Big Fun Trip 旅遊情報

新航為慶祝進駐香港60年，多個航點都有優惠價！香港來回東南亞$1,088起、澳洲$2,143起、歐洲$2,802起！真係去邊都有得平！ 東南亞航點．來回連稅計：檳城$1,517起、吉隆坡$1,535起、新加坡$1,701起、布吉$1,888起、蘇梅$2,016起、峇里$2,066起！ 澳洲航點．來回連稅計：珀斯$3,173起、墨爾本$3,242起、阿得萊德$3,268起、悉尼$3,338起、布里斯班$3,609起、黃金海岸$3,781起！ 歐洲航點．來回連稅計：阿姆斯特丹$3,426起、米蘭$3,472起、蘇黎世$3,495起、羅馬$3,599起、哥本哈根$3,706起、巴黎$3,752起！ 票價已包飛機餐、30kg寄艙行李額！除新加坡係直航外，飛其他目的地都要經新加坡轉飛嘅！新航仲係全球最佳航空嚟，無論長線短線都非常抵玩！ 預訂資訊： 出發日期： 即日-2018年12月10日、2019年1月2日-1月31日、2月10日-3月31日 2018年10月16日-11月30日、2019年2月18日-4月16日、4月22日-6月20日 2018年11月1日-11月30日、2019年2月11日-4月9日、4月30日-6月20日 寄艙行李限額：30kg 機票有效期： 2-5日 2-14日 2-21日 2日-3個月 預訂日期：即日-2018年10月31日 預訂網址：https://www.skyscanner.com.hk

Plan 去度假 / 蜜月嘅粉絲留意啦，新航有隻馬爾代夫平飛！香港來回馬累$2,561起 (連稅$3,319起)！正啊！ 航班係經新加坡轉飛嘅，價格係二人同行先有，出發日期去到明年3月底添！連稅三千三搭到全球最佳航空，抵玩！ 票價已包飛機餐、30kg寄艙行李額，最耐可停留14日！可以 book 間靚 villa 慢慢曬太陽、睇一望無際嘅靚海景！ 預訂時，記得要於人數揀「2」先搵到以上抵價！大家可先上新航官網揀「彈性旅行日期 / 最低票價」睇邊日最抵，然後再上 Skyscanner 預訂啦！ 預訂資訊： 出發日期：2018年10月9日-12月15日、2019年1月1日-1月24日、2月18日-3月31日 寄艙行李限額：30kg 機票有效期：2-14日 預訂日期：即日-2018年10月31日 預訂網址：https://www.skyscanner.com.hk

要歎陽光海灘，近期有好多抵價選擇！聯合航空有隻平飛，香港來回關島$2,024起 (連稅$2,484起)！價格唔錯！ 關島有浪漫嘅水晶教堂、水清沙幼嘅海灘，同另一半去度蜜月就最 Sweet 啦！票價已包46kg行李，又或者去 Outlet 掃貨都大把位放！ 出發日期就去到12月中，買完即飛都冇問題！航班係直航機，一程過非常方便！另外轉飛夏威夷 (檀香山) 都有平：來回連稅$3,691起！ 如果想快啲搵到平飛，可先上聯航官網，揀「彈性旅遊日期」一次過睇多日票價！然後再上 ZUJI 訂就最抵啦！ 預訂資訊： 出發日期：即日-2018年12月20日 (部分日子不適用) 寄艙行李限額：2件23kg 預訂日期：即日-2018年10月14日 預訂網址：https://www.zuji.com.hk

隔咗一排！香草航空終於會喺聽日 (10月5日) 下午2pm推出新優惠！ 香港飛東京單程$288起 (來回連稅$1,045起)！ 今次仲首賣明年2月嘅平飛！番意番只有去程有$288，回程要$388！ 香草嘅票價只包10kg 手提行李，不包免費寄艙行李額及機上餐點。如要將行李寄艙，費用為：每程首20kg $305，其後每5kg $79！ 預訂資訊： 出發日期：2018年10月26日-2019年2月28日 預訂日期：2018年10月5日2pm-10月9日10:30am (香港時間) 預訂網址：https://www.vanilla-air.com.hk 提提大家：於香草航空訂飛時，可以唔駛填 Passport Number。

HK Express 推出$1機票優惠！預訂來回機票，去程只需$1！次輪優惠再劈8個航點，香港來回台芽莊 / 清邁$399、石垣島 / 濟州$599、東京 / 廣島 / 高松 / 鹿兒島$799起 來回票價：芽莊$399 (連稅$786)、清邁$399 (連稅$856)、濟州$599 (連稅$1,019)、石垣島$599 (連稅$854)、廣島 / 高松 / 鹿兒島$799 (連稅$1,054)、東京羽田$799 (連稅$1,252) 旅行日期由10月13日至明年9月3日，今次價格唔算十分平，飛台灣 / 東南亞都可以考慮下嘅。而其他航點會於今個星期內陸續開賣，賣到星期日 (10月7日) 為止。 提提大家：以上票價並不包括寄艙行李額、機上餐飲。 寄艙行李收費 (每程計)： 20kg...

要筍飛首爾，大韓呢隻優惠抵！玩4日3夜「機票＋酒店」連稅二千一起咋！而且航班時間仲勁靚，有凌晨機去、晚機返！ 2人同行出發，大韓航空．香港來回首爾機票＋酒店 (以最平住宿為例) 連稅：4日3夜$2,105起、5日4夜$2,163起、6日5夜$2,217起！ 票價已包23kg寄艙行李額、飛機餐！10月底去到明年3月出發都得，可以去睇紅葉銀杏、滑雪，或者盡情掃貨 Shopping！ 大韓．首爾4日3夜精選套票： (以2019年1月13日去、1月16日返為例，2人同行每位計) 機票＋明洞蘭山酒店 ★★★｜連稅$2,500起 座落明洞嘅酒店，位置極佳！行3分鐘可達地鐵「明洞站」！一落樓就已經可以 Shopping，附近仲有好多食肆！房間面積唔大，簡簡單單，適合喜歡方便及經濟實惠型嘅旅客！ 機票＋首爾東大門華美達安可酒店 ★★★★｜連稅$2,548起 行2分鐘即達地鐵「新設洞站」，亦有機場巴士直達，交通便利。附近有 Cafe、韓燒餐廳，亦有便利店、超級市場！ 機票＋首爾宜必思東大門大使酒店 ★★★｜連稅$2,650起 酒店位置佳，由地鐵「東大門歷史文化公園站」行去酒店只需1分鐘，同東大門購物區亦只有10分鐘步行距離！ 機票＋明洞 STAZ 2 號酒店 ★★★｜連稅$2,666起 酒店位置方便，距離地鐵「明洞站」、「忠武路站」 (3號線和4號線) 僅5分鐘步程，行去明洞購物區亦只需10分鐘。 機票＋明洞梨花酒店 ★★★｜連稅$2,684起 2017年5月開幕，位處市中心旺區，距離地鐵「明洞站」 (4號線)只有4分鐘步程！酒店設計低調大方，房間不算大但價格經濟實惠。 機票＋明洞九樹 2 號頂級酒店 ★★★｜連稅$2,820起 2017年1月開幕嘅新酒店，一貫九樹嘅簡約雅緻設計，住得舒適。位於首爾Jung-Gu區，係買衫買化粧品嘅集中地，距離中午廣場 (Noon Square)、Bangsan市場約10分鐘步程。 以上只係精選推介，大家可於 Expedia 慢慢揀自己鍾意嘅酒店！按「價格」由低至高排序，再以「酒店星級」、「鄰近區域」等作篩選，會易啲搵到啱心水嘅酒店！ 預訂套票時，記得係先揀酒店、再選機票！揀機票時，於左邊「包括的航空公司」剔選「大韓航空」，就可以快啲搵出以上套票啦！ 行程長短可以自訂，最耐可以玩到1個月咁耐！以上價格係2人同行每位計，但1人出發都得，只要補返酒店房差價就可以了，會貴小小！ 預訂資訊： 出發日期：2018年10月28日-2019年3月30日 寄艙行李限額：23kg 機票有效期：1個月 預訂日期：即日-2018年12月31日 預訂網址：https://www.expedia.com.hk (以網頁版預訂為佳)

正喎！澳航推出澳洲限時3日新優惠！飛澳洲全年都有平！ 香港來回澳洲各地$2,733起！連稅計：墨爾本$3,884起、阿德箂德$3,908起、悉尼$3,942起、布里斯本$4,368起 墨爾本、悉尼、布里斯本都係直航，阿德箂德就需要經墨爾本、悉尼或布里斯班轉機。 出發日期由依家至明年7月31日，即係暑假都照減！最長可以停留3個月。仲可以 Open Jaw 添 (即去程、回程由不同地方往返)。 預訂資訊： 出發日期：即日-2018年12月13日、2019年2月13日-7月31日 機票有效期：3個月 預訂日期：即日-2018年10月5日 預訂網址：https://www.skyscanner.com.hk

抵到跳舞！AirAsia 出咗隻超筍優惠！香港飛布吉單程$98起！來回票價$196起 (連稅$654起)！2019年6月30日前出發。 連稅六百蚊可以直飛布吉歎世界！價錢拍得住 Big Sale！抵搶！ 平飛唔係日日有，大家可以利用預訂系統嘅彈性出發日期功能，睇下咩日子有平。 注意：價錢唔包寄艙行李、機上餐飲。如行李需要寄艙，可以另外加購，20kg每程$150、25kg每程$200、30kg每程$260 預訂資訊： 出發日期：即日-2019年6月30日 停留期限：沒有限制 預訂日期：即日-2018年10月7日 訂飛網址：https://www.airasia.com

筍飛加拿大！長榮呢口價認真抵玩，香港來回溫哥華$2,800起 (連稅$3,397起)！一於去探親再一齊周圍去玩啦！ 出發日期去到明年3月底，長榮仲係 Skytrax 5星航空，可以歎住飛！航班係經台北轉飛嘅，已包46kg寄艙行李額、飛機餐！ 機票有效期有成一個月咁耐添！優惠去到今個月底就完啦，但記得要最少於出發前14日預訂先有以上抵價！ 優惠價唔係每日出發都有！大家可先上長榮官網，揀「彈性旅遊日期」搵咩日子平，然後再去 Skyscanner 訂就最抵！ 預訂資訊： 出發日期：即日-2018年12月13日、12月24日-12月31日、2019年1月8日-2月1日、2月8日-3月31日 寄艙行李限額：2件23kg 機票有效期：1個月 預訂日期：即日-2018年10月31日 (需於最少出發前14日預訂) 預訂網址：https://www.skyscanner.com.hk

又有得平訂酒店啦！Expedia 推出最新嘅限時優惠，全球酒店房價低至4折！秋冬入住，多個人氣旅遊點都有平！ 而 Expedia 會員仲可以再抵啲！登入後搜尋，就可以搵到隱藏優惠價！會員可以儲積分、換現金券，有機會免費 Upgrade 房間、延遲 check-out 等！儲夠積分後，可以用$0入住心宜酒店添！ 熱門旅遊點．精選酒店： (以下價錢為2人入住雙人房每晚計。會員價為登入後，見到有黃色標示即係隱藏優惠價。) 泡泡飯店 ★★★★｜會員價：連稅$660起 (以11月11-12日為例) 座落大安區，位置甚佳，距捷運忠孝敦化站僅5分鐘步程！酒店以「點點」及「泡泡」為設計概念，目標住客群為時尚女性。整幢建築物色彩繽紛、精緻可愛，看上去十分超現實。 富驛商旅 – 高雄中華路館 ★★★★｜連稅$287起 (以11月4-5日為例) 酒店房間舒適，位置優越，距離捷運市議會站、高雄火車站僅5分鐘步程，附近有便利店，行去六合夜市、愛河亦只需10分鐘，而距離高雄國際機場亦只有18分鐘車程。 淺草雷門 APA 酒店 ★★★｜連稅$482起 (以11月4-5日為例) 2017年10月開業，距雷門只有3分鐘步程！四周有大量食肆及購物點，而4分鐘步程內可達各鐵路站！ 大阪心齋橋坤特薩酒店 ★★★ |...