【平遊日本】東京套票2千蚊!港航「機票+酒店」連稅:4日3夜$2,074起、6日5夜$2,221起!2019年3月底前出發 – 香港航空 (優惠至6月30日)

想知道邊度買旅遊保險性價比最高?一 click 即可比較各大旅遊保險方案!


正呀!2千蚊可以飛東京玩4日3夜!依家港航做緊 Mega Sale ,只要上 ZUJI 以套票形式預訂「機票+酒店」,就可以用超抵價筍玩東京!

9月至明年3月底出發,香港航空.香港來回東京機票+酒店 (以最平住宿為例) 連稅:4日3夜$2,074起、5日4夜$2,115起、6日5夜$2,221起

價格已經包咗20kg寄艙行李額、飛機餐!咁計落抵過搭廉航喎!而航班時間就有凌晨機去、午機返,時間都唔太差!

港航.東京4日3夜「機票+酒店」推介:

(價格為2人同行每位計)

機票+東新宿燦路都大飯店 ★★★|連稅$2,665起 (以9月9日去、9月12日返為例)
酒店位於東新宿,位置極方便,對面就係東新宿地鐵站,行10分鐘可到伊勢丹百貨、歌舞伎町。

機票+赤坂頂級住宿飯店 ★★★|連稅$2,660起 (以9月9日去、9月12日返為例)
酒店於2016年7月開業,距離千代田線嘅赤坂站只有3分鐘步程,鄰近六本木,前往東京塔亦只需25分鐘車程。樓下就有7-11。

機票+池袋百夫長飯店 ★★★|連稅$2,762起 (以9月9日去、9月12日返為例)
位置優越!酒店座落池袋,樓下就係便利店,落街行兩步就可以 Shopping!行3分鐘即到 JR「池袋站」,去邊都非常方便!

機票+東京淺草紅色星球飯店 ★★★|連稅$2,844起 (以9月9日去、9月12日返為例)
2015年落成,距離淺草 ROX 購物中心、三社祭和淺草神社不到 10 分鐘路程,房間內有晴空塔靚景!

機票+赤坂蒙特利飯店 ★★★★|連稅$2,880起 (以9月9日去、9月12日返為例)
位於赤坂見附站 (東京地下鐵丸之內線),從A出口到酒店僅350米。到新宿、銀座、池袋唔駛轉線,非常方便。

機票+里士滿淺草國際飯店 ★★★★|連稅$2,923起 (以9月9日去、9月12日返為例)
於2015年12月開業嘅酒店,位於淺草,樓下就係百貨公司!行5分鐘就到淺草寺雷門,附近有眾多購物商店及美食,位置唔錯!

機票+六本木雷姆飯店 ★★★★|連稅$3,006起 (以11月11日去、11月14日返為例)
2017年3月開業,黑色外形嘅設計極具現代感!行1分鐘即到六本木站,附近有便利店,十分之方便!酒房房間備有按摩椅,部分房間睇到東京鐵塔靚景添!

以入住「伊豆東京青年旅舍」為例,9月9日去、9月12日返,港航.東京4日3夜套票:連稅$2,074起!如搜尋後顯示嘅並非港航班次,可按「更改航班」揀返「香港航空」嘅航班!

除以上推介,大家可以揀自己鍾意嘅酒店!住關東地區嘅酒店都得,只要於搜尋時直接喺目的地位置輸入想住嘅地區就可。

套票行程可長可短,最耐可玩到8日7夜!打算玩多地個地方,於行程中住多間唔同嘅酒店都得,搜尋時揀選「我想搜尋其他酒店入住日期」就可以設定套票包邊幾晚酒店!

預訂時,留意搜尋後顯示嘅未必係港航套票。大家只需於「更改航班」度搵返港航班次就得!如果想易啲搵到咩日子平套票,可以先上港航網站睇多日票價,然後再上 ZUJI 訂套票啦!

預訂資訊:

出發日期:2018年9月1日-9月26日、10月2日-12月19日、12月29日-2019年3月31日

機艙行李限額:20kg
機票有效期:7日

預訂日期:即日-2018年6月30日

預訂網址:https://www.zuji.com.hk/

Previous article【平穿地殼】千8蚊日本套票!港航.大阪 / 京都「機票+酒店」連稅:4日3夜$1,805起、6日5夜$1,961起!包20kg行李 – 香港航空 (優惠至6月30日)
Next article【勁平套票】港航.首爾「機票+酒店」連稅:4日3夜$1,609起、6日5夜$1,743起!包20kg行李 – 香港航空 (優惠至6月30日)