【12月澳門購物節攻略】6大精彩著數逐個數!

想知道邊度買旅遊保險性價比最高?一 click 即可比較各大旅遊保險方案!


又到聖誕~不如準備啲聖誕禮物送比親朋戚友啦!第八屆澳門購物節喺12月1日至31日返嚟啦!唔止可以去物色心水禮物,仲可以暢遊澳門特色景點,絕對不容錯過!

買嘢就梗係要洗得開心、買得最抵!今次就等 Big Fun Trip 分享有咩著數攻略啦!

1. 本地精選品牌市集「精美澳門@壹號廣塲」

「精美澳門@壹號廣塲」喺12月20日至31日澳門壹號廣塲外海濱長廊舉行,由50個本地品牌同中小企業商戶為你帶嚟更佳購物體驗!沿住海岸感受本地特色美食、文創手信同品味生活三大展區,真係好寫意㗎!

2. 換取iPhone XS同豪華酒店住宿一晚!

打開微信,關注“MOMEplay”並參加互動遊戲,就有機會換取商戶優惠券或抽大獎!大獎包括iPhone XS、澳門五星級酒店豪華客房住宿一晚同ICBC銀聯澳門幣5,000元預付卡等豐富禮品等緊你!

3. 購滿$500以上即可參加抽獎!
形象大使黎貝卡 (Becky Li)
形象大使黎貝卡 (Becky Li)

整個購物節會送出禮品總值超過澳門幣900萬!活動期間係澳門任何商店消費累積滿澳門幣500元(最多三張單據),就可有一次全城購物大抽獎嘅機會;消費累積滿10,000元,就有一次高端大抽獎!仲會抽出三個幸運兒獨得每份價值澳門幣12萬元嘅終極大獎!

4. 電子支付換取多重紅包優惠!

擔心現金唔夠?澳門購物節全面推動電子消費,等你安心瘋狂購物、仲有多個優惠!其中微信支付有「掃碼領紅包」,最高可享人民幣2,018元;支付寶日日抽出人民幣8,888嘅幸運紅包同立減優惠!仲有澳門錢包MPay消費大抽獎及隨機立減!等你盡享澳門消費樂趣。

5. 工銀澳門信用卡享有獨家禮遇

工銀澳門喺購物節期間推出工銀澳門購物節信用卡同預付卡,活動內消費仲可尊享獨家禮遇。同時使用工銀信用卡“愛購全球”消費更可享各種優惠回贈!

6.「特約限時開倉日」掃平貨!

成個12月,「特約限時開倉日」等你用最抵價買得心水產品,精選品牌時裝低至一折起!

第八屆澳門購物節

日期:2018年12月1日至31日

網頁:http://macaushoppingfestival.org

Previous article【罕減】Booking.com 快閃優惠!全球酒店低至6折起!(優惠至11月27日)
Next article【歎飛泰國】商務艙優惠!香港來回曼谷$2,746起!包30kg行李!2019年5月底前出發 – 香港航空 (優惠至12月3日)