【食盡北海道】第二集:三角市場超強海鮮晒冷

台灣製造!健康天使醫療用成人 / 幼童口罩!台灣政府指定品牌


小樽嘅三角市場,係一個細細哋,睇起上嚟有啲 Up Dup (罨耷) 嘅地方,但呢種格局往往就係最多寶藏嘅地方。唔少當地人都係去呢個市場度搵食,咁就啱晒喇,最好嘅嘢應該就係晒度!

圖1:去三角市場尋寶
圖1:去三角市場尋寶

去呢個市場主力當然係食蟹﹗又生蜢又肥美﹗同埋仲有好多其他海鮮﹗一於係咁食食食﹗市場入面嘅海鮮檔主要有一間大型連鎖店同埋一間小店,我哋揀左間小店﹗個老闆超 nice。揀完海鮮後,海鮮檔會幫顧客處理埋,大家就只需要等食。

圖2:主打一定係食蟹
圖2:主打一定係食蟹
圖3:左松葉右毛蟹,花多眼亂!
圖3:左松葉右毛蟹,花多眼亂!
圖4:不過最正都係佢——鱈場蟹!
圖4:不過最正都係佢——鱈場蟹!

揀左隻生蜢鱈場蟹,海鮮檔老闆建議三食,即刺身、清蒸、燒烤。不過最後決定唔搞咁多花款,原隻清蒸﹗因為清蒸先可以食到最鮮嘅味道。識得食一定係咁食﹗正到無話可說!

圖5:兩個字——鮮甜!
圖5:兩個字——鮮甜!

除左蟹,仲揀左原隻海膽、珍寶生蠔、海螺、八角魚,同埋魚生飯。海膽超新鮮,原隻不過$50港幣,不過其實也不一定食原隻的,因為一板板的質素已經很好,不過是$100港幣。

圖6:海膽又係唔食唔得!
圖6:海膽又係唔食唔得!

珍寶生蠔手掌咁大,很肥美,但並不是非吃不可,如果已叫左太多其他嘢,我覺得可以 skip 生蠔。

圖7:如個胃唔夠位,生蠔可以 skip!
圖7:如個胃唔夠位,生蠔可以 skip!
圖8:海螺爽脆鮮甜﹗好食!
圖8:海螺爽脆鮮甜﹗好食!

八角魚,樣子古怪﹗因為是當地特產,加上是季節性,所以叫了嚟試吓。味道不算很濃,但勝在很fresh,一試無防。

圖9:八角魚一試無防!
圖9:八角魚一試無防!

海鮮丼!亮點是最上面的烏魚子,唔駛$100港幣﹗非常好味!

圖10:豐盛的海鮮丼
圖10:豐盛的海鮮丼
圖11:海鮮檔老闆,認住佢,啲頭髮好似海膽咁爆開的﹗個人超 nice!
圖11:海鮮檔老闆,認住佢,啲頭髮好似海膽咁爆開的﹗個人超 nice!

相關文章:食盡北海道(一):去吃蟹料理

相片及資料提供:Alex Lau