【9月必睇節目】澳門國際煙花比賽匯演

想知道邊度買旅遊保險性價比最高?一 click 即可比較各大旅遊保險方案!


9月心郁郁想外遊?唔使去得遠嘅,近近地去澳門都可以有好多好嘢玩同好嘢食,又可以避開請大假要安排嘅苦惱,又滿足到外遊嘅願望!點解去澳門?因為9月將會有10支來自世界各地嘅參賽隊伍去到澳門參加一年一度嘅《澳門國際煙花比賽匯演》!最啱一家大細又或者情侶一齊去,喺一幕幕盛開嘅煙花配上震撼嘅音樂,一定會係一個難忘嘅晚上。

今年《第29屆澳門國際煙花比賽匯演》會喺9月1日、8日、15日、24日及10月1日嘅晚上9點及9點40喺澳門旅遊塔對出海面舉行,參賽隊伍分別嚟自菲律賓、韓國、日本、比利時、法國、葡萄牙、德國、奧地利、義大利及和中國,各國好手同聚競技,當然唔可以錯過!而今年煙花嘅主題就分別係「絢麗和諧頌」、「奇幻花火夢」、「天籟亮星空」、「璀璨中秋夜」同「銀花賀國慶」,大家到時要落足眼力睇吓邊隊最切合主題同印象難忘啦!

小編比個Tips大家,如果覺得澳門旅遊塔廣場太多人,怕可能太逼嘅,不彷去附近嘅西灣湖畔、南灣湖畔、主教山西望洋公園、觀音蓮花苑、澳門科學館、氹仔海洋花園大馬路岸邊或者係嘉樂比總督大橋湖邊,都係絕佳嘅觀賞地點

Previous article【秋冬遊日】ANA.名古屋「機票+酒店」連稅:4日3夜$3,312起、6日5夜$3,640起!12月19日前出發 – ANA 全日空 (優惠至9月30日)
Next article【筍玩東京】套票平過機票!日航.東京「機票+酒店」連稅:4日3夜$3,400起、5日4夜$3,462起!包46kg行李 – 日本航空 (優惠至9月30日)