【周遊東京2】遊日必睇!東京行程景點攻略!附地址、Google Map、交通、網址!每日更新

想知道邊度買旅遊保險性價比最高?一 click 即可比較各大旅遊保險方案!


大家有冇睇電視呢?日本達人周奕瑋 (Jarvis) 又帶大家遊東京!想跟住 Jarvis 介紹嘅地方玩?小編整理咗節目中介紹嘅景點,搵齊交通、地址,仲有地圖比大家一目了然!

第1集:任食A5黑毛和牛15靚位 挑戰500円奪寶紙箱
第2集:炸物全攻略食極唔膩 靈探的士團另類消暑法
第3集:潮玩移動藝術 甜品outlet手信萬歲
第4集:防中伏連鎖居酒屋 做電車男漫遊世田谷
第5集:生日遊東京攞盡着數 發掘不一樣吃的故事
第6集:追尋「究極」美食 chill爆華麗露營
第7集:哭泣相樸好搞鬼 夜遊神社好有feel
第8集:非一般拉麵滋味爆碗 踩單車漫遊清澄白河
第9集:一站式食勻日本美食 DIY+環保玩創東京
第10集:健康低卡輕食餐廳 跟地膽買Figure遊鎌倉

第一集

1A5黑毛和牛放題

A5 和牛都有放題,真係諗起都覺肚餓!嚟到呢間位於銀座嘅燒肉店,一坐低就有得試齊15款部位嘅和牛,當中包括牛舌、牛臀肉、肩胛骨內側牛肉等稀少部位!食完15款之後,鍾意邊款就將個牌交比店員,咁就可以添食!唔駛識日文都可以狂食自己鍾意嘅稀少部位和牛!

銀座 焼肉 炙屋武蔵

地址:東京都中央区銀座7-2-20 パシフィック銀座ビル 4/F
電話:+81-3-5568-7020
交通方式:於 JR / 地鐵 / 都營地鐵「新橋站」/「有樂町站」/「銀座站」/「日比谷站」步行5分鐘
網站:https://musashi.owst.jp

292款高空繩索

呢個咁好玩嘅繩索係位於「相模湖度假村」內嘅 Muscle Monster,有92款不同嘅繩索遊戲比大家玩。刺激好玩之餘,仲可以欣賞四周優美山景!度假村提供埋拍攝及相片打印服務,可以記低走完繩索嘅 moment!

相模湖度假村「Muscle Monster」

地址:神奈川県相模原市緑区若柳1634番地
電話:+81-570-037-353
交通方式:於 JR 「相模湖站」轉乘神奈川中央交通巴士約8分鐘至「プレジャーフォレスト前」即達
網站:http://www.sagamiko-resort.jp/musclemonster

3池袋海鮮丼

唔少人去東京都鍾意住池袋,呢間海鮮丼就夠晒方便!老闆會根據每日買到嘅海鮮,製作「是日午餐海鮮丼」,入面有成12款刺身咁多,大件又新鮮!另外又有「粗煮定食」,最啱鍾意食魚頭嘅朋友仔!Jarvis 仲教大家一個小貼士:去到日式料理店見到有魚頭賣,就代表店內有新鮮食材,值得幫襯!

みなと

地址:東京都豊島区西池袋1-37-12ロサ会館1/F
電話:+81-3-3982-3710
交通方式:於 JR / 地鐵「池袋站」12號出口步行1分鐘

4500yen 塞紙箱放題

參加呢個由網購店舉辦嘅會員活動,就有機會用500yen任塞紙箱!未開搶,已經有好多人排隊,場面非常熱鬧!店主仲會喺搶貨期間,將價值10萬円以上嘅名牌手袋拋落嚟!

土橋商店

地址:東京都中野区沼袋1-13-6
電話:+81-3-3387-6639
交通方式:於西武電鐵「沼袋站」步行5分鐘
網站:https://www.chougekiyasu.com

5日本高級生果店

日本生果已經係高質嘅象徵,呢間生果店有埋貴族生果「羅馬紅寶石葡萄」!每粒都經人手檢測,確保有每粒重量達20g或以上、糖度達18度以上,每串閒閒地都要幾千蚊港紙,認真矜貴!店內有賣埋試食版嘅提子,大約港幣$110一杯!另外又有果汁、啫喱等產品,可以買嚟做手信!

Sun Fruits (Tokyo Midtown 店)

地址:東京都港区赤坂9-7-4東京ミッドタウンガレリアB1/F
電話:+81-3-5647-8388
交通方式:於地鐵「六本木站」8號出口直達
網站:http://www.sunfruits.co.jp/shop/tenpo/?s=a1tokyomidtownshop

第二集

6Juicy 低溫炸豬扒

望見 Jarvis 食咁 Juiccy 嘅炸豬扒,真係流晒口水!呢間炸豬扒專門店,係採用霧降高原豚豚肉及雪室熟成豚肉,肉質特別新鮮多汁。加上用低糖份麵包糠嚟炸,麵包糠粒粒分明,顏色淺色啲添!

成蔵

地址:東京都新宿区高田馬場1-32-11 小澤ビル地下1F
電話:+81-3-6380-3823
交通方式:於 JR / 地鐵「高田馬場站」步行4分鐘
網站:https://twitter.com/narikura_1010

7即叫即炸天婦羅

去到日本食炸物,點少得天婦羅!今次仲係即點即炸,試到新鮮炸物之餘,仲見識埋師傅嘅炸物手藝!店內設有不同調味料,配搭起嚟更吸引!

天ぷら定食 まきの (武蔵小山店)

地址:東京都品川区荏原3-8-5 1/F
電話:+81-3-5751-7017
交通方式:於東急電鐵「武蔵小山站」步行5分鐘
網站:https://www.toridoll.com/shop/makino

8最高金賞炸雞店

炸雞炸到攞獎,呢間位於學藝大學嘅炸雞店真係唔嘢少!呢間係外賣炸雞店嘅雞肉係來自九州,肉質出名又滑又好味!另外又有雞皮煎餅,食落好似食薯片咁,勁脆!

元祖 中津からあげ もり山 (學藝大學店)

地址:東京都目黒区鷹番2-8-21 プロヴァンスG・U審美館 1/F
電話:+81-3-5751-7017
交通方式:於東急電鐵「學藝大學站」東口步行3分鐘
網站:http://morikara.net/shop/tokyogakugeidai

9「激辛美食祭」辣到出汗

聽個名都覺得辣嘅「激辛美食祭」,最啱食得辣嘅朋友仔!呢個係每年夏天期間限定嘅美食祭,於大久保公園集齊不同辛辣美食,就連韓國嘢都試到!有興趣嘅可以於明年夏天留意於相關嘅消息,去挑戰吓自己嘅味蕾!

激辛グルメ祭り

地址:東京都新宿区歌舞伎町2-43 大久保公園
電話:+81-3-5751-7017
交通方式:於西武電鐵「新宿站」北口步行2分鐘
網站:http://www.gekikara-gourmet.com

10有趣煙花專門店

著住浴衣去放煙花,感覺好似日本動漫劇情咁!於夏天遊日本的話,可以去呢間煙花專門店買啲新奇嘅煙花嚟放。有求簽煙花、機關槍煙花,仲會列明放出嚟有幾大聲、飛幾遠,足足500款不同煙花任揀!但提提大家,當地唔係每個公園都放得煙花,放之前記得留意場地規定!

長谷川商店

地址:東京都台東区柳橋2-7-3
電話:+81-3-3851-0151
交通方式:於都營地鐵「淺草橋站」A6出口步行1分鐘 / JR 「淺草橋站」東口步行5分鐘
網站:http://www.21hasegawa.jp

11的士靈探團

日本人嘅消暑方法認真特別,講鬼故講到心寒,就自然唔熱了!呢個的士靈探團就會帶大家去各個靈探點,司機兼導遊講埋鬼故比你聽,用埋詭異眼神望住你,氣氛一流!另外仲有忍者的士、SP 特警的士等不同特色的士添!

三和交通 的士靈探團

電話:+81-3-5755-2151
網站:https://www.sanwakoutsu.co.jp/special/2018summer

第三集

12佔地最大 teamLab 光影展

唔少人都去過 teamLab 互動光影展,但東京呢個就係佔地最大、又最多作品!場館有五十幾件作品,每件都好玩又優美,影相都影到手軟!

MORI Building DIGITAL ART MUSEUM EPSON teamLab Borderless

地址:東京都江東区青海1-3-8 お台場パレットタウン
電話:+81-3-6406-3949
交通方式:於地鐵「青海站」步行4分鐘
網站:https://borderless.teamlab.art

13原宿系時裝店

鍾意原宿系時裝嘅朋友,嚟到東京當然要 Shopping 掃掃貨!Jarvis 介紹呢間時裝店,有齊男女裝,各類風格嘅衫褲、飾物!2018年最 hit 嘅「中國風」時裝都搵得到!

HOYAJUKU

地址:東京都渋谷区神宮前1-11-6 LAFORET HARAJUKU 1/F
電話:+81-3-6447-1895
交通方式:於地鐵「明治神宮前」站步行2分鐘
網站:http://www.macaronic-onlineshop.com

14雙重享受 燒肉壽司

鍾意食燒肉,同時又想食壽司?嚟到呢間燒肉壽司店,就可以燒完肉之後、放上壽司飯一齊食!壽司醋飯中和咗燒肉嘅油膩感,食落非常夾!除咗燒肉,仲有鵝肝及腐皮等其他食物,一樣係燒完變做壽司咁食!

焼肉寿司 別邸

地址:東京都渋谷区東3-17-14 クリスティエビス2/F
電話:+81-3-6427-3423
交通方式:於 JR 「惠比壽站」西口步行4分鐘

15掛號限定 pancake

晨早流流就勁多人排隊,原來係為咗限售 60 份嘅 pancake!Jarvis 形容為好似掛號睇醫生咁,預約咗、比埋「按金」,再喺指定時間返嚟就有得食!Pancake 有鹹有甜,而且係用米粉嚟整,特別好味又健康!

紅鶴

地址:東京都台東区西浅草 2-1-11
電話:+81-3-3841-3910
交通方式:於地鐵 / 都營地鐵 / 東武電鐵「淺草站」A1出口步行4分鐘
網站:https://www.facebook.com/%E7%B4%85%E9%B6%B4-244515396055977

16千變萬化牛奶雪糕

雖然呢間舖頭只有牛奶雪糕一種味道,但就有百幾款酒、多款飲品比大家配雪糕,又可以加朱古力粒、酒糟等!配搭起上嚟,味道千變萬化!

MiLKs

地址:東京都渋谷区恵比寿西1-9-7 グランベル恵比寿西ビル 5/F
電話:+81-3-6277-5894
交通方式:於 JR / 地鐵「惠比壽站」西口步行3分鐘
網站:http://milks.co.jp

17甜品 Outlet

甜品都有 Outlet!鍾意食甜品的話,可以嚟呢度入貨餵飽第二個胃!Outlet 唔止款式多,價錢更係平時嘅七折!而且佢同一般 Outlet一樣,有限定商品!

Domremy Outlet (北千住店)

地址:東京都足立区千住3-40-2ホテル ココ・グラン北千住1/F
電話:+81-3-5284-1158
交通方式:於 JR / 地鐵 / 東武電鐵「北千住站」西口步行5分鐘
網站:http://www.domremy.com/outlet/kitasenju

第四集

18高質連鎖居酒屋

連鎖居酒屋都可以好高質!呢間居酒屋有勁多分店,喺鬧市及車站附近都有,夠就腳!當中最驚喜就係「刺身六點盛」,嚟到之後變左「刺身十二點盛」,仲有青海苔豆腐及期間限定炸粟米,賣相同味道都好吸引!

魚金 (池袋店)

地址:東京都豊島区西池袋1-35-8
電話:+81-3-3986-2738
交通方式:於 JR「池袋站」步行1分鐘
網站:http://www.uokingroup.jp

19串炸親子居酒屋

帶埋小朋友去東京玩,都一樣可以去居酒屋食返餐!呢間居酒屋有免費雪糕送比小朋友,又可以自製章魚燒、薯仔沙律、飯糰!呢度同時係一間「串炸專門店」嚟,最後可以玩遊戲贏飲品折扣!大人細路都一樣食得開心!

串カツ田中 (浅草橋店)

地址:東京都台東区柳橋2-6-4
電話:+81-3-5829-9411
交通方式:於 JR / 都營地鐵「淺草橋站」A6出口步行3分鐘
網站:https://kushi-tanaka.com/restaurant/detail/asakusabashi

20博多串燒居酒屋

喺東京都可以食到博多地道風味嘅串燒,仲係乜都有得燒!咁多款式,怕唔識日文落唔到單?呢度嘅串燒放晒喺 Bar 檯前,睇啱邊串指一指就得啦!或者試試交比師傅話事,食下「廚師發辦」嘅8串串燒,可能會試到驚喜!

博多串焼専門店 Jomon (渋谷店)

地址:東京都渋谷区道玄坂2-19-2 ムルギービル2階3階
電話:+81-3-6416-1633
交通方式:於 JR 「涉谷站」步行7分鐘
網站:https://teyandei.com/?page_id=21

21歐洲風典雅古董店

一入到嚟呢間古董店,就好似去咗古歐洲咁!店內有三千幾件古董,包括家具及古董錶,連旋轉樓梯都有得賣!就算唔買古董,都可以喺店內咖啡店坐坐、Selfie 呃下 like!

THE GLOBE ANTIQUES

地址:東京都世田谷区池尻2-7-8
電話:+81-3-5430-3662
交通方式:於東急電鐵「三軒茶屋站」步行15分鐘
網站:http://www.globe-antiques.com

22快靚正手沖湯底

望落似茶包,原來佢係「湯包」嚟!同沖咖啡、沖茶嘅做法一樣,放入杯中加入熱水一沖,就變成湯底啦!湯包入面非常足料,可見望到一粒粒嘅鰹魚粒、昆布!另外仲有得賣不同味道、款式嘅湯包,用嚟做手信就啱晒!

雅結寿

地址:東京都世田谷区下馬2-27-14 玉川B&Sビル 1F
電話:+81-3-6450-8357
交通方式:於東急電鐵「三軒茶屋站」步行18分鐘
網站:http://miyabi-yuinojyu.com

23可愛爆燈貓咪書店

貓奴召集!呢間書店充滿關於貓嘅書,店主養嘅貓有時會嚟客串做店員添!書店亦會將每月嘅 10% 營業額捐比保護貓咪嘅組織,值得支持!

Cat’s Meow Books

地址:東京都世田谷区若林1-6-15
電話:+81-3-6326-3633
交通方式:於東急電鐵「西太子堂站」步行2分鐘
網站:https://twitter.com/catsmeowbooks

24人氣雪糕店

情侶拍住拖遊東京的話,可以嚟呢間人氣雪糕店一人一店雪糕!當中最受歡迎嘅就係士多啤梨雪糕法式千層酥!當中好多雪糕都係低糖嘅,咁就可食多兩個啦!

City.Coffee.Setagaya

地址:東京都世田谷区世田谷 4-17-6
電話:+81-50-1523-2398
交通方式:於東急電鐵「世田谷站」步行3分鐘
網站:https://www.instagram.com/city.coffee.setagaya

第五集

25壽星免費入遊樂場

唔少香港人都鍾意於生日去主題樂園玩。而嚟到東京,就可以免費去台場呢間室內遊樂場玩!職員見到你有生日貼紙,都會同你講聲「生日快樂」!呢間室內遊樂場有超多嘢玩,就連 VR 遊戲同鬼屋都有!遊樂場於每日下午一點仲有場「Birthday Show」,會於屏幕展示生日祝賀訊息!

東京 Joypolis

地址:東京都港区台場1丁目6番1号 DECKS Tokyo Beach 3F~5F
電話:+81-3-5500-1801
交通方式:於百合海鷗號「御台場海濱公園車站」步行2分鐘
網站:http://tokyo-joypolis.com

26生日抵住膠囊酒店

想過個特別啲嘅生日?嚟呢間膠囊酒店,生日當天入住只需 500円!膠囊酒店內嘅設施都幾齊全添,有漫畫區、大浴場、桑拿、岩盤浴、健身室!

Capsule Inn Kinshichou

地址:東京都墨田区錦糸2-6-3
電話:+81 3-3621-1919
交通方式:於 JR 「錦糸町站」北口步行2分鐘
網站:http://capsuleinn-kinshichou.tokyo

27居酒屋送歲數串燒

生日梗係要食餐好嘅!只要係第二次光顧呢間居酒屋,於生日月份內就可獲生日優惠!包括有免費甜品拼盤、免費生日歲數串燒,你幾多歲、就送幾多串比你!一大班 friend 嚟慶祝就最開心!

くふ楽 銀座

地址:東京都中央区銀座 1-16-1東貨ビルB1F
電話:+81-50-5266-0289
交通方式:於都營地鐵「寶町站」A3出口 / 地鐵「京橋站」2號出口 / 地鐵「銀座一丁目站」7號出口步行1分鐘
網站:https://kuuraku-ginza.com

28典雅音樂喫茶店

與其說呢度係一間「喫茶店」,呢度更似一間迷你演奏廳!喫茶店內有勁多珍藏唱片,多到可以做博物館!加上二樓有大型喇叭、水晶吊燈,配合一排面向喇叭嘅座位!飲住杯咖啡聽音樂,好歎!

名曲喫茶ライオン

地址:東京都渋谷区道玄坂2-19-13
電話:+81-3-3461-6858
交通方式:於 JR 「涉谷站」南口步行7分鐘
網站:http://lion.main.jp

29大件夾抵食居酒屋

呢間居酒屋認真抵食,每樣嘢食都只係400円!佢仲唔止低價咁簡單,食物又大份又好味!好似 Jarvis 食嘅卡邦尼意粉,足足有4kg咁重!不過大家去到時,記得多嗌幾杯飲品,等店主可以繼續提供又抵又大份嘅嘢食比大家!

居酒屋 花門

地址:東京都板橋区上板橋三丁目 6-7
電話:+81-3-3935-9222
交通方式:於東武電鐵「上板橋站」步行4分鐘

30人氣煎餅工場直營店

買煎餅做手信,當然要買人氣煎餅啦!呢隻煎餅受歡迎到經常冇貨,就算上網訂都要等幾個月!大家可以趁「工場直營店」營業時,親身去掃貨!直營店內仲有勁多不同味道任揀!但直營店唔係經常營業,大家去之前可先上官網睇下相關公布!

Senbei Brothers

地址:東京都江戸川区船堀7-6-16
電話:+81-3-3687-2494
交通方式:於都營地鐵「船堀站」步行12分鐘
網站:http://senbei-brothers.jp

第六集

31超彈牙炸蝦專門店

究極炸蝦店,每日供應嘅蝦係按當日來貨嘅種類及數量而定,而炸嘅時候都好講技巧!首先炸一炸蝦腳,然後先成隻蝦落油炸,出嚟賣相更靚!蝦肉保留咗半生熟嘅感覺,食落更有口感、夠晒彈牙!

海老フライ専門店 海老昌

地址:東京都渋谷区道玄坂 2-22-6 CREA道玄坂ビル B1F
電話:+81-3-6452-5913
交通方式:於 JR 「涉谷站」八公口步行8分鐘
網站:http://ebimasa.com

32雞蛋撈飯 TKG 店

雞蛋撈飯聽落好 hea?嚟到呢間TKG「Tamago Kake Gohan」專門店就知,雞蛋撈飯都可以好唔簡單!店內有多款不同雞蛋,有「米蛋」、「夕陽雞蛋」,連「柚子蛋」都有!食落堅有柚子味!大家可以揀放題添,一小時任食!

喜三郎農場

地址:東京都文京区千石1-23-11
電話:+81-3-3943-3746
交通方式:於都營地鐵「千石站」A2出口步行2分鐘
網站:http://www.kisaburou-sengoku.com

33究極美食 Show

呢間高級餐廳提供嘅,唔單止係美食,更加係一場美食表演!例如 Jarvis 品嚐嘅「沉睡的番茄」,食嘅時候敲醒佢,就發現係以西瓜及紅椒製成嘅!得意在食落真係有蕃茄味!另外又有火炙後冷藏嘅鵝肝,廚師即場喺客人面前將鵝肝刨落多士上,口感非常獨特!

SECRETO

地址:東京都新宿区二十騎町2-23 ランピオンイゴー102
電話:+81-3-6265-3664
交通方式:於都營地鐵「牛込神樂坂站」A1出口步行6分鐘
網站:https://secreto-tokyo.com

34豪華露營 Glamping 體驗

Glamping 即係「Glamorous Camping」,兩手 fing fing 都可以華麗咁去露營!呢個 Camp Site 有北歐風嘅帳篷住宿+BBQ 一泊二食,有埋溫泉比大家感受日式風情,仲有獨木舟同 Zipline、連落農田收割野菜都得添!

THE FARM

地址:千葉県香取市西田部738
電話:+81-478-79-0666
交通方式:於東京車站乘搭「京成高速巴士」(「旭経由、銚子犬吠崎」方向)至「栗源站」
網站:https://www.thefarm.jp/chfarm

35奢華馬戲團 Glamping Site

呢個以馬戲團做主題嘅 Glamping site,各個營地都有不同設計。最貴嘅一個要每位港幣約$12,000!帳篷入面有古董家具、配埋私人大廚準備晚餐,可謂極致奢華!Camp site 主張「Digital detox」數碼排毒,即係要放低手機!要影相的話,有 Camp site 提供嘅隨行攝影師幫手!

Circus Outdoor TOKYO

地址:東京都西多摩郡奥多摩町川野290-1
交通方式:需駕車前往 (距離 JR「白丸站」約30分鐘車程)
網站:http://circusoutdoor.com

第七集

36BB哭泣相撲

神奈川縣呢間神社有個非常特別嘅「哭泣相撲」,鬥快喊之餘,仲要係比 BB 玩嘅!原來呢個係有四百幾年傳統嘅活動,BB 要喺神社內喊出聲比神明認識,愈喊得大聲、代表愈會健康成長!不過呢個活
動唔係定期舉行嘅,而且於不同神社都有舉辦。有興趣去睇睇的話,要留意網上公布啦!

森戸大明神 (森戸神社) 哭泣相撲

地址:神奈川県三浦郡葉山町堀内1025
電話:+81-46-875-2681
交通方式:於 JR 「逗子站」東口乘搭「逗12 :葉山一色行き(海岸回り)」巴士至「森戸神社站」
網站:http://www.nakisumo.jp

37四季士多啤梨園

日本士多啤梨出名又甜又好味,嚟到呢個位於市區嘅士多啤梨園,一年四季任何日子都可以摘到士多啤梨!當中分為即刻任食及摘完攞走兩種體驗,睇下大家想即食定慢慢歎啦!不過一次過參加晒都得
嘅,去之前記得於網上預約啊!

Tokyo Strawberry Park

地址:神奈川県横浜市鶴見区大黒町11−1
電話:+81-45-394-5555
交通方式:於 JR / 京急電鐵「鶴見站」乘搭横濱市營巴士至「横浜火力発電所前站」
網站:https://tokyo-strawberry-park.jp

38懷舊零食放題

零食都有得放題!嚟到呢間居酒屋買杯嘢飲,再加購放題套餐,就可以兩小時任食零食啦!另外仲有零食創作料理,將芝士腸、粟米條等零食融入菜式之中,又幾得意喎!

渋谷駄菓子Bar

地址:東京都渋谷区宇田川町26-5
電話:+81-3-6416-9820
交通方式:於地鐵「涉谷站」3A出口步行2分鐘
網站:http://www.dagashi-bar.com

39夜遊神社食神酒雪糕

夜晚參觀神社,感覺份外寧靜清幽!Jarvis 今次去嘅赤城神社同時充滿古典味及現代感,夜晚亮燈後更迷人!旁邊仲有間咖啡店,有神酒雪糕食!神社係24小時開放嘅,但留意祈福或買御守只係去到下午五點咋!

赤城神社 神楽坂

地址:東京都新宿区赤城元町1-10
電話:+81-3-3260-5071
交通方式:於地鐵「神樂坂站」步行3分鐘

40夜晚 Shopping 古著店

夜晚去 Shopping,嚟目黑區嘅祐天寺就有排行!Jarvis 就去到一間古著店買衫,店主每月都會飛去美國入貨,而且每件只入一款,潮得嚟唔怕同人撞衫!

KATACHI 祐天寺

地址:東京都目黒区祐天寺1-22-4 クレールAI 101
電話:+81-3-5773-5090
交通方式:於東急電鐵「祐天寺站」步行2分鐘
網站:http://katachi-yutenji.tumblr.com

41六本木夜食刨冰

深夜食刨冰咁邪惡?六本木呢間刨冰店有隻晚上六點後先供應嘅酒刨冰,所以最啱夜晚嚟食啦!除咗只在夜晚先食到嘅刨冰,仲有款係雨天限定嘅紫陽花刨冰,仲會變色嘅添!

KAKIGORI CAFE&BAR yelo

地址:東京都港区六本木5-2-11 パティオ六本木1F
電話:+81-3-3423-2121
交通方式:於地鐵 / 都營地鐵「六本木站」步行4分鐘
網站:http://yelo.jp/roppongi_menu.php

第八集

42原隻龍蝦拉麵

喺日本都食到法國風味!呢間拉麵店嘅老闆原本係法國菜餐廳廚師,依家將法式龍蝦融入日式拉麵中!而且十分足料,堅係有晒成隻龍蝦,連湯底都係超濃嘅龍蝦湯!想平平哋體驗下超濃龍蝦湯底的話,可以揀冇龍蝦嘅版本添!

海老丸らーめん

地址:東京都千代田区西神田2-1-13 十勝ビル 1F
電話:+81-3-6272-6416
交通方式:於地鐵 / 都營地鐵「神保町站」步行4分鐘
網站:https://ebimaru.com

43好 Duck 鴨肉拉麵

呢間「好 Duck」拉麵店係「真鯛魚」嘅姊妹店!鴨湯拉麵嘅湯底係用 40 隻鴨煲出 200 碗,加上鴨肉係經低溫烹調後再火灸,食落去香口又 Juicy!另外又有鴨肝撈麵,充滿鴨油香味!

中華そば満鶏軒

地址:東京都墨田区江東橋2-5-3
電話:+81-3-6659-9619
交通方式:於 JR 「錦糸町站」南口步行5分鐘
網站:https://twitter.com/3wnsrjnchqajufq

44銀座花蛤拉麵

喺銀座食拉麵,唔好錯過呢間「花蛤拉麵」!加入橄欖油、連埋水菜一齊食,可以提升花蛤湯鮮味!想食濃啲味,可以揀有雞、魚乾、花蛤嘅「特製三重拉麵」!

むぎとオリーブ (銀座店)

地址:東京都中央区銀座 6-12-12 銀座ステラビル1F
電話:+81-3-3571-2123
交通方式:於地鐵 / 都營地鐵「東銀座站」A1出口步行5分鐘
網站:https://twitter.com/mugiori

45租單車遊清澄白河

鍾意 hea 住玩的話,不妨喺東京租架單車走圍去!呢間單車店提供多款型格單車,用嚟影相打卡一流!租車仲有埋清澄白河嘅地圖,可以跟住老闆建議嘅路線去踩車、又或者跟Jarvis 去隅田川嘅萬年橋感受日劇氣息都得!

alohaloco STUDIO

地址:東京都江東区常盤1-4-10
電話:+81-3-6659-5761
交通方式:於地鐵 / 都營地鐵「清澄白河站」A1 出口步行6分鐘
網站:http://alohaloco.com/studio

46精緻西餅店

踩單車踩到攰,最好就停低食返件 cake!呢間西餅店係單車鋪老闆推介嘅,店長之選嘅吉士 Mousse 香橙批、朱古力開心果蛋糕,食到 Jarvis 都大讚好幸福!

Pâtisserie Ours

地址:東京都江東区深川1-8-12 高橋ビル1F
電話:+81-3-3643-2323
交通方式:於地鐵 / 都營地鐵「門前仲町站」步行9分鐘
網站:http://www.patisserieours.com

47自家設計雜貨店

呢間雜貨店可以話係「深藏不露」,店內嘅貨品係自家設計,功能方便用家之餘仲攞過設計獎!例如有水杯、蔬菜刷,多用途嘅袋都有添!

ALL

地址:東京都江東区白河1-4-16 1F
電話:+81-3-3820-9223
交通方式:於地鐵 / 都營地鐵「清澄白河站」B2 出口步行2分鐘
網站:https://www.facebook.com/allstock.jp

第九集

48食勻全日本各地特色

呢間叫「d47」嘅餐廳,有齊來自日本各地嘅菜式!仲有埋本書說明材料來源地,等大家個胃制霸日本先!餐廳旁邊有個小型博物館,定期有不同展覽,展出日本各地不同嘅展品!

d47食堂

地址:東京都渋谷区渋谷2-21-1 渋谷Hikarie 8F
電話:+81-3-6427-2303
交通方式:於地鐵「涉谷站」15號出口步行2分鐘
網站:https://www.hikarie8.com/d47shokudo

49各地和牛一覽

「無牛不歡」嘅粉絲們,嚟到東京要留意呢個和牛 Show 啦!展覽內有日本各地和牛食店參加,包括神戶牛、石垣牛、秋田和牛等!大家可以一次過食盡不同嘅品牌牛!但留意,呢個和牛 Show 係不定期舉行、而且冇固定地點。大家可以睇睇官網公布!

東京和牛 Show

地址:(不定期舉行、並無固定舉行地點,詳請可參閱官網)
網站:http://wagyushow.com

50日本杯麵專門店

食杯麵都有得自選款料,呢間杯麵專門店真過癮!店內有 50 款來自日本各地嘅杯麵,即場食又得、或者買走返酒店做宵夜!店長仲有個小貼士「黃金十秒規矩」,鍾意食硬啲就淥少 10 秒、鍾意食稔啲就淥多 10 秒!

3Minutes Kitchen

地址:千葉県千葉市中央区問屋町1-50 千葉ポートタウン 1F
電話:+81-50-5594-5530
交通方式:於千葉單軌電車「市役所前站」步行8分鐘
網站:https://www.facebook.com/3minuteskitchen

51多款耐用膠遮店

日本嘅遮出名又靚又好用,而呢間膠遮專門店就更多款式任揀,連遮柄都有唔同設計!話明膠遮專門店,當中有全塑膠製成嘅膠遮!而遮面係可替換嘅,可以按不同心情轉換遮布,靚得嚟夠環保!

Ca et la

地址:東京都渋谷区神南1-13-4 井戸ビル2F
電話:+81-3-6416-9910
交通方式:於 JR / 地鐵「涉谷站」步行8分鐘
網站:https://www.caetlaltd.co.jp

52不浪費手作市集

去旅行逛手作市集,就最能夠睇到當地人嘅創意同心思!呢個「MOTTAINAI市集」以不浪費為題,將各式各樣嘅物品改造成精緻嘅飾品,實行舊物重生!。有興趣去睇的話,可先上官網睇睇詳情!

MOTTAINAIてづくり市

地址:(並無固定舉行地點,詳請可參閱官網)
網站:http://www.mottainai.info/jp/event/handmade/calendar/

53工藝設計創意 Cafe

咖啡店通常都係激發創意嘅地方,呢間 Cafe 就更加將工藝設計融入店中!除咗歎杯咖啡,顧客更可於店內即場創作 (或可預訂準備電腦圖檔),製作屬於自己嘅印章 / 膠紙 / 皮製品,甚至於馬卡龍上加圖案字句都得!

FabCafe Tokyo

地址:東京都渋谷区道玄坂 1-22-7 道玄坂ピア1F
電話:+81-3-6416-9190
交通方式:於京王電鐵「神田站」南口步行3分鐘 / JR 「涉谷站」步行10分鐘
網站:https://fabcafe.com/tokyo

第十集

54健康低卡餐廳

想控制一下卡路里的話,嚟呢間餐廳食嘢就最方便!餐廳提供嘅食每餐都係約500卡左右,就連邪惡嘅吉列豬扒,都減至700卡!仲有 Timer 幫你計時食嘢,食夠20分鐘慢慢咀嚼就最健康!食飽飽仲可以 check 下自己身體狀況,識日文嘅見見營養師都得添!

タニタ食堂 丸の内店

地址:東京都千代田区丸の内3-1-1丸の内国際ビルヂング地下1階
電話:+81-3-6273-4630
交通方式:於地鐵「有樂町站」D1出口 /「日比谷站」B4出口步行5分鐘
網站:http://www.tanita.co.jp/shokudo

55參拜寺院洗滌心靈

想逃離鬧市嘅煩囂,可以嚟到呢間金剛院洗滌心靈!金剛院有四國「八十八箇所」嘅入門版,收集呢88個朝聖地嘅泥土,嚟到行個圈就等於去晒朝聖咁!大家亦可以去咖啡店食餐輕食,當係下午茶 / 輕量版午餐都好適合!

真言宗豊山派金剛院

地址:東京都豊島区長崎1-9-2
電話:+81-3-3957-2313
交通方式:於西武電鐵「椎名站」步行1分鐘 / JR 「池袋站」步行15分鐘
網站:https://www.kongohin.or.jp

56勁多選擇素菜餐廳

食素唔一定冇乜選擇!呢間素菜餐廳單係 Menu 已經有勁多頁,不用五辛有、Gluten-free 又有、適合各種宗教信仰嘅都有!Jarvis 推介大家試試呢度嘅甜品,例如「朱古力芭菲」係不含奶及蛋,而且用豆乳忌廉整,食落 light 啲又冇咁甜!

T’s Restaurant

地址:東京都目黒区自由が丘2-9-6 Luz自由が丘 B1F
電話:+81-3-3717-0831
交通方式:於東急電鐵「自由丘站」步行3分鐘
網站:http://ts-restaurant.jp

57達人推介 Figure 店

Jarvis 請來動漫達人朋友嚟,一齊去呢間 Figure 店睇玩具!店內貨品有不同 Ranking 之分,就算係同一樣嘢、有盒及冇盒都有不同價錢!大家可以按自己嘅喜好同 budget,買返相應級數嘅 figure!

JUNGLE 秋葉原店

地址:東京都千代田区外神田3-9-2 末広ビル1F
電話:+81-3-5577-5270
交通方式:於地鐵「末廣町站」步行4分鐘 / 於 JR「秋葉原站」步行7分鐘
網站:https://twitter.com/jungle_akiba

58鎌倉立體書店

日本唯一一間立體書專門店,本本書都內有乾坤!一打開就見到各式各樣嘅建築物、花草、街道等,連魔法學校立體書都有!小朋友一定睇得好開心!

Meggendorfer

地址:神奈川県鎌倉市由比ガ浜3-1-27
電話:+81-467-22-0675
交通方式:於江之島電鐵「和田塚站」步行1分鐘
網站:http://www.meggendorfer.jp

59漫步海邊睇日落

喺鎌倉行到黃昏,就記得去由比濱海灘睇睇日落!呢個海灘係當地人都好鍾意去嘅地方,喺呢度散散步、睇下海景,夠晒寫意!

由比ガ浜海水浴場

地址:神奈川県鎌倉市由比ガ浜4丁目4由比ガ浜海水浴場
交通方式:於 JR「鎌倉站」步行15分鐘 / 江之島電鐵「由比濱站」步行5分鐘

60鎌倉布甸專門店

去長谷寺參觀之餘,可以嚟附近嘅布甸專門店,試試「地膽」愛夏都必食嘅「蜜糖焦糖布甸」!記得食之前唔好落醬,試咗幾啖先倒,咁就可以試齊兩種味啦!

La Chou Chou

地址:神奈川県鎌倉市長谷2-17-6
電話:+81-467-84-8823
交通方式:於江之島電鐵於「長谷站」步行1分鐘
網站:http://la-chou-chou-purin.com

《周遊東京2》行程景點位置一覽

(Photos credit: Copyright belongs to TVB)

Previous article【二人同行一人免費】香港二人同行出發.每人單程計:新加坡$134起、河内$142起、峴港$164起、大阪$242起、東京$319起 – Jetstar (優惠至11月12日)
Next article【泰識飛】香港來回曼谷$593起!搭 787 客機!周末遊都得!包30kg行李 – 皇家約旦航空 (優惠至11月30日)