Big Fun Trip 旅遊情報

^_^ 大家好，我是阿木，現居日本的香港人。由上星期起，每個星期日都會在這裏和大家分享一些關於日本的事情。上星期介紹了日本新年的賀年卡 (年賀状)，今個星期介紹日本的新年食物——お節料理。 「お節料理」是日本家庭在新年的時候，一般會吃的食物。近幾年，多了家庭購買商店的製成品，但原則上，お節料理應是每個家庭自製的。目的是要在新年期間，公眾假期的數天，確保有足夠的食物給一家人享用，而在假期前夕準備的家庭料理。因為這個原因，所以基本上很難在店內吃到お節料理。 幾日前，我去了朋友屋企，吃了她煮的お節料理，感覺窩心而又非常好吃。 お節料理裏的食物，都有他們特別的意思，在這裏和大家分享一部分的食物和他們的意思。 黒豆：健康 数の子 (相片內的暗黃色片狀食物)：子孫滿堂 田作り (小魚)：五榖豐收 紅白蒲鉾 (相片內的粉紅色加白色的片狀食物)：除魔和神聖 伊達巻 (相片內的橙色片狀食物)：文化知識、學業有成 栗きんとん (相片內的鮮黃色栗子)：財運、豐盛 昆布巻：一家喜悅 紅白なます (相片內的橙色和白色的絲狀食物)：恭喜 海老 (蝦)：長壽 以上和大家分享了日本的新年食物「お節料理」，希望大家喜歡，來日本時有機會要試試。 下星期日見~

London Pass 呢個星期再推出快閃8折優惠！10日Pass 8折；6日Pass 85折；3日Pass 9折！自購買之日起，您可以於之後的一年內激活London Pass。 雖然英鎊跌咗，但倫敦物價高昂，景點入場費依然唔平，如果要逐個景點俾錢，條數可以好襟計！拎住London Pass，可以俾您免費遊倫敦超過70個熱門付費景點。相比起逐個景點俾錢，用London Pass一般可以慳到約三份之一至一半嘅金錢！其實去其中幾個最貴嘅景點都差唔多回本！ 相關專題：〈London Pass．遊倫敦「慳錢好幫手」． 自由行必買！〉 這張通行證是遊覽倫敦時使用，究竟如何幫您慳？大家看看分享吧。 另外一個賣點就係特定景點，包括倫敦塔、漢普頓宮、溫莎城堡、倫敦橋體驗、倫敦動物園、肯辛頓宮專享「免排隊」禮待。 如想享受埋便捷嘅交通，您仲可以附加一張牡蠣旅行卡 (預訂時選購「一卡通+牡蠣旅行卡」套餐)，可以俾您係任何日期任何時間乘搭倫敦嘅公共交通設施，包括地鐵、巴士、地上鐵、碼頭區輕軌。(留意，牡蠣旅行卡並無特價優惠。) 訂購日期：2017年1月11日之前 預訂網址：http://www.londonpass.com

平到離晒大譜呀！連稅二千六就可以飛歐洲！仲要係坐Skytrax 五星級嘅卡塔爾航空！呢啲價位真係唔飛唔得！快啲Tag 埋旅友一齊訂。 卡塔爾航空．癲價優惠 二人同行，香港經多哈來回歐洲各地每人只需$2,045起，連埋稅$2,668起！ 來回連稅：斯德哥爾摩$2,668、赫爾辛基$2,778、伊斯坦堡$3,052、日內瓦$3,078、馬德里$3,111、布達佩斯$3,139、慕尼黑$3,143、蘇黎世$3,147、華沙$3,159、奧斯陸$3,216、阿姆斯特丹$3,254、巴黎$3,440、法蘭克福$3,463、巴塞隆拿$3,596、米蘭$3,644、威尼斯$3,751、羅馬$3,904、柏林$3,941、伯明翰$4,036、雅典$4,174、曼徹斯特$4,335、倫敦$4,434 除咗以上介紹，仲有其他歐洲城市㗎。一人出發亦得，會貴幾百蚊。 出發日期由2017年1月11日至12月15日。停留期限長達2個月，大家可以慢慢玩盡多國。 而且可以Open Jaw，即係回程可以由唔同城市走。大家係卡塔爾航空指定網頁揀 Multi-city 就可訂到open jaw。英國離境稅較貴，唔經英國走就可以慳約一千蚊。 另外，坐卡塔爾航空經由多哈機場轉機逗留5小時或以上，可以免費申請過境簽證入境多哈最多96小時，變相趁轉機時順便玩埋多哈！(詳情及申請免費過境簽證) 預訂資訊： 出發日期：即日-2017年1月25日、2月1日-4月11日、4月18日-6月29日、9月10日-11月30日 停留期限：2個月 預訂日期：即日-2017年1月15日 預訂網址：http://www.hutchgo.com.hk (記住人數揀2人先會見到優惠)

大韓推出首爾全年優惠，出發日期去到2017年12月。最驚喜係連聖誕、除夕/新年都有得平。 4月前出發：香港來回首爾$1,890起 (連稅$2,333起)！ 4月後出發：香港來回首爾$1,979起 (連稅$2,392起)！ 以傳統航空嚟講價錢算唔錯，如聖誕、除夕/新年出發，價錢直情係爆抵！票價已包23kg寄艙行李及機上餐點。 去程及回程航班都無特別限制，視乎供應而定。 紅日旺季出發策略： 聖誕節：12月20日去、12月26日返 (請3日放7日) 除夕/新年：12月26,27,28,29,30日去、2018年1月1日返 (最多請3日放7日；最少請0日放3日) 預訂資訊： 出發日期：2017年2月2日-3月31日、4月5日-4月13日、4月19日-7月6日、8月27日-9月27日、10月4日-12月31日 停留期限：最長1個月 免費寄艙行李：23kg 預訂日期：即日起 預訂網址： http://www.zuji.com.hk (4月前出發) http://www.hutchgo.com.hk (4月後出發) *Hutchgo 個系統預設加咗旅遊保險嘅費用，如無需要，可自行剔除。

HK Express 新一期周末潮遊優惠！石垣島、布吉、清萊半價；關島7折！ 香港單程飛石垣島$319、布吉$264、清萊$219、關島$500 來回連稅：石垣島$893、布吉$974、清萊$884、關島$1,296 出發日期由2017年1月22日至3月31日。 以上價錢未包行李寄艙及機上餐點。 價錢只係普普通通，唔急嘅可以等下先。想去關島嘅話可以睇埋聯合航空嘅二人同行優惠。 行李寄艙費用：20kg 每程$229、25kg 每程$360、30kg 每程$365。訂飛後加行李嘅話20kg 每程$275、25kg 每程$430、30kg 每程$435。 預訂資訊： 旅行日期：2017年1月22日-3月31日 停留期限：無限制 預訂日期：1月8日23:59前 預訂網址：https://booking.hkexpress.com 提提您： 訂飛時HK Express 系統預設左行李寄艙及旅遊保險嘅費用，如果唔需要記住自行剔除，揀「無托運行李」同「不用，謝謝。我將另行安排旅遊保險」。 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

除咗維珍航空，英國航空都出咗直航倫敦新優惠！同維珍一樣都係要4人同行。 香港直航來回倫敦每人$3,731 (連稅$5,170)。2017年10月31日前出發。 價錢貴維珍百幾蚊，不過英國航空其中一對航班以A380執飛！話晒都係長途機，俾多少少坐A380又的一確幾吸引！ 另外，如果想1人成行嘅話，就要加多約$900。 航班時間： 去程 BA32 23:05-04:50 (A380執飛)、BA28 23:45-05:35 回程 BA31 18:40-13:35 (A380執飛)、BA27 21:55-16:40 預訂資訊： 出發日期：4月1日-4月11日、4月24日-6月15日、9月14日-10月31日 停留期限：3-60日 寄艙行李限額：23kg (1件) 預訂日期：即日-2月6日 預訂網址：http://www.hutchgo.com.hk (4人同行每人連稅$5,170、1至3人同行每人連稅$6,096)

JAPANiCAN (e路東瀛) 推出新一輪訂房低至25折優惠！ 作為日本最大旅行社JTB 集團旗下嘅預訂網站，JAPANiCAN 提供咗唔少嘅日式旅館俾大家選擇，大家不妨睇睇。 地點涵蓋全日本大部分人氣旅遊地點！入住日期至2017年3月31日。 心水酒店及溫泉旅館： 星野集團 Tomamu The Tower ★★★★｜雙人房．包早餐．連稅$1,674起 (預訂) 著名山區度假村，設有滑雪場、熱氣球、高爾夫、網球、遊泳池等設施，喺高樓的雲海露台上仲可以欣賞壯麗嘅雲海。此外，仲有享負盛名嘅森林玻璃屋餐廳！基本上留在度假村內，已可度過一個難忘嘅假期。而度假村內嘅「冰之教堂」係日本唯一由冰雪建造的婚禮教堂，至於夏季嘅「水之教堂」更係由世界著名建築家安藤忠雄所設計。 LA VISTA 富士河口湖酒店 ★★★★｜一泊二食．連稅雙人$2,532起 (預訂) 位置絕佳，同時享有富士山及河口湖一年四季嘅美景。 杉乃井酒店 ★★★★｜雙人房．一泊二食．連稅$1,504起 (預訂) 大型度假溫泉旅館，提供溫泉浴場、游泳池等設施。當中的室外溫泉面積廣闊，並且面向別府灣，可以一邊浸一邊睇日落，晚上更可以睇到無數嘅星星！簡直係最高享受。旅館提供往返JR別府站嘅免費班車。 濱千鳥之湯．海舟 ★★★★｜雙人房．一泊二食．連稅$2,123起 (預訂) 位於和歌山的白濱地區，每間客房皆享有太平洋海景，部分房間設有更私人露天風呂，另外亦設有公共浴池。晚餐提供新鮮食材製作嘅日式會席料理。 除左以上介紹，當然仲有好多唔同地點嘅酒店及特色旅館，大家不妨上JAPANiCAN (e路東瀛) 睇睇。 JAPANiCAN 嘅預訂系統有個唔錯嘅「房間供應狀況及價格」功能，可以一目了然睇晒成個月邊啲日子有平房，夠晒方便！大家入咗個別酒店頁面後，click「預訂概要」內的月曆icon 就可以睇到有關資料了。 預訂資訊： 入住日期：2017年3月31日 預訂日期：即日-2017年1月15日 預訂網址：http://www.japanicancom/hk 提提你：同一時間唔同預訂網都有唔同嘅優惠，搵到心水酒店，可先上HotelsCombined / Trivago 格下價。

英磅跌穿10算，維珍航空都推番隻倫敦優惠賀一賀佢！不過今次隻優惠要4人同行，快啲夾埋啲旅友一齊飛啦！ 維珍航空直航來回倫敦每人$3,627，連稅$5,021！10月31日前出發。 連稅5千飛英國梗係抵！價錢已包行李同飛機餐，如果想1人成行嘅話，都係加約$700就飛得！ 以上優惠只限星期日至三出發及回程。 航班時間： 去程：VS207 23:55-05:30+1 回程：VS206 21:55-17:05+1 預訂資訊： 出發日期：1月15日-25日、2月1日-4月11日、4月24日-6月15日、9月14日-10月31日 訂飛日期：即日-2017年2月6日 停留期限：3-60日 訂飛網址：http://www.ctrip.com.hk (4人同行每人連稅$5,021、1至3人$5,716)

隔咗一排，聯合航空終於再推關島優惠喇！ 二人同行，香港直航來回關島每人$2,453 (連稅$2,912)！2017年6月30日前出發。 論價錢還可以，講平就一定唔夠HK Express 平㗎啦！但係聯合航空包2件23kg寄艙行李同飛機餐！而且航班時間靚，早機到達晚機走！ 去關島除咗玩戶外活動，就梗係影靚相同shopping 啦！想要刺激刺可以試揸飛機、高空跳傘；想要影靚景有水晶教堂、水清沙幼嘅沙灘；想shopping 又有outlet 俾您買到夠，有2件各23kg 嘅寄艙行李！真係喪買都唔會爆喼！ 航班時間係晚去晚返！一放工就可以上飛機訓覺，早上到達就可以去玩水喇！ 航班時間： 去程 UA116 23:30-06:10+1 (一、三、五、六) 回程 UA159 19:30-22:35 (一、三、五、六) 提提大家，持BNO及香港特區護照去關島係免簽證㗎！ 預訂資訊： 出發日期：即日-2017年7月31日 (旺季除外) 停留限期：2-45日 寄艙行李限額：46kg (2件23kg) 預訂日期：即日起 預訂網址：http://travel.hutchgo.com.hk

終於嚟到Happy Friday 喇，當然又有HK Express 嘅出走星期五優惠喇！ 香港飛仰光單程只需$93，來回連稅$658！優惠只限今日。 呢口價同Mega Sale 一樣，抵喎！ 行李寄艙費用：20kg $260、25kg $360、30kg $365 網上後加行李：20kg 每程$275，25kg 每程$430，30kg 每程$435 預訂資訊： 旅行日期：2017年1月9日-7月13日 預訂日期：2017年1月6日 預訂網址：http://www.hkexpress.com/en-hk/promos/happy-friday *HK Express 個系統預設加咗寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。 提提你： 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx