Big Fun Trip 旅遊情報

平飛曼谷有好多選擇，搭埃航都有抵價！今次講嘅係埃及航空，香港來回曼谷$710起 (連稅$1,320起)！ 出發日期去到5月底，平飛數量唔多，集中於5月頭。航班逢星期二、四、六出發，時間係晚去午返。 航班其實係飛埃及嘅接駁機嚟 (香港飛開羅要經曼谷轉飛)，所以乘客唔算太多，部機鬆動啲冇咁迫！ 票價已包23kg寄艙行李額、飛機餐！可以去曼谷食芒果糯米飯、歎 SPA 再 Shopping！ 優惠唔係每日去都有，大家可以上埃航官網揀「Flexible dates」搜尋，見到邊日最抵後，再上 Skyscanner 訂飛！ 航班時間 去程： MS961 20:50-22:40 (逢星期二、四、六) 回程： MS960 14:25-18:00 (逢星期二、四、六) 預訂資訊： 出發日期：2019年4月23日-5月28日 (部分日子不適用) 寄艙行李限額：23kg 機票有效期：12個月 預訂日期：即日起 (售完即止) 預訂網址：https://www.skyscanner.com.hk

樂桃推出「Happy Easter」限時優惠！香港飛沖繩單程$178起、大阪$198起！來回連稅計：沖繩$713起、大阪$842起！ 出發日期去到10月份，不同日子有不同嘅優惠價。大阪最平集中於4月尾至5月中，而暑假都有單程$368嘅優惠票！ 而沖繩就多咗選擇，雖然最平嘅單程$178只得6月尾有，但9月至10月去都只係貴廿蚊！ 優惠於明天晚上12點 (4月13日00:00) 開賣！賣到去下星期一就完，有興趣就記得準時去搶飛！ 優惠票價及適用航班： 6月28日-6月30日出發：單程$178起 (適用於回程 MM963 12:55-14:35) 9月1日-10月26日出發：單程$198起 4月22日-4月26日、5月10日-5月14日出發：單程$198起 6月3日-7月12日出發：單程$298起 (適用於去程 MM64 12:35-17:00、MM60 18:20-22:45) 6月3日-7月12日出發：單程$368起 (適用於去程 MM68 01:25-05:50；回程 MM67 21:10-00:40+1、MM65 14:00-17:30、MM63 08:20-11:50 / 08:50-11:45) 8月26日-10月26日出發：單程$368起 提提大家：以上票價只包額10kg手提行李額，不包免費寄艙行李額及機上餐點。寄艙行李收費為：每件20kg以下行李$216。 預訂資訊： 出發日期：2019年4月22日-10月26日 預訂日期：2019年4月13日00:00-4月15日23:59 (香港時間) 預訂網址：https://www.flypeach.com

想 Plan 定個賞楓假期？去韓國都有抵價！港航推出早鳥優惠：香港來回首爾$925起 (連稅$1,710起)！ 出發日期係9月至11月，可以去內藏山睇紅葉！然後去東大門 / 明洞 Shopping、再食炸雞 / 韓燒！ 票價已包20kg寄艙行李額、飛機餐！部分日子可以揀早機去、晚機返，時間幾靚！計落抵過搭廉航！ 雖然十月一同重陽假期都冇優惠，但橫跨 Weekend 咁飛都冇問題！嚟個周末快閃遊都得添！ 預訂資訊： 出發日期：2019年9月1日-9月26日、10月4日-11月30日 寄艙行李限額：20kg 機票有效期：2-7日 預訂日期：即日-2019年4月24日 預訂網址：https://www.skyscanner.com.hk

想 Plan 定秋天去大阪睇紅葉？港航呢隻套票就啱駛！連稅二千二就有齊「機票＋酒店」玩到4日3夜，仲有靚航班時間添！ 乘搭香港航空，香港來回大阪機票＋酒店 (以最平住宿為例) 連稅：4日3夜$2,281起、5日4夜$2,372起、6日5夜$2,612起！ 出發日期係9月至12月，最啱嚟個賞楓之旅！而航班時間有不同選擇，部分日子有凌晨機去、晚機返！可以玩到盡！ 港航．大阪4日3夜「機票＋3/4星酒店」推介： (以10月6日去、10月9日返為例，2人同行每位計) 機票＋大阪肥後橋驛前 APA 酒店 ★★★｜連稅$2,617起 房間空間唔大，但勝在位置唔錯。酒店附近有多間便利店，而隔離就係地鐵四橋線「肥後橋站」3號出口，前往西梅田、難波都好方便！ 機票＋大阪維泰克斯酒店 ★★★｜連稅$2,765起 2017年5月開業，接近天王寺動物園和通天閣，距地鐵「動物園前站」、JR / 南海電鐵「新今宮站」約5-8分鐘步程，方便前往和歌山 / 奈良！ 機票＋心齋橋哈頓酒店 ★★★｜連稅$2,790起 酒店位置優越！距離地鐵「心齋橋站」7號出口僅1分鐘步程，行去道頓堀、難波亦只有3分鐘步程！基本上一行落街就已經可以shopping！ 機票＋大阪難波奏酒店 ★★★｜連稅$2,860起 位於地鐵「難波站」出口旁嘅精品酒店，分別離南海電鐵站和JR站不遠，由關西機場坐巴士到OCAT後，只要步行5分鐘就可以到達！ 機票＋WBF ART STAY 難波酒店 ★★★｜連稅$2,863起 距離惠美須町站約4分鐘步程，行去通天閣約7分鐘，行去黑門市場亦只需約10分鐘。酒店對面有便利店，附近亦多食店。 機票＋大阪心齋橋坤特薩酒店 ★★★ | 連稅$3,006起 於2017年9月開業酒店，位於地鐵「長堀橋站」和「心齋橋站」中間，步行5分鐘內可達地鐵站。距 Crysta 長堀地下街入口僅1分鐘步程，附近更有便利店，十分方便！ 機票＋大阪新阪急酒店 ★★★★｜連稅$3,249起 超近JR大阪、阪急電鐵、地鐵「梅田站」！搭機場巴士只需58分鐘便可直達酒店門口，交通便利！步行約3分鐘就到 Yodobashi電器賣場及Grand Front Osaka！ 除以上推介，大家可自選心水酒店！入住京都 / 奈良等地嘅住宿都得，只要直接於「目的地」位置輸入想住嘅地區就可以了。 預訂時，係先揀酒店、再揀機票。行程長短可自訂，最耐可玩到8日7夜！如果想於行程中入住不同酒店，可於搜尋時揀「我只有部分日期需要入住酒店」嚟設定！ 套票已包20kg寄艙行李額、飛機餐，價格係2人同行每位計。不過1人出發都冇問題，只係因為冇朋友仔幫手攤分房價，價格會貴少少。 提提大家，搜尋時，目的地要填「大阪 (和附近地區), 日本」，咁先會搵到市中心嘅酒店。如果你填咗「大阪, 日本 (OSA-所有機場)」，就只會搵到機場附近嘅酒店！ 預訂資訊： 出發日期：2019年9月1日-9月26日、10月4日-12月18日 寄艙行李限額：20kg 機票有效期：2-7日 預訂日期：即日-2019年4月24日 預訂網址：http://www.expedia.com.hk (以網頁版預訂為佳)

想近近哋去個快閃旅行？去新加坡都唔錯喎！新航近期有隻平機票，用套票形式訂齊「機票＋酒店」的話，價格仲抵過分開訂添！ 2人同行出發，香港來回新加坡機票＋酒店 (以最平住宿為例) 每位連稅計：3日2夜$1,799起、4日3夜$1,869起、5日4夜$1,950起！ 出發日期去到6月底，可以嚟個即興遊添！大家可自訂行程長短，快閃遊又得、最耐玩夠6日5夜都冇問題！ 新航．新加坡3日2夜套票推介： (以5月6日去、5月8日返為例，2人同行每位計) 機票＋飛龍酒店 - 水晶 ★★★｜連稅$2,011起 實惠之選，房間簡約整齊！酒店座落芽籠區，步行可達地鐵「Aljunied 站」及「Mountbatten 站」，附近亦有巴士站通往市內各處！ 機票＋新加坡薰衣草維酒店 ★★★★｜連稅$2,341起 位於小印度，酒店門口就係地鐵「Lavender 站」出口。附近有便利店、美食街，而步行前往武吉士都唔太遠！ 機票＋太平洋大酒店 ★★★★｜連稅$2,411起 具口碑嘅老牌酒店，距離地鐵「Bras Basah 站」約3分鐘步程。附近有眾多食肆、商店，而且接近武吉士，出入方便！ 機票＋新加坡 G 酒店 ★★★★｜連稅$2,451起 距地鐵「Bencoolen 站」只有3分鐘步程，行6分鐘可以去到武吉士！附近有多個 Shopping mall，位置熱鬧又方便！ 機票＋新加坡武吉士 XY 酒店 ★★★★｜連稅$2,468起 位於兩個地鐵站之間，行6分鐘可達「Lavender 站」、8分鐘可達「Bugis 站」！前往阿拉伯街、武吉士等地都好方便。 機票＋新加坡武吉士美居酒店 ★★★★｜連稅$2,639起 酒店位置不俗，離武吉士地鐵約8至10分鐘步程，去聖淘沙都算方便。酒店附近有大型商場，同埋唔少美食店。 機票＋聖淘沙名勝世界節日酒店 ★★★★★｜連稅$3,245起 酒店位於聖陶沙島，去環球影城、海洋水族館等好方便！行15分鐘即可到達節慶大道和杜莎夫人蠟像館。 除以上推介，大家可自選鍾意嘅酒店。按「價格」由低至高排序，再以「酒店星級」作篩選，會更易搵到適合嘅酒店！ 票價已包30kg寄艙行李額、飛機餐。以上套票價格係2人同行每位計，但1人出發都得，只係價格會貴少少。 預訂時，記得係先揀酒店、再選機票。航班時間係晚機去、晚機返，大家亦可加$230轉去程早 / 午機 (視乎供應而定)！ 提提大家：搜尋時，目的地要填「新加坡, 新加坡」，咁先會搵到市中心嘅酒店。如果填咗「新加坡, 新加坡 (SIN – 樟宜)」，就只會搵到機場附近嘅酒店！ 預訂資訊： 出發日期：2019年4月22日-6月30日 寄艙行李限額：30kg 機票有效期：2-5日 預訂日期：即日-2019年4月18日 預訂網址：http://www.expedia.com.hk...

中東三寶歐遊平飛！阿提哈德嘅歐洲機票又平咗！11月底前出發，香港來回歐洲$1,136起！連稅三千二起咋，勁平！ 連稅計：雅典$3,250起、羅馬$3,483起、阿姆斯特丹$3,618起、馬德里$3,667起、布魯塞爾$3,675起、伊斯坦堡$3,692起、蘇黎世$3,693起、米蘭$3,664起、都柏林$3,757起、巴黎$3,916起！ 全部都係連稅四千有找，正！加少少錢可以揀暑假出發添，例如8月中飛雅典：來回連稅$3,990起！旺季做到呢口價，夠晒抵玩！ 航班係經阿布扎比轉飛嘅，票價已包30kg寄艙行李額、飛機餐。最耐可以停留1個月，可以慢慢玩多幾個地方！ Open jaw / Stopover 阿布扎比都唔算貴，不過就冇單一目的地咁抵！例如雅典入、羅馬出：連稅$4,134起！ 預訂資訊： 出發日期：即日-2019年6月27日、8月15日-11月30日 (部分日子不適用) 寄艙行李限額：30kg 機票有效期：3日-1個月 預訂日期：即日-2019年4月15日 預訂網址：https://www.skyscanner.com.hk (如要 Open jaw / Stopover，揀「多個城市」搜尋)

秋季遊日平飛！港航推出早鳥優惠價：香港來回大阪$1,200起 (連稅$1,902起)！平穿連稅二千，真係平到跳舞啊！ 票價已包飛機餐、20kg寄艙行李額！航班時間有多個選擇，部分日子可以揀凌晨機去、晚機返添 (視乎供應而定)！ 出發日期係9月至12月，啱晒秋天去睇紅葉兼 Shopping！夾重陽節紅日都有平，例如10月4日去、10月7日返！ 預訂資訊： 出發日期：2019年9月1日-9月26日、10月4日-12月18日 寄艙行李限額：20kg 機票有效期：2-7日 預訂日期：即日-2019年4月24日 預訂網址：https://www.skyscanner.com.hk

皇家約旦繼續減，飛泰國價格平爆！香港來回曼谷$531起 (連稅$1,318起)！比上次平咗少少添！ 票價已包飛機餐、23kg寄艙行李額，可以去行夜市 Shopping 掃貨！6月底前出發都有呢口價，夾 Weekend 快閃遊都得！ 航班係逢星期二、四、六、日出發，時間係晚機去、午機返。打工仔收工後即飛，就可以慳返日大假！ 如果去華欣 / 芭堤雅等地，可以喺機場附近留宿一晚，抖足精神第二朝一早再搭車去玩！同樣好方便！ 航班時間 去程：RJ183 21:25-23:20 / 21:35-23:25 (逢星期二、四、六、日) 回程：RJ182 15:25-19:00 / 16:15-20:25 (逢星期二、四、六、日) 預訂資訊： 出發日期：即日-2019年4月14日、4月21日-5月7日、5月12日-6月3日、6月7日-6月30日 寄艙行李限額：23kg 機票有效期：14日 預訂日期：即日-2019年4月15日 預訂網址：https://www.airbare.com.hk

阿聯酋航空做緊曼谷優惠，套票同樣有泰靚價！「機票＋酒店」一齊訂，連稅千六蚊就可以喺曼谷 / 華欣玩到4日3夜！ 2人同行出發，阿聯酋航空．香港來回曼谷機票＋酒店 (以最平住宿為例) 連稅：4日3夜$1,679起、6日5夜$1,731起！適用出發日期至11月尾 (部分日子不適用)，8月底嘅暑假尾日子去都得！票價已包25kg寄艙行李額、飛機餐！ 阿聯酋航空．4日3夜「機票＋4/5星酒店」推介： (價格以6月23日去、6月26日返為例) 機票＋曼谷蘇坤蔚路 X2 共鳴酒店 ★★★★｜連稅$2,188起 走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。 機票＋艾倫酒店 ★★★★｜連稅$2,199起 2017年開業的精品酒店，接近 BTS Thong Lo 站。酒店以鐵枝作外牆的裝飾，外觀獨特易認。酒店內外採 LOFT 復古工業風裝潢，充滿質感。 機票＋曼谷沙吞縣智選假日酒店 ★★★★｜連稅$2,318起 位於是隆，行去 BTS「Chong Nonsi 站」只需2至3分鐘腳程 ，去MBK、Central World...

直飛蜜月勝地！毛里裘斯航空推出優惠：香港直航來回毛里裘斯$5,230起 (連稅$6,532起)！價格唔錯喎！ 毛里裘斯係位於非洲東部嘅島國，啱晒去蜜月度假！可以睇住一望無際嘅印度洋景，行浪漫優美白沙灘！然後再落水滑浪、潛水睇珊瑚就最正！ 出發日期去到12月中，票價已包30kg寄艙行李額、飛機餐！當地5月至10月係冬季，而11月起就係夏季，想咩季節去玩都有平飛！ 優惠於部分日子不適用，大家可上毛里裘斯航空官網揀「Flexible with dates」搜尋，以月曆模式睇幾時去最平，再去 Airbare 以更低價訂飛！ 航班時間 去程：MK641 01:30-07:15 回程：MK640 20:45-10:30+1 簽證資料：持香港特區護照或 BNO 者，可免簽證逗留毛里裘斯90日。 預訂資訊： 出發日期：2019年5月4日-6月22日、9月3日-9月21日、10月12日-12月14日 寄艙行李限額：30kg 機票有效期：15日 預訂日期：即日-2019年5月31日 預訂網址：https://www.airbare.com.hk (搜尋時，可輸入毛里裘斯城市代碼「MRU」，會易啲搵到以上機票)