自熔斷機制實施以來，相信有唔少港人被迫滯留海外。隨住疫情稍為緩和，政府宣布於4月1日起取消9國禁飛令 (9國包括澳洲、加拿大、法國、印度、尼泊爾、巴基斯坦、菲律賓、英國、美國)。換言之已接種2劑疫苗嘅香港居民，只要有48小時內檢測嘅陰性報告＋預訂至少7晚檢疫酒店，就可以上機返香港喇！
政府亦不斷更新指定檢疫名單同相關安排，部分早前列作社區隔離設施嘅酒店都已經轉返做，而喺整個名單當中，有唔少人氣 Staycation 靚酒店添！準備由海外回港嘅粉絲，一於睇睇小編整合嘅回港隔離檢疫酒店介紹，搵出最適合自己嘅住宿啦！
回港檢疫隔離流程
由4月1日起，喺海外返港嘅所有香港居民 (上機前檢測結果須為陰性)，都要進行14晚酒店強制檢疫。但如果想提早7日離開酒店，就可以揀每日做快測＋第5日做PCR檢測，只要全部結果都係陰性，就可提早完成酒店檢疫。不過之後7日都要自行監察，同埋抵港後12日要做多次PCR先得。大家可睇睇以下流程。
出發前
1. 準備認可疫苗接種紀錄
2. 準備預訂檢疫酒店 (到港日起計7晚或14晚) 之預訂確認書
2. 出發前48小時內：進行核酸檢測，並獲得陰性結果
3. 出發前48小時內：於網上填寫健康申報表，獲取申報結果 QR Code
抵港後
1. 於機場禁區內的臨時樣本採集中心進行檢測
2. 獲陰性檢測結果後，可辦理入境手續及領取行李 (如檢測結果陽性，將直接送往醫院)
3. 按指示乘搭專車前往指定檢疫酒店
4. 如選擇隔離14日：於第12日進行PCR核酸檢測、第14日進行快速抗原檢測，結果均為陰性便可離開
如選擇隔離7日：檢疫期間每日進行快速抗原檢測、第5日進行PCR核酸檢測，結果為陰性便可離開
5. 隔離7日者，離開酒店後7日要自行監察，並於抵港第12日接受專業拭子採樣強制PCR核酸檢測
第七輪指定檢疫酒店名單 (有效期至2022年7月31日)
第七輪新增指定檢疫酒店：
- 銅鑼灣如心酒店
- 旭逸酒店．旺角
- 富薈旺角酒店
- 香港朗廷酒店
- 香港W酒店
- 諾富特東薈城酒店
- 香港九龍東皇冠假日酒店
重新轉作指定檢疫酒店名單：
- 華麗銅鑼灣酒店
- 香港九龍東皇冠假日酒店
- 香港旺角帝盛酒店
- 香港荃灣帝盛酒店
- 華麗都會酒店
- 旭逸酒店‧旺角
- 富薈炮台山酒店
- 香港 JEN 酒店
- 銅鑼灣如心酒店
- 香港九龍貝爾特酒店
- 華美達華麗酒店
- 華美達海景酒店
- 富豪東方酒店
【完整酒店檢疫名單】coronavirus.gov.hk
【預訂】預訂檢疫酒店網址 (Agoda)｜預訂檢疫酒店網址 (Trip.com)
5間指定檢疫酒店推介
香港荃灣帝盛酒店
酒店隔離住宿計劃 (連住7晚/14晚)｜每房每晚價格：1人入住$680起、2人入住$930起
香港荃灣帝盛酒店位於葵涌健全街，隔離住宿計劃價格已包早午晚3餐 (標準餐單由酒店指定)。酒店有不同房型任揀，包括高級客房、豪華客房、相連客房、以至尊貴家庭四人套房都有！入住仲可賺取現金消費額添！
【入住日期】2022年4月1日-7月31日
【預訂網址】香港荃灣帝盛酒店預訂網址
香港九龍貝爾特酒店
貝爾特標準隔離住宿套餐 (連住7晚)｜每房每晚價格：1人入住$650起、2人入住$980起
貝爾特高級隔離住宿套餐 (連住7晚/14晚)｜每房每晚價格：1人入住$950起、2人入住$1,380起
香港九龍貝爾特酒店位於新蒲崗，分為標準同高級2款隔離住宿方案。留意酒店暫時未有大床房供應，所以無論係單人定雙人入住，都會入住雙床客房。膳食方面，標準套餐係根據「食得均衡」餐單嘅6組餐單提供3餐；而高級套餐可以喺「食好D」餐單揀選自己想食嘅款式，中式西式都有得食！
【入住日期】2022年4月1日起
【預訂網址】香港九龍貝爾特酒店預訂網址
富薈旺角酒店
強制檢疫住宿計劃 (連住14晚)｜每房每晚價格：1人入住$630起、2人入住$930起、3人入住$1,660起、4人入住2,400起
座落大角咀嘅富薈旺角酒店提供多款不同房型任揀，除咗經濟客房、標準客房同豪華客房，仲有相連 / 家庭客房同套房，小家庭一齊隔離都得。此外，酒店免費提供 FitnessOnDemand 虛擬鍛鍊課程，等大家隔離期間都可以郁動下。
【入住日期】2022年2月14日-7月31日
【預訂網址】富薈旺角酒店
香港W酒店
Fuel and Recharge Quarantine Stay Package｜每房每晚價格：1人入住$2,300起、2人入住$2,999起
想豪少少歎住隔離，可以揀5星級嘅香港W酒店，當中有面積寬闊嘅海景房、城景房或套房。咁耐冇返香港，望下靚 View 心情都舒暢啲！套票同樣包早午晚3餐，歎住星級廚師炮製嘅美食，隔離嘅日子好快過啦！
【入住日期】2022年4月1日-7月31日
【預訂網址】香港W酒店預訂網址
朗廷酒店
朗廷隔離住宿計劃 (連住7晚/14晚)｜每房每晚價格：1人入住$1,875起、2人入住$2,375起
朗廷係人氣 Staycation 酒店，喺呢度隔離都好有度假嘅心情！朗廷住宿計劃包括有高級客房、豪華客房、相連房同套房可供選擇，房間環境寬敞，最細都有32平方米，加上環境裝修精緻優雅，可以舒舒服服喧咁隔離！
【入住日期】2022年4月1日-7月31日
【入住日期】朗廷酒店預訂網址
【更多檢疫酒店】預訂檢疫酒店網址 (Agoda)｜預訂檢疫酒店網址 (Trip.com)
最後提提大家，預訂前可先上網睇睇指定檢疫酒店預訂情況，同埋留意政府專題網站嘅最新公布啊！
入境注意事項：https://www.coronavirus.gov.hk/chi/inbound-travel.html
檢疫計劃安排：https://www.coronavirus.gov.hk/chi/designated-hotel.html
常見問題：https://www.coronavirus.gov.hk/chi/inbound-travel-faq.html
