港航爆抵套票！近近哋快閃沖繩，連稅千4蚊起，有齊「機票＋酒店」喺日本玩到3日！平到跳舞！
香港來回沖繩機票 (包20kg寄艙行李額、飛機餐)＋酒店連稅：3日2夜$1,412起、5日4夜$1,578起、6日5夜$1,662起！
航班時間就係早去中午返，加$270可以改回程下午機！行程可長可短，最耐玩到8日7夜！想快閃定慢慢玩都得！
沖繩3日2夜港航套票推介：
(以11月11日去，11月13日返為例，2人同行每位計)
機票＋沖繩勞卡客棧 ★★★｜連稅$1,709起
酒店位於那霸市中心，周邊有唔少小店、酒吧，想行去熱門嘅國際通約15分鐘步路。酒店提供嘅早餐美味，而女士入住可獲美容禮品！
機票＋微笑酒店那霸城市渡假村 ★★★｜連稅$1,887起
酒店距離單軌列車「旭橋站」及「縣廳前站」各9分鐘步程，去其他地方都算方便。行10分鐘即可抵達國際通。早餐提供日式、西式及地道嘅沖繩島自助早餐。
機票＋沖繩那霸美居飯店 ★★★★｜連稅$1,898起
酒店位置優越！單軌車站就係隔離，去邊都咁方便！房間有足夠空間，而且時尚舒適。鄰近便利商店、24小時超市、加油站。
機票＋那霸棕櫚皇家飯店 ★★★｜連稅$1,939起
位於國際通嘅老牌酒店，行5分鐘就到單軌車站「牧志站」！周邊有唔少餐廳、便利店、藥妝店，環境熱鬧！
機票＋沖繩吉慶海灘度假海洋溫泉飯店 ★★★★｜連稅$2,034起
位於那霸市中心，行兩條街就到國際通，樓下有便利店，超方便。
機票＋全日空沖繩港景皇冠假日飯店 ★★★★｜連稅$2,116起
位於住宅區，環境清靜舒適！距離國際通15分鐘步程，行5分鐘就有便利店、超級市場。
除以上介紹，大家可自選酒店。入住度假酒店定日式旅館都冇問題！揀酒店時，大家可以按「價錢」由低至高排序，再按「品質等級」作篩選，就可以快啲搵到啱心水嘅酒店啦！
如果想於行程中住多間唔同嘅酒店都得，於搜尋時剔選「我想搜尋其他酒店入住日期」就可以設定套票包邊幾晚酒店，然後再另外加購其他日子嘅酒店，非常方便！
提提大家：如搜尋後所顯示並非港航套票，只要去「更改航班」、「航空公司」位置揀返「香港航空」就得。加錢改航班時間都係同樣做法！
預訂資訊：
出發日期：2018年8月30日-9月26日、10月2日-12月19日、12月29日-2019年1月22日
寄艙行李限額：20kg
機票有效期：2-7日
預訂日期：即日-2018年7月31日
預訂網址：https://www.zuji.com.hk (需以網頁版預訂)
提提您：ZUJI 個預訂系統將沖繩分開咗唔同區域，包括沖繩北部 (North Okinawa, Japan)、沖繩中部 (Central Okinawa, Japan)、沖繩南部 (South Okinawa, Japan)、沖繩市 (Okinawa City, Japan) 等。如果大家想搵那霸市嘅酒店，目的地要輸入「沖繩南部 (South Okinawa, Japan)」，而不是「沖繩市 (Okinawa City, Japan)」。
