長榮再推即飛優惠！雖然單買機票都好抵，但係識買梗係買套票啦！一次過訂齊「機票＋酒店」玩3日2夜，只係連稅千五起咋！勁抵！
2人同行出發，長榮．香港來回台北機票＋酒店 (以最平住宿為例) 連稅：3日2夜$1,559起、4日3夜$1,617起、5日4夜$1,677起！
出發日期去到6月底，最啱即買即飛嘅即興遊！票價已包30kg寄艙行李額、飛機餐！大把行李位，可以買多兩盒手信返嚟啦！
長榮．台北3日2夜套票推介：
(以6月16日去、6月18日返為例，2人同行每位計)
機票＋HOTEL PAPA WHALE ★★★★｜連稅$1,777起
2016年開幕嘅酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理！
機票＋漫步 1948 ★★★｜連稅$1,922起
於台北車站直行約8分鐘即達，樓下有便利店！酒店走文青風，設計簡約清新。可選房型甚多，設有3人 / 4人家庭房，一大家細去玩都啱。
機票＋丰居旅店 – 北車館 ★★★｜連稅$1,934起
位置優越，鄰近台北車站，步行往西門町亦只需約10分鐘。樓下有便利店，酒店亦設有24小時零食吧，提供杯麵、雪糕、餅乾等予住客享用！
機票＋儷客旅店 – 台北車站館 ★★★｜連稅$1,972起
簡約亮麗嘅酒店，2017年全面翻新，環境新淨整潔！位置極近台北車站，坐機場捷運前往非常方便！
機票＋CitizenM 台北北門酒店 ★★★★｜連稅$2,007起
來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！
機票＋趣淘漫旅 – 台北 ★★★★｜連稅$2,178起
於2017年10月開幕，屬凱撒集團嘅年輕品牌酒店，走活力時尚路線。位置喺正板橋凱撒大飯店旁邊，附近有百貨公司及多個鐵路站 / 客運站，四通八達！
除以上推介，大家亦可自選鍾意嘅酒店！於揀酒店時，按「價格」由低至高排序，再以「酒店星級」及「鄰近區域」作篩選，就可更快搵到適合嘅住宿。
預訂時，係先揀酒店、再揀機票。行程可長可短，最耐可以玩到15日14夜！於行程中入住不同酒店都得，搜尋時剔選「我只有部分日期需要入住酒店」就可設定！
套票價格係2人同行每位計，1人出發都得，只係價格會比以上貴少少。而今次航班時間就麻麻，大家亦可選擇加$60改早機去 / 午機返！
搜尋時，記得唔好於「目的地」位置輸入機場代碼，要填「台北 (及鄰近地區), 台灣」先得，否則就只要搵到機場附近嘅酒店！
預訂資訊：
出發日期：即日-2019年6月30日 (部分日子不適用)
寄艙行李限額：30kg
機票有效期：14日
預訂日期：即日-2019年6月9日
預訂網址：http://www.expedia.com.hk (以網頁版預訂為佳)
