Big Fun Trip 旅遊情報

香港航空推出7月份及8月暑假旺季日本九州線單程優惠！ 香港單程飛鹿兒島/宮崎只需$850 (連稅$970)；鹿兒島/宮崎單程飛香港只需$840 (沒有稅) 去程及回程加埋只需$1,690 (連稅$1,810) 如需來回，分開兩程買會平過就咁買來回$60！而且分開兩程買，停留限期無限制，即係玩兩、三個星期都得！ 由於分開去程及回程買，變相可以自制Open jaw，鹿兒島入宮崎出，又或者宮崎入鹿兒島出都得！得咗！ 論價錢，貼近廉航價，真係好另人心動！而且香港航空係傳統航空公司，包20kg寄艙行李同機上餐飲。   暫時平飛分佈 (僅供參考)： 香港>鹿兒島：7月3,4,5,7,10,11,12,14,15,17,19,21,22,24,25,26,28,29,31日、8月2,4,16,18,26,28,29,30日 鹿兒島>香港：7月5,8,11,12,14,15,17,18,19,21,22,24,25,26,28,29,31日 香港>宮崎：7月6,9,13,16,20,23,27,30日、8月24,27,31日 宮崎>香港：7月6,9,13,16,20,23,27,30日 預訂資訊： 出發日期：7-8月 (指定日子) 預訂日期：售完即止 預訂網址：http://www.hongkongairlines.com

以後去東京shopping 唔怕會爆喼喇！因為搭埃塞俄比亞航空將免費寄艙嘅行李重量加大到45kg！而且不限件數，您想帶個東京返嚟都得。 現時，埃航空已經開賣到2017年5月尾飛東京嘅機票，香港來回東京只需$1,590 (連稅$1,959)！ 來回連稅二千蚊都唔駛仲包45kg 寄艙行李，可以話好抵啦！最啱賣到停唔到手嘅粉絲。 呢條航線係以波音787夢幻客機執飛。 航班時間： 去程：ET672 14:25-20:15/14:45-20:15 (三、五、日) 回程：ET673 20:45-00:45+1/21:15-00:50+1 (三、五、日) 預訂資訊： 出發日期：即日-2017年5月26日 訂票日期：即日起 停留限期：最長6個月 預訂網址：http://www.hutchgo.com.hk 經測試：2017年5月21日去，5月26日返，來回連稅=$1,590 + $369 = $1,959

Zuji 推出全新12%酒店折扣代碼，預訂酒店並輸入指定代碼可以享有額外88折優惠。 今期嘅優惠酒店有驚喜，例如台北嘅艾特文旅，連埋稅都只係$378一晚！ 優惠適用於預訂全球任何酒店，名額500個，額滿即止。 用左折扣碼減12%後： 艾特文旅｜連稅$378起 位於西門町嘅新酒店，去邊都咁方便，裝潢好有文青味道！  新宿格蘭貝爾飯店｜連稅$956起 距離地鐵東新宿站A1出口僅3至5分鐘步程，鄰近購物區，去shopping 或搵嘢食都好方便。 阿爾瑪公寓度假村｜連稅$542起 酒店位於沖繩本部，距離美之海水族館只有5分鐘車程，距離今歸仁城遺址有15分鐘車程。 明洞薩頓飯店｜連稅$421起 位置便捷，緊鄰乙支路3街地鐵站及鍾路3街地鐵站，行去明洞中心地帶只需5分鐘。  曼谷格蘭總統飯店｜連稅$321起 位於熱鬧的素坤逸11區，行去BTS Nana站只需5分鐘，出入好方便。  阿奎恩札蘭貝薩爾飯店｜連稅$552起 位置方便，行去Farrer Park 地鐵站約10分鐘步程，行約5分鐘可到24小時營業嘅Mustafa購物中心及城市廣場 (City Square Mall)，附近食肆林立，留意房間偏細。 肯辛頓區飯店｜連稅$786起 酒店距離肯辛頓大街地鐵站 (High Street Kensington) 只需3分鐘步程，行去海德公園 (Hyde Park) 亦只需10分鐘。 除左以上介紹，仲有好多其他特價酒店，大家不妨上Zuji 睇睇。 預訂資訊： 入住日期：即日起 (視乎個別酒店而定) 預訂日期：名額500個，額滿即止 12%折扣代碼：HK16RANDOM0629 預訂網址：www.zuji.com.hk 提提你：搵到心水酒店，預訂前可先上 HotelsCombined 格一格價。 經測試：9月6日入住台北艾特文旅，用咗折扣碼後，連稅只需$378。 輸入折扣碼嘅位置喺付款頁(見下圖)。

為慶祝接載500萬位旅客，HK Express 推出暹粒航線半價優惠！ 預訂暹粒機票，並輸入優惠碼「50OFF」，可獲5折優惠！旅行日期為2016年6月30日至9月30日。 用咗價惠碼後：香港飛暹粒單程$184起 (連稅$349起)；來回$368起 (連稅$733起) 以上價錢未包行李寄艙及機上餐飲。 寄艙行李全部航點劃一收費 20kg $260、25kg $360、30kg $365。 如果訂飛後於網上補購行李，收費會非賞之貴！20kg 每程$390，25kg 每程$540，30kg 每程$545！建議如果行李需要寄艙，就即時喺預訂時加埋好了。 預訂資訊： 旅行日期：即日-9月30日 預訂日期：即日-7月4日23:59 停留期限：無限制 預訂網址：https://booking.hkexpress.com 提提你： 訂飛時HK Express 預設了行李寄艙及旅遊保險的費用，如無需要請自行取消。 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

香草航空會係聽日 (7月1日) 下午5時推出心動香草優惠！出發日期涵蓋暑假旺季。 香港飛東京成田單程只需$354，來回連稅$983，連稅唔駛一千。 賣點係可以暑假旺季出發，應該會好搶手！旅行日期由7月11日至10月29日 以上票價並未包括託運行李費用及機上餐飲。 留意：香草航空嘅託運行李收費比其他廉航貴！託運行李20kg每程$305，之後每5kg $79。如果多行李嘅話，建議可以分開去程及回程買，咁樣回程就會以円計，收費會平好多！又或者盡量同朋友share。 喺香草航空訂飛可以唔駛填Passport Number。 航班時間： 香港>東京 JW300 01:55-07:15、JW304 15:35-20:55 東京>香港 JW303 10:25-14:35、JW307 21:05-00:55+1 預訂資訊： 旅行日期：2016年7月11日-10月29日 訂票日期：2016年7月1日5pm-7月4日10:30pm 預訂網址：http://www.vanilla-air.com

香港航空推出暑假台北商務艙優惠！ 即日至7月14日出發：$1,290 (連稅$1,580) 7月15日至8月31日出發：$1,710 (連稅$2,000) 論價錢，其實同經濟艙唔係爭好多。港航嘅商務艙除左個位舒服D，賣點當然係平躺座椅 (Flat Bed)，就算航程短，短短地瞓個美容覺都好㗎！行李當然有得升級，包30kg寄艙行李。當然上機前仲可用埋貴賓Lonuge。 要留意A330-300機型 (333) 先有圖中180度全平躺睡牀 (商務艙介紹)。 港航官網並無此優惠，要上Hutchgo 出票。 預訂資訊： 出發日期：即日-2016年-8月31日 預訂日期：即日-7月4日 (或售完即止) 停留期限：最長14日 預訂網址：http://travel.hutchgo.com.hk (搵飛時記住揀「商務艙」)

Hutchgo 推出限時72小時日本訂房優惠，於付款頁輸入指定禮券碼，可獲額外82折優惠。 今次個優惠碼有成82折都算幾罕有！入住日期仲可以去到12月31日！ 優惠不設最低消費要求，只要預訂即時確認之酒店，輸入代碼即享82折優惠。 推介酒店： 新宿永國際酒店｜$635起 (連稅$774起) 新宿華盛頓酒店 ｜$805起 (連稅$981起) 格拉斯麗新宿酒店｜$1,005起 (連稅$1,225起) 道頓堀酒店｜$711起 (連稅$867起) 大阪喜來登都酒店｜$927起 (連稅$1,131起) 大阪宜必思尚品酒店｜$1,027起 (連稅$1,253起) 東京第一酒店沖繩格蘭美爾度假村｜$809起 (連稅$987起) 日本那霸希爾頓逸林酒店｜$820起 (連稅$1,000起) 沖繩聖瑪麗娜酒店｜$1,361起 (連稅$1,660起) 格拉斯麗札幌酒店｜$804起 (連稅$980起) 博多B酒店｜$411起 (連稅$501起) ...

香草航空啱啱推出咗一個優惠代碼，訂票時輸入「NRT270」可享即減$270優惠！ 折後香港飛東京 (成田) 單程只需$648 (連稅$813) 起！ 呢個優惠碼限訂繽紛香草嘅票價 (即係已包20kg行李同指定座位)，暑假旺季都適用，8月暑假尾仲有唔少$648票價，7至8月中正暑假就貴多百零蚊。 留意番，呢個優惠只適用去程JW304航班 (15:35-20:55)。可以單買去程或一次過買晒來回，但只有去程有得減。論價錢，如果淨買去程都算抵，但買來回就好似吸引力唔算大！ 優惠啱啱開賣，暫時供應充足。 預訂資訊： 出發日期：2016年7月1日-10月29日 預訂日期：即日-7月6日10:59pm 減$270優惠碼：NRT270 預訂網址：www.vanilla-air.com.hk

Ctrip 推出一系列的北海道機票及酒店優惠。 先睇酒店，今次推出嚟做特價啲酒店又幾唔錯喎！阿編對於以下酒店都幾有興趣。 優惠酒店每晚房價 (以10月18日入住為例)： 札幌TSUBAKI尊貴酒店｜連稅$525起 (雙人房) 札幌站南口轉右行5分鐘就到酒店，夠晒方便，鄰近BIC CAMERA 同便利店。 札幌最佳西方酒店｜連稅$589起 (單人房)、$616起 (雙人房) 酒店就近JR，由JR札幌北門出口行5分鐘就到，對面有串燒店，夜宵好方便。 札幌三井花園酒店｜連稅$817起 (雙人房) 由札幌站南口右轉步行5分鐘便到酒店，鄰近BIC CAMERA及便利店，每晚連稅$667。 小樽歐森飯店｜$575 (單人房)、$726起 (雙人房) 酒店位置方便，距離JR 小樽站僅3分鐘步程，酒店設有桑拿、大浴池。 除左以上介紹，仲有其他嘅酒店可供選擇。 優惠機票： 再睇埋機票價惠，Ctrip 呢次所推出嘅係國泰航空香港來回札幌優惠，香港來回札幌$4,708起 (連稅$4,907起)！出發日期至2017年2月22日。 留意番，Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。 經測試，以10月18日去，10月25日返，來回連稅$4,907起！ 預訂資訊： 出發日期：即日起 預訂日期：售完即止 預訂網址：http://www.ctrip.com.hk

Hotels.com 推出台北藝術節慶訂房低至3折優惠！ 預訂金額滿$2,999，可同時使用優惠碼 "HK299OFF"，額外再減多$299！ 是次優惠涵蓋台灣821間酒店，入住日期至12月31日。 預訂資訊： 入住日期：即日-2016年12月31日 預訂日期：即日起 (售完即止) 滿$2,999減$299優惠碼：HK299OFF (此優惠碼有效期至7月1日，如使用此優惠碼訂房，入住日期只去到9月30日) 預訂網址：http://www.hotels.com 提提你：搵到心水酒店，可先上HotelsCombined 格下價，因為唔同預訂網都有唔同嘅優惠。 以上優惠代碼不適用於某些連鎖酒店集團，當輸入優惠代碼後會出現「此折扣代碼不適用於你想預訂的酒店」。