Big Fun Trip 旅遊情報

東京有平飛！香草航空會喺今日 (7月6日) 下午2pm起推出新優惠！香港飛東京 (成田) 單程$288起，來回連稅$1,040起！ 出發日期8月至10月，即係8月暑假旺季都有平飛？如果真係搵到就正喇！ 想去 Shopping 嘅粉絲留意返：香草票價只有10kg嘅手提行李額，並不包括免費行李。行李寄艙費用為：每程首20kg $305，其後每5kg $79！ 此外，香草推出咗會員儲分計劃，訂飛時每消費$7 就有 1分！儲滿100分就可以當$10用！9月底前成為會員，更可享100分迎新獎賞！新會員首次預訂，該航班可獲雙倍積分！連行李寄艙、指定座位等費用都可以儲分！ 預訂資訊： 出發日期：2018年8月1日-10月27日 (部分日子不適用) 預訂日期：2018年7月6日2:00PM-7月10日10:30PM (香港時間) 預訂網址：https://www.vanilla-air.com/hk 提提大家：於香草航空訂飛時，可以唔駛填 Passport Number。

一次過歎齊陽光海灘、韓燒同 Shopping！韓亞推出夏威夷平機票，9月至12月出發：香港經首爾來回檀香山$2,764起 (連稅$3,660起)！ 呢隻機票冇得中停首爾，但可以趁轉機快閃遊，歎返餐韓燒、再掃藥妝先上機！來回兩程嘅轉機時間都有長有短，大家可自由選擇去程定回程快閃首爾！ 票價包咗飛機餐、2件23kg寄艙行李額！喺首爾掃完貨，去到夏威夷繼續買都大把位放！加上韓亞係 Skytrax 5星航空，服務唔錯添！ 優惠唔係每日去都有，大家可以於搜尋時揀「彈性旅遊日期 (+/- 3日)」，可以一次過睇到多日票價，更易搵出邊日有呢隻平機票啦！ 預訂資訊： 出發日期：2018年9月3日-12月19日 寄艙行李限額：2件23kg 預訂日期：即日起 預訂網址：https://www.hutchgo.com.hk

提到秋冬日本靚景，遊北陸就有唔少迷人景色！ANA 有隻名古屋優惠，只要上 Expedia 以套票形式預訂，就可以用靚價筍遊北陸啦！ 2人同行出發，ANA 香港來回名古屋機票＋酒店 (以最平住宿為例)，每位連稅計：4日3夜$3,297起、5日4夜$3,452起、6日5夜$3,623起！ 票價已包2件23kg寄艙行李額、豐富飛機餐！而除咗住名古屋，留宿其他北陸地區嘅酒店都得！無論去名古屋城賞楓，抑或睇合掌村雪景都得啦！ ANA．名古屋4日3夜精選套票： (以12月2日去、12月5日返為例，2人同行每位計) 機票＋名古屋榮精選永安國際酒店 (新酒店) ★★★｜連稅$3,446起 位於2個地鐵站之間，最近嘅「矢場町站」行6分鐘就到！酒店於2017年12月開業，環境新淨！房間以不同色彩佈置，裝潢繽紛亮麗！ 機票＋HOTEL MYSTAYS 名古屋榮 ★★★｜連稅$3,471起 酒店位置旺中帶靜，距離地鐵「榮站」只有10分鐘腳程，交通方便。 機票＋APA 名古屋錦町優良酒店 ★★★｜連稅$3,578起 房間面積唔大，但位置極靚！步行1分鐘即達地鐵「榮站」，距機場巴士站亦只有4分鐘步程！附近有便利店、激安殿堂、餐廳，去 Sunshine Sakae商場、名古屋電視塔都相當方便！ 機票＋名古屋燈光圖書酒店 (新酒店) ★★★｜連稅$3,687起 2018年2月新開嘅型格酒店，以書本為主題、佈置具設計感！酒店環境清幽，1樓嘅休憩空間同時係迷你圖書館，充滿陣陣文青風！位置上都唔錯，行3分鐘可達地鐵「伏見站」，附近 有2間便利店添！ 機票＋名古屋站前大和魯內酒店 ★★★★｜連稅$4,002起 酒店距離JR 名古屋車站僅5分鐘步程，去邊到咁方便。房間整潔、舒適，酒店內更設有投幣式洗衣機，樓下就有便利店。 機票＋名古屋貝斯特韋斯特酒店 ★★★★｜連稅$4,197起 座落市中心，行7分鐘可達地鐵「榮站」12號出口、綠洲21，附近有唔少食肆、亦有幾間便利店。而酒店入面都有2間餐廳，搵食好方便！ 除以上推介，大家可自選酒店。如果要入住其他地區嘅酒店，直接於「目的地」位置輸入就可以了。 行程長短亦可自訂，最耐可以玩到8日7夜！想玩多幾地，於旅程中住唔同嘅酒店都得！只需喺搜尋時剔選「我只有部分日期需要入住酒店」就可以設定套票包邊幾晚酒店，其餘日數再另外加訂其他酒店。 8月至12月出發都有抵價，最啱賞楓、睇雪景！而1人出發都冇問題，但因為冇朋友仔攡分房價，會比以上價格貴少少。 預訂時，記得要先揀酒店、再選機票。去到揀機票嗰陣，於左邊「包括的航空公司」剔選「全日本空輸」，就可以快啲搵到以上套票啦！ 預訂資訊： 出發日期：2018年8月29日-9月27日、10月4日-12月19日 寄艙行李限額：2件23kg 機票有效期：7日 預訂日期：即日-2018年8月31日 (售完即止) 預訂網址：http://www.expedia.com.hk (以網頁版預訂為佳)

歎 Skytrax 5星航空飛南半球！新加坡航空推出最新優惠，香港來回奧克蘭$2,903起 (連稅$3,620起)！比起上次優惠仲平咗少少！ 出發日期介乎10月至11月，當地天氣開始冇咁凍，涼涼哋幾舒服！票價包咗飛機餐、30kg寄艙行李額，仲有得搭高質新航嘅 A380 客機！正！ 航班係經新加坡轉飛嘅，加多三舊水左右就可以於其中一程 Stopover 新加坡：連稅$3,936起！4千蚊都唔駛就玩晒兩地，正！ 提提大家：以上優惠票嘅機票有效期係14日，但係必須於11月27日或之前完成旅程。預訂時記得留意返啦！ 預訂資訊： 出發日期：2018年10月28日-11月21日 (須於11月27日或之前完成旅程) 寄艙行李限額：30kg 機票有效期：2-14日 預訂日期：即日-2018年7月21日 預訂網址：https://www.skyscanner.com.hk/ (如要中停新加坡、揀「多個城市」搜尋)

呢排喺電視見到俄仔返鄉下，令小編都好想去俄羅斯玩！港航就有隻筍盤，香港來回莫斯科$1,900起 (連稅$2,407起)！唔駛得個睇字啦，訂飛起程啦！ 咁抵嘅價格仲要係搭直航機，平過俄航添呀！10月中前出發都有呢口價，8月盛夏去避下暑都得添！票價包2件23kg寄艙行李額、飛機餐，正！ 提提您：以上航線係飛「伏努科沃」(VKO) 機場，plan 行程時記得留意路線！另外，來回兩程都係每星期三班機，如果想快啲搵咩日子有，可於搜尋後按「查看 7 天票價」睇睇！ 航班時間 HX2019 15:00-20:10 / 16:15-21:25 (逢星期二、五、日) HX2018 00:20-15:00 / 00:35-15:15 (逢星期一、三、六) 預訂資訊： 出發日期：2018年7月6日-7月27日、8月3日-9月30日、10月5日-10月21日 寄艙行李限額：2件23kg 機票有效期：1個月 預訂日期：即日起 (售完即止) 預訂網址：https://www.hongkongairlines.com

去澳門淨係得食同瞓？其實澳門仲有好多新奇嘢玩，著旗袍遊澳門又試過未？ 澳門首間旗袍體驗店「旗緣」，為遊客提供「旗袍」及「馬掛」出租服務，讓大家親身體驗這種傳統服飾，重新詮釋不一樣嘅個人氣質。澳門有好多極具特色嘅葡式及中式建築，啱晒影靚相同打卡，著住剪裁優美嘅旗袍或有型帥氣嘅馬掛，影出嚟嘅靚相必定可以勁 like！ 「旗緣」提供咗各項體驗方案，女士嘅「旗袍」一天體驗價由$270起！另外，仲有男士嘅「馬掛」體驗，以及小孩嘅旗袍 / 馬掛體驗，一天體驗均由$200起。 依家粉絲憑獨家優惠代碼「Qiyuanplay09」可以額外有多9折添！用咗優惠代碼後，一天體驗價只需$180起！ 預訂資訊： 優惠期限：即日-2018年8月31日 優惠代碼：Qiyuanplay09 預約：https://www.qiyuanmacau.com/reservation (到付形式，不用網上付款) 店舖地址：澳門 柯傳善堂圍15號 豐時大廈地下c座

皇家約旦航空呢隻優惠堅抵，連稅3千5起飛歐洲！香港來回歐洲各地$1,717起！仲有勁多航點任揀，就連出名稅貴嘅倫敦都係連稅3千6有找！ 連稅計，香港經安曼來回：法蘭克福$3,531起、蘇黎世$3,574起、維也納$3,575起、巴黎$3,578起、阿姆斯特丹$3,581起、羅馬$3,586起、馬德里$3,594起、倫敦$3,599起、日內瓦$3,869起、雅典$3,725起！ 9月去到明年3月出發都有抵價，去歐洲過個浪漫冬天就最正！皇家約旦航空無論硬件定服務都唔差，佢係2018年「20大最安全航空公司」之一，又係「寰宇一家」嘅成員添！ 航班唔係每日都有。如果想易啲搵到咩日子有平機票，可以先去皇家約旦航空官網睇多日票價，再去 Skyscanner 以更抵價格訂飛！ 提提大家：皇家約旦航空．香港飛歐洲嘅航班會途經曼谷＋安曼，不過曼谷嗰程就唔駛落機，可以由香港上機後直到安曼先落機再轉。 預訂資訊： 出發日期：2018年9月16日-2019年3月15日 (部分日子不適用) 寄艙行李限額：23kg 機票有效期：45日 預訂日期：即日-2018年7月12日 預訂網址：https://www.skyscanner.com.hk/

中東三寶嘅歐洲機票靜咗排，反而去杜拜玩有減喎！阿聯酋推出優惠，香港來回杜拜$3,678起 (連稅$4,281起)！正啊！ 航班係直航機嚟，出發日期就係8月至12月，當中包括8月份嘅暑假日子！可以趁暑假一家大細去騎駱駝！又或者怕熱嘅，秋冬去都得添！ 票價包20kg寄艙行李額、飛機餐，阿聯酋會員更可使用機上 20Mb WiFi 數據！喺旺季搭到直航機，仲要係高質阿聯酋，呢口價都幾吸引！ 提提大家：唔係每日去都有優惠價。大家可先上阿聯酋官網，揀「我的日期可以靈活調動」搵出邊日有平機票，再上 Skyscanner 訂飛！ 預訂資訊： 出發日期：2018年8月12日-9月27日、10月3日-12月18日 (回程於10月4日-10月12日不適用) 寄艙行李限額：20kg 機票有效期：4日-1個月 預訂日期：即日-2018年7月18日 預訂網址：https://www.skyscanner.com.hk/

呢個夏日咁熱辣辣，去南半球避暑就正啦！澳洲維珍有隻全年平飛，連暑假出發都有抵！而且係直航機，唔駛轉嚟轉去好方便！ 今年8月至明年3月出發，香港直航來回澳洲$3,158起！連稅計：香港來回墨爾本$4,154起、悉尼$4,250起！包2件23kg寄艙行李額、飛機餐！ 想趁暑假玩多幾個地方，Open jaw 咁飛都得添，例如悉尼入、墨爾本出：連稅$4,277起！機票有效期仲要有1年咁耐，去 Working holiday 都啱駛！ 預訂資訊： 出發日期： 2018年8月6日-9月18日、9月23日-9月25日、10月14日-12月17日、2019年2月11日-3月31日 2018年8月6日-9月26日、10月7日-10月9日、10月13日-12月13日、2019年2月10日-3月31日 寄艙行李限額：2件23kg 機票有效期：12個月 預訂日期：即日起 預訂網址：https://www.skyscanner.com.hk

少見喎！英航推出閃劈優惠，限時兩日！香港來回歐洲各地$2,177起 (連稅$3,792起)！最平連稅3千7就搭到英航 A380 飛歐洲，筍爆！ 香港來回歐洲各地，連稅計：巴黎$3,792起、蘇黎世$3,933起、布魯塞爾$3,979起、哥本哈根$4,142起、里斯本$4,321起、都柏林$4,577起！ 香港來回英國各地，連稅計：曼徹斯特$4,683起、紐卡素$5,067起、格拉斯哥$5,068起、利茲$5,158起、倫敦$5,248起、愛丁堡$5,832起！ 以上只係精選航點，另外飛歐洲其他地方都有平添！當中飛倫敦係直航機，其他航點就要經倫敦轉機。出發日期就由10月去到明年6月，包咗23kg寄艙行李額、飛機餐！ 平飛唔係每日都有，大家可以先上英航官網，於「Ticket type」揀「Lowest price」搜尋，搵到咩日最平後，再上 Skyscanner / Trip.com 以更抵價格訂飛！ 預訂資訊： 出發日期：2018年10月4日-12月10日、12月24日-12月31日、2019年1月11日-1月29日、2月18日-3月20日、4月24日-6月15日 寄艙行李限額：23kg 預訂日期：即日-2018年7月5日 預訂網址：  https://www.skyscanner.com.hk/  https://hk.trip.com

長榮有隻平機票，香港經台北來回大阪$1,387起 (連稅$1,856起)！航班要經台北轉飛，唔停低玩埋咪嘥晒？大家只要加返機場稅，就可以中停台北！ 以香港飛大阪、大阪飛台北、台北飛香港為例，三程機連稅共$2,026起！喺大阪行完心齋橋、黑門市場，再去西門町掃街、hea Cafe做文青！ 票價仲要包埋30kg寄艙行李額、飛機餐，今年9月至明年3月出發都得！平時就咁飛大阪都少見咁平，今次玩埋台北，仲要係搭 Skytrax 5星航空長榮添！正！ 唔係每日出發都有平飛，大家可先上長榮官網揀「彈性旅遊日期」搵優惠日子。搵出邊幾日有大阪平飛後，再上 Trip.com 以更抵價格預訂！ 預訂資訊： 出發日期：2018年9月4日-9月20日、9月25日-9月26日、10月2日-12月19日、12月30日-2019年1月30日、2月10日-3月31日 寄艙行李限額：30kg 機票有效期：1個月 預訂日期：即日起 預訂網址：https://hk.trip.com

世界盃踢得如火如荼，約埋班 friend 齊齊睇波就最開心！但搵地方睇都幾頭痕！不如衝出香港，過澳門 book 間靚酒店睇波，仲可以趁機會輕鬆返兩日添！ 中旅社有幾隻套票都幾抵玩，以澳門酒店＋來回船飛為例，每位$639起！可以喺酒店入面同班 friend 一齊睇波，部分套票仲包埋飲品小食 / 餐飲券！另外就連廣州套票都筍！ 而澳門十六浦更推出連串世界盃「夏日狂賞」推廣活動，於咖啡店睇波可用優惠價$158歎美酒＋小食、首18-20名顧客可更獲贈免費啤酒！另外又有「估賽果、贏巨獎」嘅活動，獎品係總值$28,000嘅旅遊禮券，勁吸引！ 優惠套票推介： 澳門濠璟酒店＋來回船飛｜每位$679起 套票包括： 1晚「澳門濠璟酒店」客房住宿 自助早餐 於酒店音樂廊觀賞世界盃賽事 (包2杯啤酒、1份小吃) 使用「Handy Phone」旅遊手機服務 (可撥打香港、澳門、中國內地電話) TurboJET 香港來回澳門船飛 出發日期：即日起 澳門羅斯福酒店＋來回船飛｜每位$699起 套票包括： 1晚「澳門羅斯福酒店」客房住宿 (免費升級至「澳門賽馬會景觀房」/「露台客房」) 酒店早餐 於酒店1樓平台 / 3樓陽台餐廳觀賞世界盃賽事 ...

準備暑假去玩嘅粉絲們留意啦，暑假都有平酒店！Expedia 推出最新嘅72小時快閃優惠，全球各地酒店房價低至4折！去邊都有得平！ 如果想用最抵價格訂房，就記得喺預訂前成為 Expedia！登入後預訂，於部分酒店可享隱藏優惠價！可以儲積分、換現金券，亦有機會免費 Upgrade 房間、延遲 check-out 等！儲夠會員積分後，更可用$0入住心宜酒店！ 人氣旅遊點．酒店推介： (以下價錢為2人入住雙人房每晚計。會員價為登入後，見到有黃色標示即係隱藏優惠價。) 丰居旅店 ★★★｜會員暑期靚價：連稅$488起 (以8月8-9日為例) (預訂) 酒店位於西門町旺區，行落樓下就有大把嘢食、大把嘢買！行去「捷運．西門町站」只需5分鐘，夠晒方便！ 墾丁海逸渡假旅店 ★★★★｜連稅$534起 (以9月2-3日為例) (預訂) 距離墾丁大街僅1分鐘步程，非常方便，行去南灣海灘亦只需10分鐘。裝修新簇、舒適！ WeLOFT INN ★★★｜暑期靚價：連稅$439起 (以7月25-26日為例) (預訂) 走 LOFT 工業風嘅酒店，佈置時尚、具設計感！酒店位於台南市中心，附近有眾多著名餐廳、食肆！ 池袋百夫長酒店 ★★★｜會員暑期靚價：連稅$642起 (以7月24-25日為例) (預訂) 位置優越！酒店座落池袋，樓下就係便利店，落街行兩步就可以 Shopping！行3分鐘即到 JR「池袋站」，去邊都非常方便！ 大阪難波燦路都大飯店 ★★★｜會員價：連稅$655起...

HK Express 推出新一期優惠，香港飛台灣單程$148起、越南 / 泰國$198起、日本 / 韓國$268起！依家已經賣緊，賣去到今個星期五 (7月6日)！ 來回票價：台中 / 花蓮$296起 (連稅$691起)、芽莊$396起 (連稅$783起)、石垣島$536起 (連稅$791起)、峴港$396起 (連稅$829起)、清邁 / 清萊$396起 (連稅$862起)、布吉$456起 (連稅$922起)、釜山 / 濟州$536起 (連稅$956起)、廣島 / 高松 /...

又有釜山嘅早鳥優惠啦！10月份出發，香港 / 澳門飛釜山單程$500！香港來回釜山連稅$1,417起、澳門來回釜山連稅MOP1,647起！ 韓國各地嘅楓葉會喺9月至10月開始轉色，今次呢隻平飛就最啱去率先睇紅葉啦！而且航班時間係凌晨去、晚返！夾 Weekend 去快閃玩到盡都冇問題！ 雖然釜山航空屬於廉航，但票價已包埋15kg寄艙行李！唔駛另外加錢，非常抵玩！優惠賣到去7月8日，有興趣就 Tag 埋朋友仔一齊訂飛 plan 行程啦！ 航班時間： 去程：BX392 02:05-06:10 回程：BX391 21:35-00:05+1 去程：BX382 02:05-06:20 (逢星期一、二、四、五、六) 回程：BX381 21:50-00:20+1 (逢星期一、三、四、五、日) 預訂資訊： 出發日期：2018年10月1日-10月27日 預訂日期：即日-2018年7月8日3:00PM 預訂網址：https://hk.airbusan.com

泰航有隻曼谷平機票，官網賣緊連稅$1,668起！而上 Expedia 訂套票，只係加多$52就有埋3晚酒店啦！就算住4星以上酒店，玩4日3夜都係連稅千8蚊起咋！ 8月至11月出發，泰國航空．香港來回曼谷機票 (包30kg寄艙行李額、飛機餐)＋酒店，2人同行每位連稅計：4日3夜$1,720起、5日4夜$1,746起、6日5夜$1,906起！價格係以最平住宿為例嘅。 搭得高質泰航，當然要住返好啲啦！就連住4星或以上酒店都抵，4日3夜套票連稅$1,893起！而航班時間有晚去晚返添，收工即飛又得、加$147改早機去都得！ 泰航．曼谷4日3夜「機票＋4 / 5星酒店」推介： (以10月22日去、10月27日返為例，2人同行每位計) 機票＋艾薩努克公寓 ★★★★｜連稅$2,004起 酒店位處市中心是隆，附近有便利店、大型超市，前往水門市場約10鐘分鐘。另外，酒店提供免費接駁車前往區內要點及購物中心。酒店設施完善，有24小時開放泳池及健身室。 機票＋曼谷蘇坤蔚路 X2 共鳴酒店 ★★★★｜連稅$2,112起 走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。 機票＋曼谷是隆中央酒店 ★★★★｜連稅$2,368起 距離BTS「Saphan Taksin站」僅5分鐘腳程 ，搭的士到熱門購物區亦只是10分鐘，酒店樓下就有食肆、超市！ 機票＋曼谷蘇坤蔚凱悅嘉軒酒店 ★★★★｜連稅$2,550起 於2017年11月開業，距離BTS「Phrom Phong站」...

國泰 / 國泰港龍 fanfares 第297期！今期幾多抵玩平嘢！ 機票： 經濟艙：馬尼拉$980 (連稅$1,316)、首爾$1,280 (連稅$1,732)、大阪$2,080 (連稅$2,553)、釜山$2,600 (連稅$3,017)、杜拜$2,880 (連稅$3,474)、巴塞羅那$3,480 (連稅$4,002)、哥本哈根$3,480 (連稅$4,008)、紐約$3,680 (連稅$4,504)、溫哥華$3,880 (連稅$4,482) 套票 (3日2夜機票連酒店)： 2人同行每位價錢：吉隆坡$1,760 (連稅$2,160起)、宿霧商務艙$4,460 (連稅$4,790起) 確實嘅出發日子及航班時間於星期二朝早8點在 fanfares 網站公佈。每期會分開自由揀日子及指定日子last minute 出發。 預訂資訊： 估計出發日期：2018年9月1日-10月2日 (自由揀日子)；2018年7月8日-7月14日 (指定日子) 開賣時間：2018年7月3日8:00am (售完即止) 預訂網址：http://www.cathaypacific.com/fanfares

日本全新民泊法已執行，想訂日本民宿嘅話，可以去日本唯一合法民宿房源預約平台「Stay Japan」，網站內嘅民宿皆經過政府許可而取得正式授權，具備絕對嚴格的合法性。 Stay Japan 推出咗一系列暑期優惠代碼，大家呢個 summer holiday 住日本民宿就更加抵了！ 10%優惠代碼：wrCwnlfdsg (適用入住日期至2018年8月30日) 訂滿¥5000減¥150優惠代碼：chBR4onFMw (適用入住日期至2018年8月31日) 訂滿¥10000減¥400優惠代碼：YZH7cyEXMg (適用入住日期至2018年8月31日) 訂滿¥20,000減¥1,000優惠代碼：tCniWNRSoQ (適用入住日期至2018年8月31日) 訂滿¥50,000減¥3,000優惠代碼：HGjeP6p1HQ (適用入住日期至2018年8月31日) 訂滿¥70,000減¥5,000優惠代碼：fGtj4-CuUg (適用入住日期至2018年8月31日) 訂滿¥100,000減¥10,000優惠代碼：3OVjfAMsJw (適用入住日期至2018年8月31日) 預訂資訊： 入住日期：參考上述 預訂日期：即日-2018年7月30日 (或額滿即止) 預訂網址：https://www.stayjapan.com

又嚟韓國平飛啦！今次係真航空嘅「JIN MARKET」優惠，秋冬或者明年初春去首爾都有得平！星期一 (7月2日) 開賣！ 實際票價將於開賣當日公布，但根據以往類似嘅平飛，估計香港來回首爾約$800起 (連稅約$1,261起)！澳門出發都有，來回連稅約MOP1,300起！ 真航空雖然係廉航，但係票價已包15kg嘅寄艙行李額，仲有嘢食添！不過航班時間就一般，係午去早返！啱駛就準時去搶飛啦！ 航班時間 香港飛首爾： LJ114 13:20-17:55 LJ113 09:30-12:10 澳門飛首爾： LJ122 01:30-06:05 LJ121 21:45-00:30+1 提提大家：真航空冇得預先加購寄艙行李額。如果行李超載就要收返每公斤9,000韓圜或港幣$60。 預訂資訊： 出發日期：2018年10月28日-2019年3月30日 寄艙行李限額：15kg 預訂日期：2018年7月2日9:00AM -7月8日11:00PM 預訂網址：https://www.jinair.com/

炎夏玩水，夏天梗係同屋企2隻化骨龍去澳門放電LA，現在住客入住「澳門百老匯酒店」或「澳門JW萬豪酒店」就可以免費暢玩天浪淘園，簡值係玩平DDD，慳足$888。靜雞雞話您知平時2位成人及2位6歲以下小童入去玩最平都要$888，今次永安旅遊會場優惠真係超抵。 嚟一連兩日緊喺荷里活廣場舉行嘅「澳門大激賞-感受澳門美食式」路展有大量澳門旅遊優惠！永安旅遊嘅會員親臨會場仲可享限定折扣，套票低至每位$479起！ 每日首20位會員預訂澳門套票，每位即減$200、每訂單最多減$400！而其後嘅第21至250位，每位可減$100、每訂單最多減$200！仲有得送澳門銀河「運財套餐美食券」及「逍遙賞」糖水 / 飲品券，包埋食添！ 當中以「澳門百老匯酒店」雙人套票就最抵，1晚酒店住宿 (住客可免費暢玩天浪淘園)＋金光飛航來回船飛：每位$479起！另外有其他靚酒店套票任揀，例如「澳門JW萬豪酒店」只需$699起，住客一樣可免費暢玩天浪淘園、「澳門新濠匯影」只需$590起，仲送您「8」字摩天輪 (每房每晚2張) 同蝙蝠俠4D模擬飛行體驗門票 (每房每晚1張) 及氹仔全新「澳門美獅美高梅酒店」包理自助早餐都係$799起！預訂套票更可用優惠價加購 LINE Friends 展 / 幪面超人展門票都係$88起！ 以上所有優惠都只限「澳門大激賞-感受澳門美食式」會場內預訂，而且係永安會員專享！有興趣可先上永安網站成為會員，然後親身去訂套票啦！優惠有限，手快有手慢冇！依家就即刻搵定旅友夾定日期先啦！ 預訂資訊： 預訂地點：鑽石山荷里活廣場「澳門大激賞-感受澳門美食式」永安旅遊展位 預訂日期：2018年7月1日-7月2日 旅遊日期：不限 詳情：https://package.wingontravel.com/short/Detail/3518