Big Fun Trip 旅遊情報

想要陽光與海灘但又唔想去啲見慣見熟嘅地方？斐濟絕對係個好選擇，話晒都係全球十大蜜月勝地同度假天堂！斐濟群島由300幾個小島組成，係出名嘅度假天堂，仲係「世界軟珊瑚之都」同埋潛水勝地！著名景點包括瑪瑪努卡群島及辛加東卡等。 想浪漫有浪漫想刺激有刺激，依家低價就歎到！斐濟航空推出香港直航斐濟「納迪」優惠，來回只需$3,700起 (連稅$4,867起)，去永安訂平多百五蚊，只需$3,552起 (連稅$4,719起)！更加抵！ 出發日期至年尾12月31日，逢星期一、四、六、日都有航班，選擇都幾多！仲包23kg行李同飛機餐，呢個價真係幾抵！ 航班資料： 去程：FJ392 16:55-07:05+1 (逢週一、三、四、六、日) 回程：FJ391 08:20-14:50 (逢週一、三、四、六、日) 留意番，平飛唔係日日有，想易啲搵到平飛，可以先上斐濟航空官網睇下邊日有平 (可一次過顯示前後一星期嘅票價)，然後再上永安旅遊以更抵價出飛。 預訂資訊： 出發日期：2017年11月1日-2018年1月31日 (公眾假期及部分日子不適用) 預訂日期：即日-10月15日 停留期限：最長1個月 預訂網址：  https://www.wingontravel.com http://www.fijiairways.com

打算去台北玩幾日輕鬆下？可以揀以下國泰台北2人同行套票優惠，一次訂齊「機票＋酒店」會抵過分開買！ 2人同行台北「機票＋酒店」連稅：3日2夜$1,401起、5日4夜$1,543起、7日6夜$1,742起！ 以上為2人同人每位價格，以入住最平住宿為例，包國泰香港直航來回台北機票、30kg寄艙行李、機上餐飲、稅項、整個行程嘅住宿！大家可以自訂旅程長短，最長可以玩到8日7夜！ 預訂時要先選酒店，再揀機票。揀完酒店後，再喺各大航空公司入面，揀番國泰嘅航班就可以了。國泰飛台北嘅班次都幾密，來回兩程都有早/午/晚機可供選擇。 國泰3日2夜「機票＋3/4星酒店」推介： 以下價格以2018年2月4日去，2月6日返為例。 機票＋艾特文旅 ★★★★｜連稅$1,571起 位於西門町嘅新酒店，去邊都咁方便，裝修走簡約路線，有點點文青味！ 機票＋HOTEL PAPA WHALE ★★★★｜連稅$1,640起 2016年開幕嘅新酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千七蚊全包真係抵到喊！ 機票＋米勒風尚行旅 ★★★｜連稅$1,674起 2016年12月開幕，位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。 機票＋德立莊酒店 ★★★｜連稅$1,755起 德立莊位於西門嘅町嘅新酒店，就喺正捷運站隔離，講位置赢晒！ 機票＋新驛旅店西門捷運店 ★★★｜連稅$1,804起 呢個走design hotel 路線嘅酒店品牌一向好受歡迎，長期都咁難book，呢間位置夠晒方便，喺西門町捷運站3號出口隔離。 機票＋捷絲旅西門町館 ★★★｜連稅$1,817起 酒店位於西門町，近捷運站，去邊都咁方便！酒店設計簡約時尚、有型，住得好舒服！ 機票＋富藝旅台北大安 ★★★★｜連稅$1,934起 2016年8月開幕，係極具文青 feel 嘅新旅館！走入酒店像走入畫廊，充滿藝術氣息！不論公共空間或客房都設計得好細緻，客房有家的感覺，非常舒服！位置亦係一流，行2分鐘就係捷運大安站，走出去就係信義路與復興南路，去永康美食街，亦只需搭2個捷運站。 機票＋六福居公寓式精品酒店 ★★★★｜連稅$2,202起 位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！ 除以上推介，仲有好多唔同酒店可以揀。大家可以按「價錢」排序、加埋星級、位置等篩選，會較易搵到最適合嘅住宿！ 如果想喺行程中住唔同嘅酒店，搜尋時揀「我只需要在部分旅程中入住酒店」，就可以設定套票包邊幾晚酒店，其餘日數再加訂其他酒店。 預訂資訊： 旅行日期：2017年10月8日-12月20日、12月27-31日、2018年1月1日-2月13日 停留期限：2-7日 免費寄艙行李：30kg 預訂日期：即日-2017年11月30日 預訂網址：http://www.expedia.com.hk (需使用網頁版預訂，手機 App 訂唔到套票)

Hotels.com 推出東南亞酒店低至4折優惠，配合埋指定優惠代碼「SEAFUN」可以額外再有多9折！香港版同台灣版都有優惠。 用咗優惠代碼後： 曼谷平房酒店 ★★★｜連稅$150起 (預訂) 位於機場附近，如果需要轉機或深夜到埗，想搵個地方休息一下，係個唔錯嘅選。同時，酒店有機場接送，出入算方便。而且勝在夠平！ 曼谷是隆中央酒店 ★★★★｜連稅$555起 (預訂) 距離 Saphan Taksin BTS 站僅5分鐘腳程 ，搭的士到熱門購物區亦只是10分鐘，酒店樓下就有食肆、超市！ 芭提雅明心服務公寓酒 ★★★★｜連稅$330起 (預訂) 位於芭堤雅市中心，距離海灘只有10分鐘步程，酒店提室外游泳池、免費 WiFi 等，另有免費嘟嘟車前往附近購物中心。 新加坡烏節廣場酒店 ★★★★｜連稅$807起 (預訂) 酒店距離烏節地鐵站 (Orchard MRT Station)、愛雍烏節購物商場...

Agoda 推出全新嘅PointsMAX 訂酒店儲里數/積分計劃，以後喺Agoda 訂酒店，可以同時賺取32 個合作夥伴嘅里數/積分，當中梗係包括大家最愛既Asia Miles、Avios、AirAsia BIG、Kris Flyer 啦！ 32 間透過Agoda 訂房儲里數嘅夥伴： 每次喺Agoda 訂房，您都可以喺32 個合作夥伴入面，揀選其中一間嚟儲里數/積分，以揀選Asia Miles 為例，最多每消費$1可以賺到1里數，最少每消費$10都可以賺到2里數，賺幾多里數視乎所選取嘅酒店而定。 Agoda PointsMax 詳情：https://www.agoda.com/zh-hk/pointsmax.html 如何使用 Agoda PointsMAX 儲里數？ 透過以下指定網址進入Agoda 網站：https://www.agoda.com 2. 在頁頂 「PointsMax」選項中，選擇您想儲里數嘅旅遊伙伴，以揀選Asia Miles...

大韓激減香港來回首爾同釜山嘅機票，連稅$1,814起！原來只需加多百幾蚊，就可以有埋酒店！上Expedia 一次過訂「機票＋酒店」，首爾4日3夜套票連稅只需$2,084起、釜山4日3夜套票連稅只需$2,201起！平過分開買好多！ 以上為2人同行每位價格，以12月3日出發、12月6日回程，入住最平住宿首爾「DASAN HOUSE – Hostel」及釜山「Canvas Hostel」為例！票價已包大韓航空香港來回首爾 / 釜山機票、23kg寄艙行李、飛機餐、整個旅程嘅住宿、稅項！ 大家可以自訂旅行日期及長短，去到12月中或之前都有，機票停留期限為一個月，想玩耐小小都得！ 4日3夜．首爾 / 釜山「機票＋酒店」推介： 以下價錢以12月3日去，12月6日返為例。 來回機票＋D7 套房酒店 ★★★｜連稅$2,473起 酒店位置方便，距離地鐵東廟前站 (一號線及六號線) 四號出口僅2分鐘步程，行10分鐘就到東大門購物區。同時，酒店附近多食店、便利店。 來回機票＋明洞天空花園 1 號酒店 ★★★｜連稅$2,681起 明洞最方便酒店之一，樓下就係明洞大街，甚麼類型的商店都一應俱全，行去地鐵站更只需3分鐘。Skypark 連鎖集團旗下，信心有保證。 來回機票＋PJ 酒店 ★★★★｜連稅$2,756起 酒店位於明洞區，喺乙支路4街地鐵站同忠武路地鐵站之間，附近多食肆、便利店。酒店房間夠大，提供免費接駁車來往明洞購物區同東大門。 來回機票＋首爾明洞樂天城市酒店...

搭國泰去日本又有靚價！2人同行優惠，香港來回東京、大阪只需$2,099起！每位連稅計，東京$2,537起、大阪$2,567起！ 恒生信用卡用戶仲可以平穿2千5！喺 Hutchgo 預訂時輸入優惠碼「HASE200」，即可全單減$200！使用折扣後每位連稅計，東京$2,437起、大阪$2,467起！抵到爆！ 如無恒生卡，上 Travelliker 訂都只係貴少少，連稅東京$2,501起、大阪$2,533起！ 下年3月底前出發都得，無論秋冬去賞楓睇雪、或觀賞春季櫻花景色都冇問題！國泰仲有30kg寄艙行李額，新年掃貨搶福袋都得呀！ 預訂時，記得揀返人數係2位先有優惠！ 預訂資訊： 出發日期：2017年10月6日-12月19日、12月29日-2018年2月11日、2月21日-3月25日 預訂日期：即日-2017年10月27日 (售完即止) 機票有效期：2-7日 恒生信用卡減$200優惠代碼：HASE200 預訂網址：  https://www.hutchgo.com.hk https://www.travelliker.com.hk

維珍航空推出最新優惠！香港來回倫敦$3,117起 (連稅$4,719起)！仲要係直航來回！爆抵！ 票價包一件23kg行李及飛機餐，以上航線更加係用787夢幻客機執飛！舒舒服服歎住飛！ 優惠至12月底前出發都有，去過聖誕+跨年感受當地節日氣氛就啱晒！例如12月24-29日出發，1月9日或之後回程！ 平飛唔係日日都有，大家可以先去維珍官網搜尋，選取「顯示航班：5週內」搵出平飛日子，再去travelliker買就最抵啦！ 預訂資訊： 出發日期：2017年10月1日-12月13日、12月22-31日 機票有效期：2個月 預訂日期：即日起 (售完即止) 預訂網址：https://www.travelliker.com.hk/

永安旅遊推出全城最抵嘅澳門喜來登金沙城中心大酒店住宿優惠！用埋獨家推廣碼每晚唔駛七百，而且連平時貴開嘅星期五入住都有得平！ 2人入住澳門喜來登金沙城中心大酒店每晚只需$732起 (連稅$842起) 如訂2晚或2間房，仲可以配合埋獨家推廣碼「GH925」再減$100！為起上嚟即係每房每晚只需$682 (連稅$792起)！抵到跳舞！ 入住日期至12月29日，平房集中係11至12月嘅星期一至五及星期日，10月份嘅平房就少啲。 慳埋啲錢，可以用嚟訂個澳門五星級自助餐添！ 澳門JW萬豪「名廚都匯」自助餐｜$235起 (https://www.klook.com/zh-TW/activity/1282) 盛宴餐廳-澳門喜來登金沙城中心大酒店｜$234起 (https://www.klook.com/zh-TW/activity/1346) 盛事餐廳-澳門美高梅自助餐｜$215起 (https://www.klook.com/zh-TW/activity/3723) 澳門巴黎人自助餐 Le Buffet｜$190起 (https://www.klook.com/zh-TW/activity/4959) 悅榕庄貝隆餐廳週日自助早午餐｜$820起 (https://www.klook.com/zh-TW/activity/3426) 更多澳門自助餐及行程：https://www.klook.com/zh-TW/city/3-macau 預訂資訊： 入住日期：即日起 (平房集中係11至12月平日及星期日) 預訂日期：即日-2017年12月29日 (售完即止) 優惠代碼：GH925 訂房網址：https://www.wingontravel.com

維珍澳洲推出塔斯曼尼亞優惠！香港經墨爾本來回塔斯曼尼亞荷伯特$3,185起 (連稅$4,325起)！ 塔斯曼尼亞擁有唔少自然景觀及迷人港灣，仲有好多靚海鮮同農莊直送食材，欣賞美景之餘，享受埋美酒佳餚！ 今次優惠嘅出發日期去到下年7月中，可以暑假出發！仲有機會睇到每年4至9月出現嘅粉紅南極光！ 票價已包2件23kg寄艙行李，機票有效期為一年，去 Working holiday 用都得！ 航班需於墨爾本轉一次機，去程逢星期一至四、六出發，回程逢星期日、一、三、五返。 提提您，搜尋時可能會出咗轉幾次機嘅航班，預訂前記得睇清楚轉機次數！ 預訂資訊： 出發日期：2017年10月9日-12月13日、12月26日-2018年1月1日、1月14日-2月8日、2月20日-3月30日、4月16日-6月28日、7月16日-7月26日 寄艙行李限額：2件23kg 預訂日期：即日-2017年9月30日 預訂網址：https://www.cheapflights.com.hk

近期飛洛杉磯真係好多平價選擇！今次係聯合航空嘅優惠！香港來回洛杉磯$2,252起 (連稅$3,179起)！ 最正嘅係，聯合航空同 ANA 全日空有聯營航班，飛洛杉磯可以經三藩市或東京轉機！大家可選搭一程聯合、一程 ANA，一次過體驗晒兩間嘅服務！ 經東京飛的話，仲可以揀較長轉機時間快閃東京，行轉 Outlet 或食餐日式料理先上機！票價包2件23kg寄艙行李，Shopping都唔怕超磅！ 3月前出發都有平飛，如果想去洛杉磯過聖誕，揀12月19-21日去、28-29日返就啱晒！ 搜尋時，見到標明「為 Air Japan Company Ltd, ALL NIPPON AIRWAYS 之聯營航班」就係 ANA 全日空嘅航班啦！ 預訂資訊： 出發日期：2017年12月18-27日、2018年1月9日-2月13日、2月19日-3月23日 預訂日期：即日起 (售完即止) 預訂網址：https://www.hutchgo.com.hk