【森美旅行團2】京都、和歌山、岡山行程攻略! 附地址、Google Map、交通、網址!每日更新!

★訂房必備:酒店優惠代碼大集合 - Agoda、Expedia、Hotels.com、Booking.com ...


又有新一輯嘅《森美旅行團》,可以睇睇京都、和歌山、岡山等地有咩好去處!小編特地為大家整合節目中去過嘅人氣景點,每日更新,仲整埋地圖比大家一目了然!Plan 行程時更加方便啦!

第1集:京都 – 矇眼挑戰投扇興、玉子美食大全
第2集:京都 – 兩男泡湯「硬曬軚」
第3集:京都 – 變妝大鬧街頭、爽歎川床料理
第4集:大阪+和歌山 – 瀑布修行凍入心
第5集:和歌山 – 和歌山採梅樂
第6集:和歌山+京都 – 激流木筏遊秘境
第7集:京都 – 另類神社、拉麵激戰區
第8集:滋賀+京都 – 琵琶湖疏水船 / Zipline、京都塔
第9集:岡山 – 共浴露天溫泉、過山車軌上踩單車
第10集:岡山+京都 – 「牛仔褲迷」必到勝地

第1集|京都

1投扇興

呢個傳統日本遊戲「投扇興」都幾過癮,只係一把紙扇、一個木枕、一隻蝴蝶仔,就可以有排玩!只要將紙扇拋出,目標係擊中木箱上嘅「蝶」,擲中咗就有分!

而擲出後,紙扇、木枕、蝶所在嘅位置,又有相應嘅分數!兩個人輪流玩,每人擲10次,最後計得分多就贏啦!

凌風 Ryofu

地址:京都市中京區麩屋町通三条上ル下白山町292-1
電話:+81(0)75-255-9500
交通方式:於巴士「河原町三條站」步行4分鐘 / 地鐵「京都市役所前站」步行7分鐘
網站:http://kyoto-ryofu.com

2京都市中央市場

呢個「京都市中央市場」唔只普通街市咁簡單,每個月都有一日舉辦特定主題活動,去到可以睇表演或者參加工作坊!

例如6月份有「食彩日」,8月就有以夏季為題嘅活動,包括舞蹈表演、美食等!大家 Plan 行程時,可以去官網睇睇每月活動嘅日子及內容!

京都市中央市場

地址:京都市下京區朱雀分木町80番地
電話:+81(0)75-323-6777
交通方式:於 JR 「丹波口站」步行約3分鐘
網站:http://www.kyoto-ichiba.jp

3錦市場

錦市場出名多美食,今次森美介紹嘅漬物同玉子燒都不容錯過!鍾意食漬物的話,可以去「錦・高倉屋」掃齊日本各地出產、以不同食材製作嘅漬物!

而講到玉子燒,由1828年開業至今嘅「三木鶏卵」可以話係必試!以魚湯製作嘅玉子燒,有唔同餡料選擇,蛋味超濃郁!

錦・高倉屋

地址:京都市中京區錦小路通寺町西入東大文字町289-2
電話:+81(0)75-231-0081
交通方式:於阪急電鐵「河原町站」步行4分鐘
網站:http://www.takakuraya.jp

三木鶏卵

地址:京都市中京區錦小路通富小路西入東魚屋町182
電話:+81(0)75-221-1585
交通方式:於阪急電鐵「河原町站」步行10分鐘
網站:http://mikikeiran.com/

4懷舊 Cafe 極厚蛋治

喺京都行到攰,可以去呢間充滿昭和 Feel 嘅人氣 Cafe、歎返件極厚蛋治!厚蛋加入咗昆布湯、牛奶,又滑又鮮甜!

喫茶 la madrague

地址:京都市中京區押小路通西洞院東入ル北側
電話:+81(0)75-744-0067
交通方式:於地鐵「烏丸御池站」步行9分鐘
網站:http://madrague.info/

5經典老店鰻魚飯

呢間鰻魚飯專門店「京極かねよ」開業逾百年,係當地經典老店!當中著名嘅「鰻魚玉子蓋飯」,用勁大塊蛋蓋住鰻魚飯,非常受歡迎!

京極かねよ

地址:京都市中京區六角通新京極東入松ヶ枝町456
電話:+81(0)75-221-0669
交通方式:於JR「京都站」步行2分鐘 / 於地鐵「京都市役所站」步行5分鐘
網站:http://www.kyogokukaneyo.co.jp

第2集|京都

6電氣風呂

浸浴都可以好刺激!呢兩間澡堂嘅「電氣風呂」,喺微量電流嘅浴池中浸浴,安全得嚟可以消除疲勞。不過電流呢家嘢,唔係個個都覺得舒服,你睇森美同丁子朗就知!

山城溫泉

地址:京都市上京區仁和寺街道御前西入下横町218
電話:+81(0)75-461-1345
交通方式:於京福電鐵「北野白梅町站」步行7分鐘
網站:http://www.yamashiro-onsen.com

衣笠溫泉

地址:京都市北區大将軍一条町50
電話:+81(0)75-462-1225
交通方式:於京福電鐵「北野白梅町站」步行10分鐘

7錢湯 Cafe

呢間 Cafe 嘅前身係有80年歷史嘅錢湯,充滿古樸懷舊風,十足《千與千尋》嘅場景一樣!提提大家:Cafe 於每月最後一個星期三休息,要去打卡嘅就留意啦!

Cafe SARASA (さらさ西陣)

地址:京都市北區紫野東藤ノ森町11-1
電話:+81(0)75-432-5075
交通方式:於地鐵「鞍馬口站」步行10分鐘
網站:https://www.cafe-sarasa.com/shop_nishijin/

8睇舞伎表演、玩遊戲

嚟到京都呢個古城,當然要睇睇傳統嘅舞伎表演啦!Ifuji 係一間高級料亭,食好西之餘仲可以 book 個藝伎 / 舞伎嚟表演、玩遊戲!有興趣嘅記得提早預約啦!

いふじ (Ifuji)

地址:京都市東山區八坂鳥居前東入円山町官有地
電話:+81(0)75-525-0124
交通方式:於地鐵「東山站」步行8分鐘
網站:http://www.kyoto-ifuji.jp/

9祇園手和壽司

自己壽司自己整!AWOMB 嘅「手和壽司」變化萬千,大家可自行配搭鍾意嘅食材,製成自己嘅專屬壽司!AWOMB 近年人氣急升,去之前必須要預約!

AWOMB 祇園八坂

地址:京都市東山區下河原町463-8
電話:+81(0)75-204-3564
交通方式:於京阪電鐵「祇園四条站」步行15分鐘
網站:http://www.awomb.com/

第3集|京都

10高質牛扒丼

呢間牛丼有咩咁巴閉?佢勁在用日本嘅國產牛扒製作,即叫即做、大份又好食!加上全店只有14個座位、每日限量發售!每日早上9:30就要嚟 book 位,仲係由11點開到2點半咋,要食就記得早啲嚟排隊啦!

佰食屋

地址:京都市右京區西院矢掛町21 シュール西院1F
電話:+81(0)75-322-8500
交通方式:於阪急電鐵「西院站」步行5分鐘
相關網站:http://www.100shokuya.com

11和式變妝體驗

森美嘅藝伎造型認真「驚艷」!如果大家都想體驗一下舞伎、花魁、武士、車夫等造型,可以預約定呢個變裝+拍攝嘅 package,比起一般和服更有趣!

夢工房 STUDIO 嵐山店

地址:京都市右京區嵯峨天龍寺瀬戸川町21-4
電話:+81(0)75-353-4423
交通方式:於 JR 「嵯峨嵐山」步行6分鐘
相關網站:http://www.yumekoubou.info

12貴船神社 水占卜

「貴船神社」環境優美,仲有特色水占卜,要用水浸過籤文先睇到!另外,神社嘅紅燈籠樓梯係打卡 Selfie 熱點,非常出名,大家記得影返張相先走!

貴船神社

地址:京都市左京區鞍馬貴船町180
電話:+81(0)75-741-2016
交通方式:於叡山電車「貴船口站」乘33號巴士至「貴船站」,再步行5分鐘
相關網站:http://kifunejinja.jp

13貴船神社 川床料理

貴船另一名物,就係川床料理啦!森美介紹呢隻夏季限定嘅川床料理,全部都係用時令食材製作,仲可以望住小瀑布歎和式料理,簡直係視覺味覺嘅雙重享受!

貴船莊

地址:京都市左京區鞍馬貴船町50
電話:+81(0)75-741-2222
交通方式:於叡山電車「貴船口站」乘33號巴士至「貴船站」,再步行2分鐘
相關網站:http://www.kibunesou.com
預約相關行程:http://bit.ly/2l4GNOF

第4集|大阪、和歌山

14即買即燒海鮮市場

泉佐野嘅海鮮市場唔只鄰近機場,仲喺漁港旁邊,所有海鮮都非常新鮮!最正就係可以即買即燒即食,落機經過食又得、臨走前刷返餐都得!

泉佐野漁協青空市場

地址:大阪府泉佐野市新町2丁目5187番101
電話:+81(0)72-469-2340
交通方式:於南海電鐵「泉佐野站」乘搭的士 / 步行20分鐘
相關網站:http://www.aozora-ichiba.com

15瀑布修行體驗

喺犬鳴山「七寶瀧」體驗修行,仲要淋埋瀑布,認真難忘!提提大家:呢個係好神聖嚴肅嘅寺廟修行嚟嘅,記得轉返認真 Mode 先去參加!

犬鳴山七寶瀧寺

地址:大阪府泉佐野市大木8
電話:+81(0)72-459-7101
交通方式:於 JR 「日根野站」乘坐南海巴士21號往犬鳴山,再步行約1,000米上山
相關網站:http://www.inunakisan.jp

16和歌山吞拿魚拍賣

去到和歌山,可以參觀「勝浦漁港」嘅拍賣盛況,開開眼界!條條吞拿魚都新鮮大條,仲要有黃鰭添,睇見都想食!

勝浦漁港

地址:和歌山縣東牟婁郡那智勝浦町築地7-8-2
電話:+81(0)735-52-0951
交通方式:於 JR「紀伊勝浦站」步行5分鐘
相關網站:http://wkgyoren.com/katsuura

17吞拿魚解體表演

睇完賣魚,再睇埋劏魚,再食埋就 perfect!呢間喺正「勝浦漁港」嘅吞拿魚專門店,有定期嘅吞拿魚解體表演,劏起咁大條魚上嚟真係睇到嘩嘩聲!然後再食埋不同煮法、不同部位嘅吞拿魚,好滿足呀!

桂城

地址:和歌山縣東牟婁郡那智勝浦町大字勝浦398-11
電話:+81(0)735-52-1845
交通方式:於 JR「紀伊勝浦站」步行5分鐘
相關網站:https://tw.visitwakayama.jp/venues/venue_136/

第5集|和歌山

18一泊兩食 海景溫泉旅館

和歌山嘅溫泉旅館係日本人都鍾意去嘅度假勝地,森美介紹呢間「Hotel Seamore」有無敵海景、自選靚靚浴衣、Shampoo Bar,仲有新鮮食材精製嘅一泊兩食!淨係留喺酒店 hea 都夠歎!

Hotel Seamore

地址:和歌山縣西牟婁郡白濱町1821
電話:+81(0)739-43-1000
交通方式:於 JR 「白濱站」乘搭酒店接駛車 / 乘搭明光巴士 (101 / 105 / 12 / 30號) 至「新湯崎站」即達
相關網站:http://www.keyterrace.co.jp

19初戀感覺「反對蛋」

同溫泉蛋相反,蛋黃熟、蛋白半生熟嘅「反對蛋」,由婆婆店主用溫度適中嘅水泡製,充滿「初戀的感覺」!咁又真係幾特別,鍾意食蛋嘅就唔好錯過啦!

鎌倉商店

地址:和歌山縣西牟婁郡白濱町2992
電話:+81(0)739-42-3747
交通方式:於 Hotel Seamore 步行3分鐘 / 於 JR 「白濱站」乘搭明光巴士 (101 / 105 / 12 / 30號) 至「新湯崎站」、再步行3分鐘

20免費海景足浴

和歌山隨處都可以見到免費足浴,但講到最正嘅一個,就梗係位於海邊嘅「御船足湯」啦!呢個足湯位於圓月島對面,黃昏時仲可以睇到夕陽,可以歎住靚景享受足浴!

御船足湯

地址:和歌山縣西牟婁郡白濱町743-5
電話:+81(0)739-43-5555
交通方式:於 JR「白濱站」乘搭明光巴士 (101 / 105 / 12 / 30號) 至「白濱巴士站」、再步行10分鐘
相關網站:http://www.nanki-shirahama.com/search/details.php?log=1332749025

21採梅體驗、梅子手信

和歌山以出產優質梅子見稱,嚟到梗係要親手摘梅,然後狂掃靚梅做手信,既好玩、又好味!提提大家,呢間「Plum工房」離 JR 站略遠,不過附近有停車場、油站,自駕遊會比較方便。

ぷらむ工房 (Plum工房)

地址:和歌山縣日高郡みなべ町晩稲1187
電話:+81(0)739-74-2406
交通方式:於 JR「南部站」步行25分鐘
相關網站:http://plumkoubou.jp

22梅子入饌 海景 Cafe

估唔到梅子可以配 Pizza、焗飯,又可以擺放甜品度一齊食!呢間 Cafe 有埋無敵海景,除咗梅之外,仲有用埋紀州備長炭入饌,地道風味十足!

Cafe Manma

地址:和歌山縣日高郡みなべ町埴田1590-40
電話:+81(0)739-72-2361
交通方式:於 JR「南部站」步行15分鐘
相關網站:http://www.pluman.net/cafe

第6集|和歌山、京都

23激流木筏

古時用作運輸木材嘅水道,今日變成玩木筏嘅激流!北山村嘅激流木筏每日只有兩輪,由專業筏師帶領下,於翠綠山色下激流樂趣!

北山村激流木筏

地址:和歌山縣東牟婁郡北山村下尾井335
電話:+81(0)735-49-2324
交通方式:於 JR「熊野市站」乘搭村營巴士至「おくとろ公園站」
相關網站:https://www.vill.kitayama.wakayama.jp/kanko

24熊野古道 壺湯

身為世界文化遺產嘅熊野古道,四處都洋溢住古樸氛圍!去到記得唔好錯過「湯の峰温泉」,然後食返隻溫泉蛋!

湯の峰温泉

地址:和歌山縣田邊市本宮町湯峰
電話:+81(0)735-42-0074
交通方式:於 JR「紀伊田邊站」乘搭明光巴士 / 龍神巴士至「本宮大社前站」
相關網站:http://www.hongu.jp/onsen/yunomine/tuboyu

25京和傘專門店

「京和傘」由職人巧手製作,美觀又堅固,單係工匠嘅心思都值得欣賞!喺呢間日吉屋,更設有製作體驗工房,客人可親手造出屬於自己嘅京和傘!

京和傘日吉屋

地址:京都市上京區寺之内通堀川東入ル百々町546
電話:+81(0)75-441-6644
交通方式:乘搭京都巴士 (9 / 12號) 至「堀川寺之内站」步行1分鐘 / 於地鐵「今出川站」步行15分鐘
相關網站:http://wagasa.com

26軟水蕎麥麵

創業550多年嘅蕎麥麵店,使用自家井水 (軟水) 製麵,比起使用一般硬水製作嘅麵更好味!店內除咗蕎麥麵,亦有其他得意食品:蕎麥麵壽司、蕎麥麵糰等!

本家尾張屋

地址:京都市中京區車屋町通二条下る
電話:+81(0)75-231-3446
交通方式:於地鐵「烏丸御池站」步行5分鐘
相關網站:https://honke-owariya.co.jp

第7集|京都

27美人神社

去拜神求靚樣咁搞笑?京都呢間位於下鴨神社內嘅「河合神社」就有得比善信們祈求美麗神!大家都可試試用化妝品喺鏡繪馬畫上靚樣,有緣的話就會變靚!

河合神社

地址:京都市左京區下鴨泉川町59
電話:+81(0)75-781-0010
交通方式:乘搭京都巴士 (4 / 205號) 至「下鴨神社前站」/ 於叡山電鐵「出町柳站」步行7分鐘
相關網站:http://www.shimogamo-jinja.or.jp

28切緣神社

日本有唔少結緣神社,而京都呢間神社就「結緣」、「切緣」都有齊!想趕走爛桃花、壞習慣、小人等等,可以寫喺「形代」上、再個捐山窿切斷緣份!

安井金比羅宮

地址:京都市東山區東大路松原上ル下弁天町70
電話:+81(0)75-561-5127
交通方式:乘搭京都巴士 (206號) 至「東山安井站」步行1分鐘/ 於京阪本線「祇園四条站」步行10分鐘
相關網站:http://www.yasui-konpiragu.or.jp

29潮物人字拖波鞋

佢係人字拖?佢係波鞋?兩樣都係呀!呢款潮物結合日本傳統木屐 (Hanao)+波鞋,而且由人手製作,手工精細!揀啱之後會有專人幫你慢慢整,製成後就會寄貨比你啦!

Whole Love Kyoto

地址:京都市左京區田中東高原町40
電話:+81(0)75-744-6152
交通方式:於叡山電鐵「茶山站」步行5分鐘
相關網站:http://wholelovekyoto.jp

30「拉麵激戰區」麵店

京都「一乘寺」一帶有好多人氣麵店,間間都大排長龍!森美今次就介紹「麵屋 龍玄」嘅醬油拉麵、「麵屋 極雞」嘅濃雞湯拉麵,同埋「つけ麺 惠那く」嘅沾麵,唔同款式任君選擇!

麵屋 龍玄 (醬油拉麵)

地址:京都市左京區一乗寺宮ノ東町51-7
電話:+81(0)75-744-0568
交通方式:於叡山電鐵「一乘寺站」步行4分鐘
相關網站:http://ryugen.asia

麵屋.極雞 (濃雞湯拉麵)

地址:京都市左京區一乗寺西閉川原町29-7
電話:+81(0)75-711-3133
交通方式:於叡山電鐵「一乘寺站」步行5分鐘

惠那く (沾麵)

地址:京都市左京區一乗寺高槻町20-2
電話:+81(0)75-201-1931
交通方式:於叡山電鐵「一乘寺站」步行2分鐘
相關網站:http://www.facebook.com/enak.kyoto

第8集|滋賀、京都

31船遊滋賀疏水道

嚟到位於京都旁邊嘅滋賀,可以搭船沿疏水道遊覽。疏水船每年只有5個月行駛,當中包括櫻花季、紅葉季,兩岸景色非常優美!疏水船有三個登船處,大家可以按選乘嘅路線去到不同嘅登船處上船

琵琶湖疏水船

地址:滋賀縣大津市三井寺町琵琶湖疏水
電話:+81(0)75-365-7768
交通方式:於地鐵「蹴上站」步行5分鐘 (蹴上登船處) / 京阪本線「四宮站」步行10分鐘 (山科登船處) / 京阪本線「三井寺站」步行2分鐘 (大津登船處)
相關網站:http://www.biwako-sosui.jp

32琵琶湖高空飛索

琵琶湖係全日本最大嘅湖泊,有成400萬年歷史咁耐添!鍾意刺激嘅粉絲,可以玩住 Zipline 欣賞琵琶湖靚景!

琵琶湖 Valley

地址:滋賀縣大津市木戶1547-1
電話:+81(0)77-592-1155
交通方式:於 JR「志賀站」乘搭琵琶湖專線巴士
相關網站:http://www.biwako-valley.com/zip_line

33150款特色芭菲

京都呢間咖啡店,有成150種芭菲咁多!當中包括天婦羅 / 熱狗 / 豬扒等特色芭菲,又鹹又甜、配搭好新鮮!店內有埋 Jumbo size 嘅芭菲,一大班 friend 去嗌一個開心 share 都得!

からふね屋珈琲 (Karafuneya珈琲)

地址:京都市中京區河原町通三条下ル大黒町39
電話:+81(0)75-254-8774
交通方式:於地鐵「京都市役所前站」/「三條站」步行5分鐘
相關網站:http://karafuneya.jp

34京都塔

遊客嚟到地標京都塔,可以居高臨下飽覽市內景色,樓下又有 Shopping mall 可以掃手信!仲有遊客中心,買埋周遊卡都得!

京都塔

地址:京都市下京區烏丸通七条下る 東塩小路町 721-1
電話:+81(0)75-361-3215
交通方式:於 JR「京都站」步行2分鐘
相關網站:http://www.keihanhotels-resorts.co.jp/kyoto-tower

京都しゃぼんや (手作肥皂、潤唇膏)

地址:京都市下京區烏丸通七条下る 東塩小路町 721-1 (京都塔 1/F)
電話:+81(0)75-708-2422
交通方式:於 JR「京都站」步行2分鐘
相關網站:http://www.shabonya.com

第9集|岡山

35男女共浴露天溫泉

岡山嘅「湯原溫泉」喺日本非常出名,當中仲有男女共浴嘅露天溫泉,有種被自然包圍嘅感覺!仲係免費、兼且24小時開放嘅添!女士們可以租返件專用浴裙,一大班 friend 去到都可以一齊浸!

湯原溫泉鄉「砂湯」

地址:岡山縣真庭市湯原温泉
電話:+81(0)86-762-2526
交通方式:於JR「岡山站」/「中国勝山站」轉乘中鐵巴士至「湯原溫泉站」步行5分鐘
相關網站:http://www.yubara.com/higaeri

36二刀一流 烏冬+蕎麥麵

岡山係劍術名家宮本武藏嘅故鄉,連食麵都向「二刀一流」致敬!一碗麵有齊烏冬+蕎麥麵,仲比埋兩對筷子你,左右手一齊夾晒兩隻麵嚟食!真係幾考筷子功!

たけぞう茶屋

地址:岡山縣美作市宮本942
電話:+81(0)86-878-3281
交通方式:於 JR「宮本武藏站」步行15分鐘 / 於JR「大原站」乘搭美作共同巴士至「大塔 (岡山県) 站」步行8分鐘

37隱藏壽司

呢隻「隱藏壽司」認真古惑,收收埋埋食好西!表面上係蛋絲,反轉一睇,係好多時令食材嘅豐富壽司!食到咁上下,撈埋一齊又有另一番滋味!

吉備膳

地址:岡山市北區駅元町1番5 Hotel Granvia Okayama 2/F
電話:+81(0)86-233-3138
交通方式:於 JR「岡山站」步行3分鐘 (位於酒店2/F)
相關網站:https://granvia-oka.co.jp/restaurant/kibizen

38過山車軌上踩單車

倉敷嘅 Theme park「鷲羽山遊樂園」有驚喜!喺過山車軌上踩單車,仲可以欣賞瀨戶內海靚景!情侶嚟望海夠晒浪漫,或者同知己好友、親子遊都會玩得好開心!

鷲羽山遊樂園

地址:岡山縣倉敷市下津井吹上303-1
電話:+81(0)86-473-5111
交通方式:於 JR「兒島站」轉乘下電巴士 (下津井線) 至「鷲羽山ハイランド遊園地前站」
相關網站:http://www.w-highland.co.jp

39第10集|岡山、京都

40牛仔褲博物館

日本嘅第一條牛仔褲就係喺岡山嘅兒島誕生啦!牛迷可以去到牛仔褲博物館朝聖,兼夾私人訂製屬於自己嘅牛仔褲!

Betty Smith Jeans Museum 1

地址:岡山縣倉敷市兒島下の町5丁目2番70號
電話:+81(0)86-473-4460
交通方式:於JR「兒島站」乘搭下電巴士 (兒島循環線) 至「Jeans Museum Entrance站」
相關網站:http://betty.co.jp/village/museum01

41平價添餸吞拿魚丼

食飯有得添就見得多,京都呢間吞拿魚丼可以比大家添餸!嗌個吞拿魚丼,食淨白飯就可以用抵啲嘅價格加餸喺面,變咗試多幾款!而價格非常實惠添!

魚樂

地址:京都市伏見區淀本町173-82
電話:+81(0)75-632-6303
交通方式:於京阪本線「淀站」步行3分鐘
相關網站:http://www.facebook.com/totoboss555

42町家隕石 Cafe+標本精品店

京都嘅町屋夠晒古色古香,呢間町家同時係 Cafe、精品店、民宿!大家可以試下黑炆炆嘅竹炭「隕石咖哩飯」,又可以買標本精品做手信,然後入住民宿感受和風!

ウサギノネドコ京都店

地址:京都市中京區西ノ京南原町37
電話:+81(0)75-366-6668
交通方式:於地鐵「西大路御池站」步行2分鐘 / 於JR「二條站」步行8分鐘
相關網站:http://usaginonedoko.net

43自選材料釀製梅酒

釀酒都可以好型,一啲都唔大叔!喺呢間「梅體驗専門店」,可以比大家自選材料,釀返枝獨一無二嘅梅酒。成間專門店都白雪雪,環境非常靚,影相打卡一流!

梅體驗專門店「蝶矢」

地址:京都市中京區六角通堺町東入堀之上町 108 CASA ALA MODE ROKKAKU 1F
交通方式:於地鐵「烏丸御池」站步行7分鐘 / 「烏丸站」或「四條站」步行8分鐘
相關網站:https://cn.choyaume.jp

44《森美旅行團2》 景點位置一覽

(Photos credit: Copyright belongs to TVB)

【立即 like!讚好 Big Fun Trip!】