Big Fun Trip 旅遊情報

平平哋玩返轉韓國，真航空呢隻優惠啱駛！6月底前出發，香港來回首爾$846起 (連稅$1,304起)！一於嚟個即興遊啦！ 真航空係大韓旗下嘅廉航嚟嘅，雖然係廉航，但最正嘅係票價已包 15kg 寄艙行李額、機上輕食！計落真係相當抵玩！ 以上價格係去 Trip.com 預訂嘅平日價格。如果 Weekend 出發，去真航空官網訂會抵啲，連稅$1,320起！ 預訂資訊： 出發日期：即日-2018年6月30日 寄艙行李限額：15kg 預訂日期：即日-2018年5月30日 預訂網址： https://hk.trip.com https://www.jinair.com

暑假去邊度玩好？釜山航空有筍價，一於去海雲台消消暑啦！香港飛釜山單程$600起，來回連稅$1,624起！旺季有呢口價認真難得！ 澳門出發都有平：單程MOP$600起，來回連稅MOP$1,774起！今年8月份出發都有以上價格，航班仲係凌晨去晚返，極靚時間！ 釜山航空係低成本航空嚟，但係票價已經包咗 20kg 寄艙行李額！唔駛另外加筆行李費，可以帶多兩套泳衣去曬太陽！正！ 航班時間： 去程：BX392 02:05-06:10 回程：BX391 21:35-00:05+1 去程：BX382 02:05-06:20 (逢星期一、二、四、五、六) 回程：BX381 21:50-00:20+1 (逢星期一、三、四、五、日) 預訂資訊： 出發日期：2018年8月1日-8月31日 預訂日期：即日-2018年5月9日3:00PM 預訂網址：https://hk.airbusan.com

阿聯酋抵價！歎住飛泰國連稅千5起咋！航班係用 A380 客機執飛，加上阿聯酋靚服務，價格非常超值！一於去輕鬆返幾日啦！ 11月底前出發，香港來回曼谷$1,060起 (連稅$1,583起)！票價已包20kg行李寄艙、飛機餐，仲可以免費用20Mb 機上WiFi！正！ 而航班時間就係晚去午返，收工即飛都得！但留意以上價格只限平日 (星期日至四出發、星期一至五回程)，如果 Weekend 去就貴百幾蚊左右，連稅$1,730起！ 航班時間： 去程 EK385 21:50-23:45 回程 EK384 14:00-18:05 預訂資訊： 出發日期：即日-2018年7月6日、8月27日-9月26日、10月5日-11月30日 寄艙行李限額：20kg 機票有效期：1個月 預訂日期：即日-2018年5月18日 預訂網址：  https://www.travelliker.com.hk  https://www.skyscanner.com.hk

韓亞有隻首爾機票優惠，官網賣緊連稅$1,761起！只要去 Expedia 訂「機票＋酒店」套票，加多2百幾蚊，就可以有埋3晚住宿！連埋稅2千蚊都唔駛，勁抵！ 2人同行出發，香港來回首爾機票 (包23kg行李寄艙、飛機餐)＋酒店，每位連稅計：4日3夜$1,984起、5日4夜$2,045起、6日5夜$2,106起！ 6月底前出發都可享優惠價，大家可自訂行程長短，快閃又得、慢慢玩都得！1人出發亦可，但因為冇朋友仔幫手攤分房價，會貴小小。 韓亞．首爾「機票＋3/4星酒店」推介： (以6月25日去、6月28日返為例，2人同行每位計) 機票＋K-POP 忠武路住宿酒店 ★★★｜連稅$2,344起 位置唔錯，距離地鐵「乙支路3街站」、「忠武路站」只有5分鐘步程，行去明洞購物區亦只需10分鐘。 機票＋標準酒店 ★★★★｜連稅$2,664起 2017年1月開業，毗鄰地鐵「登村站」 (9號線)，步行2分鐘即達，方便前往汝矣島。酒店以簡約時尚風設計，頂樓設休憩空間，住客可於迷人景色下放鬆身心。 機票＋沙威酒店 ★★★★｜連稅$2,668起 酒店位置優越，地鐵「明洞站」7號出口過行3分鐘就到，酒店對面有間 Line Friend！ 機票＋明洞 STAY B 酒店 ★★★★｜連稅$2,729起 酒店位置好方便，過條馬路就係明洞商圈，走15分鐘就到東大門、首爾塔，距離地鐵「乙支路3街站」及「忠武路站」只有約5分鐘步程，旁邊就係機場巴士站！夠晒方便。房間空間充足，最小也有20平方米 (約215呎)。 機票＋PJ 酒店 ★★★★｜連稅$2,781起 酒店位於明洞區，喺地鐵「乙支路4街站」同「忠武路站」之間，附近多食肆、便利店。酒店房間夠大，提供免費接駁車來往明洞購物區同東大門。 機票＋新村愛威爾8服務公寓酒店 ★★★★｜連稅$2,814起 洒店地點就腳，由酒店行去梨大1號出口只需約3分鐘，房內設有洗衣機。 除以上介紹，大家可於 Expedia 自選酒店！如想喺行程中住唔同嘅酒店，搜尋時剔選「我只有部分日期需要入住酒店」，就可以設定套票包邊幾晚酒店。其餘日數再另外加訂酒店。 而航班時間就係凌晨機去，早機返，加$489可以揀回程夜機！預訂時，係先揀酒店、再揀機票。去到揀機票嗰版，於左方「包括的航空公司」剔選「韓亞航空」，可以更快搵出以上套票！ 優惠價唔係每日都有，想易啲搵到平飛，可以先上韓亞官網，揀「查詢所選日期的前/後三天」搵咩日子有平機票。然後再上 Expedia 訂套票啦！ 預訂資訊： 出發日期：即日-2018年6月27日 (部分日子不適用) 寄艙行李限額：23kg 預訂日期：即日-2018年5月20日 預訂網址：https://www.expedia.com.hk (以網頁版預訂為佳)

去度假消暑啦！泰航有隻布吉機票優惠，如果上 Expedia 以「機票＋酒店」形式一齊訂，玩足6日連稅2千4起咋！抵過分開咁買！ 泰航香港來回布吉機票＋酒店，2人同行連稅計：4日3夜$2,416起、5日4夜$2,437起、6日5夜$2,457起！以上價錢係以入住最平住宿為例。 價格已包30kg行李寄艙、飛機餐！行程長短由你話事，最耐可以玩到8日7夜！出發日期仲去到年尾，除咗暑假旺季不適用外，大把日子任揀！航班時間仲靚到暈，可以早機去下午機返！ 泰航．布吉「機票＋酒店」精選： (以6月10日去、6月13日返為例，2人同行每位計) 機票＋艾姆巴東酒店 ★★★｜連稅$2,687起 鄰近夜市，只需步行約2分鐘就可食盡各式海鮮及美食！距離芭東海灘約10分鐘步程。附近亦有購物商場，行街食野都好方便！ 機票＋宜必思布吉芭東酒店 ★★★｜連稅$2,722起 步行約6分鐘可達芭東海灘！部分酒店房間設大露台，可欣賞泳池景！酒店旁有7-11，亦可步行至夜市！ 機票＋布吉芭東凱悅廣場酒店 ★★★★｜連稅$2,999起 距芭東海灘約3分鐘步程，酒店本身嘅泳池都超靚！酒店內外環境整潔、服務好！房間可欣賞到泳池景或海景！ 機票＋布吉復古公園諾富特酒店 ★★★★｜連稅3,423起 酒店位處休閒娛樂區，距離芭東海灘站僅10分鐘步程，鄰近Jungceylon 購物中心 機票＋美爵布吉芭東大酒店 ★★★★★｜連稅$3,454起 設施非常完備嘅5星級酒店，游泳池、健身中心當然唔少得，而且位置極佳，行5分鐘即可抵達海灘，距離邦古拉街亦只需6至7分鐘步程。 機票＋布吉阿卡狄亞奈通海灘鉑爾曼渡假酒店 ★★★★★｜連稅$3,545起 酒店依山而建，自成一角，前面就是沙灘，最啱同陽光玩遊戲！距離機場只有15分鐘車。 除以上推介，大家可自選酒店。按「價格」由低至高排序，再按「位置」、「星級」作篩選，會易啲搵出心水酒店！如想喺行程中住唔同嘅酒店，搜尋時剔選「我只有部分日期需要入住酒店」，就可以設定套票包邊幾晚酒店。其餘日數再另外加訂酒店。 另外，國泰現時都有布吉套票優惠，價錢都係差唔多，只係航班上有分別。 預訂時，係先揀酒店、再選航班。去到揀航班嗰版，於左邊「包括的航空公司」剔選「泰國國際國泰航空」，可以更快搵出呢隻套票！如果想搭國泰，亦可改為剔選「國泰航空」揀國泰嘅航班。 另外，留意今次優惠只適用於2人同行，1人出發就冇咁抵了。 預訂資訊： 出發日期：即日-2018年7月5日、8月30日-9月24日、10月4日-12月18日 寄艙行李限額：30kg 機票有效期：2-7日 預訂日期：即日-2018年5月25日 預訂網址：https://www.expedia.com.hk (以網頁版預訂為佳)

去韓國去得太多首爾、釜山，不如發掘下「大邱」呢個新景點！ 德威航空推出新優惠！香港直飛韓國大邱單程只需$350，來回連稅$1,125起！出發日期介乎5至10月，更正嘅係連部分暑假日子都有優惠！ 訂嘅時候留意番，月曆內所顯示嘅票價並不準確，要 click 入去先會見到優惠票價。 行李方面，呢隻優惠包10kg手提行李，但唔包寄艙行李，如想加購15kg寄艙行李，每程要俾多$400！如非必要，10kg手提行李慳慳地都夠用嘅！ 航班： TW1116 11:15-16:00 (一,  三, 五, 日)、TW116/TW118 17 17:10-21:25 (二, 四, 六)  TW115 07:40-10:05 (一, 五)、08:00-10:15 (三, 日)、TW115/TW11713:40-16:10(二, 四, 六) 預訂資訊： 暫時所見以下日子都有平飛 (僅供參考)： 5月3,4,9-11,16-18,23-26,28-31日、6月1-2,4-5,7-9,11-12,14-16,18-23,25-30日、7月2-7,9-14,16-18日、8月22 -25, 27-31日、9月1,3-4日 5月6-10, 13-17,21,23-24, 26-31日、6月2-7,9-14, 16-21,24-28,30日、7月1-5,7-12, 14-18日、8月19-23, 25-30日、9月1-6, 8-13,15-20, 27, 29-30日、10月1, 4, 9-11,14-18,20-22日 停留期限：無限制 預訂日期：即日-2018年5月13日 預訂網址：https://www.twayair.com 留意： 買之前記得先做會員，唔係會不時彈出警告字句架 德威嘅預訂系統只限有網上驗證功能嘅信用卡購買，可向相關銀行查詢信用卡有無呢個功能。

又嚟筍飛韓國！想搭得舒舒服服，歎韓亞都有抵價！2人同行出發，香港來回首爾每位$1,159起 (連稅$1,620起)！連稅千6咋，超平！ 優惠適用於6月底前出發，即買即飛都冇問題呀！票價已經包咗23kg行李寄艙、飛機餐，仲係搭韓亞呢間 Skytrax 5星航空，抵玩！ 以上價格係以大新信用卡及優惠代碼「DAHSING200」預訂嘅。如1人出發，或者冇大新信用卡，去 Skyscanner 訂會抵啲！ 預訂資訊： 出發日期：即日-2018年6月27日 寄艙行李限額：23kg Huthcgo X 大新信用卡優惠代碼：「DAHSING200」(未連稅滿$2,000減$200) 預訂日期：即日-2018年5月20日 預訂網址：  https://www.hutchgo.com.hk  https://www.skyscanner.com.hk/

抵價遊韓！係時候飛返轉韓國食炸雞、韓燒啦！乘搭大韓航空，香港來回韓國$1,380起！連稅後都係千8起咋！筍！ 連稅計：香港來回釜山$1,854起、首爾$1,868起！Open jaw 出入都可以，例如首爾入、釜山出，連稅$1,910起！ 7月5日前出發都有平，橫跨佛誕、端午等公眾假期出發都得！航班時間方面，釜山有凌晨機去、晚機返！可以玩到盡！ 票價已包23kg行李寄艙、飛機餐！最耐可以玩足1個月，Open jaw咁去明洞、東大門 Shopping，再去釜山嘅海水浴場消消暑就最正！ 預訂資訊： 出發日期：即日-2018年7月5日 (部分日子不適用) 寄艙行李限額：23kg 機票有效期：1個月 預訂日期：即日-2018年5月20日 預訂網址： https://www.cheapflights.com https://www.skyscanner.com.hk/

香港航空嚟緊6月會開通香港往返馬尼拉航線，依家仲有爆抵優惠！屋企個姐姐如果約滿或者要返鄉下都可能啱。 香港來回馬尼拉只需$481起 (連稅$820起)！價錢抵到彈起！比其他對手平一半有多！ 呢個優惠要上 Hutchgo 訂購，連官網都無。 出發日期由6月1日至7月15日。每日都有航班。 預訂資訊： 出發日期：2018年6月1日-7月15日 寄艙行李限額：20kg 機票有效期：2-7日 預訂日期：即日-2018年5月22日 預訂網址：https://www.hutchgo.com.hk

樂桃日本接力推出回程優惠！今晚 (5月2日) 11點開賣！ 大阪飛香港單程3,690円 (約$264起)，連稅及手續費後約$412起。旅行日期由2018年5月14日至10月27日，當中嘅8月尾至10月係首度推出。 如果淨買回程嘅話，記得要經樂桃日本版 / 國際版網站預訂。就算唔識睇日文都訂到，只要去英文嘅國際版就得啦！ 留意，票價包10kg手提行李額，並不包括免費寄艙行李額及飛機餐。樂桃嘅行李寄艙收費為：每程每件20kg以下2,800円 (約$204)。 預訂資訊： 旅行日期：2018年5月14日-7月12日、8月28日-10月27日 預訂日期：2018年5月3日11:00pm-5月6日10:59pm 預訂網址：http://www.flypeach.com/pc/en 提提您： 如果訂飛時未有護照號碼係手，可以先打「000000」，之後可以打電話上樂桃航空香港免費改返 (電話：3013-4668．打通之後按2>2>1>1) 訂票時「電郵(手機)」留空就可以。 訂飛時輸入的名字唔可以有空格，例如 Lok Bun，你要打 Lokbun。