Big Fun Trip 旅遊情報

香港航空新一輪快閃優惠！ 香港來回曼谷$450 (連稅$839)、台北$550 (連稅$885)、首爾$1,170 (連稅$1,570)、黃金海岸$2,550 (連稅$3,347)、開恩茲$2,550 (連稅$3,498)、河內$570 (連稅$986) 價錢唔錯！出發日期介乎2月12日至5月31日，視乎航點而定。 香港航空係傳統航空公司，包20kg寄艙行李，而澳洲線更包30kg寄艙行李。 預訂資訊： 出發日期： 2017年2月15日-3月25日 2017年2月12日-3月27日 2017年2月12日-2月28日 2017年2月15日-3月25日 2017年3月1日-5月31日 停留期限：2-7日；黃金海岸/開恩茲為2-14日 預訂日期：2017年2月6日-2月8日 預訂網址：http://www.hongkongairlines.com 留意： 大家揀完機票後，港航個預訂系統好「巧妙」咁自動幫你揀高一級價錢嘅「自在飛」類別！如果無需要「自在飛」所包嘅附加項目，記得揀番「優惠經濟客艙」嘅類別，千其唔好買錯。 香港航空個預訂系統自動加咗旅遊保險嘅費用，如無需要或自行安排，可剔走有關選項。

Expedia 推出新春小旅行酒店低至6折優惠！如有AE卡，用埋優惠碼「AMEXHK10」可以額外再有多9折！ 今期嘅優惠酒店有2,413間，涵蓋各主要熱門旅遊地點！ 推介酒店 (用咗優惠碼後)： 西門101-s精緻旅店 ★★★★｜連稅$406起 (詳情) 旅店經過整修後於2016年11月重新開業，翻新後，設計時尚及舒適得多了！位於西門町，行去西門町站約6-10分鐘，十分方便。房間唔大，最細嘅房約10平方米 (約108呎)，最大約15平方米(約161呎)！但好抵住，亦方便！ APA 新宿歌舞伎町塔樓酒店 ★★★｜連稅$586起 (預訂) 酒店位置非常方便，酒店距離JR新宿站只有5-8分鐘步程，酒店附近就係歌舞伎町區，四周都有食店、便利店、酒吧。 西梅田哈頓酒店 ★★★★｜連稅$510起 (預訂) 講位置無得輸！距離大阪站及機場巴士站僅3分鐘步程，想去難波、心齋橋shopping，又或者去日本環球影城亦只需搭15分鐘地鐵。 櫻花露台畫廊酒店 ★★★｜連稅$744起 (預訂) 酒店設計時尚簡約，大堂設有火爐，一方面可以取暖，另一方面成為設計亮點！房間乾淨舒適，每晚都招待一杯免費飲品。而最重要係好近京都車站，行3至5分鐘就到！呢啲價位，諗唔到有咩理由唔訂！ 札幌格蘭大酒店 ★★★｜連稅$657起 (預訂) 酒店與JR札幌站相連，經相連嘅隧道行5分鐘就到，非常方便。距離札幌鐘樓和大通公園只有2分鐘步程，距離Kokusai Ski Ground 滑雪場約1小時車程。 九樹酒店 ★★★｜連稅$602起 (預訂) 位於明洞，地理位置優越，交通方便。 離明洞地鐵站...

聯合航空推出關島優惠！最驚喜嘅係連暑假尾都有得平！ 香港直航來回關島只需$1,850 (連稅$2,259)！ 出發日期去到2017年12月11日。 連稅二千二可以直飛關島，仲包2件各23kg寄艙行李！簡直抵到彈起！而且暑假尾出發都得，啱晒一家大細嚟個summer trip！ 關島係一個有得影、有得玩、有得買嘅綜合旅遊勝地，想要影靚景有水晶教堂、水清沙幼嘅沙灘；想要刺激刺可以試揸飛機、高空跳傘；想shopping 又有outlet 俾您買到夠，有2件各23kg 嘅寄艙行李！真係喪買都唔會爆喼！ 航班時間係晚去晚返！上到飛機就可以訓覺，早上到達就可以去玩水喇！ 航班時間： 去程 UA180 22:45-05:45+1 (一、三、五、六) 回程 UA179 18:55-21:50 (一、三、五、六) 提提大家，持BNO及香港特區護照去關島係免簽證㗎！ 預訂資訊： 出發日期：即日-2017年4月8日、4月17日-7月14日、8月21日-9月26日、10月3日-12月11日 停留限期：2-30日 寄艙行李限額：2件23kg 預訂日期：即日-2017年2月6日 預訂網址：http://www.expedia.com.hk

首爾平飛又嚟喇！踏入雞年，濟州航空推出新一年嘅早鳥優惠！ 香港單程飛首爾$550起，來回連稅$1,548起！ 澳門單程飛首爾$550起，來回連稅$1,438起！ 如註冊成為新會員，可以即時獲得$200或MOP200嘅電子優惠券，透過手機APP 預訂來回機票，可即時全單再減多$200或MOP200！(下載手機APP：iOS｜Android ) 用咗電子優惠券後，香港來回首爾連稅只需1,348起、澳門來回首爾連稅只需1,238起！好抵！ 濟州航空雖然係廉航，但票價已包15kg寄艙行李。好抵！如果15kg唔夠，可以加購額外行季限額，每件15kg $200一程。留意，網上預購額外寄艙行李服務須於首航段出發日最少 24 小時前完成訂購。 留意番濟州航空並無飛機餐提供。 預訂資訊： 旅行日期：2017年4月1日-5月31日 停留期限：不限 免費寄艙行李限額：15kg (可以加購，每件15kg $200一程) 預訂日期：2017年2月7日 (9:00am)-2月13日 (4:00pm) 網上預訂：https://www.jejuair.net 提提您：提提大家，付款前記得點選「機票價格規定」睇清楚係咪已經包咗15kg行李。訂飛的時候可以㩒Guest Reservation 以電郵地址訂飛，唔駛做會員都訂到。

除咗國泰同英航，維珍都推出二人同行飛倫敦優惠啦！ 香港直航來回倫敦，二人同行每人只需$4,097 (連稅$5,569) 出發日期由即日至10月31日，最長可以停留2個月。 維珍嘅香港飛倫敦航線係以全新波音787夢幻客機執飛，硬件夠新淨。 航班時間： 去程：VS207 23:55-05:55+1/23:55-05:30 回程：VS206 21:00-16:45+1/21:55-17:00 預訂資訊： 出發日期：即日-2017年4月11日、4月24日-6月15日、9月14日-10月31日 停留期限：3日-60日 訂票日期：即日-2017年2月6日 預訂網址：http://www.hutchgo.com.hk (人數必須揀2人或以上先有優惠)

除咗尋晚介紹嘅沖繩優惠！香港航空都有一隻東京優惠，而且暑假尾都有平！ 香港航空來回東京只需$1,080起 (連稅$1,470起)！ 旅行日期由2月11日至9月27日，6月同9月會有較多平飛，2至4月就只有少量平飛。 呢個價錢已包20kg寄艙行李及飛機餐。航班方面，去程又可以揀早機/凌晨機；至於回程就限早機，加$200可以揀午機返。 票價已包20kg寄艙行李及機上餐點。去程主要係午機同凌晨機；回程限早機，加$200起可以揀其他航班。 預訂資訊： 出發日期：2017年2月11日-3月15日、4月24日-7月3日、8月26日-9月27日 停留期限：2-7日 預訂日期：即日起 訂飛網址：http://www.hongkongairline.com 留意： 大家揀完機票後，港航個預訂系統好「巧妙」咁自動幫你揀高一級價錢嘅「自在飛」類別！如果無需要「自在飛」所包嘅附加項目，記得揀番「優惠經濟客艙」嘅類別，千其唔好買錯。 香港航空個預訂系統自動加咗旅遊保險嘅費用，如無需要或自行安排，可剔走有關選項。

HK Express 新一期周末潮遊優惠！航點包括石垣島、清萊、仰光、塞班島！ 香港單程飛石垣島$299、清萊$199、仰光$299、塞班島$399 來回連稅：石垣島$1,196、清萊$844、仰光$1,070、塞班島$1,190 出發日期由2月19日至4月19日。如果您嘅出發日期係3月或之後，仲可以用埋優惠碼「HKECNY20」，額外再有多8折！ 今期優惠只算係普普通通，如果3月或之後出發，用埋優惠碼額外再有多8折，都可以考慮下。不過依家HK Express 啲Mega Sale 咁密，等到就盡量等啦。 以上價錢未包行李寄艙及機上餐點。 行李寄艙費用：20kg 每程$229、25kg 每程$360、30kg 每程$365。訂飛後加行李嘅話20kg 每程$275、25kg 每程$430、30kg 每程$435。 預訂資訊： 旅行日期：2017年2月19日-4月19日 停留期限：無限制 預訂日期：即日-2月5日23:59 預訂網址：https://booking.hkexpress.com 提提您： 訂飛時HK Express 系統預設左行李寄艙及旅遊保險嘅費用，如果唔需要記住自行剔除，揀「無托運行李」同「不用，謝謝。我將另行安排旅遊保險」。 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

香港航空又嚟料喇！推出$770飛沖繩優惠！ 香港來回沖繩只需$770 (連稅$1,049)！ 價錢低到無可再低！已包20kg寄艙行李同飛機餐！仲抵過坐廉航！ 出發日期由2月15日至3月29日 平飛分佈 (僅供參考)： 去程：2月15,16,17,18,19,20,21,22,23,24,25,26,27,28日、3月1,2,3,4,5,6,7,8,9,13,14,15,19,20,21,22,27,28,29日 回程：2月17,18,19,21,22,23,24,25,26,27,28日、3月1,2,3,4,6,7,8,9,10,11,15,16,17,21,22,23,25,29,31日 預訂資訊： 出發日期：2017年2月15日-3月29日 停留期限：2-7日 預訂日期：即日起 預訂網址：http://www.hongkongairlines.com

樂桃 (日本版) 會係今晚 (2月3日) 11pm 推出日本返港優惠！ 沖繩飛香港單程只需2,990円 (約$205)、大阪飛香港只需3,590円 (約$246) 連稅沖繩3,320円 (約$229)、大阪5,570円起 (約$385) 旅行日期由2月10日至3月31日。 今次優惠並無航班限制，大阪可以揀夜機返。 以上價錢並未包括託運行李及機上餐飲既費用，託運行李每程每件20kg以下2,800円。 航班時間： 3月25日前： 沖繩-香港：MM965 15:15-17:10 (一、三、六、日) 大阪-香港：MM63 08:20-11:45、MM67 21:15-00:40+1 3月26日後： 沖繩-香港：MM965 13:15-14:55 (一、五、六) 大阪-香港：MM63 08:50-11:45、MM67 21:00-23:55 預訂資訊： 旅行日期：2017年2月10日-3月31日 預訂日期：2017年2月3日11pm-2月6日11pm 預訂網址：http://www.flypeach.com (必需經英文/日文網站搜尋) 提提您： 如果訂飛時未有護照號碼係手，可以先打「000000」，之後可以打上樂桃航空香港 (3013 4668) 免費改返。 香港出發嘅優惠需要使用香港版搜尋，日本出發嘅優惠需要使用Global 版或日文版搜尋。 訂飛時輸入的名字唔可以有空格，例如Lok Bun，你要打Lokbun。同埋電郵...

台灣同日本都係香港人最愛嘅旅遊地點！得一個假期，既想去台灣又想去日本？依家唔駛煩，安運滿Fun遊一次過滿足晒你兩個願望！ 佢哋推出咗兩款抵玩嘅台日「機票＋郵輪」套票！可以俾你一次過玩盡台灣同日本。大家先喺香港搭飛機去台北，然後再係台北上船，暢遊日本沖繩。 套票一：【盡玩沖繩縣】台灣及日本郵輪套票 盡玩沖繩縣套票，每人只需$3,199起！計埋稅項、港口費及其他雜項，每人約$4,859起！及早報名仲可以減多$400！ 呢個價錢已包長榮/華航來回台灣機票；一晚台北住宿；4晚藍寶石公主號郵輪住宿連膳食；機場至酒店、酒店至碼頭、碼頭至機場接送；郵輪服務員小費。 成個trip 可以暢遊台北 (基隆)、沖繩 (那霸) (石垣島) (宮古島)。 出發日期：2017年6月17日 套票二：【秘境の探索】台灣及日本郵輪套票 秘境の探索套票，每人只需$4,499起！計埋稅項、港口費及其他雜項，每人約$6,159起！首10間報名嘅艙房仲可以減多$400，以及獲得艙房提升，入住海景房、露台房或迷你套房！ 呢個價錢已包長榮/華航來回台灣機票；一晚台北住宿；4晚藍寶石公主號郵輪住宿連膳食；機場至酒店、酒店至碼頭、碼頭至機場接送；那霸觀光巴士Hop-on-hop-off、石垣島觀光巴士Hop-on-hop-off、宮古島觀光巴士Hop-on-hop-off；郵輪服務員小費。 成個trip 可以暢遊台北 (基隆)、沖繩 (那霸) (石垣島) (宮古島)。 出發日期：2017年6月17日 香港往返台灣方面 去程可以揀 BR852 11:10-12:50、CI904 11:05-12:55 回程可以揀 BR871 16:40-18:25、CI919 16:55-18:50 機票可以延期返港，附加費為每位HK$500，詳情請向安運滿FUN遊查詢。 預訂資訊： 出發日期：2017年6月17日 預訂日期：即日起 (及早報名仲可以減多$400) 有興趣既話可以打上安運滿FUN遊查詢 (查詢電話：3913-6000) 詳情：http://bit.ly/2klVYkL

PenPineappleApplePen！HappyFridayHappyFly！ 嚟到星期五，梗係又有HK Express 嘅出走星期五優惠啦，今期嘅優惠航點係台灣花蓮！只限今日。 香港飛花蓮單程只需$97起，來回連稅$579起！價錢就梗係抵啦！同Mega Sale 差唔多！ HK Express 花蓮呢條航線係香港唯一嘅直航，玩完花蓮，仲可以坐車去台東綠島玩埋添！ 票價包7kg手提行李，但唔包寄艙行李用及飛機餐。 行李寄艙費用：20kg $260、25kg $360、30kg $365 網上後加行李：20kg 每程$275，25kg 每程$430，30kg 每程$435 想易啲搵到飛嘅話，可以用「優惠票價搜尋器」功能，一次過show 晒平飛出嚟。 預訂資訊： 旅行日期：2017年2月6日-7月13日 預訂日期：2017年2月3日 預訂網址：https://booking.hkexpress.com 提提你： 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

掛住台北老家嘅瞞著爹、上引水產、無老鍋，同埋春水堂？係時候返去一趟以解思鄉病喇！ 國泰同港龍出咗二人同行飛台北優惠！香港來回台北只需$821 (連稅$1,206) 以國泰嚟講，價錢算係幾唔錯，勝在航班無太大限制，想早去晚返梗係得，想晚去晚返亦都得！得咗！ 預訂資訊： 出發日期：即日-2017年2月28日、4月2日-4月11日、4月17日-4月27日、5月1日-5月25日、5月28日-7月6日 停留限期：2-7日 寄艙行李限額：30kg 預訂日期：即日-2017年2月28日 預訂網址：http://www.hutchgo.com.hk (人數記得揀2人) *Hutchgo 個系統預設加咗旅遊保除嘅費用，如無需要可click「不用了，謝謝」。

Hotels.com 出咗隻新春7% 優惠碼！ 經指定連結訂房，並於付款頁輸入指定優惠碼「OMGCNY7」，可獲額外93折。 呢個優惠碼不限旅遊地點，訂邊度都得！入住日期由即日至6月30日。 交易需以港幣即時結算，到付形式並不適用。另外，優惠代碼不適用於某些沒有參與是次推廣計劃嘅連鎖酒店。 預訂資訊： 入住日期：即日-2017年6月30日 預訂日期：即日-2017年2月12日 7%優惠碼：OMGCNY7 訂房網址：http://www.hotels.com (必須經此連結才可使用優惠碼) 提提你：唔同嘅預訂網都有唔同嘅優惠，搵到心水酒店，可先上HotelsCombined / Trivago 格下價。

正喎！暑假飛新加坡都有平！ Jetstar 出咗隻暑假優惠！香港來回新加坡只需$419 (連稅$717)！7至8月出發。 以暑假旺季出發嚟講，價錢幾吸引！啱晒一家大細嚟個暑假之旅！ 以上價錢未包括寄艙行李費用。如果大家唔需要加寄艙行李嘅話，上Ctrip 訂會平啲，如果要加行李，咁就需去官網訂了。 寄艙行李費用：15kg 每程$130、20kg 每程$145、25kg 每程$185 平飛分佈： 去程：7月11,12,18,19,25,26日、8月1,2,8,9,15,16,22,23,29,30日 回程：7月11,12,18,19,25,26日、8月1,2,8,9,15,16,22,23,29,30日 預訂資訊： 旅行日期：參考以上出發日期 停留期限：沒有 預訂日期：即日起 訂飛網址： http://www.ctrip.com.hk (連稅$717起)  http://www.jetstar.com (連稅$809起)

正呀喂！樂桃 (香港版) 會係今晚12點 (2月3日0:00) 推出限時48小時優惠。來回連稅五百幾飛沖繩、九百五飛大阪！好耐未見過咁平！ 香港單程飛沖繩只需$148、大阪$288！ 來回連稅沖繩$551、大阪$951！ 呢啲價位真係勁抵！大阪仲要無航班限制添，可以凌晨機去晚機返！ 旅行日期由2017年2月12日至6月30日 以上價錢未包寄艙行李及機上餐點。提提大家，樂桃減咗行李費，寄艙行李每程每件20kg以下$216。留意行李係以每件計，如果超過20kg，會當超重計。 沖繩．航班時間： 香港-沖繩 MM964 12:30-15:55 (一、三、六、日) 沖繩-香港 MM965 15:15-17:10 (一、三、六、日) 大阪．航班時間： 香港-大阪 MM68 01:25-05:50、MM64 18:10-22:35 (一、三)、17:50-22:15 (一、六、日)、12:30-16:55 (二、四、五) 大阪-香港 MM63 08:20-11:45、MM67 21:15-00:40+1 預訂資訊： 旅行日期： 2017年2月12日-4月13日、4月19日-4月27日、5月1日-6月30日 2017年2月12日-4月13日、4月18日-4月27日、5月2日-6月30日 停留期限：無限制 預訂日期：2017年2月3日-2月4日 預訂網址：http://www.flypeach.com 提提您： ...

印度航空推出飛大阪、首爾二人同行優惠！ 香港來回大阪$1,399起 (連稅$1,868起)、首爾$1,299起 (連稅$1,810起)！旅行日期由即日起至3月31日。 價錢唔錯，票價已包20kg寄艙行李及飛機餐。而航班時間亦算吸引，大阪同首爾都係早機去午機返！停留期限仲長達17日。 另外，印航嘅大阪、首爾航線係以夢幻客機787-8執飛，而且仲做咗upgrade，令機艙嘅濕度同空氣清新度大為提升。 航班時間： 大阪 去程：AI314 07:45-12:05 (二、四、六) 回程：AI315 13:25-16:35 (二、四、六) 首爾 去程：AI310 08:05-12:30 (一、三、五、日) 回程：AI317 14:15-16:50 (一、三、五、日) 預訂資訊： 出發日期：即日-2017年3月31日 預訂日期：即日起 (售完即止) 停留期限：最長17日 預訂網址：http://www.hutchgo.com.hk (人數記得揀2人或以上，用電腦版訂先有優惠) *Hutchgo 個系統預設加咗旅遊保險嘅費用，如無需要，可自行剔除。

正呀喂！travelwebsite.com 加推「白川鄉一日遊」買一送一新春優惠呀！ 而之前介紹過嘅「韓國芝山滑雪$344起」、「富士山買一送一」亦因反應熱烈，優惠期延長至2月11日！ 白川鄉．買一送一優惠： 白川鄉一天遊由名古屋出發，先去白川鄉睇合掌屋 (呢個時候去仲有雪睇架)，午餐食高級飛驒牛，跟住就可以揀浸番轉溫泉又或者行逛高山市三町古街。 今次呢隻優惠真係超荀！四百幾蚊就包晒交通、食飛驒牛，仲可以浸埋溫泉或去古街shopping！去白川鄉嘅交通一向不便，如果想輕輕鬆鬆來回鬧市名古屋同交通不便嘅白川鄉，join 呢個tour 就啱晒喇！ 而最犀利嘅係2個人就成團！並唔係出面要成30人先得㗎！ 提提您： 如果2位參加，預訂時請在下方的數量選1，然後在旅客資料登記頁面中的備註欄填上第2位的資料。 如果3位參加者的話，須選數量會是2，與4位參加者同價。如此類推。 所以參加者人數是單數的話就快點找多個朋友一起享用此買一送一優惠了！ 白川鄉合掌村＋飛驒牛日式套餐＋溫泉一天遊｜$972起 (平均每人$486起)  詳情：http://bit.ly/2kpoKns 白川鄉合掌村＋飛驒牛日式套餐＋高山古街一天遊｜$836起 (平均每人$418起) 詳情：http://bit.ly/2kftcTw 出發日期：2017年2月13,20,27日、3月6,13,20,27日、4月3,10,13,17,24、5月15,22,29日 預訂日期：即日-2017年2月11日 富士山河口湖．買一送一優惠： 富士山一天遊2人就可以成團，全程更有華語導遊詳盡講解，溝通無難度。河口湖位於富市五湖嘅中心，可以輕易一睹富士山美景。另外，浸溫泉行程出面好少有，依家團費包括溫泉入場費及租用毛巾費，更加抵！ 富士山河口湖＋溫泉一天遊｜$836起 (平均每人$418起) 詳情：http://bit.ly/2jlLm3F
 富士山河口湖＋御殿場outlet一天遊｜$631起 (平均每人$316起) 詳情：http://bit.ly/2jYcLKY 出發日期：2017年2月14,18,25、3月5,12,19,26、4月2,9,16,23,30、5月14,21,28 預訂日期：即日-2017年2月11日 芝山滑雪一天遊．劈價$344起： 韓國首爾芝山滑雪一天遊，最平低至$344起！足足慳咗35%！芝山滑雪鄰近首爾，車程較短，慳埋埋時間可以玩到盡！而且係廣東話教練，費用仲包埋全日滑雪用具及滑雪服！ 芝山滑雪＋全日滑雪用具及滑雪服＋廣東話教授滑雪技巧及講解用具使用｜$344起 詳情：http://bit.ly/2krLYXv 出發日期：2月14,17,19,20,24,27日或3月2日 (如其他日子出發，每人$484起) 預訂日期：即日-2017年2月11日

聖誕飛東京都有得平？而且仲包45kg寄艙行李？ 埃塞俄比亞航空終於推出2017年聖誕旺季嘅平飛，香港來回東京只需$1,624起 (連稅$2,016起)！而且仲包45kg寄艙行李！想搬個東京返香港都得。 以傳統航空公司聖誕旺季飛日本嚟講，絕對係平霸！就算係廉航HK Express 都賣到三千五百幾，仲要乜都未包！依家埃航二千蚊有交易，仲包45kg寄艙行李，又不限件數，真係抵到跳舞！ 另外，埃航飛東京條線係用音787夢幻客機執飛，硬件唔錯。 雖然依家距離聖誕仲有10個月有多，不過如果想平嘅話就真係要趁早買！ 聖誕平飛分佈 (僅供參考)： 去程：12月20,22,24日 回程：12月24,27日 航班時間： 去程：ET672 14:25-20:15/14:45-20:15 (三、五、日) 回程：ET673 20:45-00:45+1/21:15-00:50+1 (三、五、日) 預訂資訊： 出發日期：即日-2017年12月10日 (部分日子不適用，紅日及暑假平飛分佈可參考上述) 停留限期：最長1年 寄艙行李：45kg 預訂日期：即日起 預訂網址：  http://www.ctrip.com.hk  http://www.ethiopianairlines.com/HK/EN

釜山航空推出2至3月出發嘅last minute 優惠！ 香港單程飛釜山只需$600起，來回連稅$1,612起！ 以上價錢已經包咗20kg 寄艙行李及飛機餐，重點係可以凌晨機去晚機返！玩到盡！ 價錢雖然無平時啲優惠咁平，但係以last minute 嚟講算係唔錯！買完飛仲可以自動參加抽獎，有機會攞埋觀光巴士票或交通卡！ 香港飛釜山航班時間： 去程：BX392 02:05-06:10 回程：BX391 21:35–00:15+1 預訂資訊： 出發日期：2017年2月1日-3月31日 停留期限：2-7日 預訂日期：即日-2017年2月6日 訂飛網址：http://www.airbusan.com

過埋年之後，好快就到泰國潑水節、印度嘅灑紅節，同埋港人最愛嘅櫻花季，大家準備好未？ AirAsiaGo 推出全年全線套票快閃優惠！依家就可以趁早plan 定新一年嘅行程喇！香港出發或澳門出發都有得平！除咗套票，酒店亦做緊6折起嘅Big Sale，最啱襯早訂定櫻花季酒店。 套票方面，旅遊地點包括所有航點，曼谷、芭堤雅、清邁、布吉、沙巴 (亞庇)、吉隆坡、澳洲呢啲熱門地點當然走唔甩！二人同行，5日4夜「機票＋酒店」只需$1,021起！出發日期由2017年2月20日至12月31日。 香港出發．「來回機票＋4晚酒店」連稅： 曼谷$1,139起、清邁$1,123起、布吉$1,206起、沙巴$1,082起、吉隆坡$1,202起、澳洲各地$2,848起！ 澳門出發．「來回機票＋4晚酒店」連稅： 芭堤雅$1,021、曼谷$1,176起、清邁$1,142起、吉隆坡$1,148起、澳洲各地$3,365起！ 以上價錢已包AirAsia 來回機票、4晚酒店住宿、稅項！另外，旅程可長可短，可以選擇少啲日數或多啲日數都得。 香港出發套票．套票推介： 以下價錢以6月4日去、6月8日返為例。 機票＋曼谷紅星蘇拉翁酒店 ★★★｜連稅$1,510起 酒店位於是隆，行去BTS Chong Nonsi 站只需5至8分鐘，行約10分鐘可到Sala Daeng。 機票＋泰德卡姆鄉村酒店 ★★★｜連稅$1,492起 酒店具泰北風情，精緻、環境寧靜，位於舊城外圍附近位置，十分方便，行去周六夜市只需5分鐘。 機票＋愛凱拉布吉海灘俱樂部酒店 ★★★★★｜連稅$2,283起 全新開幕嘅5星級酒店，位於納泰海灘 (Natai Beach)，距離普吉島國際機場僅有20分鐘車程，一落機直奔酒店就可以即刻同陽光玩遊戲！ 機票＋亞庇 1 婆羅洲途念酒店 ★★★｜連稅$1,271起 酒店位於位於1 Borneo Hypermall 商場內，行街、食嘢都好就卻。酒店提供免費班車至市中心，外出都算方便。 ...