【台灣】長榮抵玩套票!台北「機票+酒店」連稅:3日2夜$1,747起、5日4夜$1,885起!可早去晚返!2019年7月前出發 – 長榮航空 (優惠至11月30日)

想知道邊度買旅遊保險性價比最高?一 click 即可比較各大旅遊保險方案!


快閃台灣之選!雖然長榮加咗燃油附加費,飛台灣要比多少少。但只要於 Expedia 以套票形式訂晒齊「機票+酒店」,價格都好抵玩!

2人同行出發,乘搭長榮航空.香港來回台北+酒店 (以最平住宿為例) 連稅:3日2夜$1,747起、5日4夜$1,885起、7日6夜$2,038起

票價已包30kg寄艙行李額、飛機餐,而且航班時間有唔同選擇,早機去、晚機返都冇問題!快閃遊都可以玩到盡!

長榮.台北3日2夜套票推介:

(以2019年3月10日去-3月12日返為例,2人同行每位計)

機票+儷夏商旅 – 西門町西寧館 ★★★|連稅$1,901起
位於西門町嘅酒店,附近有眾多食肆、商店,方便掃街及 Shopping ,周邊環境非常熱鬧!另外,酒店房間有免費 Mini bar供住客享用!

機票+路境行旅 ★★★★|連稅$1,980起
位置極方便,距離捷運「西門站」僅5分鐘步程,行去台北車站亦只需10分鐘。唔少景點亦都係步行距離之內,行5分鐘到二二八紀念公園、總統府,行10分鐘到中正紀念堂。

機票+HOTEL PAPA WHALE ★★★★|連稅$1,983起
2016年開幕嘅酒店,位於西門町,距離捷運「西門站」約8分鐘步程。設計上結合咗輕工業風與 SOHO 都會風,夠型格!房間唔大,最細嘅房約140呎,但新淨企理!

機票+創意西門旅店 ★★★|連稅$1,992起
位於西門町購物商圈嘅平價旅店!距離捷運「西門站」約8至10分鐘步程。房間不大,但勝在夠平夠方便。

機票+旅樂序精品旅館三館 ★★★|連稅$2,116起
典雅精緻嘅酒店,外形及大堂均以黑色設計,非常有格調。酒店位處市中心旺區,鄰近台北車站、西門町,方便Shopping、掃街!

機票+台北門精品飯店 ★★★★|連稅$2,131起
新酒店!設計時尚有格調,客房亦夠大!位於中正,位置方便,行去西門町購物區約8分鐘,而行去台北車站約10分鐘!

機票+丰居旅店 ★★★|連稅$2,158起
酒店位於西門町旺區,行落樓下就有大把嘢食、大把嘢買!行去捷運「西門站」只需5分鐘,夠晒方便!

以入住「貝殼窩青年旅舍 – 台北」為例,長榮台北3日2夜套票:2人連稅共$3,494起、即每位$1,747起!

除以上推介,大家可自選心水酒店。揀酒店時,按「價格」由低至高排序、再以「位置」及「星級」作篩選,就可以更易搵到適合嘅酒店。

明年7月11日前出發都有優惠價,大家亦可自訂行程長短,最耐可以玩到15日14夜!如要於行程中入住不同住宿,搜尋時剔選「我只有部分日期需要入住酒店」就可以設定了!

提提大家:搵台北套票時,目的地要填「台北 (及鄰近地區), 台灣」,咁先會搵到台北全市嘅酒店。如果你填咗「台北, 台灣 (TPE-桃園國際機場)」,就只會搵到機場附近嘅酒店。

預訂資訊:

出發日期:即日-2018年12月19日、12月31日-2019年1月29日、2月11日-4月3日、4月8日-4月16日、4月22日-6月5日、6月8日-6月27日、6月30日-7月11日

寄艙行李限額:30kg
機票有效期:14日

預訂日期:即日-2018年11月30日

預訂網址:http://www.expedia.com.hk (以網頁版預訂為佳)

Previous article【一票玩日台兩地】香港來回大阪$1,319起!加二百可中停台北!連稅二千三玩齊兩地!包30kg行李 – 長榮航空
Next article【買去程.送回程】$0機票!香港來回峴港 / 清萊$398起、石垣島 / 暹粒$598起、大阪$798起!2019年10月前出發 – HK Express (優惠至11月25日)