Big Fun Trip 旅遊情報

日本回程有平飛呀！Jetstar 日本官網會係聽日 (9月1日) 5pm 推出東京成田 / 大阪飛香港單程優惠！出發日期去到明年2月。 東京 / 大阪單程飛香港只係$245 連稅及手續費：東京約$414起、大阪約$506起 2018年2月1日前出發，明年1至2月係首次開賣平飛，相信平飛數量會較多！ 以上價錢未包寄艙行李及機上餐點，但就包7kg手提行李。寄艙行李費用如下： 每程15kg 2,300円、20kg 2,600円、25kg 3,000円、30kg 3,500円、35kg 4,000円、40kg 4,500円，不限件數。 付款手續費每個預訂每名乘客650円。 預訂資訊： 旅行日期：2017年10月12日-12月11日、2018年1月10日-2月1日 預訂日期：2017年9月1日17:00至9月4日17:00 預訂網址：http://www.jetstar.com (只有東京 / 大阪飛香港單程先有優惠)

聖誕新年長假諗好去邊未？不如去墨西哥過返個特色新年！搭聯合航空由香港飛墨西哥城來回$3,754起 (連稅$5,032起)！呢個價位去到美洲真係好難得！墨西哥城係當地首都，可以同時體驗城市活力同傳統美洲特色！ 今次航班同出發日期選擇都幾多，年尾去到下年2月都得！最啱就係聖誕出發，跨埋年返香港啦！ 訂票前留意返，航班要喺美國轉兩次機，所以記得確保自己持有有效美國簽證！ 預訂資訊： 出發日期：2017年9月3日-22日, 10月2日-12月16日, 12月25日-2018年1月1日, 1月7日-2月6日 機票有效期：2日-3個月 預訂日期：售完即止 預訂網址：http://www.hutchgo.com.hk

HK Express 又玩突發優惠！指定9個航點單程只需$98起！今晚12點 (9月1日00:00) 開賣！限時24小時。 來回連稅：鹿兒島$451起、花蓮$586起、芽莊$575起、峴港$593起、釜山 / 濟州$616起、清萊$642起、首爾$653起、暹粒$651起 出發日子限9月至11月。今次優惠只限用 HK Express 手機 App 訂購，即係話今次有 u-fly pass 都冇用了，有興趣就要等今晚12點上手機 App 一齊搶！ 寄艙行李收費：全部航點劃一收費20kg $229、25kg $360、30kg $365 預訂資訊： 出發日期：2017年9月8日-11月30日 停留期限：無限制 預訂日期：2017年9月1日 訂飛網址：只限HK Express手機App *HK Express 個系統預設加咗寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。 提提你： 成功訂購機票後，建議 screen...

首爾又有平飛啦！今次輪到大韓旗下嘅廉航真航空Jin Air！香港直航首爾來回只係$800起 (連稅$1,250起) ！10月底前出發都得！ 航班時間係午機去、早機返，每日一班。選擇唔算太多，但勝在價錢已包15kg行李同機上餐飲！抵玩！ 而真航空係不設加購寄艙行李，超載行李嘅收費係每公斤9,000韓圜或港幣$60，Shopping時記得留意返啦！ 另外都提提大家：喺真航空網頁預訂時會彈出新視窗，訂飛前記得喺瀏覽器set返允許pop-up呀！ 航班資料： 去程：LJ114 13:20-17:55 (每日一班) 回程：LJ113 09:30-12:10 (每日一班) 預訂資訊： 出發日期：即日-2017年10月28日 機票有效期：15日 預訂日期：售完即止 預訂網址：www.jinair.com

有冇諗過4千蚊內就可以飛到轉洛杉磯，仲要係搭全球機隊規模最大嘅美國航空？冇睇錯！美國航空推出最新優惠，由香港直航去洛杉磯來回$3,110起 (連稅$3,926起)！ 出發日期由12月去到下年2月都有，連聖誕出發都可以用到今次優惠㗎！而且有效期為12個月，回程買盡去到系統有嘅下年7月都冇問題！可以 stay 咁耐，無論去度假定探親，甚至玩轉成個美國都得呀！但預訂日期就只係去到9月7日，有興趣就快啲上 Hutchgo 訂飛啦！ 預訂資訊： 出發日期：2017年12月18日-31日、2018年1月7日-2月13日、2月19日-24日 機票有效期：12個月 預訂日期：即日-2017年9月7日 (售完即止) 預訂網址：www.hutchgo.com.hk

正呀喂！出咗名服務好、飛機餐又好食嘅日本航空 JAL 推出新一輪東京優惠！ 香港來回東京成田 / 羽田只需$2,310起 (連稅$2,769起) 價錢好抵！比上一輪優惠仲要平一百蚊。出發日期至明年3月27日。 每人有2件23kg 嘅免費寄艙行李，唔怕您爆喼，只怕您拉唔郁個喼！ 東京成田．航班時間： 去程：JL736 10:40-16:05 / 10:30-15:25 回程：JL735 18:15-22:00 / 18:10-22:30 東京羽田．航班時間： 去程：JL26 15:15-20:25 / 15:40-20:25 回程：JL29 10:00-13:35 / 10:05-14:15 Cheapflights 比官網賣平$271！去邊度買就自己諗了... 預訂資訊： 出發日期：即日-9月27日、10月10日-12月19日、12月27日-2018年2月13日、2月19日-3月27日 訂飛日期：售完即止 機票有效期：2-10日 (12月19日前)、2-7日 (12月27日後) 訂網址：https://www.cheapflights.com.hk

Hotels.com 推出快閃48小時優惠，各地酒店低至5折！可以配合埋以下優惠代碼再折上折！香港版同台灣版都有優惠。 折上折優惠代碼： 減$1,888優惠代碼：BIGFUNAUG17 預訂金額未連稅滿$1,888，並於付款頁輸入以上優惠碼，可以額外減多$188！ 額外91折優惠代碼：SUNCOW9 不限預訂金額，於付款頁輸入以上優惠碼，可以額外有多91折！ 預訂資訊： 入住日期：即日-2017年10月12日 預訂日期：即日-2017年8月31日23:59 預訂網址：  http://zh.hotels.com/hk (必需經此連結預訂才可使用優惠代碼)  http://zh.hotels.com/tw (必需經此連結預訂才可使用優惠代碼) 提提您：同一時間唔同預訂網都有唔同嘅優惠，搵到心水酒店，可先上 HotelsCombined / Trivago 格下價。

大家飛曼谷通常唔係國泰，就係泰航、港航，但其實肯亞航空都好抵！而且勝在旺季日子都有得平！ 乘搭肯亞航空，香港來回曼谷$757起 (連稅$1,204起)！ 出發日期去到明年7月，而且勞動節、七一回歸、暑假通通都有得平！機票有效期仲長1個月！仲包2件23kg寄艙行李！又用波音787-8夢幻客機執飛。 紅日日子參考： 勞動節：4月28日去、5月1日返 (請1日放4日） 佛誕：5月19日去，22日返 (請1日放4日) 端午節：6月16日去、6月19日返 (請1日放4日) 七一：6月30日、7月3日返 (請1日放4日) 肯航飛曼谷係逢星期二、四、六執飛，航班時間係夜機去，下午機返。價啱即上 Hutchgo 訂飛！ 航班時間： 去程：KQ861 21:10-23:20 (逢星期二、四、六) 回程：KQ860 15:00-18:40 (逢星期二、四、六) 預訂資訊： 出發日期：2017年9月2日-2018年7月31日 停留限期：1個月 寄艙行李限額：2件23kg 預訂日期：售完即止 預訂網址：http://www.hutchgo.com.hk

想同 Oppa 喺首爾塔下浪漫倒數？或者去信普閣敲鐘祈福跨年？泰國航空推出首爾線優惠，2千蚊都唔駛就可以飛去過韓式新年啦！即日至12月31日出發，搭泰航由香港直飛首爾來回只係$1,499起 (連稅$1,950起)！ 航班係午機去早機返，包30kg行李。出發日期方面，除咗聖誕節期間 (12月21日-26日) 唔可以用今次優惠外，即日去到年尾都有平飛！換句話說，秋天去睇紅葉都可以用到今次嘅筍價！訂票日期去到9月尾咋，快啲搶飛約 Oppa 啦！ 航班資料： 去程：TG628 15:30-20:05 (每日一班) 回程：TG629 10:50-13:50 (每日一班) 預訂資訊： 出發日期：即日-2017年12月20日, 12月27-31日 機票有效期：7日 預訂日期：即日-2017年9月30日 (售完即止) 預訂網址：http://www.hutchgo.com.hk

Zuji 推出全新12%酒店優惠碼！ 預訂時於付款頁輸入指定代碼「ZHK12HTL0830」可以享有額外88折優惠！Zuji 優惠碼嘅優勝之處係房價連同稅項一併有得折，唔同其他預訂網只得房價可以折。 優惠適用於預訂全球任何酒店，名額500個，額滿即止。 精選酒店 (用咗優惠碼後)： 台北門精品飯店｜連稅$425起 麗嘉中之島飯店｜連稅$523起 品川哈爾頓酒店｜連稅$429起 難波紅屋頂普拉斯酒店｜連稅$799起 中明洞天空花園飯店｜連稅$540起 曼谷暹羅智選假日飯店｜連稅$498起 迪磐泰精品海灘渡假村｜連稅$112起 除咗以上推介，其他酒店都可以用折扣碼再88折，大家不妨上 Zuji 睇睇。 預訂資訊： 入住日期：即日起 (視乎個別酒店而定) 預訂日期：即日-2017年9月3日 (名額500個) 12%折扣代碼：ZHK12HTL0830 預訂網址：http://www.zuji.com.hk 提提您：同一時間唔同預訂網都有唔同嘅優惠，搵到心水酒店，可先上 HotelsCombined / Trivago 格下價。 輸入折扣碼嘅位置喺付款頁 (見下圖)。