【連稅千一遊東京】Jetstar 勁抵價!東京「機票+酒店」連稅:3日2夜$1,163起、4日3夜$1,267起!10月份出發 – Jetstar (優惠至4月25日)

想知道邊度買旅遊保險性價比最高?一 click 即可比較各大旅遊保險方案!


秋季遊東京必搶!Jetstar 推出限時快閃優惠,只要以套票形式預訂,連稅千一蚊就有齊「機票+酒店」去東京玩到3日2夜!

2人同行出發,Jetstar.香港來回東京機票+酒店 (以最平住宿為例) 連稅:3日2夜$1,163起、4日3夜$1,267起

旅遊日期係10月中,航班時間有凌晨機去、晚機返添 (視乎供應而定)!時間夠晒靚,嚟個秋季旅行就啱晒!

Jetstar 3日2夜東京套票推介:

(以10月15日去、10月17日返為例,2人同行每位計)

機票+HOTEL MYSTAYS 東池袋 ★★★|連稅$1,507起
酒店距離JR「大塚站」或地鐵「新大塚站」約10分鐘步程,附近有24小時營業嘅超市及食店。

機票+新宿 WING 國際酒店 ★★★|連稅$1,654起
酒店位於新宿最熱鬧嘅歌舞伎町,1分鐘即達「西武新宿站」!隔離就有便利店,附近有驚安之殿堂、勁多食店!酒店鄰近「新宿御苑」、「花園神社」等景點,去玩亦十分方便!

機票+東京新橋 b 酒店 ★★★|連稅$1,708起
位於西新橋,2017年9月開業嘅酒店。而距 JR「新橋車站」及地鐵「虎之門站」約6分鐘步程,搭地鐵下站就到銀座!

機票+里士滿淺草國際酒店 ★★★★|連稅$1,790起
於2015年12月開業嘅酒店,位於淺草,樓下就係百貨公司!行5分鐘就到淺草寺雷門,附近有眾多購物商店及美食,位置唔錯!

機票+東京第一酒店 ★★★|連稅$1,826起
由知名建築家隈研吾設計,於2017年7月開幕嘅型格時尚酒店!酒店鄰近晴空塔,距離押上站只需3分鐘步程!

機票+池袋百夫長酒店 ★★★|連稅$1,864起
位置優越!酒店座落池袋,樓下就係便利店,落街行兩步就可以 Shopping!行3分鐘即到 JR「池袋站」,去邊都非常方便!

機票+赤坂蒙特利酒店 ★★★★|連稅$1,909起
位於地鐵「赤坂見附站」(丸之內線),從A出口到酒店僅350米。到新宿、銀座、池袋唔駛轉線,非常方便。

以入住「國王酒店」為例,Jetstar 3日2夜東京套票:2人連稅共$2,326起、即每位連稅$1,163起!

大家可自訂行程長短,玩幾耐由你話事!而除咗以上酒店,大家可以揀自己鍾意嘅住宿!住日式旅館又得,豪華酒店都得!

今次要用加訂形式先訂到套票。即係去「機票」頁面搵咗機票先,揀咗 Jetstar 機票後,按「立即加訂酒店」就可以訂到!

套票價格係2人同行每位計,不過1人出發都可,只係價格會比以上貴少少。平套票數量唔多,大家記得上咗 Jetstar 官網搵邊日有平機票先,然後再去 Expedia 訂返呢啲日子嘅套票!

提提大家:套票不包括寄艙行李額,如要加購,價格同官網一樣。費用為:每程15kg $190、20kg $195、25kg $290、30kg $295、35kg $385、40kg $390

預訂資訊:

旅遊日期:2019年10月9日-10月18日

預訂日期:即日-2019年4月25日

預訂網址:https://www.expedia.com.hk (預訂以網頁版為佳)

Previous article【泰誘價】香港來回曼谷$692起!包25kg行李!11月前出發 – 阿聯酋航空 (優惠至4月30日)
Next article【5月花最後召集】閃遊首爾玫瑰節!香港飛首爾單程$290起!澳門飛首爾 / 大邱 / 務安單程MOP220起!5月出發 – 濟州航空 (優惠至4月26日9:00AM)