Big Fun Trip 旅遊情報

又平咗！汶萊皇家航空延長咗英國優惠：香港來回倫敦$2,450起 (連稅$4,418起)！價格比之前又平咗啲！ 票價已包30kg寄艙行李額、飛機餐。出發日期去到11月，秋季 (9月至11月) 去會比較多平飛！ 航班係經汶萊 (斯里巴卡旺) 轉飛嘅，雖然冇得於汶萊 Stopover，但可以趁長轉機時間入境快閃遊！ 今次上官網訂會比較平，大家搜尋時，記得睇埋前後日子票價，可以快啲搵出幾時去最抵！ 預訂資訊： 出發日期：即日-2019年11月22日 寄艙行李限額：30kg 預訂日期：即日-2019年6月30日 預訂網址：https://www.flyroyalbrunei.com

長榮開咗條新航線飛名古屋，今個月初已經啟航啦！新航線當然有優惠價啦：香港來回名古屋$1,340起 (連稅$2,124起)！ 航班係經台北轉飛嘅。加埋機場稅就可於去程 Stopover 台北：連稅$2,210起！一票玩到兩地，一次過滿足到兩個願望，正喎！ 出發日期去到12月中，暑假尾日子都有平飛！趁小朋友放假，一大家細去玩都唔錯！票價已包30kg寄艙行李額、飛機餐！ 長榮係 Skytrax 5星航空公司嚟，更加喺「全球最佳航空」排行第6、兼獲得「全球最清潔機艙」！夠晒高質！可以舒舒服服飛去玩！ 點樣訂中停台北？ 1. 先搵香港來回名古屋有平飛嘅日子先，例如去程8月24日，回程8月29日 2. 根據 step 1 所搵到嘅日期，用「多個城市」功能去搜尋，並喺去程日期同回程日期之間，加插多一程中停。 例如：(第1程) 8月24日 香港-台北；(第2程) 8月25日 台北-名古屋；(第3程) 8月29日 名古屋-香港 預訂資訊： 出發日期：2019年7月1日-7月11日、8月23日-12月18日 寄艙行李限額：30kg 機票有效期：1年 預訂日期：即日-2019年7月31日 預訂網址：https://www.skyscanner.com.hk (如要 Stopover，揀「多個城市」搜尋) 提提大家：如要入境台灣，記得預先申請入台證！

釜航推出「閃電 Only 3 Days」限時優惠！今次旺季都照減，香港飛釜山單程$300起、來回連稅$1,272起！ 優惠適用於7月份出發，包括暑假日子添！啱晒趁夏天去海雲台歎陽光海灘、再去札嘎其市場食海鮮！ 而澳門出發都同時有平，單程MOP300起、來回連稅MOP1,277起！兩地航班都係凌晨機去、晚機返，正！ 今次優惠去到後日 (6月21日) 就完，有興趣就快手啦！搜尋時，見到票價旁邊標明「閃電3DAYS」就係今次優惠！ 提提大家：以上票價屬於特價機票，價格不包括包寄艙行李額，需要寄艙嘅話要額外加購。 航班時間 香港來回釜山 去程：BX392 02:05-06:10 回程：BX391 21:35-00:05+1 澳門來回釜山 去程：BX382 02:05-06:20 回程：BX381 21:50-00:20+1 預訂資訊： 旅遊日期：2019年7月1日-7月31日 (部分日子不適用) 預訂日期：即日-2019年6月21日3:00PM 預訂網址：https://hk.airbusan.com

越捷 (VietJet) 推出夏季巡禮優惠！今日 (6月19日) 起一連三日指定時段，開賣一百萬張$0機票，去越南玩一定要搶啦！ 連稅計：香港來回富國島$425起、胡志明市$428起！旅遊日期係8月至12月份，秋冬去玩都適合！ 富國島係越南嘅度假勝地，可以歎陽光海灘、住間 Resort 輕鬆下，持特區護照可免簽證入境添！ 搜尋時，記得剔選「找到最便宜的機票」嚟睇多日票價，可以易啲搵到幾時有平。 估計來回都係$0嘅平飛唔多，大家亦可只訂單程，再加訂其他 Airline 嘅單程峴港 / 河內，自製 Open jaw！ 航班時間 富國島 去程：VJ977 15:40-17:25 (逢星期一、三、五、日) 回程：VJ976 10:50-14:35 (逢星期一、三、五、日) 胡志明市 去程：VJ877 19:59-21:30 回程：VJ876 15:10-18:50 提提大家：票價只包7kg手提行李額，不包機上餐飲及寄艙行李額。如要寄艙，網上加購費用為每程15kg/$115、20kg/$135、25kg/$185、30kg/$220。 預訂資訊： 旅遊日期：2019年8月20日-12月31日 (部分日子及旺季不適用) 預訂日期：即日-2019年6月21日 (每日1:00PM-3:00PM) 預訂網址：https://www.vietjetair.com 越南簽證：持特區護照可以自行上越南入境處官網辦理網上簽證，費用為US$$25，最快3個工作天就辦理到。網上簽證網址：https://evisa.xuatnhapcanh.gov.vn/web/guest/khai-thi-thuc-dien-tu/cap-thi-thuc-dien-tu (如只去富國島，持特區護照係免簽證)

阿聯酋有隻歐洲爆抵價，再度延長優惠！7月前預訂都有平飛歐遊！香港來回歐洲各地$1,717起 (連稅$3,653起)！ 連稅計：米蘭$3,653起、雅典$3,748起、巴塞羅那$3,827起、奧斯陸$3,972起、馬德里$3,997起、巴黎$4,006起、伊斯坦堡$4,026起、波圖$4,037起、倫敦$4,423起！ 航班係經杜拜轉飛嘅。當中波圖係新航點嚟添！Open jaw 咁飛都得，例如米蘭入、雅典出：連稅$3,761起！ 想歎少少咁飛，商務艙都有優惠價！來回連稅計：馬德里$17,006起、米蘭$17,456起、巴塞羅那$18,261起、布魯塞爾$18,339起、阿姆斯特丹$17,435起！ 票價已包25kg寄艙行李額、飛機餐。以上航點只係小編精選，飛其他歐洲地方好多都有平，大家可以睇睇自己嘅心水目的地！ 出發日期去到11月底，部分暑假尾日子都有平添！不過優惠於部分日子不適用，大家可先上阿聯酋官網睇多日票價，然後上 Skyscanner 訂飛！ 預訂資訊： 出發日期：2019年6月21日-9月26日、8月18日-9月26日、10月3日-11月30日 寄艙行李限額：25kg 機票有效期：1個月 預訂日期：即日-2019年7月2日 預訂網址：https://www.skyscanner.com.hk (如要 Open jaw，揀「多個城市」搜尋)

直飛北歐有抵價！明年3月底前出發，香港來回北歐各地$3,012起 (連稅$3,973起)！年尾去感受冬日氣氛就最正啦! 連稅計：赫爾辛基$3,973起、奧斯陸$4,114起、卑爾根$4,124起、哥德堡$4,280起、斯德哥爾摩$4,304起、哥本哈根$4,300起！ 當中哥本哈根係直航機嚟添，一程過飛北歐，勁方便！而且 Open jaw 都有平，例如赫爾辛基入、奧斯陸出：連稅$4,197起！ 優惠於部分日子不適用，大家亦可先上北歐航空官網，用「Low price calendar」睇邊日最抵，然後上 Skyscanner 訂飛！ 提提大家：同期仲有漢莎航空都有北歐優惠，大家可以都睇埋！ 預訂資訊： 出發日期：即日-2020年3月31日 (部分日子及旺季不適用) 寄艙行李限額：23kg 機票有效期：5日起 預訂日期：即日起 預訂網址：https://www.skyscanner.com.hk (如要 Open jaw，揀「多個城市」搜尋)

想飛遠少少去玩，加航有筍減！今次係美國優惠，香港來回洛杉磯 / 三藩市 / 西雅圖$2,203起 (連稅$3,934起)！ 雖然價格未係最低位，但連稅四千有找都唔錯，買得過！Open jaw 咁飛都得，例如洛杉磯入、西雅圖出：連稅$4,083起！ 以上係早鳥價嚟，出發日期係今年10月到明年4月。票價已包2件23kg寄艙行李額，冬天去都大把行李位，可以帶多幾件厚衫去！ 航班係經加拿大轉飛嘅。預訂時，記得睇清楚轉機站次。因為有部分航班平多幾十蚊，但就要轉兩次機！記得唔好揀錯啊。 優惠於部分日子不適用，大家可先上加航官網，揀「彈性旅遊日期」搵咩日子有平，再上 Skyscanner 訂就最抵！ 預訂資訊： 出發日期：2019年10月2日-12月12日、2020年1月15日-1月23日、2020年2月10日-4月23日 寄艙行李限額：2件23kg 機票有效期：1個月 預訂日期：即日-2019年7月2日 預訂網址：https://www.skyscanner.com.hk (如要 Open jaw，揀「多個城市」搜尋)

阿聯酋航空推出新一輪曼谷優惠！香港來回曼谷$681起 (連稅$1,483起)！ 以阿聯酋嘅質素嚟講，呢口價算抵玩！ 適用出發日期至11月尾 (部分日子不適用)，如想暑假尾走返轉，去程可以揀8月25 / 28 / 29日，回程可以揀9月2日。 航班時間係晚去午返，如果係打工仔，收咗工可以即飛，慳返一日假！ 提提大家，以上價格適用於平日出發 (去程：星期日至四、回程：星期一至五)。如果 Weekend 去，就貴大約$97起。 優惠唔係每日去都有，大家可先上阿聯酋官網睇多日票價，搵到邊日最平後，再去 Airbare 訂飛就最抵！ 預訂資訊： 出發日期：2019年6月25日-7月5日、8月25日-9月26日、10月3日-11月30日 (回程不適用於10月6日-10月14日) 寄艙行李限額：25kg 機票有效期：2日-1個月 預訂日期：即日-2019年6月25日 (須於出發前最少7日預訂) 預訂網址：  https://www.emirates.com/hk  https://www.airbare.com.hk

埃航推出 Last minute 泰國優惠！今次講嘅係埃及航空，香港來回曼谷$698起 (連稅$1,353起)！ 航班逢星期二、四、六出發，時間係晚去午返。7月初前出發都有平飛，可以即買即飛去行夜市、歎 SPA！ 航班係香港來回埃及嘅接駁機嚟嘅 (香港飛開羅要經曼谷轉飛)，所以飛曼谷一程乘客都唔會太多，部機鬆動啲冇咁迫！ 優惠唔係每日去都有，大家可以上埃航官網揀「Flexible dates」搜尋，見到邊日最抵後，再上 Skyscanner 訂飛！ 航班時間 去程： MS961 20:50-22:40 (逢星期二、四、六) 回程： MS960 14:25-18:00 (逢星期二、四、六) 預訂資訊： 出發日期：即日-2019年7月9日 (部分日子不適用) 寄艙行李限額：23kg 機票有效期：12個月 預訂日期：即日-2019年6月27日 預訂網址：https://www.skyscanner.com.hk

今個秋冬想飛韓國？韓亞呢隻早鳥優惠就啱駛！香港來回首爾$1,400起 (連稅$2,009起)！正！ 出發日期係9月至12月，秋天去可以喺南山塔下漫步賞楓，或者12月份去滑雪！除夕飛去跨年倒數都得添！ 航班時間有多個選擇，可以揀凌晨機去、晚機返！而且夾 Weekend 去都冇問題，啱晒打工仔去快閃遊！ 優惠於部分日子不適用，大家記得先上韓亞官網睇多日票價，搵到幾時有平後再去 Skyscanner 訂飛！ 預訂資訊： 出發日期：2019年9月1日-9月11日、9月14日-9月27日、10月4日-10月20日、11月4日-12月20日、12月31日 寄艙行李限額：23kg 機票有效期：12個月 預訂日期：即日-2019年7月15日 預訂網址：https://www.skyscanner.com.hk