Big Fun Trip 旅遊情報

HK Express 會喺今晚12點 (7月25日00:00) 推出買去程送回程優惠！ 每人來回連稅：台中 / 花蓮$328 (連稅$713)、芽莊$398 (連稅$777)、峴港$398 (連稅$795)、布吉 / 清邁 / 清萊$398 (連稅$844)、石垣島$598 (連稅$853)、釜山 / 濟州$598 (連稅$1,018)、暹粒$598 (連稅$1,053)、首爾$598 (連稅$1,061)、廣島 / 鹿兒島 /...

AirAsiaGo 出咗隻嘅10%優惠代碼！適用入住日期去到2017年12月。 由即日起至2017年7月31日，喺AirAsiaGo 預訂任何旅遊地點嘅酒店，於付款頁輸入優惠代碼「JKK66U352D」，可以額外有多9折。入住日期由即日至2017年12月31日。 呢隻優惠代碼勝在可以book 到去年尾，大家可以趁早揀定酒店先。 預訂資訊： 入住日期：即日-2017年12月31日 預訂日期：即日-2017年7月31日23:59 優惠代碼：JKK66U352D 預訂連結：https://www.airasiago.com.hk

正呀喂！國泰延續台北套票優惠！「機票＋酒店」連稅計：3日2夜$1,389起、4日3夜$1,461起、7日6夜$1,707起！如果以指定 DBS 信用卡付款，訂滿$3,000 (未連稅) 可以額外再減多$500！簡直抵到跌穿地殻再插多5米！咁都不特止，再送多您$150機場現金券！迫到您去為止！ 以上為2人同行嘅每位價錢，已包來回機票、住宿、30kg行李、稅項！旅遊日期可長啲或短啲，最多8日7夜。出發日期由即日起至12月20日 (部分日子不適用)，最遲12月27日完成旅程，即係話可以橫跨埋聖誕節！ 航班並無特別限制，去程及回程視乎供應而定，基本上大部分日子可以揀到早機去晚機返。 留意，訂法係先揀酒店，後揀機票。大家揀完酒店後，再喺各大航空公司入面，揀番國泰嘅航班就可以了。 國泰3日2夜「機票＋3/4星酒店」推介 ： 以下為沒有使用 DBS 優惠代碼嘅價錢，並以11月12日去，11月14日返為例。 路境行旅 ★★★★｜連稅$1,671起 位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。 機票＋德立莊酒店 ★★★｜連稅$1,755起 位於西門嘅町嘅商務酒店，企企理理，位置就喺正捷運站隔離，好方便！ 機票＋華山文旅 (新酒店) ★★★★｜連稅$1,814起 2016年12月開幕，位於台北中正區，華山1914文創園區就喺正對面！距離「捷運．忠孝新生站」只有4分鐘步程。酒店設計時尚簡約，客房仲夠晒大，最小亦有33平方米 (355平方呎)，部份房型更擁有華山公園嘅優美景觀。 機票＋日暉酒店 (新酒店) ★★★★｜連稅$1,865起 2017年3月開幕嘅新酒店，喺台北中正區228和平紀念公園隔離，距離「台北車站」及「捷連．西門町站」分別只有6分鐘及8分鐘步程，去兩邊都咁方便！提供4種主題客房，最細嘅房間都有16平方米 (172平方呎)。 機票＋台北西門町意舍 ★★★★｜連稅$1,888起 意舍佈置簡約具型格，房間夠大，樓下就是誠品！位置便利，距離西門町捷運站僅5分鐘步程。 機票＋富藝旅台北大安 (新酒店) ★★★★｜連稅$1,959起 2016年8月開幕，係極具文青 feel 嘅新旅館！走入酒店像走入畫廊，充滿藝術氣息！不論公共空間或客房都設計得好細緻，客房有家的感覺，非常舒服！位置亦係一流，行2分鐘就係捷運大安站，走出去就係信義路與復興南路，去永康美食街，亦只需搭2個捷運站。 機票＋量子酒店 (新酒店) ★★★★｜連稅$2,164起 大S老公開嘅精品酒店，2017年4月先至開幕，夠晒新，客房亦夠大，最細果間都有28平方米 (301平方呎)！酒店更由法國名設計師 PHILIPPE STARCK...

年尾想飛去韓國跨年？國泰有平飛喎！更正嘅係連跨年都有得平！ 乘搭國泰 / 港龍，香港來回韓國只需$1,700起 (連稅計：濟州$2,159起、首爾$2,182、釜山$2,185起)！ 以國泰嚟講，價位都幾靚，另一賣點當然係跨年都有得平啦！而且可以 Open jaw，即去程及回程可以由不同城市進出。 票價已包30kg寄艙行李同飛機餐。 上永安出飛平過係官網買。 預訂資訊： 出發日期：2017年10月4日-12月20日、12月27日-2018年2月11日、2月21日-3月25日 (回程最遲3月28日) 停留期限：最長1個月 預訂日期：即日-8月16日 預訂網址：http://flights.wingontravel.com

正呀！韓亞航空隻首爾全年優惠劈到去明年3月喇！ 乘搭韓亞航空．香港來回首爾$1,500起 (連稅$1,950起)！出發日期由10月4日至明年3月28日。 價錢超爆抵！去程同回程航班都無限制，視乎供應而定，可以凌晨機去晚機返！ 票價已包埋23kg 寄艙行李及飛機餐！ 預訂資訊： 出發日期：2017年10月4日-12月20日、12月27日-2018年2月11日、2月21日-3月25日 (回程最遲3月28日) 停留期限：最長1個月 預訂日期：即日-8月16日 預訂網址：http://flights.wingontravel.com

Expedia 新一輪3至4星酒店優惠，全部$499以下！每晚低至$54起！預訂嘅時候可以同時用埋指定信用卡嘅優惠代碼額外再有多9折，詳情請參考此頁底部 (跳至信用卡優惠代碼)。 另外，記得申請成為 Expedia+ 會員，除咗部分酒店會平啲之外，仲享有額外9折優惠代碼、有得 upgrade 同儲積分，啲積分可以換成現金券！ 推介酒店 (用咗優惠碼再額外9折後)： 西門日記旅店 ★★★｜Expedia+ 會員價：連稅$304起 (詳情) 店位於西門町購物圈，距離「捷運．西門站」僅3分鐘步程，夠晒方便。最細嘅客房有16平方米，以呢個價錢嚟講，面積算唔錯，而且仲包埋早餐！ 大阪東急REI飯店 ★★★｜Expedia+ 會員價：連稅$441起 (預訂) 位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！客房唔大，最細果間只有13平方米，但喺梅田有呢啲價位，真係抵！ 新宿新城市酒店 ★★★｜連稅$413起 (預訂) 位於新宿中央公園旁邊，環境清靜。酒店提供免費接駁車往來 JR 新宿車站車站，車程僅需5分鐘。客房比普遍嘅新宿酒店大，單人房有16平方米，雙人房更有20平方米。 札幌 UNIZO 旅館 ★★★｜Expedia＋會員價：連稅$413起 (預訂) 於2016年1月開業嘅新酒店，夠晒新同乾淨。位置優越，距離大通地鐵站、札幌鐘樓只有2分鐘步路，行8分鐘可到JR札幌站。而大通公園、狸小路、二条市場全部都係15分鐘嘅步行距離之內。 明洞 MIDO 酒店 ★★★★｜連稅$352起 (預訂) 位置佳，距離「地鐵．會賢站1號出口」僅2分鐘步程，行去明洞...

大家飛曼谷通常唔係國泰，就係泰航、港航，但其實肯亞航空都好抵！ 乘搭肯亞航空，香港來回曼谷$757起 (連稅$1,201起)！ 出發日期去到明年6月，勞動節都有得平！平飛唔係日日有，首選日子見唔到有平，可試下其他日子。 另一賣點係係包2件23kg寄艙行李，加上肯航係用波音787-8夢幻客機執飛，機件夠新淨。 肯航飛曼谷係逢星期二、四、六執飛，航班時間係夜機去，下午機返。 航班時間： 去程：KQ861 21:10-23:20 (逢星期二、四、六) 回程：KQ860 15:00-18:40 (逢星期二、四、六) 預訂資訊： 出發日期：2017年9月2日-2018年6月9日 (旺季除外) 停留限期：2-7日 寄艙行李限額：2件23kg 預訂日期：即日起 預訂網址：http://www.hutchgo.com.hk

阿聯酋航空延續曼谷優惠，連稅價錢仲比之前平多啲啲添！ 乘搭阿聯酋A380航機，香港直航來回曼谷$980起 (連稅$1,392起) 出發日期介乎8月28日至9月26日、10月3日至12月17日，以及12月27日至明年1月31日。 以阿聯酋嘅服務質素，又有得坐A380，呢口價非常抵！ 航班去程限星期日至星期四出發，回程限星期一至星期五返港。想其他日子出發只需多約$100。 航班時間係晚去下午返，放咗工就可以出發。 航班時間： 去程 EK385 21:15-23:15 回程 EK384 13:45-17:30 留意番，呢隻特價飛係包20kg寄艙行李，而唔係平時嘅30kg。 預訂資訊： 出發日期：8月28日-9月26日、10月3日-12月17日、12月27日-2018年1月31日 停留期限：2日-1個月 寄艙行李限額：20kg 預訂日期：即日-2017年7月28日 預訂網址：https://www.cheapflights.com.hk

去歐洲咁長途，想舒服啲梗係要坐商務客位，如果係搭全球最佳嘅卡塔爾航空就更加正添！ 卡塔爾航空早前推出咗全新嘅 Qsuite 商務艙，提供雙人床、四人包廂等全新坐位設計。搭飛機都可以係一種享受！ 卡塔爾航空啱啱推出咗飛歐洲商務艙優惠，香港來回歐洲各地$20,370起！ 來回連稅：法蘭克福$20,672、哥本哈根$21,092、慕尼黑$21,516、巴黎$21,721、羅馬$23,198、蘇黎世$23,592、雅典$22,772起、倫敦$25,254 出發日期至12月20日，暑假都有平！平飛唔係日日有，搜尋後可點擊「 More dates」，查看前後 15日邊日有平飛。 價錢唔算特別平，但勝在可以暑假出發，同埋坐全新嘅 Qsuite 商務艙！ 另外，坐卡塔爾航空經由多哈機場轉機逗留5小時或以上，可以免費申請過境簽證入境多哈最多96小時，變相趁轉機時順便玩埋多哈！(詳情及申請免費過境簽證) 預訂資訊： 出發日期：即日-2017年12月20日 機票有效期：2個月 寄艙行李限額：30kg 預訂日期：即日-2017年8月2日 預訂網址：http://www.qatarairways.com/hk

日本高級旅館預訂網 Relux 加推優惠券抽獎活動，送您高達20,000円 (約$1,412) 優惠券！人人有份！ 成為 Relux 會員後，登入網站就可以免費抽優惠券，最多可抽到20,000円嘅優惠券，最少都有1,000円，優惠券嘅有效期去到8月20日，適用入住日期至2017年10月11日 (抽獎活動至7月23日止)。 抽唔中大獎？適用入住日期唔啱？又或者預訂金額不合乎優惠券最低消費要求？唔駛驚！BigFunTrip 粉絲可享獨家優惠代碼「BIGFUNTRIPRELUX」，訂購任何酒店即減3,000円，最正係冇最低消費，訂幾多錢都有得減3,000円！適用於12月31日前入住。 例如：下圖呢間 Hotel MyStays Premier 金澤，原價連稅後6,300円，用專用折扣碼可即減3,000円，即係有成52折！爆抵！ 經 Relux 訂房仲有個著數，每次訂房可以有5% Relux 點數回贈可以下次使用，會員邀請朋友加入，新會員可即時享5,000 Relux 點數，而新會員完成住宿後，邀請者亦可以獲得5,000 Relux 點數。 Relux 網站上嘅酒店涵蓋日本全國，包括東京、大阪、京都、奈良、北海道、名古屋、福岡、沖繩等，網站內嘅酒店都經由專業團隊嚴選，質素有保證，唔駛擔心會中伏。 預訂資訊： 適用入住日期：即日-2017年12月31日 訂房日期：即日-2017年9月30日 減3,000円 優惠代碼：BIGFUNTRIPRELUX 預訂網址：https://rlx.jp