Big Fun Trip 旅遊情報

Hutchgo 推出限時72小時電子禮券碼 "HOTEL20"，預訂韓國酒店可享有額外8折優惠。 今次個優惠碼有成8折都算係幾罕有！而且連鎖酒店品牌亦都適用。入住日期仲可以去到12月31日添！ 優惠不設最低消費要求，只要預訂即時確認之酒店，輸入代碼即享8折優惠。 預訂資訊： 入住日期：即日-2016年12月31日 預訂日期：即日-2016年6月10日2:59pm 電子禮券碼：HOTEL20 (於付款頁面填寫，只適用於已登記之會員) 名額：500個 預訂網址：http://travel.hutchgo.com.hk 提提你：搵到心水酒店，可先上HotelsCombined / Trivago 格下價。

又到咗濟州航空嘅每月促銷熱賣啦！今期開賣10月飛首爾優惠！ 香港單程飛首爾$550 (來回連稅$1,457)。 今次每程嘅價錢比上期貴咗一百蚊，不過既然包咗15kg寄艙行李，都算OK啦！ 留意行李唔可以加重量，過左15kg限額嘅話會當超重計算。如果賣多咗，可以考慮用EMS寄返香港。另外，留意番濟州航空並無飛機餐提供。 航班方面，可以凌晨機去晚機返。 去程：7C2102 13:35-18:15、7C2108 01:25-05:55 回程：7C2101 09:55-12:35、7C2107 21:25-00:25+1 提提大家：訂飛的時候可以㩒Guest Reservation 以電郵地址訂飛，唔駛做會員都訂到。 預訂資訊： 出發日期：2016年10月1日-10月31日 預訂日期：2016年6月8日09:00-6月14日16:00 (售完即止) 停留期限：不限 網上預訂：https://www.jejuair.net

Hutchgo 推出中華航空嘅高雄、台中套票優惠！高雄3日2夜套票$981起、台中3日2夜套票$1,093起！ 套票嘅價錢同張機票差唔多，即係差唔多等於送個住宿俾大家！ 小編精明眼啟動，以下酒店嘅配搭唔錯。 3日2夜套票 (以6月14日至6月16日為例)： 華航來回機票 + 高雄統茂松柏大飯店｜$1,187起 (連稅$1,478起) 位置方便，距離高雄捷運文化中心站僅2分鐘步程，行3至5分鐘到六合夜市！酒店外觀及房間已重新翻新，硬件不俗！ 華航來回機票 + 陽光大飯店｜$1,194起 (連稅$1,485起) 位於三多商圈，無論買嘢定食嘢都夠晒方便，行去三多商圈捷運站只需5分鐘步程！ 華信來回機票 + 皇家季節酒店台中中港館｜$1,093 (連稅$1,384起) 喺Tripadviser 排名第一嘅台中酒店，位於台灣大道上面，地點方便，酒店門口不遠處就係公車站。 套票唔一定3日2夜，大家可以選擇Stay Behind，最長可以stay 8日7夜。 搜尋時，個系統會按您所揀嘅日子，自動將最平嘅航空公司及推介酒店優先顯示出嚟，如想揀其他航空公司請click 「其他航班」，如想揀其他酒店請click 「其他酒店」。 優惠可以一人成行，但因為無朋友同你攤分房租，所以會貴D。 除左以上推介，仲有其他選擇，大家不妨上Hutchgo search 下。 另外，依家只要係6月26日前，參加台灣觀光局嘅遊戲，分享你喺台灣嘅小確幸 (包括照片與文字)，就有機會得到$200旅遊禮券！(詳情) 預訂資訊： 出發日期：不限 (個別日子及旺季不適用) 預訂日期：即日起 停留期限：視乎所選酒店或機票 預訂網址：http://packages.hutchgo.com.hk

斯里蘭卡航空推出曼谷優惠，來回曼谷只需$946 (連稅$1,237)！ 斯里蘭卡航空係傳統航空公司，呢口價可以話貼近廉航價，而且仲包30 kg寄艙行李同機上餐飲。 另一賣點就係聖誕、跨年期間都有平！航班係晚機去午機返，去程只需請半日假，食埋個lunch 就可以上機！ 航班時間： 去程：UL893  18:15-20:05  (一/四/六) 回程：UL892  13:20-17:10  (一/四/六) 預訂資訊： 出發日期：即日-7月15日、8月18日-9月28日、10月4日-12月23日、12月27日-2017年1月24日、1月31日-2月28日 訂飛日期：即日起 停留期限：2-7日 預訂網址：http://www.ctrip.com.hk 經測試：香港來回曼谷，12月29日去，1月5日返，來回連稅$1,237

永安旅遊會喺聽日 (6月8日) 3pm推出限時1小時全線釜山套票每人減$500優惠！ 預訂釜山套票，並輸入推廣碼 "GP137" 每人即減$500！ 使用推廣碼後： 釜山航空來回機票 + 釜山國際酒店3日2夜套票｜$1,171起，連稅$1,540起 套票包來回機票、2晚住宿，出發日期由6月10日至12月30日 釜山航空來回機票 + 宜必思快捷釜山海雲台大使酒店 + 樂天水上樂園3日2夜套票｜$1,578起，連稅$1,947起 套票包來回機票、2晚住宿、樂天水上樂園門票，出發日期由6月10日至10月3日 套票唔一定3日2夜，可以選擇Stay Behind，最長可以留8日7夜。同時亦可補番差價，選擇其他航班及酒店。 另外，大家可以自定套票邊幾晚入住指嘅住宿，邊幾晚自行安排餘下嘅住宿，更具彈性。 預訂資訊： 預訂日期：2016年6月8日3pm-4pm 每位減$500推廣碼：GP137 預訂網址：http://package.wingontravel.com  提提你：需要先成為永安旅遊嘅會員，登入後先可以係付款頁面輸入推廣碼享減$500優惠。

AirAsia 推出咗夏日傾情東南亞堅．優惠，全線都減！ 之前幾次嘅優惠都唔太吸引，今次個價錢真係堅．吸引！ 香港出發 (來回連稅)：曼谷/清邁連稅$786、吉隆坡$869、沙巴$910、布吉$986、馬尼拉$671 澳門出發 (來回連稅)：芭堤雅MOP681、吉隆坡MOP899、清邁MOP1,016、曼谷MOP1,056、馬尼拉MOP722 旅行日期由依家至11月30日 (視乎航點)，當中暑假旺季都有平飛。 以上價錢未包行李寄艙及機上餐飲嘅費用，不過AirAsia 嘅行李寄艙收費比另一廉航平唔少，飛機餐更加係$24就有交易。 行李寄艙收費： 香港飛吉隆坡/沙巴/曼谷/布吉/清邁/馬尼拉 20kg每程$150、25kg每程$200、30kg每程$260 澳門飛芭堤雅/曼谷/吉隆坡/清邁/馬尼拉 20kg每程$150、25kg每程$190、30kg每程$250 預訂資訊： 旅行日期： 即日-2016年9月30日； 即日-2016年11月24日； 即日-2016年11月30日 訂購日期：即日-2016年6月12日 預訂網址：http://www.airasia.com  

Expedia 推出環球酒店低至3折快閃優惠！用埋指定優惠碼 "AEPlatinum2016Q1"，再額外9折！入住日期不限，視乎個別酒店亞定！ 今次優惠涵蓋所有地點嘅酒店，選擇夠晒多。小編精明眼啟動，以下酒店值得留意。 用左折扣碼再額外9折後： 富驛時尚酒店台北南京東路館｜連稅$621起 (預訂) 位於中山區，行去捷運南京復興站只需5分鐘，附近就係遼寧夜市，搵食無難度！步行至台北小巨蛋只需10- 15 分鐘！ 優美酒店｜連稅$728起 (預訂) 位於中山區，行去捷運雙連站只需5分鐘、寧夏夜市僅10分鍾。酒店嘅設計簡潔舒適，對於酒店嘅服務，網上有極佳嘅評價。 APA 新宿歌舞伎町塔樓酒店｜連稅$701起 (預訂) 位置非常方便，酒店距離JR新宿站只有5-8分鐘步程，酒店附近就係歌舞伎町區，四周都有食店、便利店、酒吧。 新宿東急酒店｜連稅$925起 (預訂) 位於新宿核心地帶，距離新宿車站只需7至8分鐘步程，附近商店、食肆林立。 大阪難波陽光之路酒店｜每晚$850起 (預訂) 位置極佳，日本橋站6號出口附近，行去道頓堀、黑門市場只需3-5分鐘。 大阪蒙特利酒店｜每晚$987起 (預訂) 地點優越，由JR大阪站櫻橋口直出，通過梅三小路商店街，唔使3分鐘就到！各大型商場就係正附近，逛街食飯飲嘢宵夜冇難度！ 明洞 STAY B 酒店｜連稅$554起 (預訂) 位於明洞，過條馬路就係明洞商圈，走15分鐘就到首爾塔，旁邊就係地鐵站、機場巴士站！夠晒方便。 曼谷暹羅智選假日酒店｜連稅$506起 (預訂) 位置佳，行3分鐘到BTS National Stadium 站，MBK 就係附近。 除左以上介紹，當然仲有好多唔同地方嘅酒店，大家不妨上Expedia...

平到無法相信！連稅二千三飛歐洲！講緊嘅係漢莎航空＋奧地利航空所推出嘅新優惠！ 一如過往，訂購「來回歐洲＋單程飛內地城市」比就咁來回歐洲可以平多千幾蚊！多一程反而平咗？呢個世界就係咁奇怪！ 用以上方法訂，香港來回歐洲各地連稅只需$2,312起！ 今次呢個優惠比較特別，要Open Jaw，即係不同歐洲城市來回先會搵到平飛。以去程香港飛倫敦，回程經以下地方返香港，即日/翌日再由香港飛廣州/廈門/杭州/成都為例 (到港後翌日出發會比即日出發多$120機場稅)為例，來回連稅：畢爾包$2,312、華沙$2,319、布拉格/布達佩斯$2,333、巴塞隆拿$2,389、馬德里$2,405、赫爾辛基$2,482、哥本哈根$2,506、威尼斯$2,529、米蘭$2,552、羅馬$2,607、阿姆斯特丹$2,746、維也納$2,886 當然去程唔一定由倫敦入，可以自由揀選去程航點。 要訂呢種優惠，大家只要用Cheaptickets.hk / Expedia 嘅既「多個目的地」功能搜尋就可以了，例如： 第一程：香港飛歐洲各地 (以倫敦最抵) 第二程：歐洲各地飛香港 第三程：即日/翌日由香港飛廣州/廈門/杭州/成都 由於寄艙行李有機會直掛至內地，大家最好揀到港後翌日先再飛內地，咁樣先可以喺歐洲check in 時向地勤提出請求行李於香港提取。 預訂資訊： 出發日期：2016年9月6日-2017年6月24日 (由於訂位系統只可買到330日內既機票，所以暫時只可訂到明年4月前出發既機票) 預訂日期：即日-2016年7月4日 停留期限：6日-1個月 預訂網址：  http://www.cheaptickets.hk (去程飛倫敦機票減$350折扣代碼：UK350，減$350後連稅$2,312起)  http://www.expedia.com.hk (手機版不適用，連稅$2,671起) 經測試：10月10日香港飛倫敦；10月25日布拉格飛香港；10月26日香港飛廣州，來回連稅只需$2,333

國泰/港龍 Fanfares 第189期涵蓋11個城市$890起！今期部分航點喺正暑假旺季出發，值得留意！ 來回票價： 西安$890 (連稅$1,117) 😌 未揀到佢 台北$990 (連稅$1,230) 😗 除非暑假出發 檳城$1,290 (連稅$1,540) 😛 榴槤當造 雅加達$1,390 (連稅$1,596) 👧 問下姐姐啱唔啱先 泗水$1,990 (連稅$2,224) 😌 普普通通 名古屋$2,390 (連稅$2,692) 😁 去得過 大阪$2,390 (連稅$2,725) 😁 都可以 福岡$2,690 (連稅$2,879) 😀 平少少 洛杉磯$2,990 (連稅$3,596) 😍 搶咗先 馬德里$3,990 (連稅$4,345) 😍 算吸引 馬爾代夫$4,290 (連稅$4,605) 😍 陽光海灘我嚟啦 當中6個城市估計2016年8月14日至8月27日出發，另外5個城市為指定日子last minute 優惠，估計介乎2016年6月9日至6月20日出發。確實嘅出發日子及航班時間會係星期二朝早8點Fanfares 網站公佈。一般嚟講，7點50分左右已經可以訂飛。 出發日期：2016年8月14日-8月27日 (其中6個城市)、2016年6月9日-6月20日 (其中5個城市) 預訂日期：2016年6月7日-6月15日 預訂網址： 國泰官網 http://www.cathaypacific.com/fanfares 港龍官網 http://www.dragonair.com/fanfares 此外，可以直接打去國泰訂位部 2747-1888、港龍訂位部 3193-3888 購買 Fanfares 機票。 提提您： 國泰港龍 Fanfares...

港航同時做緊鹿兒島同宮崎嘅嘅暑假優惠！大家可以自制Open Jaw，去程鹿兒島入、回程宮崎走，咁就可以由鹿兒島玩到去宮崎，又唔駛走回頭路！ 去程鹿兒島入＋回程宮崎走只需 $1,750起 (連稅$1,870) 起！ 留意番宮崎逢周三、六有航班，鹿兒島逢周一、二、四、五、日有航班 搵Open Jaw 平飛時，可以先搵咗同一地點來回有平嘅日子先，再用多個目的地/中途停留功能去Search，或者參考以下平飛日子去Search。 暫時平飛分佈日子 (只供參考)： 鹿兒島去程：7月4,8,11,15,18,22日、8月1,8,15,19, 23日 鹿兒島回程：7月7,8,10,11,12,14,15,17,18,19,22,24,25,26,29日、8月4,15,18,19,25,26,29,30日 宮崎去程：7月2,6,9,13,16,20,23,27,30日、8月3,6,10,13,17,20,24日 宮崎回程：7月6,9,13,16,20,23,27,30日、8月3,6,10,13,17,20,24,27,31日 預訂資訊： 出發日期：7月1日至8月24日 預訂日期：售完即止 停留期限：7日 預訂網址：  http://www.hongkongairlines.com  http://travel.hutchgo.com.hk