Big Fun Trip 旅遊情報

HK Express 呢個星期五無咗出走星期五優惠，但就有呢個買去程送回程優惠！ 香港來回名古屋$798 (連稅$1,245)、福岡$798 (連稅$1,125) 另外，預訂時買埋旅遊保險可免費優先揀座位。 回程見到$0先至係今次優惠，旅行日期由7月11日至10月28日。 呢次優惠唔算特別吸引，唔急住買可以再等下先。 以上價錢未包寄艙行李及機上餐點。 寄艙行李費用：20kg 每程$229、25kg 每程$360、30kg 每程$365 網上後加行李：20kg 每程$275、25kg 每程$430、30kg 每程$435 預訂資訊： 出發日期：2017年7月11日-10月28日 停留期限：無限制 預訂日期：2017年6月9日-6月11日 預訂網址：https://booking.hkexpress.com (記住要用「多城市 / Multi City」功能去search) *HK Express 個系統預設加咗寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。 提提您： 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

大阪回程有平飛呀！Jetstar 日本官網會係今日5pm 推出大阪飛香港新優惠！ 大阪飛香港單程只需4,490円 / $317 (連稅7,530円 / 約$534)！ 旅行日期由10月17日至2018年2月1日。 以上價錢未包寄艙行李及機上餐點，但就包7kg手提行李。寄艙行李費用如下： 每程15kg 2,300円、20kg 2,600円、25kg 3,000円、30kg 3,500円、35kg 4,000円、40kg 4,500円，不限件數。 付款手續費每個預訂每名乘客650円。 預訂資訊： 旅行日期：2017年10月17日-11月30日、2018年1月11日-2月1日 訂票日期：2017年6月9日5pm-6月12日5pm 預訂網址：http://www.jetstar.com/hk/zh/home (只有大阪飛香港單程先有優惠)

Expedia 推出3至4星酒店優惠，全部唔駛$499，每晚更低至$66起！預訂嘅時候更可以同時用埋指定信用卡嘅優惠代碼額外再有多9折，詳情請參考此頁底部 (跳至信用卡優惠代碼)。 推介酒店 (用咗優惠碼再額外9折後)： 曼谷紅星蘇拉翁酒店 ★★★｜連稅$217起 (預訂) 酒店位於是隆，行去 BTS Chong Nonsi 站只需5至8分鐘，行約10分鐘可到 Sala Daeng。 西門101-s精緻旅店 ★★★★｜連稅$336起 (詳情) 2016年11月重新開幕，位處極為方便嘅西門町購物商圈。距離捷運西門站僅5至6分鐘步程。房間不大，但勝在夠新夠平。 HOTEL MYSTAYS 堺筋本町 ★★★｜連稅$351起 (預訂) 酒店位於梅田，行去堺筋本町地鐵站約需6分鐘，距離大阪城堡約15分鐘步程。 札幌景觀大通公園酒店 ★★★｜連稅$434起 (預訂) 酒店喺正大通公園隔離，客房佈置優雅、舒適，並享有大通公園景色。距離西11丁目地鐵站僅5分鐘步程，行去JR 札幌大站約15分鐘步程或5分鐘車程。 池袋車站北口 APA 酒店...

嘩嘩嘩！中旅社推出「首爾 / 福岡＋澳門」套票超級優惠！唔駛九百蚊就可以一次過玩盡韓國首爾 / 日本九州＋澳門！出發日期由7月1日至10月31日 (部分日子不適用)。 套票包含： 澳門航空．澳門來回首爾或福岡機票 (包20kg行李及飛機餐) Turbo Jet．香港來回澳門船票 以上套票包晒來回機票同來回船飛每人都只係$890 (連稅$1,270起)！仲可以自由選擇去程 / 回程停留澳門！ 除咗首爾同福岡，仲有其他一個價錢玩兩地嘅優惠套票。例如： 峴港來回機票 (澳門出發)＋澳門來回船飛｜未連稅$790 河內 (澳門出發)＋澳門來回船飛｜未連稅$1,090 東京 / 大阪 (澳門出發)＋澳門來回船飛｜未連稅$1,290 另外，加購澳門酒店仲可以毎房每晚減$100，啱晒係停留澳門果陣，訂間超豪5星級酒店享受一下！ 留意： 1. 此優惠必須2人或以上同行 2. 澳門機場 check-in 時需出示香港至澳門船票，請旅客必須保留票尾。 3. 乘客必須持有香港身份證。 4. 香港至澳門來回船票適用於所有碼頭，屯門航線需每程每位+$28乘客服務費。 預訂資訊： 出發日期：2017年7月1日-10月31日 (部分日子不適用) 機票停留期限：最長7日 預訂日期：即日起 查詢電話：2998-7888 查詢 / 預訂電郵：[email protected]；[email protected]

正呀喂！來回連稅$940飛東京！ 香草航空會喺聽日 (6月9日) 下午5pm 推出心動香草優惠，首次有9月同10月出發嘅平飛。 香港飛東京成田單程只需$288起 (來回連稅$940起)！ 去程同回程星期二、三、四、五單程$288；星期一、六、日$358 價錢唔錯！旅行日期由9月1日至10月28日，午機去早機返。 去程：JW304 15:45-21:10 回程：JW303 10:45-14:55 以上價錢並未包括寄艙行李，寄艙行李20kg 收費$305，其後每5kg $76！價錢比其他廉航貴，建議盡量同朋友 share 啲 quota 嚟用。 留意，喺香草航空訂飛可以唔駛填 Passport Number。 預訂資訊： 出發日期：2017年9月1日-10月28日 停留期限：無限制 預訂日期：2017年6月9日5pm-6月14日10:30pm 預訂網址：http://www.vanilla-air.com  

正呀！Zuji 推出澳洲昆士蘭機票、酒店、套票全方位優惠！漫遊昆士蘭可以慳唔少！ 機票優惠： 香港航空．香港直航來回黃金海岸 / 開恩茲$3,862 (連稅計：黃金海岸$4,693、開恩茲$4,840) 澳洲航空．香港直航來回布里斯班$3,900 (連稅$4,864) 國泰航空．香港來回開恩茲$4,585 (連稅$5,559) 長榮航空．香港來回布里斯班$2,800 (連稅$3,694) 維珍航空．香港來回黃金海岸$3,558 ($4,657) 酒店優惠： 由即日起至6月30日，預訂任何澳洲昆士蘭酒店，於付款頁輸入優惠代碼「HK17QLD10」即可獲得9折優惠。用咗優惠代碼後，開恩茲彩虹度假酒店連稅$362、布里斯本城市邊緣飯店連稅$456、黃金海岸海濱城堡飯店連稅$551，仲有其他酒店都可以用優惠代碼再減！ 套票優惠： 4日3夜．「香港航空＋開恩茲芒果湖度假及健康溫泉飯店」｜連稅$5,634 4日3夜．「澳洲航空＋布里斯本花園城旅遊旅館飯店」｜連稅$4,732 3日2夜．「香港航空＋入住黃金海岸飆網者俱樂部」｜連稅$5,486 套票最少2人或以上同行，以上為每位嘅價錢。 預訂資訊： 出發日期：即日-2017年12月31日 預訂日期：即日-2017年12月31日 訂購網址：https://www.zuji.com.hk

ANA 飛大阪嘅優惠再劈多一百，套票價錢同時創近期新低，「機票＋酒店」一齊訂除咗可以慳更多，兼且可以免費獲得$150機場現金券！抵上抵！ 大阪「機票＋酒店」連稅：4日3夜$2,999起、5日4夜$3,091起、7日6夜$3,225起！出發日期至12月20日，回程最遲12月26日，即係包埋聖誕！以12月20日去，12月26日返為例，7日6夜連稅亦只需$3,351起！聖誕都有呢啲價！抵到跳舞！ 以上價錢為二人同行嘅每位價錢，已包來回大阪機票、整個旅程嘅住宿、46kg 寄艙行李、稅項！ 旅行日子可長啲或短啲，大家預訂時可以揀選其他日數，最長可以玩8日7夜。同時，亦可自選任何酒店。一人出發亦可，不過會貴啲。 留意番，預訂方法係先揀酒店，後揀機票。大家揀完酒店後，再揀ANA 嘅航班就可以了。 預訂步驟： 1. 輸入出發地、目的的、日子 (可參考上面有平飛嘅日子) 等資料。如果大家想喺行程中住唔同嘅酒店，以點選「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。 2. 揀選心儀嘅酒店及客房。留意番呢個步驟所顯示嘅價錢係指喺唔同航空公司中，搭最平果間嘅套票價錢。訂嘅時候，可選擇以「價錢」從低至高排起，方便搵出最平套票。此外，亦可直接輸入心儀酒店嘅名稱，搜出套票。 3. 揀 ANA 嘅航班，並補番差價，最後付款就完成。下圖顯示 ANA 4日3夜「機票＋酒店」連稅，2人合共$5,998起，即每人只需$2,999起！ 5日4夜套票推介： 以下價錢係以2017年9月24日去、9月28日返為例。 機票＋南船場哈頓酒店 ★★★｜連稅$3,827起 位置非常方便，距離地鐵心齋橋站北5號出口只係2分鐘步程，走路到心齋橋商店街亦只係3分鐘，酒店旁邊有便利店。 機票＋梅田 OS 酒店 ★★★｜連稅$3,917起 位置優越！距離JR大阪站、阪急梅田站只有7分鐘步步程。阪急百貨、大丸、淀橋卡梅拉等大型購物點就係附近。 機票＋APA 大阪心齋橋酒店 ★★★｜連稅$4,235起 酒店屬日本著名連鎖品牌，質素佳！酒店距離大阪難波火車站僅5分鐘步程，行去心齋橋亦只需10分鐘。 機票＋大阪蒙特利格拉斯米爾酒店 ★★★★｜連稅$4,471起 酒店座落於JR難波站上蓋，十分方便！ 距離遊客區如心齋橋、道頓掘等熱點僅6-8分鐘腳程。酒店樓下就有超市。 聖誕7日6夜套票推介： 以下價錢係以2017年12月20日去、12月26日返為例。 機票＋麗嘉中之島酒店 ★★★｜連稅$4,631起 酒店位於梅田，行去地鐵肥後橋站一分鐘都唔駛，同時近京阪缐，出入非常方便。酒店大堂有便利商店，很方面，對面有 Starbucks 及24小時營業嘅食店。 機票＋心齋橋哈頓酒店...

正呀！韓亞航空隻首爾 Last Minute 優惠再劈多啲！ 韓亞航空．香港來回首爾$1,469起 (連稅$1,920起)！ 價錢超爆抵！去程同回程航班都無限制，視乎供應而定，部份日子可以凌晨機去晚機返！ 旅行日期由即日起至6月30日，平飛唔係日日有，見唔到有平飛可以試下其他心水日子。 票價已包埋23kg 寄艙行李及飛機餐！ 預訂資訊： 出發日期：即日-6月30日 停留期限：最長1個月 預訂日期：即日-6月30日 (售完即止) 預訂網址：http://www.hutchgo.com.hk

新航今晚12點 (6月7日00:00) 推出新一期 iLoveSQ 優惠！今期嘅優惠航點同上星期一樣。不過就再平多啲！唔駛七百蚊飛新加坡、二千四飛澳洲！非常爆抵！ 香港直航來回新加坡$676 (連稅$1,125) 香港經新加坡來回珀斯$2,498 (連稅$3,385)、悉尼$2,434 (連稅$3,435)、坎培拉$2,618 (連稅$3,795)、三藩市$2,950 ($3,765) 出發日期介乎7至10月，視乎航點而定。而珀斯同坎培拉更可以係正暑假出發。 新航已經包咗寄艙行李同飛機餐，仲有得儲哩數。 預訂資訊： 出發日期： 2017年7月2日-7月10日 (回程最遲7月15日返港) 2017年8月7日-8月28日 (回程最遲9月18日返港) 2017年8月28日-9月14日 (回程最遲9月28日返港) 2017年8月21日-9月14日 (回程最遲9月28日返港)  2017年8月30日-10月31日 (回程最遲11月14日返港) 停留限期： 2-5日 4-21日 5-14日 3-14日 預訂日期：2017年6月1日00:00-6月2日23:59 優惠代碼：ILOVESQ (網頁)、ILOVESQAPP (App) 預訂網址：http://www.singaporeair.com

正呀喂！釜山航空會喺聽朝 (6月8日) 10:00am 推出9月出發嘅早鳥優惠。 香港/澳門飛釜山單程只需$450！ 來回連稅計：香港出發約$1,315起、澳門出發約MOP1,329起！ 價錢同之前嘅優惠一樣，都算抵玩！ 釜山航空雖然係廉航，但就包20kg 寄艙行李同機上餐點。基本上同傳統航空分別不大。 航班方面，可以凌晨機去晚機返，玩盡咁多日。 航班時間： 香港飛釜山航線： 去程：BX392 02:05-06:10 回程：BX391 21:35–00:05+1 澳門飛釜山航線： 去程：BX382 02:05-06:20 (一、二、四、五、六) 回程：BX381 21:50–00:20+1 (一、三、四、五、日) 預訂資訊： 旅行日期：2017年9月1日-9月30日 寄艙行李限額：20kg 預訂日期：2017年6月8日10am-6月14日3pm 預訂網址：https://tw.airbusan.com