Big Fun Trip 旅遊情報

去邊都有得減！永安舉辦「網上旅遊展」，6月17日前訂各地旅遊產品，全部都有得減！仲係無上限咁減添！ 使用推廣碼預訂，機票每位減$50、酒店滿$1,000減$100、套票每訂單減$100、澳門船飛滿$540減$50 (折後每張$245起)！不限出發日期、地點，旺季出遊都有得平！ 此外，優惠包括 Local tour / 其他旅遊產品添！用 APP 及推廣碼預訂，每訂單滿$600減$50、滿$1200減$100！參加任何台灣一天遊，仲送悠遊卡一張 (包NT$100儲值額)！ 精選 Local tour / 旅遊產品： 聖淘沙島一日套票｜$268起 (預訂) 日本環球影城門票｜$508起 (預訂) 首爾保寧泥漿節＋海上綱索＋海鮮任食一天遊｜$639起 (預訂) 4G無限數據超值版 WiFi 蛋｜$9/天 (預訂) 今次優惠係無上限，即係話一大班 Friend 訂機票，每位都有得減$50！而訂完機票後，訂酒店、報 local tour 又有得平！有興趣就上永安旅遊睇睇啦！ 預訂資訊： 推廣碼： ...

唔想暑假旺季去玩同人迫？釜山航空有隻早鳥平飛！9月份出發，香港飛釜山單程$500起，來回連稅$1,424起！ 9月份釜山天氣幾舒服㗎，唔太凍唔太熱，廿幾度左右啱晒去玩！而澳門出發同樣抵：都係單程MOP500起，來回連稅就MOP1,654起！ 釜航雖然係廉航，但係票價已經包咗20kg寄艙行李額！航班時間仲係凌晨去、夜機返，夠晒實用！唔錯㗎！ 航班時間： 去程：BX392 02:05-06:10 回程：BX391 21:35-00:05+1 去程：BX382 02:05-06:20 (逢星期一、二、四、五、六) 回程：BX381 21:50-00:20+1 (逢星期一、三、四、五、日) 預訂資訊： 出發日期：2018年9月1日-9月30日 預訂日期：即日-2018年6月11日03:00PM 預訂網址：https://hk.airbusan.com

新一期 Expedia 酒店優惠又嚟啦！全球酒店低至4折，日韓台泰等多個旅遊熱點嘅酒店都有得平！限劈72小時！ 預訂前，大家可以先成為 Expedia 會員。登入後預訂，可以搵到再平啲嘅會員專享隱藏價！而且會員可以儲積分、換現金劵，同埋有機會 upgrade 房間、免費延遲退房等！如已儲足夠會員積分，最低可以$0入住心宜酒店！ 熱門旅遊點．精選酒店優惠： (以下價錢為2人入住雙人房每晚計。會員價為登入後，以黃色標示的隱藏優惠價。)  CitizenM 台北北門酒店 ★★★★｜會員價：$492起 (9月16-17日為例) (預訂) 屬荷蘭潮牌 citizenM 於亞洲的首家酒店。酒店交通非常方便，距離西門站及台北車站也只有7至10分鐘步程。酒店走年輕時尚路線，極具設計感！ 玫瑰精品旅館雙城館 ★★★★｜$498起 (9月2-3日為例) (預訂) 2017年3月開業，位於雙城街，接近晴光市場、雙城夜市，行7分鐘可達捷運「中山國小站」。酒店以深灰及木系色調設計，帶淡淡文青氣息！  新宿格拉斯麗酒店 ★★★★｜會員價：$1,032起 (9月9-10日為例) (預訂) 酒店以哥斯拉為主題，位於歌舞技町旁，從JR新宿東口行步行5分鐘就到，夠晒方便。 淺草雷門 APA 酒店 ★★★｜$428起 (9月2-3日為例) (預訂) 2017年10月開業，距雷門只有3分鐘步程！四周有大量食肆及購物點，而4分鐘步程內可達各鐵路站！ 心齋橋更紗酒店 ★★★ | $673起 (9月9-10日為例) (預訂) 於2017年3月開業，隔離就係地鐵「長堀橋站」5A出口、Crysta 長堀地下街出口，論購物、乘車均非常方便！酒店提供不同房型：單人房、雙人房、三人房，也有設 Tatami...

無論去美加度假定探親、hea 歎陽光海灘定漫遊城市風光，菲航都有抵價！今次連劈4個美加航點，價格低至$1,449起！ 9月底前出發，香港來回關島$1,449起 (連稅$2,070起)、夏威夷檀香山$2,467起 (連稅$3,487起)！準備度蜜月，或者想過小島假期嘅就唔好錯過啦！ 而北美洲航點方面，就以飛溫哥華最筍！香港來回溫哥華$2,361起 (連稅$3,033起)、洛杉磯$3,500起 (連稅$4,029起)！ 以上航班係要經馬尼拉轉飛嘅。就咁飛馬尼拉都平，來回連稅$1,230起！但留意馬尼拉嘅出發日期就係7月至12月，同美加航點係唔同的！ 如果想易啲搵到平飛，可以上菲航官網揀「 Flexible travel dates」睇多日票價，然後再上 Trip.com / Hutchgo / Skyscanner 訂飛就最抵啦！ 預訂資訊： 出發日期： 2018年7月16日-12月10日 即日-2018年9月30日 寄艙行李限額： 30kg 2件23kg 機票有效期： 2日-14日 2日-6個月 預訂日期： 即日-2018年6月17日 即日-2018年6月30日 預訂網址：  https://hk.trip.com  https://www.hutchgo.com.hk  https://www.skyscanner.com.hk/

國泰 / 國泰港龍 fanfares 第293期！今期以名古屋、倫敦格域、哥本哈根、都柏林較為吸引！ 機票： 克拉克$880 (連稅$1,135)、河內$1,080 (連稅$1,548)、金邊$1,180 (連稅$1,672)、仰光$1,580 (連稅$2,044)、達卡$1,980 (連稅$2,924)、名古屋$2,380 (連稅$2,821)、班加羅爾$3,180 (連稅$3,704)、倫敦格域$3,480 (連稅$4,764)、倫敦希斯路$3,480 (連稅$5,086)、哥本哈根$3,580 (連稅$4,109)、都柏林$3,980 (連稅$4,423) 套票 (3日2夜機票連酒店)： 2人同行每位價錢：青島$2,330 (連稅$2,695)、台北商務艙$3,840 (連稅$4,286) 確實嘅出發日子及航班時間於星期二朝早8點在 fanfares 網站公佈。每期會分開自由揀日子及指定日子last minute 出發。 預訂資訊： 估計出發日期：2018年8月4日-9月4日 (自由揀日子)；2018年6月10日-6月16日 (指定日子) 開賣時間：2018年6月5日8:00am (售完即止) 預訂網址：http://www.cathaypacific.com/fanfares

豪飛曼谷！阿聯酋嘅商務艙優惠賣到明年1月啦！乘搭阿聯酋航空．商務艙，香港來回曼谷$3,482起 (連稅$4,216起)！ 阿聯酋一向超好服務，搭埋商務艙更歎！除咗有得入機場 Lounge，仲可以歎埋 A380 空中酒吧、Flat bed 座位！阿聯酋會員可以免費任用機上 WiFi添！ 想平平哋淨係一程搭商務都冇問題，例如去程經濟＋回程商務：連稅$3,023起！但留意返兩程嘅寄艙行李額係唔同嘅！ 優惠於部分日子不適用。大家預訂前可以先去阿聯酋官網，搵出平機票日子！如果兩程都搭商務艙，去 Cheapflights 訂就最抵；而一程經濟＋一程商務，就可於官網訂！ 航班時間： 去程 EK385 21:50-23:45 回程 EK384 14:00-18:05 預訂資訊： 出發日期：即日-2019年1月31日 (部分日子不適用) 寄艙行李限額：40kg (商務艙) / 20kg (經濟艙) 機票有效期：1個月 預訂日期：即日-2018年8月31日 (須於出發前75日預訂) 預訂網址：  https://www.cheapflights.com  https://www.emirates.com/hk

暑假去南半球避暑啦！澳航有隻新西蘭優惠，飛南島 / 北島都有平！香港來回新西蘭$3,477起 (連稅：基督城$4,136起、奧克蘭$4,164起)！ 出發日期去到明年3月底，勁多日子揀！連8月嘅暑假旺季都有平，仲可以 Open jaw 慢慢玩！例如基督城入、奧克蘭出：連稅$4,214起！ 票價包30kg寄艙行李額、飛機餐！航班要經墨爾本 / 悉尼轉飛，但價格比起同期優惠嘅國泰 / 新西蘭航空直航機平幾舊水！啱晒學生趁暑假去 hea 住玩！ 預訂資訊： 出發日期：即日-2019年3月31日 (部分日子不適用) 寄艙行李限額：30kg 機票有效期：1-3個月 預訂日期：即日起 預訂網址：https://www.skyscanner.com.hk/

筍價飛歐洲！除咗中東三寶之外，同樣有靚服務嘅長榮都有抵價！長榮仲係 Skytrax 5星航空嚟添！平靚正！ 香港來回歐洲各地$2,453起！連稅計：維也納$3,248起、阿姆斯特丹$3,303起、巴黎$3,333起！呢個價抵玩喎！ 平飛集中於9月至11月出，另外6月中前飛都有！票價包埋30kg寄艙行李額、飛機餐，最耐玩1個月都得！ 以上航班都係經台北轉飛嘅，部分會於曼谷停站。不過停曼谷嗰陣唔駛落機，只係停低換過組 Crew 再繼續飛！ 如果想易啲搵到平機票，大家可預先上長榮官網，剔選「彈性旅遊日期」搜尋睇多日票價！ 預訂資訊： 出發日期：即日-2018年6月14日、9月13日-11月30日 寄艙行李限額：30kg 機票有效期：1個月 預訂日期：即日-2018年6月14日 預訂網址： https://www.travelliker.com.hk https://www.skyscanner.com.hk/

好耐冇見過埃塞俄比亞航空嘅平飛啦！雖然冇得搭去日韓，但係曼谷線依家有優惠！就連暑假、跨年，或者明年復活節旺季去都得！ 明年4月中前出發，香港來回曼谷$1,053起 (連稅$1,506起)！票價包埋46kg寄艙行李額添，掃貨都啱駛呀！ 航班時間就係晚去午返，逢星期一、三、五出發！星期五收工即飛都得，可以 Weekend 快閃遊！ 航班時間 去程：ET609 21:50-23:30 (逢星期一、三、五) 回程：ET608 12:05-15:50 (逢星期一、三、五) 預訂資訊： 出發日期：即日-2019年4月19日 (部分日子不適用) 寄艙行李限額：2件23kg 機票有效期：7日 預訂日期：即日起 預訂網址：  https://hk.trip.com  https://www.skyscanner.com.hk/

正呀喂！暑假去台北都有平！港航台北「機票＋酒店」連埋稅唔駛千一蚊，抵到跳舞！ 上 ZUJI 預訂台北「機票＋酒店」，每位連稅：3日2夜$1,097起、4日3夜$1,163起、5日4夜$1,236起！旅行日期至9月初，七一假、暑假頭同暑假尾都有平！航班方面，部分日子可以早去晚返 (視乎供應而定)。 以上為2人同行嘅每位價錢，一人出發都得，但無朋友 share 房，平均價會貴少少。票價已包20kg寄艙行李額、飛機餐。 台北3日2夜套票推介： (以8月21日去，8月23日返為例) 機票＋西門101-s精緻旅店 ★★★★｜連稅$1,285起 位處極為方便嘅西門町購物商圈，距離捷運西門站僅5至6分鐘步程。房間不大，但勝在夠平而又企理。 機票＋創意西門旅店 ★★★｜連稅$1,288起 位於西門町購物商圈嘅平價旅店！距離捷運「西門站」約8至10分鐘步程。房間不大，但勝在夠平夠方便。 機票＋儷夏商旅 – 西門町西寧館 ★★★｜連稅$1,301起 位於西門町嘅酒店，附近有眾多食肆、商店，方便掃街及 Shopping ，周邊環境非常熱鬧！另外，酒店房間有免費 Mini bar供住客享用！ 機票＋旅．晨行旅 ★★★｜連稅$1,310起 位於中正，好有質感嘅一家旅店，房間略小但計設條理、舒適。距離台北車站約8分鐘步程，行去西門町購物區約需10分鐘。 機票＋艾特文旅 ★★★★｜連稅$1,358起 位於西門町嘅酒店，去邊都咁方便，裝修走簡約路線，有點點文青味！ 機票＋HOTEL PAPA WHALE ★★★★｜連稅$1,358起 2016年開幕嘅酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千五蚊全包真係抵到喊！ 機票＋台北門精品飯店 ★★★★｜連稅$1,426起 設計時尚有格調，客房亦夠大！位於中正，位置方便，行去西門町購物區約8分鐘，而行去台北車站約10分鐘！ 機票＋旅樂序精品旅館三館 ★★★｜連稅$1,570起 典雅精緻嘅酒店，外形及大堂均以黑色設計，非常有格調。酒店位處市中心旺區，鄰近台北車站、西門町，方便Shopping、掃街！ 除以上推介，大家可以揀自己鍾意嘅酒店！想玩多幾個地方、住唔同酒店都得，搜尋時剔選「我想搜尋其他酒店入住日期」，就可以設定套票包邊幾晚酒店，其餘日數再另外加訂其他酒店。 預訂資訊： 出發日期： 2018年6月20,21,23,28,30日、7月1-7,9-12日、8月21-23,25,27-31日 2018年6月23,25日、7月5,6,7,9-15,17-19日、8月28-31日、9月3-7日 寄艙行李限額：20kg 預訂日期：即日-2018年6月7日 預訂網址：https://www.zuji.com.hk (以網頁版預訂為佳)