【今晚瞓酒店】潮歎 Staycation!香港酒店+本地遊景點攻略!附訂房優惠、景點地址!

抵到發癲!Nike折上折!低至4折再7折


留港潮歎 Staycation!ViuTV《今晚瞓酒店》為大家介紹多間極 IG-able 嘅香港酒店,再去埋附近景點玩餐飽、食餐飽!小編幫手整理咗節目介紹嘅酒店及景點,搵埋訂房優惠價比大家,可以訂房跟住去玩!

第1集:西貢
第2集:北角
第3集:香港仔
第4集:天后
第5集:屯門
第6集:中環
第7集:大澳
第8集:灣仔
第9集:大嶼山
第10集:長洲


第1集:西貢

1無敵海景酒店 The Pier

充滿度假 Feel 嘅西貢酒店 The Pier,房間坐擁無敵海景,有埋露台同浴缸比大家 Chill 餐飽!酒店設有住宿套餐選項,包露台早餐及煮食材料包,可以喺房內廚房煮飯仔!

酒店有多款房型,包括不同等級嘅雙人房及家庭套房。例如節目中,Edan 同 Emily 介紹嘅係「尊貴海景露台房」,Dixon 同林婷介紹嘅就係「海天一色雙寢室套房」。

【The Pier 住宿套票】海景露台雙人房+早餐+食材包+三星灣船票:每房$1,800起 (預訂:Klook.com)

The Pier Hotel

地址:香港西貢白沙灣街9號
電話:2912 6777
預訂網址:Klook.com

2浮潛睇珊瑚水母

留喺香港都可以浮潛睇珊瑚!喺白沙灣碼頭隔離,就有一間潛水會,可以搵到教練及專業設備去浮潛!今次教練帶 Edan 同 Emily 去到一個珊瑚保育區浮潛,可以睇到珊瑚、水母同不同魚類!

海洋潛水會

地址:西貢白沙灣62號地下
電話:2719 9629
網址:facebook.com

3米芝蓮級海鮮餐廳

嚟到西貢,梗係要食海鮮!食家 Michael 就為大家推介呢間「六福菜館」,係曾經獲得米芝蓮星級榮譽嘅餐廳嚟!呢間海鮮餐廳冇魚池,但係都有好多出名新鮮好味嘅菜式。因為漁獲一上岸就會交比餐廳廚房,即撈即劏即煮,所以唔駛魚池養住啲海鮮,新鮮至極!

六福菜館

地址:西貢市場街49號
電話:2792 9966
相關網址:guide.michelin.com

4橋咀島步道 有緣先見到

 

Dixon 今次帶林婷去呢個連島沙洲,係有緣先會見到!連島沙洲由火成岩形成,位於橋咀島與橋頭之間,潮漲時會被水淹蓋,潮退時就會形成一條地質步道。地質步道唔算好遠,於西貢碼頭搭船10分鐘就到!

橋咀洲地質步道

地址:西貢牛尾海
相關網址:hiking.gov.hk

重溫第1集:viu.tv


第2集:北角

5維港海景 Infinity Pool 酒店

今集 Edan 同 Emily 嚟到北角海濱旁嘅5星級酒店「香港維港凱悅尚萃酒店」,高質又有靚海景!客房有極大玻璃窗,就連浴室都有景睇,可以望住維港景浸浴!頂樓有 Infinity Pool (無邊際泳池) 同天台酒吧,日頭可以於180度維港美景下盡情暢泳、夜晚就喺酒吧傾計飲嘢 Chill 下!另外,酒店嘅健身室有得玩 VR 添,值得一試!

【住宿套票】海景客房+雙人自助早餐+The Farmhouse Box Buffet 晚餐 (房內享用):每位$475起 (預訂:KKday)

香港維港凱悅尚萃酒店

地址:香港北角北角邨里1號
電話:3762 1234
預訂網址:kkday.com

6春秧街 老字號店舖

春秧街係北角知名地標,係一個有電車經過嘅熱鬧街市,非常有香港特色!地膽細貓就帶大家去一間粉麵廠,參觀有60年歷史嘅老字號店舖。店內嘅裝潢充滿老香港嘅味道,而售賣嘅粉麵仲係人手製作嘅添!另一間老字號,就係售賣福建小食嘅商店,有花生糕、芋頭餅、米通等傳統食品,夠晒經典!

雙喜粉麵廠

地址:北角春秧街91號泰興樓地下
電話:2806 3756

日新商店

地址:北角春秧街91號明秀大廈C及D地下
電話:2578 1805

7大型彈床樂園

原來北角都有大型室內運動樂園!細貓、Edan 同 Emily 今次嚟到位於渣華道嘅彈床樂園,有得玩攀爬牆、彈床、海綿池、閃避球!大人同小朋友都啱玩,仲可以包場開 Party 添!

Ryze Hong Kong

地址:北角渣華道321號柯達大廈1期3樓
電話:2337 8191
網站:ryzehongkong.com

重溫第2集:viu.tv


第3集:香港仔

8海洋公園主題酒店

鍾意去主題公園玩的話,可以順便住埋呢間「香港海洋公園萬豪酒店」!酒店以海洋為主題,大堂就已經有十幾米高嘅勁大魚缸!酒店採用木材佈置,配合大量海洋生物裝飾,感覺自然清新。客房內更有開揚園景,睇到晒整個海洋公園!而酒店內嘅泳池亦都係打卡位,大到好似水上樂園咁啊!

香港海洋公園萬豪酒店

地址:香港仔黃竹坑道180號
電話:3555 1688
預訂網址:marriott.com

9喪玩機動遊戲 水族館夢幻餐廳

嚟到海洋公園,就梗係要玩盡不同嘅機動遊戲啦!玩完就可以去全港唯一嘅水族館餐廳食嘢,呢間「海龍王餐廳」可以比大家一路睇魚、一路食飯!餐廳內有米芝蓮名廚陳國強師傅設計多款新派中菜,眼睛同味蕾都有極致享受!

香港海洋公園

地址:香港仔黃竹坑道180號
電話:3923 2323
購票網址:klook.com

重溫第3集:viu.tv


第4集:天后

10私隱度極高 簡約酒店

喺喧鬧嘅城市中,要搵到一絲寧靜認真唔容易。而喺天后就有一間私隱度極高嘅酒店「Tuve Hotel」,所有嘢都非常隱蔽,加上採用黑白色簡約設計,帶來平靜嘅感覺!

酒店大堂設有香水區,喺嗅覺上率先放鬆一下。客房採用一貫簡約風,牆身以水泥原貌配上金箔點綴,raw 得嚟極具設計感!另外,酒店餐廳內有得獎調酒師駐場,鍾意飲返杯嘅粉絲記得唔好錯過!

Tuve Hotel

地址:香港天后清風街16號
電話:3995 8899
訂房網址:https://www.kkday.com

11大坑人氣茶檔 活化古蹟展覽

大坑一向係文青地帶,充滿打卡位!今次 Edan 同林婷就去咗人氣茶檔歎茶、參觀蓮花宮,仲去埋以三級歷史建築活化嘅工業風咖啡店睇展覽!加上大坑嘅街上有色彩繽紛嘅壁畫,影相一流啊!

炳記茶檔

地址:大坑施弼街5號
電話:2504 2038

大坑蓮花宮

地址:香港銅鑼灣蓮花街
電話:2578 2552
相關網址:http://www.ctc.org.hk

THE SHOP HOUSE

地址:大坑第二巷4號
相關網址:https://www.instagram.com

12盆景製作工作坊

做下文青手作仔,不如試試盆景製作!喺藝文空間「靜月」可以搵到由植物店「在森林和圓嘢」開辦嘅盆景製作工作坊,跟園藝師一齊親手修剪植物,平靜一下心靈。

靜月

地址:大坑新村街35號地下
電話:9243 1909
相關網址:https://www.facebook.com

在森林和圓嘢

地址:香港觀塘開源道62號
電話:5238 6664
網站:https://forest-round-round.business.site

13搭艇歎避風塘海鮮

食海鮮當然要食最新鮮!林婷同 Edan 今次去避風塘食好西,仲走埋上艇歎炒肉蟹、炒蜆、基圍蝦等美食,睇住海景就最正!

信記避風塘海鮮美食

地址:銅鑼灣避風塘
電話:8112 0075

重溫第4集:viu.tv


第5集:屯門

14家庭樂之選 親子度假酒店

一家大細去過個親子假期,去「香港黃金海岸酒店」住主題海景房,大人細路都可以玩得好開心!主題房全部都係色彩繽紛,有特別設計比小朋友嘅特色床鋪,仲有玩具、圖書,恐龍主題房有勁大個模型添!除咗節目介紹嘅綠色升級再造客房、恐龍主題及嘉年華主題,仲有森林、海盜、太空及極速快車主題房!包括海景露台,或者相連房都得!

小朋友可以玩酒店小遊戲換禮物,室內有海洋主題兒童樂園「鯊魚冒險島」,戶外就又有兒童小火車、飛天鋼索,同埋參觀香草農莊!而大人就可以喺酒店歎主題下午茶,或者做 gym 都唔錯!

香港黃金海岸酒店

地址:香港青山公路1號
電話:2452 8888
預訂網址:sino-hotels.com

15海邊踩單車 BBQ大餐

玩完成日,當然要歎返餐豐富晚餐!Dixon、Emily 同阿 Kit 一家人,齊齊嚟到龍鼓灘海邊BBQ場,有得租家庭式單車四圍去玩,仲有兒童手搖船、Party 房、堆沙用具租借等等勁多嘢玩!燒烤場仲係喺正海邊,望住個海景BBQ都幾正!

龍鼓灘海邊燒烤場

地址:屯門龍鼓灘村136地段
電話:2613 8129
相關網址:yl.hk/hb-bbq

重溫第5集:viu.tv



第6集:中環

16帶埋毛孩住酒店 5星級享受

同毛孩一齊去 Staycation,喺中環嘅香港美利酒店就有好貼心嘅 pet friendly 配套!呢間5星級酒店係由舊辦公室活化而成,古典味十足,周圍都係影相位!房間內有齊寵物設備,仲可以同狗狗一齊於戶外餐廳歎下午茶、於百年古樹打卡!

香港美利酒店

地址:香港中環紅棉路22號
電話:3141 8888
訂房網址:https://www.kkday.com

17散步古蹟遊 打卡熱點

酒店周邊充滿舊建築,沿住花園道行,可以於聖約翰座堂、梅夫人婦女會及山頂纜車站影相打卡!帶狗仔一齊散散步,影下相兼認識下歷史都唔錯!

聖約翰座堂

地址:中環花園道4-8號
電話:2523 4157
相關網址:stjohnscathedral.org.hk

梅夫人婦女會

地址:中環花園道35號
相關網址:amo.gov.hk

山頂纜車站總站

地址:香港中環花園道33號
電話:2522 0922
相關網址:thepeak.com.hk

18勁大寵物天地 游水做SPA扮靚靚

好多人都鍾意於 Staycation 游水歎 SPA,想帶毛孩試試相同體驗?可以嚟到呢間位於銅鑼灣嘅寵物概念店,入面有寵物用品賣、有寵物泳池,同埋寵物 SPA 美容服務!例如節目中,Dixon 同林婷嘅狗仔都試咗草本泥 SPA 服務,兩隻狗仔扮完靚都好開心啊!

Private i PETS

地址:銅鑼灣京士頓街9號地下及一樓A號舖
電話:2877 3100
相關網址:privateiconceptstore.com

重溫第6集:viu.tv



第7集:大澳

19古蹟活化文物酒店 感受大澳漁村風光

鍾意歷史文物嘅粉絲,可以入住呢間以古蹟活化嘅大澳文物酒店!酒店前身係舊大澳警署,九間客房分別以海軍官階名稱、海軍巡邏艇及大澳著名景點命名,充滿特色!酒店身為二級歷史建築,連房內都擺放舊照片做裝飾。酒店休憩空間仲望到廣闊海景,古雅樸素又舒服!酒店有提供導賞團及工作坊體驗坊,住客可以探索一下大澳漁村風光!

大澳文物酒店

地址:香港大嶼山大澳石仔埗街
電話:2985 8383
相關網址:taioheritagehotel.com

20馳名蝦膏蝦醬 新基橋棚屋打卡

提到大澳就諗起蝦醬啦!今次林婷同 Edan 去呢間蝦醬廠,睇睇蝦膏蝦醬嘅製作過程,感受最原始嘅鹹香味,仲可以盡情買手信返屋企!鍾意做手作仔的話,可以試試沙白工作坊,以貝殼嚟做音樂盒,環保又夠靚!

勝利香蝦廠

地址:大澳石仔埗街10號
電話:2985 7330
相關網址:facebook.com/pages

大澳貝殼創意diy

地址:大澳大澳太平街125號極友單車店
電話:9107 9599
相關網址:facebook.com/pages

大澳一向係打卡熱點,當中有好多壁畫比大家盡情影!而喺大澳吉慶街嘅盡頭,就可以見到著名嘅新基橋,橋上橋下風景同樣迷人。然後搭「香港貢多拉」船遊大澳,欣賞獨特嘅棚屋景致,再去碼頭睇日落,感受下香港威尼斯有幾優美!

大澳棚屋

相關網址:discoverhongkong.com

重溫第7集:viu.tv



第8集:灣仔

21感受舊香港足跡 小輪主題酒店

第8集嚟到灣仔嘅精品酒店,回憶一下舊香港情懷!芬名酒店以渡海小輪為主題,設計採用木材及金屬、配合綠白用色,營造渡輪船艙嘅感覺!客房內設有子母床、鏡屏風,仲有香港城市相片,充滿老香港風情!

芬名酒店

地址:香港灣仔菲林明道41號
電話:3607 2288
訂房網址:thefleming.com

22寶雲道拜姻緣石

單身嘅粉絲們,去到港島可以拜姻緣石!大家可以好似 Edan 咁,先於古廟購買祭品及了解儀式,然後上香參拜!成功出 Pool 的話,記得嚟還神啊!

姻緣石

地址:香港寶雲道健身徑姻緣石

23日月星街文青小店 網羅海外藝術家作品

灣仔嘅日月星街充滿文藝氣息,鍾意行藝術小店的話,呢度就搵到來自世界各地藝術家嘅作品,例如節目中介紹嘅英國設計師自創品牌產品、日本形染布,全部都好有特色,文青必行!

白做研究所

地址:灣仔日街地下1號B舖
相關網址:facebook.com/whitedolab

24PMQ 藍曬工作坊

藍染就聽得多,藍曬大家又知唔知係乜?嚟到 PMQ 呢間 Stuido,大家可以親手製作藍曬布料,將不同圖案印於衣服、袋、鞋、帽或皮革上!

A Studio

地址:香港中環鴨巴甸街35號PMQ元創方H406
電話:6765 5294
相關網址:instagram.com/A_studio_406

重溫第8集:viu.tv


第9集:大嶼山

25夢幻迪士尼酒店 古典風公主主題客房

今集嚟到「香港迪士尼樂園酒店」,帶大家體驗一個極夢幻既 Staycation!Dixon 入住嘅係維多利亞風古典主題套房,佈置到好似歐洲城堡咁,而且係家庭套房嚟,適合一家大細!而 Emily 就入住灰姑娘公主主題套房,客廳有勁靚南瓜車梳化,啱晒歎主題下午茶!房間內滿佈灰姑娘嘅裝飾,仲有隻玻璃鞋喺度添,少女心爆發啦!

入住主題套房的話,係有專人安排 Check-in,仲有 welcome drink 添!第二朝又可以跟住 Chip & Dale 耍太極做早操。而酒店內有部分物品,係可以比住客帶走嘅,例如節目中見到嘅灰姑娘化妝袋、南瓜車袋仔,就連房卡都可以帶走留念!

香港迪士尼樂園酒店

地址:香港大嶼山香港迪士尼樂園度假區
電話:3510 6000
訂房網址:hongkongdisneyland.com

26超廣闊草地野餐 皮革工作坊

入住迪士尼樂園酒店,其實都可以使用埋隔離「迪士尼探索家度假酒店」嘅設施!酒店內設有四大主題庭園,可以喺度野餐,再瘋狂打卡!大家亦可參加酒店內嘅皮革工作坊,親手製作米奇皮革飾物,然後再歎埋酒店下午茶就最正!

迪士尼探索家度假酒店

地址:香港大嶼山香港迪士尼樂園度假區
電話:3510 2000
相關網址:hongkongdisneyland.com

重溫第9集:viu.tv


第10集:長洲

27長洲夢幻 Glamping 營內觀星看海

最後一集嘅《今晚瞓酒店》,四位主持齊齊去長洲 BBQ 大結局!Staycation 除咗住酒店,都可以試試 Glamping!長洲西園設有不同款式嘅豪華露營,營內有齊床舖、冷氣、廁所浴室,喺營內睇星星都冇問題!

節目中介紹嘅「星海之森」適合四人入住,有透明落地天幕可以欣賞鯆魚灣嘅海景,可以喺迷你後花園 Chill 下添!營地內仲有蒙古包、南非營、觀星圓拱屋及其他不同款式嘅營,適合不同人數入住!

西園

地址:長洲西灣 DD CC Lot 12
電話:2666 9556
預訂網址:
facebook.com/saiyuenfarm
klook.com

28歷奇活動、木材工作坊 野炊煮飯仔

營地內設有歷奇活動,包括 Edan 同 Emily 玩嘅馬騮上樹,仲有泡泡足球、繩索及攀爬!鍾意靜態文青活動的話,可以參加木材工作坊!仲可以親手劈柴、撈魚,親手煮飯仔體驗野炊!

集棄場 (木材工作坊)

相關網址:facebook.com/repurpose.hk

宇宙火食 (野炊工作坊)

相關網址:facebook.com/foodfirestars

重溫第10集:viu.tv

(Photos credit: Copyright belongs to ViuTV)