Big Fun Trip 旅遊情報

澳門粉絲有著數！台灣虎航推出4周年生日優惠，澳門飛台灣各地單程$140起、來回連稅及手續費$659起！ 飛台北 / 台中 / 高雄都有平，而且有勁多航班時間揀，仲要 Open jaw 都得添！香港粉絲可以另外加套船飛，玩晒澳門＋台灣都抵！ 今次係限時優惠嚟，只劈一天！而出發日期就去到明年3月底。搜尋時輸入優惠代碼「IT4THBD」就搵到優惠價啦！ 提提大家：以上價格只包10kg手提行李，不包寄艙行李額及飛機餐。 行李寄艙費用 (每程計)： 15kg – $210、20kg – $240、25kg – $300 預訂資訊： 出發日期：即日-2019年3月30日 (部分日子不適用) 優惠代碼：IT4THBD 預訂日期：即日-2018年9月27日11:59PM 預訂網址：https://www.tigerairtw.com

HK Express 推出 Mega Sale 第二擊優惠！今次劈多幾個次熱門航點，香港單程飛東南亞$118起、日本$278起！ 來回票價：清萊$236起 (連稅$693起)、石垣島$356起 (連稅$611起)、芽莊$236起 (連稅$623起)、廣島 / 高松 / 鹿兒島$476起 (連稅$731起)、寧波$196 (連稅$664)！ 價格都算唔錯！旅遊日期去到明年8月26日，而早前開賣嘅航點都會繼續一齊賣，去到9月30日為止。 以上第二擊優惠航點於今朝 (9月26日) 9點開賣！如果買咗 Ufly-Pass 依家就可以提早上去買。 行李寄艙費用：20kg 每程$229，25kg 每程$360，30kg 每程$365 網上後加行李：20kg 每程$275，25kg 每程$430，30kg 每程$435 預訂資訊： 旅遊日期：2018年10月5日-2019年8月26日 預訂日期：2018年9月26日 9:00AM – 9月30日 11:59PM 預訂網址：https://www.hkexpress.com *HK Express 個系統預設加咗寄艙行李同旅遊保險，如想自行安排旅保 (AXA旅遊保險)，記住自行剔除，揀「無托運行李」同「不用，謝謝。我將另行安排旅遊保險」。 注意： 成功訂購機票後，務必 screen...

泰爆抵！泰航旗下嘅泰國微笑航空除咗出咗布吉優惠，仲有曼谷優惠！ 香港來回曼谷只需$916起 (連稅$1,368起)！ 出發日期由10月28日至明年3月28日 (部分日子不適用)，呢個秋冬一於飛過去歎 SPA、食海南雞！ 票價包埋30kg寄艙行李額添，抵玩！ 航班時間就爭少少，係午機去早機返！明年3月底出發都有平，最耐玩足兩星期都冇問題。 去程航班：TG2631 15:00-16:45 回程航班：TG2630 10:05-13:50 訂飛時，記得係要揀返泰航嘅班次 (見到標明「由 Thai Smile 營運」就係今次嘅目標)，直接揀 Thai Smile 反而搵唔到咁平！ 預訂資訊： 出發日期：2018年10月28日-12月20日、12月27日-2019年1月30日、2月9日-3月28日 寄艙行李限額：30kg 機票有效期：2-14日 預訂日期：即日-2018年10月31日 預訂網址：https://www.skyscanner.com.hk

正呀喂！Skytrax 全球五大最佳航空公司之一嘅長榮，有隻爆抵台北套票！「機票＋酒店」連稅：3日2夜只需$1,447起、5日4夜$1,570起！可以早機去晚機返，仲可以自訂行程日數，最耐可以玩15日14夜。出發日期去到明年3月底。 套票價錢已包30kg寄艙行李額、飛機餐。以上價錢係2人同行每位計，並以入住最平住宿為例。1人獨遊都可以，只係冇朋友仔幫手攤分房價，價格會貴少少。 長榮．台北3日2夜「機票＋酒店」推介： 機票＋儷客旅店 – 西門町館 ★★★｜連稅$1,610起 (1月20日-1月22日為例) 位於西門町嘅分館，距離西門町商圈只有5分鐘步程，行去紅樓、西門町捷運站約10分鐘。酒店裝潢色彩繽紛富特色！最值得讚係佢哋有提供嬰孩浴盤、矮椅子、玩具等，適合帶埋嬰兒或小孩入住。 機票＋路境行旅 ★★★★｜連稅$1,671起 (1月20日-1月22日為例) 位置極方便，距離捷運西門站僅5分鐘步程，行去台北火車站亦只需10分鐘。唔少景點亦都係步行距離之內，行5分鐘到二二八紀念公園、總統府，行10分鐘到中正紀念堂。 機票＋HOTEL PAPA WHALE ★★★★｜連稅$1,673起 (1月20日-1月22日為例) 2016年開幕嘅酒店，位於西門町，距離捷運西門町站約8分鐘步程。設計上結合咗輕工業風與 SOHO 都會風，夠型格！房間唔大，最細嘅房約140呎，但新淨企理，連稅千五蚊全包真係抵到喊！ 機票＋米勒風尚行旅 ★★★｜連稅$1,681起 (1月20日-1月22日為例) 2016年12月開幕，位於西門町，行出酒店門口就乜都有得買，乜都有得食，距離「捷運．西門町站」更只有3分鐘步程，去其他地方都好方便！房間設計時尚，最細嘅客房有14.2平方米 (153平方呎)。 機票＋丰居旅店 ★★★｜連稅$1,852起 (1月20日-1月22日為例) 酒店位於西門町旺區，行落樓下就有大把嘢食、大把嘢買！行去「捷運．西門町站」只需5分鐘，夠晒方便！ 機票＋日暉酒店 ★★★★｜連稅$1,829起 (12月9日-12月11日為例) 位於台北中正區228和平紀念公園隔離，距離台北車站及捷連「西門町站」分別只有6分鐘及8分鐘步程，去兩邊都咁方便！ 機票＋CitizenM 台北北門酒店 ★★★★｜連稅$1,901起 (1月20日-1月22日為例) 來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！ 機票＋六福居公寓式酒店 ★★★★｜連稅$2,137起 (1月20日-1月22日為例) 位於中山區，係林森公園隔離，距離中山捷運站和新光三越僅4-5分鐘步程。房間夠大，豪華又舒適！ 除以上介紹，大家可於 Expedia 預訂系統任揀其他酒店。揀酒店時，按「價格」由低至高排序，再以「星級」、「位置」作篩選，會更快搵到心水酒店！ 預訂時，記得係先揀酒店，再選機票。去到機票嗰版，大家可於左邊「包括的航空公司」剔選「長榮航空」，會可以快啲搵出以上套票！ 提提大家，搵台北套票時，目的地要填「台北 (及鄰近地區), 台灣」，咁先會搵到台北全市嘅酒店。如果你填咗「台北, 台灣 (TPE-桃園國際機場)」，就只會搵到機場附近嘅酒店。 預訂資訊： 出發日期：2018年10月4日-12月18日、2019年1月2日-23日、2月11日-3月31日 (聖誕及農曆新年等旺季不適用) 寄艙行李限額：30kg 機票有效期：14日 預訂日期：即日-2019年3月31日 預訂網址：http://www.expedia.com.hk (以網頁版預訂為佳)

過完中秋，下星期一又有國慶假期喇，想嚟個快閃假期都有計呀！ 大韓航空喺10月底停飛釜山之前，推出國慶快閃優惠，香港來回釜山$2,007起 (連稅$2,424起)！ 去程係9月30日至10月2日，回程係10月3日至10月27日。如果9月30日出發，可以横跨國慶紅日。 航班時間唔錯，去程係凌晨1:55am機 (記得提前一日夜晚出機場)，回程係夜晚9:45pm機。 大韓係傳統航空嚟，已包23kg寄艙行李額、飛機餐。 預訂資訊： 去程日期：2018年9月30日-10月2日 回程日期：2018年10月3日-10月27日 寄艙行李限額：23kg 機票有效期：1個月 預訂日期：即日-2018年9月27日 (售完即止) 預訂網址： https://www.hutchgo.com.hk  https://www.skyscanner.com.hk

日本回程優惠！樂桃日本會係今晚 (9月25日) 11pm推出大阪回港優惠！旅行日期由10月5日至2019年3月19日。 大阪飛香港單程3,990円起 (約$280)，連稅6,070円起 (約$427)！唔同出發日期有唔同價位，如下： 10月5日至10月27日出發：單程4,490円起 (約$316)，連稅6,570円起 (約$462) 10月28日至12月21日、1月7日至1月29日、2月18日至3月19日出發：單程3,990円起 (約$280)，連稅6,070円起 (約$427) 優惠並無航班限制，視乎供應而定。 如果淨買回程嘅話，記得要經樂桃日本版 / 國際版網站預訂。如果唔識睇日文，就去英文嘅國際版訂啦！ 留意，票價包10kg手提行李額，並不包括免費寄艙行李額及飛機餐。樂桃嘅行李寄艙收費為：每程每件20kg以下2,800円 (10月28日或之前)、3,200円 (10月29日或之後)。 預訂資訊： 旅行日期：2018年10月5日-12月21日、2019年1月7日-1月29日、2月18日-3月19日 預訂日期：2018年9月25日11pm-9月30日11pm 預訂網址：http://www.flypeach.com/pc/en 提提您： 如果訂飛時未有護照號碼係手，可以先打「000000」，之後可以打電話上樂桃航空香港免費改返 (電話：3013-4668．打通之後按2>2>1>1) 訂票時「電郵(手機)」留空就可以。 訂飛時輸入的名字唔可以有空格，例如 Lok Bun，你要打 Lokbun。

國泰 / 國泰港龍 fanfares 第309期！ 機票 (來回連稅)： 青島$1,238、台北$1,263、胡志明市$1,608、福岡$2,803、班加羅爾$3,186、三藩市$3,804、特拉維夫$4,516 3日2夜套票連稅： 2人同行每位價錢：布吉$2,656起、仰光$3,587起 預訂資訊： 出發日期：2018年10月3日-11月25日 (視乎航點而定) 預訂日期：即日起 (售完即止) 預訂網址：http://www.cathaypacific.com/fanfares

泰歎價！秋冬飛布吉勁平，連稅千五起咋！香港來回布吉$1,090起 (連稅$1,541起)！一於去度假曬太陽、歎 SPA 啦！ 航班係泰航旗下嘅「泰國微笑航空」營運嘅。呢條係新航線嚟，將於10月底啟航！票價包埋30kg寄艙行李額添，抵玩！ 時間都唔錯，係早去午返！實用得嚟又唔會太趕！明年3月底出發都有平，最耐玩足兩星期都冇問題！正！ 大家訂飛時，記得係要揀返泰航嘅班次 (見到標明「由 Thai Smile 營運」就係)，直接揀 Thai Smile 反而搵唔到咁平！ 預訂資訊： 出發日期：2018年10月29日-12月18日、12月30日-2019年1月30日、2月10日-3月28日 寄艙行李限額：30kg 機票有效期：2-14日 預訂日期：即日-2018年10月31日 預訂網址：https://www.skyscanner.com.hk

中國東方航空推出優惠，香港來回上海$784起 (連稅$1,193起)！呢口價咁抵，仲要飛兩粒幾鐘就到，邊駛搭鐵路呀！ 以上係中秋限定優惠，閃劈一日！加多廿蚊就可以喺跨年旺季去，例如12月29日去、1月2日返：連稅$1,212起！可以去迪士尼玩返轉慶祝新年！ 票價已包飛機餐、20kg寄艙行李額！唔駛用紅白藍膠袋啦，帶個喼去裝多幾件厚衫都冇問題！ 預訂資訊： 出發日期：即日起 寄艙行李限額：20kg 機票有效期：14日 預訂日期：即日-2018年9月25日 預訂網址：https://www.skyscanner.com.hk

HK Express 推出中秋 Mega Sale，單程機票$98起！香港單程飛台灣$98起、東南亞$118起、韓國$178起、日本$238起！ 來回票價：台中$196起 (連稅$591起)、峴港$236起 (連稅$669起)、熊本$476起 (連稅$731起)、布吉$296起 (連稅$753起)、福岡$476起 (連稅$806起)、首爾$356起 (連稅$813起)、暹粒$356起 (連稅$862起)、東京$476起 (連稅：羽田$929起、成田$931起)、大阪$476起 (連稅$966起)！ 今次價格都唔錯，全部連稅一千有找！旅遊日期去到明年8月26日，而熊本就去到明年3月底。 其他航點將於本周內陸續推出，今朝 (9月24日) 9點就先開賣第一擊！如果買咗 Ufly-Pass 依家就可以提早上去買。 提提大家：以上票價不包括寄艙行李額及機上餐飲。 行李寄艙費用：20kg 每程$229，25kg 每程$360，30kg 每程$365 網上後加行李：20kg 每程$275，25kg 每程$430，30kg 每程$435 預訂資訊： 旅遊日期： 2018年10月5日-2019年3月30日 2018年10月5日-2019年8月26日 預訂日期：2018年9月24日 9:00AM – 9月30日 11:59PM 預訂網址：https://www.hkexpress.com *HK Express 個系統預設加咗寄艙行李同旅遊保險，如想自行安排旅保 (AXA旅遊保險)，記住自行剔除，揀「無托運行李」同「不用，謝謝。我將另行安排旅遊保險」。 注意： 成功訂購機票後，務必...