間係午機去、午機返,大家亦可加錢揀其他時間嘅航班。

香港快運航空.大阪「機票+酒店」推介:

乘搭香港快運航空 (HK Express),5日4夜以2023年3月20日去,3月24日返為例;7日6夜以3月17日去,3月23日返為例。2人同行每位連稅計。

機票+大阪東急REI飯店 ★★★|5日4夜 $2,846起、7日6夜 $3,382起
位於梅田,酒店後面係阪急東通商店街,有一蘭拉麵、居酒屋、商店等。而且可經此商店街直達東梅田及梅田地鐵站地下街,非常方便!客房唔大,最細果間只有13平方米,但喺梅田有呢啲價位,真係抵!

機票+本町 WBF 酒店 ★★★|5日4夜 $2,612起、7日6夜 $2,898起
行4分鐘即達地鐵「本町站」,行去心齋橋好方便!酒店設有和服租借服務,房內有「HANDY」手機、門外又有單車供租用,設備齊全!

機票+京阪淀屋橋酒店 ★★★|5日4夜 $2,959起、7日6夜 $3,329起
鄰近「北濱站」,行2分鐘即達!酒店設210間客房,以雙人房為主,有提供房內按摩服務、自助洗衣機等設施,切合各旅客所需。

機票+大阪蒙特利酒店 ★★★★|5日4夜 $3,062起、7日6夜 $3,603起
地點優越,由JR「大阪站」櫻橋口直出,通過梅三小路商店街,行3至5分鐘就到!各大型商場就係正附近,逛街食飯飲嘢宵夜冇難度!

機票+心齋橋小船酒店 ★★★|5日4夜 $3,665起、7日6夜 $3,665起
酒店位於心齋橋最熱閙嘅地段,距離地鐵「心齋橋站」只需約4分鐘步程。酒店採簡約設計,客房以白色為主調,並配上樺木,予人光猛、潔淨嘅感覺。

機票+大阪喜來登都酒店 ★★★★|5日4夜 $3,431起、7日6夜 $4,301起
屬大牌子喜來登旗下,有質素保證!房內可以望到開揚景觀,房間面積均為18平方米以上,以日本酒店嚟講相當寬敞!

機票+難波天然溫泉多米高級旅館 ★★★★|5日4夜 $4,742起、7日6夜 $6,063起
酒店提供天然溫泉設施,又有免費拉麵宵夜,仲有 Shuttle Bus 去JR「難波站」!位置方便,行去道頓堀、大阪電器城只需5分鐘,距離心齋橋購物區步行亦只需15分鐘步程。

以2023年3月20日去,3月24日返、入住「鑽石酒店」為例,香港快運航空 (HK Express) 香港來回大阪機票+酒店住宿:2人連稅共$4,740起、即每位$2,370起!

除以上推介,大家可於 Expedia 任選酒店,住京都 / 奈良等地都得,只要於左邊「篩選條件」揀選地點就得。

大家亦可於行程中入住多間不同酒店,搜尋時揀選「我只有部分日期需要住宿」,就可只訂部分日數嘅住宿。然後訂完套票再另外訂埋餘下日數。

提提大家,以上價格係不包寄艙行李額嘅優惠價格。大家亦可於揀機票時,加錢揀返標明包行李嘅票價。

【旅行日期】2022年10月24日-2023年10月28日
【預訂網址】expedia.com.hk