Big Fun Trip 旅遊情報

馬印航空推出6週年優惠！11月前出發，香港來回吉隆坡$367起 (連稅$770起)！當中包括8月份嘅暑假日子都有平！ 而轉飛其他航點都只係$432起！連稅計：檳城$838起、浮羅交怡$882起、仰光$1,017起、沙巴$1,112起、峇里$1,264起！ 不過部分航班嘅轉機時間較長，建議大家可以 Stopover 埋吉隆坡！例如香港來回浮羅交怡、中停吉隆坡：連稅$1,002起！ 另外留意返，馬印修改咗行李規定，特價機票只包7kg手提行李額，較適合輕裝 Backpack 去！如要寄艙，可以上馬印官網預訂，揀貴一級別包寄艙行李額嘅機票。 預訂資訊： 出發日期：即日-2019年11月22日 (部分日子不適用) 預訂日期：即日-2019年3月31日 預訂網址： https://www.airbare.com.hk https://www.skyscanner.com.hk 提提大家：Airbare / Skyscanner 將浮羅交怡譯為「蘭卡威」。大家可以輸入機場代碼嚟搜尋，會快啲搵到同唔會搵錯。 (機場代碼：吉隆坡 KUL、檳城 PEN、浮羅交怡 LGK、沙巴 BKI、峇里 DPS、仰光 RGN)

ANA 近期有隻東京機票優惠，官網緊賣連稅$3,701起！以套票形式預訂的話，只要比多三百蚊左右，就有齊「機票＋3晚酒店」啦！正！ 乘搭 ANA 全日空，香港來回東京機票＋酒店 (以最平住宿為例) 連稅：4日3夜$4,014起、5日4夜$4,122起、6日5夜$4,228起！ 出發日期去到7月，票價已包美味飛機餐、2件23kg寄艙行李額！最啱初夏去睇繡球花、紫藤花，然後再瘋狂 Shopping！ ANA．東京4日3夜套票推介： (以6月9日去、6月12日返為例，2人同行每位計) 機票＋HOTEL MYSTAYS 東池袋 ★★★｜連稅$4,294起 酒店距離JR「大塚站」或地鐵「新大塚站」約10分鐘步程，附近有24小時營業嘅超市及食店。 機票＋東京六本木相鐵草莓客棧 ★★★｜連稅$4,388起 於2017年10月開業，位置唔錯，距離「六本木站」2分鐘步程！附近有超級市場、便利店，亦有唔少酒吧、餐廳！ 機票＋池袋翼國際酒店 ★★★｜連稅$4,460起 距離 JR「池袋站」約10分鐘步程，附近有便利店、超級市場、眾多食肆。行5分鐘就到 Sunshine City，方便去 Shopping同睇水族館！ 機票＋淺草雷門 APA 酒店 ★★★｜連稅$4,464起 2017年10月開業，距雷門只有3分鐘步程！四周有大量食肆及購物點，而4分鐘步程內可達各鐵路站！ 機票＋赤坂蒙特利酒店 ★★★★｜連稅$4,763起 位於地鐵「赤坂見附站」(丸之內線)，從A出口到酒店僅350米。到新宿、銀座、池袋唔駛轉線，非常方便。 機票＋里士滿淺草國際酒店 ★★★★｜連稅$4,864起 於2015年12月開業嘅酒店，位於淺草，樓下就係百貨公司！行5分鐘就到淺草寺雷門，附近有眾多購物商店及美食，位置唔錯！ 除以上推介，大家可以揀自己鍾意嘅酒店。行程長短可自訂，最耐可玩到11日10夜！要於行程中入住多間不同酒店都得，搜尋時剔選「我只有部分日期需要入住酒店」就可以設定！ 預訂時，係先揀酒店、再選機票。去到揀機票一頁，於左邊「包括的航空公司」揀「全日本空輸」，就可以快啲搵到以上套票！ 航班時間有不同選擇，來回兩程都有得揀凌晨 / 早 / 午機！部分班次係同日航聯營嘅，有機會一次過搭到兩間高質航空公司！正！ 提提大家，搜尋時，目的地要填「東京 (及附近地區), 日本」，咁先會搵到市中心嘅酒店。如果你填咗「東京, 日本 (TYO-所有機場)」，就只會搵到機場附近嘅酒店！ 預訂資訊： 出發日期：即日-2019年4月3日、4月6日-4月17日、4月22日-4月30日、5月2日-5月9日、5月13日-6月5日、6月8日-6月27日、7月1日-7月10日 寄艙行李限額：2件23kg 機票有效期：10日 預訂日期：即日-2019年4月15日 預訂網址：http://www.expedia.com.hk (以網頁版預訂為佳)

爆抵呀！原價$480嘅海洋公園門票依家$210就買到喇！ 中旅社推出海洋公園平日日間特惠門票優惠！經中旅社網站預訂平日門票，可享低至43折優惠！折後票價每張只需$210！比起原價平出一大截！ 優惠門票適用入場日期至6月28日，連5月1日勞動節假期都用得！ 優惠門票適用於星期一至五及只可使用一次 (2019年4月19及22日除外)。 預訂後，大家可透過智能手機出示門票或憑A4列印本於海洋公園入口處進場。夠晒方便！ 留意：呢個優惠係香港居民專享，遊客在入場時，必須出示有效香港身份証明文件，以供核對。 預訂資訊： 入場日期：即日-2019年6月28日 (逢星期一至五，2019年4月19及22日除外) 預訂網址：http://www.ctshk.com/ap/ticket/step1.jsp 查詢電話：2998 7888

Hilton 筍減！又有抵價住靚嘢！明年1月前入住，東南亞 / 澳洲 / 新西蘭等地酒店：房價低至65折！ 優惠適用於 Hilton、Double Tree、Conrad 及 Millenium 酒店，全部都係靚酒店嚟，唔少 Resort 都有平添！ 預訂前，大家記得先成為 Hhonour 會員。登入後預訂，見到房價旁標明「MEMBER FLASH SALE」，就係今次優惠啦！ 精選優惠酒店： (以2人入住雙人房，每晚價格計) Hilton Garden Inn Kuala Lumpur Jalan Tuanku Abdul Rahman North｜連稅$252起 DoubleTree Resort by Hilton Penang｜連稅$363起 Hilton Garden...

搭泰航飛泰國！泰航推出59週年優惠！5月至10月出發，香港來回曼谷$1,209起 (連稅$1,793起)！ 呢個價以平日嚟講算係一般般，但係連8月底嘅暑假日子去都得！以旺季嚟講，連稅千八左右都唔錯！ 票價已包30kg寄艙行李額、飛機餐！最耐可停留1個月添，可以去華欣 / 芭堤雅搵間 Reosrt 歎幾日、再喺曼谷慢慢行夜市 Shopping！ 航班時間有多個選擇，有午 / 晚機去、早 / 午機返！大家亦可加錢揀其他時間，例如改早機去：來回連稅$1,869起！ 優惠唔係每日去都有，大家預訂前記得先上泰航官網，睇多日票價搵出咩日子最抵，之後上 Skyscanner 訂飛就最抵！ 預訂資訊： 出發日期：2019年5月1日-6月30日、8月22日-10月31日 寄艙行李限額：30kg 機票有效期：3日-1個月 預訂日期：即日-2019年4月15日 預訂網址：https://www.skyscanner.com.hk

樂桃推出嘅7週年SALE，話咁快就嚟到第三擊啦！4月至7月份出發，香港飛沖繩 / 大阪單程$177起！ 來回連稅計：沖繩$712起、大阪$802起！優惠價格按出發日子而定，4月底 / 5月頭去大阪就最平、而沖繩就係6月底！ 優惠於明天晚上12點 (3月30日00:00) 開賣，限售1日咋！有興趣就記得準時去樂桃官網搶飛！ 優惠票價及適用航班： 6月28日-6月30日出發：單程$177起 (適用於回程 MM963 12:55-14:35) 4月22日-4月30日出發：單程$177起 (適用於去程 MM64 12:35-17:00、MM60 18:20-22:45、MM68 01:25-05:50) 5月6日-5月12日出發：單程$177起 (適用於回程 MM67 21:10-00:40+1、MM65 14:00-17:30、MM63 08:20-11:50 / 08:50-11:45) 4月9日-4月22日、5月13日-7月11日出發：單程$307起 (適用於去程 MM64 12:35-17:00、MM60 18:20-22:45) 6月3日-7月11日出發：單程$357起 (適用於去程 MM68 01:25-05:50；回程 MM65 14:00-17:30、MM67 21:10-00:40+1、MM63 08:20-11:50 /...

縱橫遊 WWPKG 推出全港首創「立山黑部．上高地」行程，帶大家暢玩日本北陸地區！無論係雪之大谷、黑部水壩，定係神降臨之地「上高地」！都係打卡影靚相必到景點！ 依家縱橫遊仲聯乘 Big Fun Trip 推出相關行程優惠！憑優惠碼「BFT19327」預訂「立山黑部．上高地」旅行團，每位即減$500！抵到跳舞！優惠碼適用出發日期由6月10日至6月30日。 用咗優惠碼減$500後：立山黑部．唯一淨土「上高地」．兼六園．馬籠宿．飛驒牛御膳．白川鄉．2晚名湯賞花5天，每位未連稅只需$7,999起！ 行程五大賣點： 黑部水壩彩虹：每年6月，喺立山町海拔1,470米處都會相當熱鬧，事關呢個時候係黑部水壩重要嘅減壓時刻，水壩會趁機盡情釋放約兩億立方米嘅水量，以每秒達10-15噸嘅洩洪量幫自己減減水壓。大家可以趁機瘋狂尖叫，用洩洪聲作背樂，順便跟水壩一齊舒壓。大家仲會見到水壩彩虹添！ 神降臨之地「上高地」：能夠被譽為神降臨之地，可想而知「上高地」係靚到仙境一樣！大家除咗可以一睹這絕世淨土，仲可以吸一吸純淨嘅仙氣！ 暢遊日本阿爾卑斯山：跨越日本阿爾卑斯山「立山黑部」、穿越立山黑部春季限定嘅雪之大谷，親手觸摸二十米高嘅雪壁！此外，仲會探訪世界文化遺產「白川鄉．合掌村」、江風情古街道嘅「馬籠宿」、日本三大名園「兼六園」，以及品嚐飛驒牛御膳！ 2晚入住名湯．松本翔峰：松本翔峰溫泉為同區內數一數二嘅高級溫泉旅館，更被專業評選為2017年日本酒店．旅館百選第46位！客房約有392呎，寬敞舒適。 坐國泰航空：呢個團保證來回都坐國泰！早機去晚機返！安心舒適！ 預訂資訊： 出發日期：2019年6月10日-6月30日 每位減$500優惠碼：BFT19327 (有效期至4月13日23:59) 參考行程／立即報名：https://www.wwpkg.com.hk (必須經此連結方可使用優惠碼)

近期有唔少歐洲優惠，連英航都減埋一份！乘搭英國航空，香港來回歐洲$2,043起！仲要暑假都有平，少見喎！ 連稅計：華沙$3,532起、布拉格$3,605起、米蘭$3,632起、布達佩斯$3,679起、蘇黎世$3,688起、都柏林$3,717起、法蘭克福$3,741起、維也納$3,812起、布魯塞爾$3,878起、巴黎$3,990起、阿姆斯特丹$4,100起！ 出發日期係4月至12月，包括8月份嘅旺季都有！正！而且有勁多航點任揀，Open jaw 咁飛就可以順住路玩！例如米蘭入、蘇黎世出：連稅$3,824起！ 航班係經經倫敦轉飛嘅，票價已包23kg寄艙行李額、飛機餐！最耐可以玩足1個月，趁小朋友放暑假玩耐啲都冇問題啦！ 平飛唔係每日都有，大家可以先上英航官網搜尋，搵到邊日最平後，再上 Airbare / Skyscanner 以更抵價格訂飛！ 預訂資訊： 出發日期：2019年4月21日-6月26日、8月4日-12月6日 寄艙行李限額：23kg 機票有效期：1個月 預訂日期：即日-2019年4月2日 預訂網址： https://www.airbare.com.hk https://www.skyscanner.com.hk

新航靚價減到去澳洲！經新加坡轉飛，香港來回澳洲各地$2,351起 (連稅$3,289起)！有勁多航點任揀！ 連稅計：珀斯$3,289起、阿得萊德$3,340起、達爾文$3,399起、凱恩斯$3,418起、布里斯班$3,428起、墨爾本$3,440起、悉尼$3,444起、黃金海岸$3,470起！ 連達爾文、黃金海岸等地都有平飛，正喎！Open jaw 咁飛都得，例如阿得萊德入、墨爾本出：連稅$3,386起！ 出發日期係4月至9月，當中包括8月嘅暑假旺季添！票價已包30kg寄艙行李額、飛機餐，最耐可以停留21日！ 優惠於部分日子不適用，大家可先上新航官網揀彈性票價搜尋，搵到幾時最抵後，再去 Airbare / Skyscanner 訂飛！ 預訂資訊： 出發日期：2019年4月22日-7月3日、8月5日-9月10日 寄艙行李限額：30kg 機票有效期：2-21日 預訂日期：即日-2019年4月18日 預訂網址： https://www.airbare.com.hk https://www.skyscanner.com.hk

卡塔爾推出限時優惠！又有抵價歐遊啦！11月底前出發，香港來回歐洲各地$2,260起！連稅三千九起！ 連稅計：莫斯科$3,923起、雅典$4,072起、威尼斯$4,118起、索菲亞 (保加利亞)$4,165起、巴塞羅那$4,435起、薩格勒布 (克羅地亞) $4,636起！ 今次連保加利亞 / 克羅地亞都有平，小編真心推介！東歐地區物價較低，而且周街都係特色建築物，好值得去睇睇啊！ 而且可以暢遊巴爾幹半島，或者玩埋希臘 / 土耳其！想順住路玩，Open jaw 咁飛仲抵啲！例如雅典入、索菲亞出：連稅$4,031起！ 今次係閃劈優惠，去到明天 (3月28日) 就完啦！不過平飛唔係每日去都有，大家記得先上卡塔爾官網搵邊日去最抵，之後再去 Airbare / Skyscanner 訂飛啦！ 預訂資訊： 出發日期：2019年4月1日-11月30日 寄艙行李限額：30kg 機票有效期：5日-2個月 預訂日期：即日-2019年3月28日 預訂網址： https://www.airbare.com.hk https://www.skyscanner.com.hk