Big Fun Trip 旅遊情報

阿聯酋有隻曼谷機票優惠，如果想抵上抵，可以用套票形式一次過訂「機票＋酒店」，連稅千五蚊就玩到4日3夜啦！抵！ 11月底前出發，阿聯酋航空．香港來回曼谷機票＋酒店 (以最平住宿為例) 連稅：4日3夜$1,584起、5日4夜$1,608起、6日5夜$1,633起！ 大家可自訂行程長短，最耐玩足1個月都冇問題！票價已包30kg寄艙行李額、飛機餐，可以盡情 Shopping 啦！ 4日3夜．曼谷「機票＋酒店」套票推介： (價格以5月19日去、5月22日返為例) 機票＋曼谷瑪卡薩美居酒店 ★★★★｜連稅$2,019起 距 BTS「Makkasan 站」及 MTR 「Phetchaburi 站」約10分鐘步程，酒店亦有提供免費接駁車。距市中心旺區唔算遠，但因為係位於商業區，環境較清靜。 機票＋修爾住宿酒店 – 普拉斯蘇坤蔚路 2 號貝斯特韋斯特酒店 ★★★★｜連稅$2,167起 2017年10月開業，Best Western 集團旗下 Sure Stay 的首家亞洲酒店。位於 BTS「 Phloen Chit...

想近近哋去台北玩幾日，搭華航夠晒抵玩！以套票形式一次過訂「機票＋酒店」，價格仲抵啲添！連稅千六起就玩到3日2夜啦！ 乘搭中華航空．香港來回台北＋酒店 (以最平住宿為例) 連稅：3日2夜$1,664起、4日3夜$1,722起、5日4夜$1,790起！ 4月中前出發都得，票價已包30kg寄艙行李額、飛機餐！而且航班時間有不同選擇，可以揀早機去、晚機返！ 華航．台北3日2夜套票： (以4月7日去、4月9日返為例，2人同行每位計) 機票＋漫步 1948 ★★★｜連稅$1,986起 於台北車站直行約8分鐘即達，樓下有便利店！酒店走文青風，設計簡約清新。可選房型甚多，設有3人 / 4人家庭房，一大家細去玩都啱。 機票＋旅樂序二館 ★★★｜連稅$2,080起 具設計感嘅精品酒店，毗鄰台北車站。附近有便利店、百貨公司、各類食肆，也接近228和平紀念公園。如步行往捷運「台大醫院站」亦只需7分鐘。 機票＋玫瑰精品旅館雙城館 ★★★★｜連稅$2,090起 2017年3月開業，位於雙城街，接近晴光市場、雙城夜市，行7分鐘可達捷運「中山國小站」。酒店以深灰及木系色調設計，帶淡淡文青氣息！ 機票＋德立莊酒店 ★★★｜連稅$2,198起 位於西門嘅町嘅商務酒店，企企理理，位置就喺正捷運站隔離，好方便！ 機票＋華山文旅 ★★★★｜連稅$2,285起 2016年12月開幕，位於台北中正區，華山1914文創園區就喺正對面！距離捷運「忠孝新生站」只有4分鐘步程。酒店設計時尚簡約，客房仲夠晒大，最小亦有33平方米 (355平方呎)，部份房型更擁有華山公園嘅優美景觀。 機票＋板橋凱撒大飯店 ★★★★★｜連稅$2,485起 2017年10月開幕嘅新酒店，係新北市首家5星級酒店！採高級豪華風格，房間極大，一般豪華房面積達39平方米！酒店位置便利、四通八達，步行3分鐘便到捷運「板橋站」！ 除以上推介外，大家可以任揀鍾意嘅酒店。揀酒店時，按「價格」由低至高排序，再以「酒店星級」、「鄰近區域」篩選，就可以快啲搵到適合嘅酒店！ 預訂時，係先揀酒店、再選機票。套票行程長短可自訂，快閃又得、慢慢玩都得，最耐可以玩到15日14夜！環島遊都冇問題啦！ 如果想於旅程中入住多間不同酒店，可以搜尋時剔選「我只有部分日期需要入住酒店」，就可設定套票包邊幾日酒店，然後另外加訂其他日子住宿，極具彈性！ 提提大家，搵套票時，目的地要填「台北 (及鄰近地區), 台灣」，咁先會搵到台北全市嘅酒店。如果你填咗「台北, 台灣 (TPE-所有機場)」，就只會搵到機場附近嘅酒店。 預訂資訊： 出發日期：2019年1月27日-1月30日、2月10日-2月13日、2月17日-2月20日、2月24日-2月27日、3月31日-4月3日、4月7日-4月10日、4月14日-4月17日 寄艙行李限額：30kg 機票有效期：14日 預訂日期：即日-2019年2月15日 預訂網址：http://www.expedia.com.hk (以網頁版預訂為佳)

菲航繼續推商務優惠，最啱舒舒服服飛長途！香港來回美國 / 加拿大各地．商務艙$5,460起！ 連稅計：關島$5,813起、洛杉磯 / 三藩市$16,769起、溫哥華$19,150起！票價已包2件32kg極大寄艙行李額、飛機餐！ 12月中前去都有優惠價，最耐可以停留3個月添！可以歎住飛去關島 / 夏威夷度假，或者飛洛杉磯 / 溫哥華探親兼齊齊去玩！ 優惠於部分日子不適用。大家可先上菲航官網，揀「My travel dates are flexible」搜尋睇多日票價，再上 Airbare 訂飛啦！ 預訂資訊： 出發日期：2019年2月20日-4月4日、4月10日-4月13日、4月25日-10月20日、11月4日-12月13日 寄艙行李限額：2件32kg 機票有效期：2日-3個月 預訂日期：即日-2019年1月31日 預訂網址：https://www.airbare.com.hk

正呀！香港航空飛大阪票價終於回落！連稅千九有交易！ 話說小編上星期話港航隻大阪 last minute 優惠要 over 二千蚊未夠抵！點知今個星期即刻減多百幾蚊喇！香港來回大阪只需$1,100起 (連稅$1,913起)！呢口價就真係諗得過喇！而且勝在航班選擇多，去程可以揀早機 / 中午機 / 傍晚機 / 凌晨機；回程可以揀晚機 (可選航班視乎供應而定)。 票價已包20kg寄艙行李同飛機餐。 預訂資訊： 出發日期：2019年2月12日-3月19日 寄艙行李限額：20kg 機票有效期：7日 預訂日期：即日-2019年1月31日 (售完即止) 預訂網址：https://www.airbare.com.hk

嘩！農曆年都有平機票？濟航推出限時優惠，澳門飛大邱單程MOP285起、來回連稅MOP1,259起！優惠去到後日 (1月25日) 咋！ 優惠適用於2月份出發。揀農曆年去的話，可以揀2月4日 (年三十) 去、 2月7 / 8 (年初三 / 四) 返！ 以超級旺季嚟講，連稅千二飛韓國真係好抵！航班時間都唔錯，係凌晨機去、晚機返！但留意只有澳門飛大邱先有平！ 呢隻特價機票係不包括寄艙行李額，只有10kg手提行李額。如要將行李寄艙，可以加MOP215揀包15kg行李嘅票價。 提提大家：韓國嘅商店餐廳或會於農曆年期間休假，出發前記得先了解相關店鋪嘅營業時間！ 航班時間 去程：7C2022 02:00-06:30 回程：7C2021 20:05-23:05 預訂資訊： 出發日期：2019年2月1日-2月28日 預訂日期：即日-2019年1月25日9:00AM 預訂網址：https://www.jejuair.net

筍遊俄國！俄航呢口價好抵玩，直飛俄羅斯都只係連稅三千一起！香港來回莫斯科$2,765起 (連稅$3,129起)！ 出發日期就係2月至6月底，票價已經包埋23kg寄艙行李額、飛機餐！而且係直航機，一程過夠晒方便！ 轉飛聖彼得堡都抵，來回連稅$3,695起！或者 Open jaw 咁飛：莫斯科入、聖彼得堡出：連稅$3,562起！ 如果暑假出發，都只係貴多四百蚊左右！以8月份去為例，香港直航來回莫斯科：連稅$3,575起！以旺季嚟講都幾抵！ 優惠於部分日子不適用。如果想快啲搵到咩日子有平，就先上俄航官網，搜尋後揀「Prices for a month」睇整月票價啦！ 預訂資訊： 出發日期：2019年2月26日-9月30日 (部分日子不適用) 寄艙行李限額：23kg機票有效期：165日 預訂網址： https://www.airbare.com.hk https://www.skyscanner.com.hk

筍價豪住靚酒店！Expedia 推出最新一期72小時快閃優惠！全球酒店房價低至4折！成為 Expedia 會員並登入預訂，可於部分酒店享隱藏價添！ 會員仲可儲積分、換現金券，更有機會免費 Upgrade 房間、延遲 check-out 等！儲夠積分後，更可以用$0入住心宜酒店！ 熱門旅遊點．精選酒店： (以下價錢為2人入住雙人房每晚計，以3月3-4日入住為例。會員價為登入後，見到有黃色標示即係會員隱藏優惠價。) 丰居旅店 ★★★｜會員價：連稅$557起 酒店位於西門町旺區，行落樓下就有大把嘢食、大把嘢買！行去捷運「西門站」只需5分鐘，夠晒方便！ 1969藍天飯店 ★★★★｜連稅$572起 懷舊風格復古酒店，內外佈置都充滿LOFT風格，極具質感。步行5至8分鐘可達中華路夜市、一中街夜市，距離台鐵 / 高鐵站只有5分鐘步程，附近亦有巴士站，交通方便。 赤坂頂級住宿酒店 ★★★｜連稅$658起 酒店於2016年7月開業，距離千代田線嘅「赤坂站」只有3分鐘步程，鄰近六本木，前往東京塔亦只需25分鐘車程。樓下就有7-11。 WBF ART STAY 難波酒店 ★★★｜會員價：連稅$599起 距離「惠美須町站」約4分鐘步程，行去通天閣約7分鐘，行去黑門市場亦只需約10分鐘。酒店對面有便利店，附近亦多食店。 名古屋貝斯特韋斯特酒店 ★★★★｜會員價：連稅$470起 座落市中心，行7分鐘可達地鐵「榮站」12號出口、綠洲21，附近有唔少食肆、亦有幾間便利店。而酒店入面都有2間餐廳，搵食好方便！ 札幌蒙特利酒店 ★★★★｜連稅$618起 房間夠大，走歐式設計好舒適。由酒店行去JR「札幌站」、大丸百貨及購物商場等只需5分鐘。去鐘樓、舊市政廳、大通公園等亦只需10分鐘。 江南...

正呀！阿聯酋航空隻曼谷優惠再平多少少，香港來回曼谷$566起 (連稅$1,388起)！呢口價可以坐質素超班嘅阿聯酋直飛曼谷抵呀！聯酋除咗服務好，機上娛樂仲勁多戲睇！ 票價包飛機餐、30kg寄艙行李額。出發日期去到11月尾。如去程星期五、六出發，或回程星期六、日返，每程貴約$97。 以上價錢係經 Airbare 預訂，經阿聯酋官網訂都得，但貴$104。 航班時間係晚去午返，打工仔可以收工即飛！ 去程時間：EK385 21:30-23:45 回程時間：EK384 14:00-18:05 預訂資訊： 出發日期：2019年2月5日-4月16日、4月23日-7月4日、8月26日-9月23日、10月7日-11月30日 寄艙行李限額：30kg 機票有效期：2日-1個月 預訂日期：即日-2019年1月31日 (須於出發前最少10日預訂) 預訂網址：  https://www.airbare.com.hk (連稅$1,388起)  https://www.emirates.com (連稅$1,492起)

皇家約旦航空推出限時優惠！3月至5月出發，香港來回歐洲各地$1,970起！連出名貴嘅倫敦，都係連稅三千九起，抵喎！ 連稅計：雅典$3,680起、蘇黎世$3,865起、馬德里$3,866起、羅馬$3,872起、維也納$3,882起、阿姆斯特丹$3,885起、法蘭克福$3,898起、倫敦$3,934起！ 皇家約旦航空係「寰宇一家」嘅成員，仲獲選為2018年「20大最安全航空公司」之一，質素唔錯㗎！搭長途機都夠晒舒服！ 以上航班經安曼轉飛嘅，票價已包23kg寄艙行李額、飛機餐！最耐可以停留1個月，大把時間慢慢玩！ 平飛唔係每日去都有，大家可先上皇家約旦航空官網揀「Flexible Dates」搜尋，就可以易啲搵到邊日最抵！ 預訂資訊： 出發日期：2019年3月1日-5月31日 寄艙行李限額：23kg 機票有效期：3-30日 預訂日期：即日-2019年2月3日 預訂網址：https://www.airbare.com.hk

又有大家最愛嘅台北平機票啦！今次係華航筍價：香港來回台北$688起 (連稅$1,337起)！連稅千三起，價格比上次優惠又平咗啲！ 航班時間選擇都幾多，有早機去、晚機返添！出發日期去到4月中，即飛可以去浸溫泉、或者初春花季去陽明山賞櫻！ 票價已包30kg寄艙行李額、飛機餐，可以去 Shopping 掃貨，大把位放戰利品！最耐可停留14日，搭程火車去埋台中 / 高雄玩都得啦！ 以上價格適用於去程星期日至三出發、並乘搭指定航班 (CI922 / CI924 / CI928)。如果其他日子出發就不限航班，價格貴一百蚊左右：來回連稅$1,447起！ 預訂資訊： 出發日期：2019年1月27日-1月30日、2月10日-2月13日、2月17日-2月20日、2月24日-2月27日、3月31日-4月3日、4月7日-4月10日、4月14日-4月17日 寄艙行李限額：30kg 機票有效期：14日 預訂日期：即日-2019年2月15日 預訂網址：https://www.airbare.com.hk