Home 專題 香港機場變成點?小編直擊禁區、登記閘口、出入境大堂最新情況!

香港機場變成點?小編直擊禁區、登記閘口、出入境大堂最新情況!

想知道邊度買旅遊保險性價比最高?一 click 即可比較各大旅遊保險方案!


數數手指,原來已經2年幾冇得去旅行!除咗世界各地嘅景點同美食,相信大家都好掛住香港機場。小編就帶大家重遊舊地,睇睇2022年3月嘅香港機場變成點樣啦!

離境及接機大堂

離境大堂同接機大堂有9成舖頭都冇開,部分登記行段更加係一個人都冇!離境大堂都有少少人排隊Check-in,但係接機大堂就真係幾乎冇人了。

唯人比較多人嘅位置,就係零星即將出發嘅乘客準備Check-in寄艙,同埋「離港」位置。

禁區餐廳與商店

踏入禁區之後,就更加冷清。餐廳同舖頭都關晒門,只有登機閘口有一兩間繼續營業。

登機閘口

登機閘口算係多返少少人,但好多個閘口都封咗,連斟水嘅位置都冇開。當年人來人往嘅地方變得咁靜,好唏噓啊!

小編彩蛋

相信大家都好掛住飛機窗外嘅景色,小編就影咗張相送比大家止止癮!希望可以盡快有得去旅行啦!