北海道 – Big Fun Trip 旅遊情報 https://www.bigfuntrip.com 優惠情報．樂遊世界 Thu, 13 Feb 2020 04:51:42 +0000 en-US hourly 1 https://wordpress.org/?v=7.0.2 91233747 【食盡北海道】第四集：札幌覓食篇 https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e5%9b%9b%ef%bc%9a%e6%9c%ad%e5%b9%8c%e8%a6%93%e9%a3%9f%e7%af%87/ https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e5%9b%9b%ef%bc%9a%e6%9c%ad%e5%b9%8c%e8%a6%93%e9%a3%9f%e7%af%87/#respond Sun, 13 Jul 2014 02:48:00 +0000 http://bigfuntrip.com/?p=427

 「閃閃」書沒告訴你的隱世小店

 札幌二条市場一般店舖「閃閃」書都有介紹，今次要同大家分享嘅係一間旅遊書上沒有介紹嘅寿司店﹗這家寿司店由一個嬸嬏和一個年約30多歳嘅男生主理，店子非常小，只有2-3個座位，看上去還有點 Up Dup (罨耷)，但他們的刺身／寿司好味到爆﹗
 去到這家店，大家可以主力吃吞拿魚，他們的吞拿魚肉肥美程度更甚於係香港吃到的吞拿魚腩﹗至於吞拿魚腩則肥美到不行﹗由於品質好，建議大家不用點得太貴，主力點吞拿魚肉，另加一、二件吞拿魚腩就可以了。
另外，他們做生意非常均真，若所點嘅牡丹蝦有蝦子的話，上菜時還會連埋蝦子。牡丹蝦加上蝦子，非常美味﹗
建議大家不用太早去，他們11:00打後才開門。店子也很容易找，市場內就只有2間寿司店，比較小和 Up Dup 的那一間就是了。
另外，二条市場內有許多海鮮可以讓你即時 pack 箱帶回家享用，大家上機前可以嚟掃貨﹗

七福神備長炭火燒烤

 午飯去完二条市場食刺身，晚飯大家可以到「七福神商店」試試備長炭火燒烤。去到「七福神」，點基本的套餐就可以了，有齊帆立貝、蝦、蟹、魷魚等。店員會教你怎樣燒烤，如不想動手，也可以請他們代勞。
 備長炭的火力均勻，烤過嘅海鮮既香口又能夠保存鮮味﹗
 大家還可以試試蟹膏，非常好食﹗當地人都稱它為みそ (Miso 麵豉)，其實是蟹膏，大家點菜時可以留意一下了。
想吃刺身的話，可以點「是日六點刺身」，通常半價優惠﹗ 非常便宜﹗用料不是特別靚，但勝在非常扺食﹗
沙拉用料很新鮮﹗大家可以點個海鮮沙拉來中和一下燒烤嘅熱氣。
  • 地址：北海道札幌市中央区南3条西5丁目28番地 (〒060-0063 北海道札幌市 中央区南3条西5 狸小路アーケード内)
  • 電話： 011-219-2501
  • 營業時間：16:00~24:00
  • 網址：www.shichifuku-tanuki.com/
  • 消費：約HK$400-500 (2人份量)

去西武準備宵夜

札幌嘅西武百貨公司基本上沒有甚麼特別之處，不過入面嘅超級市場就十分精彩﹗尤其係接近閉門嘅時間，海鮮通常都會勁劈價﹗大家不妨買回酒店當宵夜﹗由於部分海鮮未經切細，大家記得順便係超市買把小刀回酒店大顯身手自製刺身。
  • 地址：中央區北4條西3丁目 (〒060-8555 北海道札幌市中央区北4条西3丁目)
  • 電話：011-251-0111
  • 營業時間：10:00~20:00

(相片及資料提供：Alex Lau)

]]> https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e5%9b%9b%ef%bc%9a%e6%9c%ad%e5%b9%8c%e8%a6%93%e9%a3%9f%e7%af%87/feed/ 0 427 【食盡北海道】第三集：最強拉麵列陣 https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%b8%89%ef%bc%9a%e6%9c%80%e5%bc%b7%e6%8b%89%e9%ba%b5%e5%88%97%e9%99%a3/ https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%b8%89%ef%bc%9a%e6%9c%80%e5%bc%b7%e6%8b%89%e9%ba%b5%e5%88%97%e9%99%a3/#respond Sun, 29 Jun 2014 06:03:00 +0000 http://bigfuntrip.com/?p=448

札幌有「拉麵城市」之稱，嚟到札幌，當然就係要盡食拉麵啦！

元祖拉麵橫丁「白樺山莊」

札幌有超過1,000間拉麵店，想方便點的話，可以去拉麵橫丁 (即是拉麵一條街)。當地有2個比較出名嘅拉麵橫丁 ，分別係「元祖拉麵橫丁」及「新拉麵橫丁」，要吃的話，當然係去「元祖拉麵橫丁」，當地有名嘅拉麵店都係晒拉麵橫丁入面，而當中最出名的一間叫「白樺山莊」。

「白樺山莊」嘅拉麵基本上只有3種味道，分別係正油 (醬油)、塩 (鹽)、味㬝 (麵豉)。而每種味道又再細分為標準、多叉燒、辣味，合起來餐牌上其實亦只不過9種選擇！日本人就是這樣，只專注做他們最擅長的東西。

試了一個正油標準、一個塩味多叉燒。湯頭非常香濃，是以豬骨、雞骨、豬腳、昆布和野菜等食材熬煮 10 小時而成，然後再配上正油、塩、味㬝等不同味道。麵㡳用上了粗幼度中等的麵條，火候控制得宜，非常彈牙。叉燒肥瘦恰好，配上大量紫菜、筍乾、木耳、芽菜，非常好食﹗整體來說，正油味道較重，塩味則輕一點，但都是札幌油重味濃的傳統味道。

「白樺山莊」另一特色是無限量提供免費「無料」水煮蛋，原意是讓客人食麵前先吃隻蛋清一清味覺。

除左「白樺山莊」，在拉麵橫丁裡還試了「萬華軒」，他們的湯以北海道最著名的牛油和麵鼓製成，味道較濃，而叉燒肥瘦分佈平均，同樣好食！值得推介！

旭川拉麵村「青葉」

旭川市的「旭川拉麵村」同札幌嘅拉麵橫丁差唔多，都係將最有名嘅拉麵店集中係一個地方。拉麵村入面共有9間拉麵店，如果只揀一間去食，咁就必定係「青葉」。「青葉」的拉麵同樣是傳統的做法，湯頭足料，味道濃！超好吃！

另外，還試了「山頭火」同「梅光軒」，「山頭火」味道不錯，但與「青葉」比較還是差了點。至於「梅光軒」就完全令人失望，水準差了很多，只得一個「咸」字！大家可以不用去！

驚喜蕎麥麵

返回小樽，誤打誤撞之下去了一間叫「藪半」，只賣蕎麥麵嘅老店。店子的裝潢是傳統的日式風格，非常漂亮。

店子提供不同種類嘅蕎麥麵，分別由不同麵粉所造成。蕎麥麵非常好食，係旅程嘅一個驚喜！吃完麵後，還剩下伴麵嘅醬汁，這時候店子會為客人準備一壺煮過蕎麥麵嘅熱水，跟醬汁混在一起，就變成美味嘅熱湯！由於蕎麥營養豐富，所以這個熱湯據稱非常有益！而且又幾好味！

大家下次去北海道，不妨試下呢幾間麵店啦！

元祖拉麵橫丁：http://www.ganso-yokocho.com
旭村拉麵村：http://www.ramenmura.com
藪半蕎麥麵：http://www.yabuhan.co.jp

]]> https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%b8%89%ef%bc%9a%e6%9c%80%e5%bc%b7%e6%8b%89%e9%ba%b5%e5%88%97%e9%99%a3/feed/ 0 448 43.0646147 141.3468074 43.0646147 141.3468074 【食盡北海道】第二集：三角市場超強海鮮晒冷 https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%ba%8c%ef%bc%9a%e4%b8%89%e8%a7%92%e5%b8%82%e5%a0%b4%e8%b6%85%e5%bc%b7%e6%b5%b7%e9%ae%ae/ https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%ba%8c%ef%bc%9a%e4%b8%89%e8%a7%92%e5%b8%82%e5%a0%b4%e8%b6%85%e5%bc%b7%e6%b5%b7%e9%ae%ae/#respond Sun, 15 Jun 2014 21:00:00 +0000 http://bigfuntrip.com/?p=462 小樽嘅三角市場，係一個細細哋，睇起上嚟有啲 Up Dup (罨耷) 嘅地方，但呢種格局往往就係最多寶藏嘅地方。唔少當地人都係去呢個市場度搵食，咁就啱晒喇，最好嘅嘢應該就係晒度！

圖1：去三角市場尋寶
圖1：去三角市場尋寶

去呢個市場主力當然係食蟹﹗又生蜢又肥美﹗同埋仲有好多其他海鮮﹗一於係咁食食食﹗市場入面嘅海鮮檔主要有一間大型連鎖店同埋一間小店，我哋揀左間小店﹗個老闆超 nice。揀完海鮮後，海鮮檔會幫顧客處理埋，大家就只需要等食。

圖2：主打一定係食蟹
圖2：主打一定係食蟹
圖3：左松葉右毛蟹，花多眼亂！
圖3：左松葉右毛蟹，花多眼亂！
圖4：不過最正都係佢——鱈場蟹！
圖4：不過最正都係佢——鱈場蟹！

揀左隻生蜢鱈場蟹，海鮮檔老闆建議三食，即刺身、清蒸、燒烤。不過最後決定唔搞咁多花款，原隻清蒸﹗因為清蒸先可以食到最鮮嘅味道。識得食一定係咁食﹗正到無話可說！

圖5：兩個字——鮮甜！
圖5：兩個字——鮮甜！

除左蟹，仲揀左原隻海膽、珍寶生蠔、海螺、八角魚，同埋魚生飯。海膽超新鮮，原隻不過$50港幣，不過其實也不一定食原隻的，因為一板板的質素已經很好，不過是$100港幣。

圖6：海膽又係唔食唔得！
圖6：海膽又係唔食唔得！

珍寶生蠔手掌咁大，很肥美，但並不是非吃不可，如果已叫左太多其他嘢，我覺得可以 skip 生蠔。

圖7：如個胃唔夠位，生蠔可以 skip！
圖7：如個胃唔夠位，生蠔可以 skip！
圖8：海螺爽脆鮮甜﹗好食！
圖8：海螺爽脆鮮甜﹗好食！

八角魚，樣子古怪﹗因為是當地特產，加上是季節性，所以叫了嚟試吓。味道不算很濃，但勝在很fresh，一試無防。

圖9：八角魚一試無防！
圖9：八角魚一試無防！

海鮮丼！亮點是最上面的烏魚子，唔駛$100港幣﹗非常好味！

圖10：豐盛的海鮮丼
圖10：豐盛的海鮮丼
圖11：海鮮檔老闆，認住佢，啲頭髮好似海膽咁爆開的﹗個人超 nice！
圖11：海鮮檔老闆，認住佢，啲頭髮好似海膽咁爆開的﹗個人超 nice！

相關文章：食盡北海道(一)：去吃蟹料理

相片及資料提供：Alex Lau

]]> https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%ba%8c%ef%bc%9a%e4%b8%89%e8%a7%92%e5%b8%82%e5%a0%b4%e8%b6%85%e5%bc%b7%e6%b5%b7%e9%ae%ae/feed/ 0 462 43.1990108 140.9937949 43.1990108 140.9937949 【食盡北海道】第一集：去吃蟹料理 https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%b8%80%ef%bc%9a%e5%8e%bb%e5%90%83%e8%9f%b9%e6%96%99%e7%90%86/ https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%b8%80%ef%bc%9a%e5%8e%bb%e5%90%83%e8%9f%b9%e6%96%99%e7%90%86/#respond Thu, 12 Jun 2014 07:03:00 +0000 http://bigfuntrip.com/?p=468 去到北海道，如果只可以揀一樣嘢嚟食，一定係蟹﹗鱈場蟹、毛蟹、松葉蟹，隻隻肥美﹗嚟北海道要食過蟹個旅程先可以叫做完美﹗

 係札幌搵蟹食可以話無乜難度，但如果你連諗都唔想諗，最方便快捷就係去「蟹本家」或「蟹將軍」食蟹料理，兩間嘅質素分別不大，價錢相若，隨意揀一間就可以了。今次一落機就等唔切，直接踩入「蟹本家」，先嚟個方便蟹宴嚟以即時滿足我嘅蟹慾﹗
由於太肚餓，一坐低唔駛9秒9就點左個套餐。前奏先來點小吃。
跟住就當然係正式品蟹﹗從最純味的刺身吃起，鱈場蟹肉一疏一疏的，既有彈性又鮮甜無比﹗
食完刺身，就食清蒸的，蒸熟的鱈場蟹，簡簡單單最能吃出鮮味﹗

極品蟹膏﹗咸香鮮味﹗

跟住係松葉蟹火鍋，又係另一番滋味﹗湯底燙過蟹後非常鮮味，不過記得唔好飲晒個湯﹗好戲還在後頭﹗

然後係蟹腳鐵板燒、炸蟹肉飯糰、天婦羅蟹㶰，同埋焗蟹蓋，味道香口，但個人還是比較喜歡清蒸的，比較能吃出原本的鮮味﹗

壓軸的是這個其貌不揚但鮮甜無比的雜炊（蟹粥）﹗就是剛才果個精華火鍋湯底所炊出嚟的﹗
最後是夕張密瓜﹗完美﹗
蟹本家網址：http://www.kani-honke.co.jp（相片及資料提供：Alex Lau）
]]> https://www.bigfuntrip.com/%e9%a3%9f%e7%9b%a1%e5%8c%97%e6%b5%b7%e9%81%93%e4%b8%80%ef%bc%9a%e5%8e%bb%e5%90%83%e8%9f%b9%e6%96%99%e7%90%86/feed/ 0 468 43.0530423 141.3537008 43.0530423 141.3537008