Big Fun Trip 旅遊情報

HK Express 會係今晚12點 (6月28日00:00) 推出新震撼早鳥優惠！全線航點單程只需$138！ 來回連稅：廣島/鹿兒島/高松/石垣島$441、福岡$508、台中$571、峴港$578、曼德勒/仰光$587、釜山/濟洲$603、東京/名古屋$618、清邁/布吉$624、暹粒$641、首爾$645、大阪$650、昆明/寧波/無錫$657 快啲約定朋友今晚一齊搶飛啦！ 旅行日期由8月28日至2017年7月13日，相信明年4月至7月會有多啲平飛。 另外，以下航點出發日期有別：石垣島由8月28日至10月29日；高松由8月28日至10月29日；曼德勒、仰光由9月1日至10月29日 以上價錢未包行李寄艙及機上餐飲。 行李寄艙費用：20kg $260、25kg $360、30kg $365 如果需要行李寄艙，建議喺預訂果陣加埋好了。因為之後於網上補購行李，收費會非賞之貴！20kg 每程$390，25kg 每程$540，30kg 每程$545！ 如果買左Ufly-Pass優先購票證，宜家就可以提早上去買了。 預訂資訊： 旅行日期：8月28日-2017年7月13日 預訂日期：2016年6月28日00:00-6月30日23:59 停留期限：無限制 預訂網址：https://booking.hkexpress.com *HK Express 個系統預設加左寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。 提提你： 訂飛時HK Express 系統預設左行李寄艙及旅遊保險嘅費用，如無需要請自行取消。 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

港龍罕有推出印尼峇里優惠，來回只需$2,222起 (連稅$2,510起)。 論價錢，雖然唔算超級震撼，但都算吸引，連稅個價錢仲平過主要對手香港航空二百幾蚊！ 出發日期由8月28日至12月18日，暑假尾都有平！例如可以8月28日去、9月1日返。 留意番，呢口價限坐港龍嘅航班 (唔可以坐國泰航班)。出發日子方面，逢星期四、日有航班，因此可以玩4月3夜、5日4夜，或8日7夜。 官網較貴，有興趣可到Hutchgo 出票。 預訂資訊： 出發日期：8月28日-12月18日 (逢星期四、日) 預訂日期：售完即止 停留期限：最長14日 預訂網址：http://www.hutchgo.com.hk 經測試：8月28日去、9月1日返，來回只需$2,222，連稅$2,510。

華航推出新一輪早鳥優惠！香港來回台北/高雄/台南$750起！出發日期至12月底，除夕跨年都有得平。 香港來回台中只需$750 (連稅$1,041)、台北/高雄/台南$780 (連稅$1,071) 出發日期由8月28日至12月31日 (部份日子除外) 當中除夕跨年 (12月27日至12月31日) 出發貴少少賣$840 (連稅$1,131)，都係抵！ 留意番，如果除夕跨年出發，台北回程1月1日、1月3日先有平飛；高雄回程12月29,30,31日、1月4日有平飛；台中去程 (12月27日至12月31日) 就無平了，回程1月3日或之後先有平。 呢個優惠可以Open Jaw，去程及回程可選擇由不同城市進出。如需要Open Jaw，上Zuji 用「多航點/中途停留」就可以了。 台北去程可以揀坐CI678/CI922 07:55-09:30、CI904 11:05-12:40、CI680 13:10-14:45、CI924 21:20-22:55、CI928 22:15-23:50 如喺12月27日至12月31日出發，台北去程可揀坐坐中午1點前或晚上9點後航班。回程就無航班限制，視乎供應而定。高雄/台南去程及回程都無限制。 預訂資訊： 出發日期：2016年8月28日-9月14日、9月18日-10月6日、10月10日-12月22日、12月27日-12月31日 預訂日期：即日-2016年7月31日 (優惠需於出發前45天預訂) 停留期限：7日 預訂網址： http://www.zuji.com.hk  http://www.ctrip.com (用電腦版訂先有優惠) 留意番，Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。

Hotels.com 推出六月勁減低至4折優惠！同時使用優惠碼 "JUNE7" 再額外93折！ 是次優惠涵蓋唔少熱門地點，包括台北、首爾、釜山、濟州、曼谷、華欣、清邁、布吉、蘇梅島、喀比、峇里、吉隆坡、胡志明市、會安、金邊、河內、巴黎、羅馬、奧蘭多、新德里。 入住日期不限，視乎個別酒店而定。 預訂資訊： 入住日期：即日起 預訂日期：即日-6月30日 額外93折優惠碼：JUNE7 預訂網址：http://www.hotels.com 提提您：搵到心水酒店，可先上HotelsCombined 格下價，因為唔同預訂網同一時間都有唔同嘅優惠。 以上優惠代碼不適用於某些連鎖酒店集團，當輸入優惠代碼後會出現「此折扣代碼不適用於你想預訂的酒店」。

國泰有隻新加坡優惠只需$989起 (連稅$1,368起)，如果連埋酒店一齊訂可以再慳多啲，4日3夜套票連稅每人低至$1,620起！如想住得企理啲，揀四星或以上酒店就$2,227起！新加坡酒店出名貴，呢口價其實算唔錯了。 出發日期由即日起至10月31日，暑假都有平，但旺季日子嘅供應唔多。 國泰5日4夜套票推介： 國泰機票＋古斯蒂 B&B 旅館 ☆☆｜連稅$1,629起 (詳情) 呢間B&B 喺tripadviser 評價頗高！旅館位於小印度區，距離地鐵站僅3分鐘步程，附近有便利店、24小時營業嘅咖啡店。 國泰機票＋珍珠山瑞麗酒店 ☆☆☆☆｜連稅$2,227起 (詳情) 酒店位於牛車水，座落半山上，享有寧靜舒適嘅環境。步行至地鐵牛車水站或Outram Parky 站約10至15分鐘，另酒店提供咗免費接送前往地鐵站。 國泰機票 + BIG Hotel 大酒店 ☆☆☆☆｜連稅$2,297起 (詳情) 酒店位於武吉士，距離地鐵武吉士站約8分鐘步程，附近多食店、商場，非常方便！ 國泰機票＋新加坡悅樂雅柏酒店 ☆☆☆☆｜連稅$2,544起 (詳情) 酒店位於小印度區，四周環境寧靜及具異國風情！距離地鐵Little India 站只需2至3分鐘步程，非常方便！而且酒店對面就有大型超市，想補給話咁易。 國泰機票＋新加坡悅樂加東酒店 ☆☆☆☆｜連稅$2,652起 (詳情) 酒店位於東岸，雖然唔近地鐵站，但近海灘、裝修靚，附近多嘢食如珍寶海鮮樓嘅辣椒蟹同胡椒蟹，榴槤街亦喺附近。 國泰機票＋宜必思新加坡明古蓮街酒店 ☆☆☆｜連稅$2,769起 (預訂) 酒店屬方便之選，距離Bugis 地鐵站僅7分鐘步程，酒店旁邊有7-11、大型商場。 國泰機票＋新加坡雅庭假日酒店 ☆☆☆☆｜連稅$3,102起 (預訂) 酒店設施唔錯，位於市中心，就算坐的士四圍去都好化算！ 來回機票＋皮克林賓樂雅酒店 ☆☆☆☆☆｜連稅$4,175起 (預訂) 酒店位於唐人街地鐵站旁，喺一間著重綠化，以環保為主題嘅5星級酒店，酒店設計清新、自然，豪華與舒適並重。 除左以上推介，大家可以自由配搭其他酒店啦！套票價錢已包國泰來回機票連每人20kg寄艙行李，以及4日3夜酒店住宿。 套票唔一定4日3夜，長啲或短啲都得！最少3日2夜，最長8日7夜，優惠可以一人成行，但因為無朋友同你攤分房租，所以會貴啲。 如旅程中某啲日子想自行訂其他酒店，預訂時只要喺行程搜尋揀「我只需要在部分旅程中入住酒店」，咁你就可以決定邊啲日子自行安排其他酒店，非常具彈性。 除左以上推介，仲有其他選擇，大家不妨上Expedia 睇睇。 預訂資訊： 出發日期：即日-10月31日 預訂日期：售完即止 停留期限：2-7日 預訂網址：http://www.expedia.com.hk (留意番Expedia...

AirAsiaGo 出咗個沙巴/吉隆坡快閃套票優惠！7月暑假出發都有得平！ 香港飛沙巴、吉隆坡4日3夜套票連稅每人只需$1,099起！價錢已經包來回機票、酒店同稅項！如果只係訂酒店，每晚連稅都只係$399起！ 旅行日期由即日至11月30日，當中7月尾同8月暑假旺季飛吉隆坡都仲有唔少平飛。 大家只需「機票+酒店」同時訂，就可以搵到抵玩嘅自由行套票。套票唔一定4日3夜，旅程可長可短，可以選擇少啲日數或多啲日數都得，亦可成行。 4日3夜套票推介： 婆羅洲景觀套房酒店＋來回機票｜每人連稅$1,642起 套房夠晒大，設有廚房，適合一家大細！5分鐘車程就到海邊！ 香格里拉丹絨亞路酒店＋來回機票｜每人連稅$3,120起 酒店有無敵海景，係欣賞日落嘅最佳地點！設有兒童泳池，適合親子度假。 費斯套房酒店＋來回機票｜每人連稅$1,758起 酒店位置佳，第51層有天際泳池，可以邊游邊望雙子塔，勁好feel。 以上嘅價錢未包行李寄艙費用。訂既時候，可以依價錢排序選擇「由低排起」。 AirAsiaGo 嘅預訂系統有個唔錯嘅功能，大家可以係行程搜尋揀中「我只需要在部分旅程中入住酒店」，咁就可以揀邊幾晚入住套票所包嘅酒店，邊幾晚再自行訂其他酒店，更具彈性。 預訂資訊： 旅行日期：即日-2016年11月30日 訂購日期：即日-2016年7月3日 預訂網址：https://www.airasiago.com.hk/malaysia  

印度航空有隻7至10月出發嘅首爾優惠，暑假頭尾都有得平。 香港來回首爾只需$1,631 (連稅$1,940) 呢個價比國泰、韓亞、大韓平三、四百幾蚊！票價已包20kg行李寄艙及機上餐飲。 呢條線係以波音787執飛，同埋Upgrade 咗硬件，大大提升機艙嘅濕度同空氣清新度。 航班係早機去午機返，返到香港都仲可以休息半日先返工。 去程： AI310 08:05-12:30 (一、三、五、日) 回程： AI317 14:15-16:50 (一、三、五、日) 預訂資訊： 出發日期：2016年7月3日-16日、8月16日-10月30日 預訂日期：即日-2016年10月30日 停留期限：最長7日 預訂網址：  http://www.ctrip.com (用電腦版訂先有優惠)  http://www.hutchgo.com 留意番，Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。

眼見對手密密減，國泰都推出曼谷新優惠！ 香港來回曼谷只需$1,354 (連稅$1,695) 以國泰直航嚟講，呢口價算唔錯。 優惠一人成行，出發日期仲遠至12月，驚喜位喺除夕跨年都有平！ 出發日期由即日至12月31日 (部份日子除外) 航班時間選擇都幾多下，可以早機去晚機返。不過去程唔可以坐CX617 21:35-23:35、CX709 22:00-23:55；回程唔可以坐 CX712 16:35-20:10、CX708 17:40-21:20。 預訂日期： 出發日期：即日-2016年7月7日、8月25日-12月21日、12月28日-12月31日 訂票日期：即日-2016年12月31日 停留期限：2-7日 預訂網址：http://www.hutchgo.com.hk

喺Resort 界享負盛名嘅Centara 酒店集團 (Centara Hotels and Resorts)，唔少人住過都俾讚！ 依家佢哋做緊住3晚送1晚嘅超級優惠，變相最低75折 (即係連續入住4晚可享1晚免費)。而且住6晚就送2晚，如此類推。 旗下38間分佈喺泰國 (曼谷、喀比、布吉、芭堤雅、華欣、清邁、蘇梅)、馬爾代夫、峇里、越南、斯里蘭卡嘅酒店，都有呢隻超級優惠！ 入住日期仲涵蓋暑假旺季，實屬難得！阿編搵咗以下幾間泰國酒店推介俾大家，唔知大家like 唔like呢？ 推介酒店： 聖塔拉世貿中心大酒店 (Centara Grand at Central World Hotel)｜住3送1後雙人房平均每晚連稅$854起 位於市中心嘅5星級酒店，裝修夠氣派，有戶外泳池、健身室等，佢哋仲有個天台酒吧，可以係高處望晒曼谷全景！而且位置佳，行約5分鐘即到Siam，附近有多間名店及商場超好逛，去其他景點都好方便。 中央廣場西沙別墅度假村 (Centara Grand West Sands Resort &...

如果商務艙個價錢同經濟艙唔係爭好多，大家會唔會寧願俾多少少坐商務呢？ 斯里蘭卡航空推出曼谷商務艙優惠，來回曼谷只需$1,950起 (連稅$2,241起)！ 出發日期由即日至12月15日 (部分日子除外)，勝在8月中打後嘅暑假同部分紅日都有平 (例如重陽節可以揀10月8日去、10月13日返)。票價包30kg 寄艙行李，仲可以入機場貴賓室歎番夠本。同埋呢張飛嘅Class Code 係I，儲Asia Miles 或Avios 有125%里數。 留意番斯里蘭卡航空香港飛曼谷航線只於星期一、四、六運行。去程晚機，回程午機。 同期，阿聯酋航空都做緊曼谷優惠，大家不妨比較下。(詳情) 預訂資訊： 出發日期：即日-7月4日、8月16日-9月23日、10月11日-12月15日 訂飛日期：即日-6月30日 停留期限：2-7日 訂飛網址：http://www.expedia.com.hk (搜尋時揀商務) 經測試：坐斯里蘭卡航空商務艙來回曼谷，8月20日去，8月25日返，來回連稅$2,241起。