香港快運航空推出全新「雙重賞通行證」，同時預告嚟緊嘅2月會有 Gotta Go Super Sale！
有咗「雙重賞通行證」，可以喺一年內獲享兩次指定 Gotta Go Super Sale 優先搶購超值機票嘅機會，同時再送你「香港快運 優先服務+」及「前排座位」服務各兩次！即係話… 由訂票、登機到落機，全程都可快人一步！
由即日 (1月29日) 起至1月31日，可以優惠價 HK$288 購買呢個通行證 (全年可用)！俾差唔多三百蚊買呢個通行證其實又抵唔抵呢？小編即刻同您計一計！
「雙重賞通行證」內容包括：
1. 一年內兩次指定 Gotta Go Super Sale 優先搶購超抵機票
合資格「雙重賞通行證」持有人將於每次指定 Gotta Go Super Sale 公開開售前24小時獲得「優先搶飛權」並收到電郵邀請，電郵內將提供專屬購買連結及相關登入指示。持有人可透過該專屬購買連結登入相關購票頁面，於優先購買時段內優先選購限量超值機票。購買連結亦將於公開開售期間同步於香港快運航空官方網站及社交媒體平台發佈。
2.「香港快運 優先服務+」代金券2張 (每張價值 HK$80，即共值 HK$160)
享優先辦理登機手續、優先登機，更附設航班延誤保障——如航班延誤超過90分鐘，可選擇機場貴賓室通行證或港幣80現金保障#。
3.「前排座位」服務代金券2張 (每張價值 HK$100，即共值 HK$200)
可預先選擇第二至第十行前排座位，落機快人一步，特別適合短途旅遊或分秒必爭的旅客。
其實2張「優先服務+」代金券及2張「前排座位」服務代金券，夾埋都已經值 HK$360！超過通行證個售價。所有代金券於成功購買後即可使用，只需於訂票時選取相應代金券，費用即時扣減，都幾簡單方便！因此，如果你平時佳 UO 都會加價買座位，個人本身又心急上飛機，呢個通行證已經值得買！再加埋有2次 Gotta Go Super Sale「優先搶飛權」，可以快人一步搶到平飛！如果平時都幾個朋友結伴 / 一家人出遊*，可以一次過安排旅程！咁就真係幾值得買！
但係如果你本身都好少加購UO啲額外服務同座位，平日搶飛都係好隨心，唔一定要搶到盡嘅話，咁呢個通行證就未必有需要了。
*UO官方未有提到每次 Gotta Go Super Sale 最多可以買幾多張機票。
如何購買？
- 按下「購買」，系統將引導你登入 MyUO 帳戶（新會員可即時註冊）。請確保你的MyUO帳戶姓名與護照上的姓名相符。
- 核對資料並完成付款，專屬代金券兌換碼將即時發送至你的電郵。
- 購買完成！你可隨時於現有或未來的訂單中使用代金券，輕鬆解鎖「前排座位」及「香港快運優先服務」。
注意事項：
- 持卡人必須同行： 使用代金券時，雙重賞通行證持有人必須列為訂單中的乘客之一。
- 姓名必須一致： 機票訂單上的乘客姓名必須與雙重賞通行證持有人購買雙重賞通行證時所使用的姓名完全相符。
- 有效日期： 代金券適用於 2026 年12月31日或之前出發 的航班。
兩次 Gotta Go Super Sale 優先預訂：
- Gotta Go Super Sale優先預訂將於 2026 年第 1 季及第 2季舉行。
- 已登記的合資格乘客將於Gotta Go Super Sale優先預訂開售前最少三小時，收由 [email protected] 發出的提示電郵；而在優先預訂期正式開始時，香港快運將在官網社交媒體平台發放相關消息，並附上專屬購買連結，乘客需自行留意官方渠道公布。
- 持有人必須透過專屬連結登入其 MyUO 帳戶，以完成身份驗證並參與優先購買。
- Gotta Go Super Sale 受禁運期和機位供應情況所限，香港快運不保證特定票價、航線或機位供應；即使參與優先預訂，亦不保證能成功訂購。
- 優先購買專屬連結僅限參加者本人使用，嚴禁向任何第三者分享該連結或相關帳戶資料。
【雙重賞通行證優惠期限】即日-1月31日
詳情及訂購： https://www.hkexpress.com/zh-HK/campaign/doubleuppass
