Big Fun Trip 旅遊情報

買咗日本機票，訂埋酒店，但仲未 plan 行程？可以上 JAPANiCAN 訂購日本各地景點門票、交通券、美食餐券、一日遊等，出遊就夠晒方便啦！ JAPANiCAN 推出全線日本行程、門票及交通券優惠！預訂相關產品滿滿8,000円以上 (每個訂單計，不限旅行團數目)，輸入優惠代碼「1810tour05」即享額外95折！日本全國各地景點門票、交通券、美食餐券、一日遊等行程皆適用！ 人氣 local tour 推介： 【北陸 / 名古屋】2019白川鄉夜間點燈 (預訂) 【北陸 / 名古屋】昇龍道巴士周遊券 (預訂) 【東京】富士山精選一日遊及戶外活動 (預訂) 【東京】東京航海王塔 (預訂) 【東京】奧多摩絕景♪賞紅葉：參觀製作高級柿餅農家+採葡萄+螃蟹餺飥鍋午餐 (預訂) 【北海道】北海道超人氣度假滑雪區 (預訂) 【九州】軍艦島登陸遊覽船 (預訂) 【沖繩】沖繩美麗海水族館＋自選景點通票 (預訂) 除咗以上推介，其他 local tour 都可以用優惠碼再減！大家不妨上 JAPANiCAN 睇睇。 預訂資訊： 出發日期：即日起 預訂日期：即日-2018年11月30日 5%優惠碼：1810tour05 預訂網址：http://www.japanicancom/hk

澳門咁多好嘢食咁多嘢玩，只去2日1夜真係未必食得晒、玩得晒！想周圍食好西、去舊城區打卡影靚相之餘，又想喺靚酒店入面 hea 耐啲！咁不如留多晚啦！以下呢隻套票就包咗2晚住宿，可以慢慢玩！ 2人同行「澳門喜來登大酒店」豪華客房2晚住宿＋TurboJET 來回船飛＋自助早或午餐：每位$1,539起！仲有埋 Shuttle Bus 接送返碼頭添！ 有嘢食、有接送，而且有成3日2夜，可以瞓晏啲先慢慢玩！預訂套票時，大家亦可用優惠價加購餐券！澳門百老匯精選套餐券 / 澳門銀河™運財套餐券都係每張$20咋！ 此外，亦有2日1夜嘅套票可供選擇。豪華客房1晚住宿＋TurboJET來回船飛＋自助早餐＋每房享餐飲消費額MOP500 (消費額適用於「盛宴」及「班妮意大利」餐廳的午餐或晚餐)，每位都係$949起！ 提提大家：呢隻係雙人套票嚟，必須2人同行出發。而以上價格係以平日香港來回氹仔計算，未包$11離境稅、附加費及服務費。加$28就可改於屯門上落。 預訂資訊： 入住日期：即日起 預訂日期：即日起 預訂網站：http://ww1.ctshk.com/zh/ch-packageshort 查詢及報名：2998 7888 / [email protected]

北歐航空又有平飛！今次劈多個航點，香港來回歐洲各地$2,395起 (連稅$3,475起)！無論大路啲玩羅馬、布拉格，定係去半冷門嘅波羅的海小國，全部都有平！ 連稅計：維爾紐斯 (立陶宛)$3,475起、都柏林$3,503起、克拉科夫$3,511起、華沙$3,530起、塔林 (愛沙尼亞)$3,555起、布拉格$3,606起、羅馬$3,773起！ 航班係經哥本哈根轉飛嘅。Open jaw 咁飛都有優惠，例如華沙入、克拉科夫出：連稅$3,656起！大家可自由組合航點，亦可趁轉機時間快閃玩埋哥本哈根！ 出發日期去到明年5月，年尾去可以感受白色冬日，怕凍嘅就等明年初春暖返小小先去都得！票價包埋23kg寄艙行李額、飛機餐，最耐可以停留1個月咁耐！ 不過優惠於部分日子不適用，大家可先上北歐航空官網，揀「Low price calendar」睇晒整月票價，就可以快啲搵到咩日子最抵！ 預訂資訊： 出發日期：2018年11月12日-2019年5月20日 寄艙行李限額：23kg 機票有效期：1個月 預訂日期：即日起 預訂網址：https://www.skyscanner.com.hk 提提大家：Skyscanner 將「北歐航空」譯為「斯堪地那維亞航空」，大家見到航班代碼係「SK」字頭就冇錯了。

HK Express 推出「買去程．送回程」優惠！今日率先減8個航點，香港來回台灣$328起、東南亞$398起、韓國$598起、日本$798起！ 來回票價：台中$328起 (連稅$723起)、芽莊$398起 (連稅$785起)、峴港$398起 (連稅$831起)、布吉$498起 (連稅$955起)、首爾$598起 (連稅$1,055起)、暹粒$598起 (連稅$1,104起)、東京成田$798起 (連稅$1,253起)、大阪$798起 (連稅$1,288起)！ 今次價格又貴返咗少少，冇對上嘅優惠咁抵！旅遊日期就去到明年9月，優惠於今日 (10月15日) 早上9點開賣，有 Ufly-Pass 嘅依家就可以提早買。 提提大家：記得要搜尋來回機票，先會見到回程$0！另外，票價並不包括寄艙行李額、機上餐飲。 寄艙行李收費 (每程計)： 20kg $229、25kg $360、30kg $365 網上後加行李 (每程計)： 20kg $275，25kg $430，30kg $435 預訂資訊： 旅遊日期：2018年10月26日-2019年9月16日 (旺季及部分日子除外) 預訂日期：2018年10月15日9:00AM–10月21日 預訂網址：https://www.hkexpress.com

正喎！千六蚊可以去泰國玩4日3夜！仲要係搭超班質素嘅阿聯酋航空！阿聯酋有隻抵玩曼谷 / 芭堤雅 / 華欣套票！香港來回曼谷機票＋酒店連稅：4日3夜$1,649起、6日5夜$1,712起！可自訂旅程日數，最長可以停留1個月。10月至明年3月出發。 以上價格係以最平住宿為例，2人同行每位計，價格已包30kg寄艙行李額、飛機餐，仲要係坐 A380 客機。一人出發都得，但無朋友同你攤分房價，價錢會貴少少。 阿聯酋4日3夜套票推介： (以1月13日去、1日16日返為例，2人同行每位計) 機票＋沙吞目標酒店 ★★★｜連稅$1,853起 位於沙吞，夠平夠大仲有露台，樓下就有便利店、食店，行去地鐵「Khlong Toei站」約10分鐘。 機票＋曼谷蘇坤蔚路 X2 共鳴酒店 ★★★★｜連稅$2,054起 走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。 機票＋康帕斯酒店集團旗下素坤逸路阿德菲大酒店 ★★★★｜連稅$2,433起 客房夠大，最細果間都有38平方米，並設有㕑房、洗衣機，適合一家大細入住。四周環境清淨，但出入方便，距離 BTS Phrom Phong 站約 7至8分鐘步程。 機票＋曼谷阿瑪瑞水門酒店 ★★★★★｜連稅$2,713起 酒店型格時尚，位處購物及商業區的核心地帶，毗鄰Platinum購物中心、水門市場、Central World、Siam Paragon、四面佛等重要景點。 ...

有嘢送！日本高級酒店預訂網 Relux 送出秋冬優惠券，現有會員或新註冊會員登入後，即可領取5,000円優惠券！攞完優惠券，就可以即刻平訂靚酒店！ 優惠券需於2018年10月21日前領取，並於10月28日前使用，適用入住日期就去到2019年2月12日。 預訂資訊： 適用入住日期：即日-2019年2月12日 領取優惠券日期：即日-2018年10月21日 使用優惠券日期：即日-2018年10月28日 預訂網址：https://rlx.jp/cp/akitabi2018

好消息！原本濟州航空季節限定嘅濟州航班變成固定航班啦！ 咁開心嘅事就梗係要出個優惠慶一慶佢！香港飛濟州單程$260起，來回連稅$943起！ 航班時間係凌晨機去，晚機返，可以玩盡每一日！ 去程航班：7C2186 02:25-06:30 (星期一、四、六) 回程航班：7C2185 22:40-00:50+1 (星期三、五、日) 提提大家，今次特價機票並唔包寄艙行李！有需要寄艙可以加錢另加行李，每程每件15kg以下$293，又或者直接揀貴少少嘅「折扣機票」會更化算。 預訂資訊： 出發日期：2018年11月2日-12月13日 預訂日期：即日起 (售完即止) 預訂網址：https://www.jejuair.net

正呀喂！AirAsia 將會喺今晚12點 (10月15日00:00) 推出泰國$0機票！來回連稅計：清邁 / 曼谷 / 布吉$458起！抵到跳舞！出發日期就由10月至2019年1月。 留意番，以上爆抵價只限會員，非會員都訂得，但會貴廿蚊！ 以上價錢未包機上餐飲及寄艙行李費用，如有需要可另外加購 ，香港飛曼谷 / 布吉 / 清邁 / 吉隆坡 / 沙巴 20kg每程$150起、25kg每程$200起、30kg每程$260起 預訂資訊： 出發日期：2018年10月15日-2019年1月31日 (旺季及部分日子除外) 機票有效期：不限 預訂日期：2018年10月15日00:00-10月21日 訂飛網址：https://www.airasia.com 立即登記成為BIG會員優先搶：https://member.airasia.com/register.aspx

正呀喂！「中東三寶」之一嘅阿提哈德航空推出歐洲新優惠！香港來回歐洲各地$2,984起！ 來回連稅計：雅典$3,786起、阿姆斯特丹$4,240起、馬德里$4,390起、蘇黎世$4,650起、法蘭克福$4,808起、倫敦$5,145！最平連稅三千七起，價錢抵玩！ 大家最耐可停留3個月咁耐，大把時間玩多幾個地方！Open jaw (去程、回程由不同城市進出) 咁飛都有平，例如倫敦入、法蘭克福出：連稅$4,880起！ 明年4月中前出發都有平，但部分日子及旺季不適用，大家可以先上阿提哈德官網睇睇前後日子票價，搵出邊日最抵再去 Skyscanner 訂飛！ 預訂資訊： 出發日期：即日-2018年12月28日、2019年1月12日-1月31日、2月11日-4月16日 寄艙行李限額：30kg 機票有效期：3日-3個月 預訂日期：即日-2018年10月24日 預訂網址：  https://www.etihad.com https://www.skyscanner.com.hk

澳洲航空推出悉尼新優惠！一於抵價飛澳洲！ 香港直航來回悉尼$2,995起 (連稅$4,014起) 價錢雖然無對上一次優惠咁平，但都算唔錯！值得入手！而且航班選擇多，呢隻優惠票嘅有效期更長達3個月，啱晒深度遊、探親，又或者讀番個短期 course！ 預訂資訊： 出發日期：即日-2018年12月13日、2019年2月13日-7月31日 (旺季及部分日子除外) 機票有效期：3個月 預訂日期：即日-2018年10月5日 (需於出發前至少14日訂飛) 預訂網址： https://www.trip.com https://www.skyscanner.com.hk