Big Fun Trip 旅遊情報

永安旅遊尋日減完星馬泰酒店，依家輪到減日韓台酒店喇！ 憑推廣碼「GH125」預訂全線日本、韓國、台灣酒店滿$1,200 (未連稅) 即減$120！優惠用到盡嘅話，即係相當於額外有多9折！ 訂咗機票而又未訂酒店嘅話，不妨上去睇下有無酒店啱心水啦！ 預訂資訊： 入住日期：即日-2017年12月15日 預訂日期：即日-2017年10月15日 訂滿$800 (未連稅) 減$100推廣碼：GH125 預訂網址：https://hotels.wingontravel.com *提提大家，需要成為永安旅遊會員，登入後先可以喺付款頁面輸入推廣碼即時再減。

中旅社嘅一系列「機票＋酒店」套票，喺今個周末「U Magazine 精明旅遊嘉年華 2017」提供即場優惠！好多入住5星級靚酒店嘅套票都有平！以下係小編精選抵玩套票，以2人同行每位價錢計，大家可以參考一下： 三亞3日2夜套票‧5星超值之選 銀聯卡用戶專享優惠價 $888起 (會場限定，另加機場稅及服務費) 套票包三亞灣皇冠假日度假酒店2晚住宿，呢間係激近海邊嘅5星靚酒店，有靚海景！酒店距離機場只需15分鐘車程，好方便！呢個價仲要加埋搭港航航班、酒店自助早餐及Mini bar，超值！ 套票包： 香港航空香港至三亞來回機票 2晚酒店客房住宿，入住5星級三亞灣皇冠假日度假酒店 酒店自助早餐 專享房內Mini Bar及Wifi 出發日期：2017年10月8日-12月21日 廈門4日3夜套票．「鹽蒸養生」體驗 銀聯卡用戶專享優惠價 $999起 (另加機場稅及服務費) 除直航機票、5星級酒店連早餐及接送，呢個套票仲送酒店浴鹽體驗劵，免費享受鹽蒸養生療程！另外亦可以加購土樓一天遊，只需$368起！ 套票包： 廈門航空香港至廈門來回機票 3晚酒店客房住宿，入住廈門5星京閩中心酒店 酒店自助早餐 酒店至機場來回接送 酒店浴鹽體驗劵 出發日期：2017年10月12日-11月30日 (逢星期四) 廣州2日1夜套票．豪食龍蝦海鮮自助餐 香港居民專享價 $1,229起 (另加服務費) 近近地趁十一假期去廣州玩兩日，假都唔駛請！套票包括廣州香格里拉酒店住宿連早餐，仲有埋龍蝦海鮮自助晚餐，飲飽食醉先返香港！ 套票包： 香港至廣州來回直通火車票 (指定班次) 1晚酒店客房住宿，入住廣州香格里拉酒店 酒店自助早餐 自助海鮮晚餐(龍蝦主題) 出發日期：即日-2017年10月8日 (逢星期五至日出發) 新加坡4日3夜套票．周末星洲抵玩之選 早鳥優惠價 $1,678起 (另加機場稅及服務費) 平日飛新加坡都唔平，依家仲要星期五出發連20kg寄艙行李，加埋3晚酒店！抵玩！ 套票包： Jetstar捷星航空香港至新加坡來回機票 3晚酒店客房住宿，入住 Fragrance Hotel - Pearl /...

飛新西蘭又有優惠，今次只係來回5千蚊左右！搭新西蘭航香港直航來回奧克蘭$4,170起 (連稅$4,903起)，抵呀！ 心思思諗緊搭新西蘭航空定國泰好？其實可以一過試兩間航空公司！國泰同新西蘭航空有 Code-share，例如去程搭新西蘭航空嘅NZ80、回程可以揀聯營嘅NZ4995，咁就可以兩間都搭晒啦！ 出發日期去到下年4月底前，可以買定慢慢plan。而以上票價已包23kg行李及機上餐飲！ 預訂資訊： 出發日期：2017年10月8日-12月10日、12月25日-2018年2月7日、2月21日-3月28日、4月6日-4月30日 機票有效期：3個月 預訂日期：即日-2017年10月3日 (售完即止) 預訂網址：https://www.cheapflights.com.hk

去追北極光唔駛捱貴機票！北歐航空推出優惠，香港航直來回斯德哥爾摩$3,306起 (連稅$3,792起)，連稅4千有找！ 經斯德哥爾摩轉機，來回其他北歐城市都有抵價：哥德堡$2,802起 (連稅$3,662起)、赫爾辛基$2,803起 (連稅$3,715起)、哥本哈根$3,149起 (連稅$4,114起)、奧斯陸$3,576起 (連稅$4,580起)！ 優惠可以Open jaw，例如斯德哥爾摩入、哥本哈根出，只需$3,549 (連稅$4,359)！此外，亦都可以選擇來回北歐城市時，其中一程Stopover斯德哥爾摩！ 票價包23kg行李及機上餐飲，而出發日期去到下年5月底，留意需於6月5日或之前回程。 飛斯德哥爾摩航班時間： SK964 09:10-13:40 / 09:20-14:40 (逢星期五至二) SK963 13:50-07:10 +1 / 15:00-07:20 +1 (逢星期四至一) 預訂資訊： 出發日期：2017年11月7日-12月15日、2018年1月9日-3月23日、4月10日-5月31日 預訂日期：即日-2017年10月3日 (售完即止) 預訂網址：http://www.ctrip.com.hk

ANA 延續飛名古屋優惠，機票連稅$2,686起！反正都係要訂酒店，如果上 Expedia「機票＋酒店」一齊訂會比分開訂更加抵，連稅計：4日3夜套票$3,217起！5日4夜套票$3,394起、7日6夜套票$3,748起！以上係2人同行嘅每位價錢，以入住最平住宿「名古屋站芥末青年旅舍」為例。 大家可以喺 Expedia 自選任何酒店，亦可自定旅程嘅日數，最長可以玩8日7夜。如果大家喺行程中會去唔同嘅景點，打算住唔同嘅酒店，搜尋時可以揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性，方便大家玩盡北陸唔同地方。 名古屋5日4夜「機票＋酒店」推介： 以下價錢以1月14日去，1月18日返為例。 機票＋Hotel MyStays 名古屋榮 ★★★｜連稅$3,603起 酒店位置旺中帶靜，距離榮站只有10分鐘腳程，交通方便。 機票＋名古屋站前大和魯內酒店 ★★★★｜連稅$3,985起 酒店距離 JR 名古屋車站僅5分鐘步程，去邊到咁方便。房間整潔、舒適，酒店內更設有投幣式洗衣機，樓下就有便利店。 機票＋名古屋榮區天然溫泉多米高級旅館 ★★★｜連稅$3,968起 酒店喺正市中心，位置優越，距離 Sakae 及 Fushimi 地鐵站僅4分鐘步程，而最大賣點係設有天然溫泉浴池！無錯！喺市心竟然有天然溫泉可以浸！而且四周圍遍佈食店同商店，搵嘢食同shopping 話咁易。 機票＋名古屋站前大和魯內酒店 ★★★★｜連稅$3,985起 酒店距離JR 名古屋車站僅5分鐘步程，去邊到咁方便。房間整潔、舒適，酒店內更設有投幣式洗衣機，樓下就有便利店。 除咗以上介紹，大家可以自由揀選 Expedia 上嘅任何酒店，亦可以改搭國泰。 搵平飛小秘技： 旅行日期至明年3月28日，但平飛唔係日日有，點樣可以易啲搵到平飛？由於 ANA 官網可以一次過顯前後一星期嘅票價，大家可以先上 ANA 官網睇下邊啲日子有平 (見到連稅$2,686就即係果日有平)。記低有平嘅日子，然後再上 Expedia「機票＋酒店」一齊訂。 另外，由即日起至9月30日，預訂套票即送價值$150嘅香港國際機場現金券！大家完成預訂後，記得填妥表格，完成登記後，現金券將會郵寄至閣下嘅登記地址。 預訂資訊： 出發日期：即日-9月28日、10月3日-12月20日、2月27日-12月28日、2018年1月1日-2月12日、2月20日-3月28日 (部分日子不適用) 機票有效期：2-7日 寄艙行李限額：2件各23kg (合共46kg) 預訂日期：即日-2017年10月31日 預訂網址：https://www.expedia.com.hk

土耳其航空為慶祝香港航線開通15周年，早前推出商務艙優惠：下年1月底前出發，香港來回歐洲各城市只需$15,032起！當中包括唔少熱門歐洲航點，北極光熱點斯德哥爾摩都有份！依家優惠期仲延長至9月30日添！ 香港出發來回連稅計：布加勒斯特$15,310起、斯德哥爾摩$15,367起、阿姆斯特丹$15,414起、日內瓦$15,420起、莫斯科$15,454起、米蘭$15,475起、布魯塞爾$15,480起、蘇黎世$15,497起、羅馬$15,612起、慕尼克$15,891起、尼斯$15,921起、法蘭克福$16,005起、巴黎$16,111起、倫敦$16,833起、曼徹斯特$16,998起！ 大家仲可以揀Open jaw，一票玩多地！以布魯塞爾入、阿姆斯特丹出為例，連稅$16,538起！優惠航點眾多，大家可以自由配搭，無論去北歐追北極光、去巴黎米蘭Shopping、或者去東歐感受小鎮風情都得！ 土耳其航空嘅商務艙出名服務好、質素高！佢喺2017 Skytrax 世界航空獎評選中，奪得「南歐最佳航空公司」、「全球最佳商務艙餐飲服務」、「全球最佳商務艙貴賓室」及「全球最佳商務艙貴賓室餐飲」四項大獎！咁高質嘅商務艙，最啱坐長途慢慢歎啦！ 如果就咁訂來回，上 Cheapflights 訂會平啲，如需要 Open Jaw，可以去 Expedia 用「多個目的地」功能搜尋及預訂。 預訂資訊： 出發日期：2017年10月3日-10月13日, 11月7日-2018年1月31日 (部分日子不適用) 機票有效期：1個月 寄艙行李限額：40kg 預訂日期：即日-2017年9月30日 預訂網址： https://www.cheapflights.com.hk (搜尋時記得揀 Business Class) https://www.expedia.com.hk/ (訂 Open Jaw)

正呀！阿聯酋航空隻曼谷早鳥優惠再減多啲，八百蚊就可以坐阿聯酋A380飛曼谷！ 香港直航來回曼谷只需$881起 (連稅$1,326起) 官網並無呢口價，要上 Cheapflights 預訂。航班去程限星期日至星期四出發，回程限星期一至星期五返港。想其他日子出發只需加約$100。 出發日期介乎10月5日至明年3月27日，旺季 / 紅日就無得平了。如想易啲搵到平飛，可以喺官網用月曆模式睇下邊日有平，然後再上 Cheapflights 以更抵價錢訂購。 航班時間係晚去下午返，放咗工就可以出發。 航班時間： 去程 EK385 21:15-23:15 回程 EK384 13:45-17:30 留意番，呢隻特價飛係包20kg寄艙行李，而唔係平時嘅30kg。 預訂資訊： 出發日期：2017年10月5日-12月17日、12月27日-2018年1月31日、2月21日-3月27日 (部分日子不適用) 停留期限：2日-1個月 寄艙行李限額：20kg 預訂日期：即日-2017年9月21日 預訂網址：https://www.cheapflights.com.hk

Zuji 推出全新12%酒店優惠碼！限時5日！ 預訂時於付款頁輸入指定代碼「ZHK12HTL0920」可以享有額外88折優惠！Zuji 優惠碼嘅優勝之處係房價連同稅項一併有得折，唔同其他預訂網只得房價可以折。 優惠適用於預訂全球任何酒店，名額500個，額滿即止。 精選酒店 (用咗優惠碼後)： 旅．晨行旅｜連稅$379起 頭等艙飯店 - 綠園道館｜連稅$423起 蒙特利格拉斯米爾飯店｜連稅$1,062起 品川哈爾頓酒店｜連稅$518起 福岡天神光芒飯店｜連稅$908起 明洞蒂馬克飯店｜連稅$489起 海雲台福瑞迪高級飯店｜連稅$451起 除咗以上推介，其他酒店都可以用折扣碼再88折，大家不妨上 Zuji 睇睇。 預訂資訊： 入住日期：即日起 (視乎個別酒店而定) 預訂日期：即日-2017年9月24日 (名額500個) 12%折扣代碼：ZHK12HTL0920 預訂網址：http://www.zuji.com.hk 提提您：同一時間唔同預訂網都有唔同嘅優惠，搵到心水酒店，可先上 HotelsCombined / Trivago 格下價。 輸入折扣碼嘅位置喺付款頁 (見下圖)。

又有英國靚價！今次維珍、英航、國泰三間同時劈價！2人同行直航來回倫敦$3,341起 (連稅$4,898起)、曼徹斯特 $3,070起 (連稅$5,118起)！ 當中以維珍飛倫敦、英航飛曼徹斯特最抵，而國泰寄艙行李有30kg，又可以聖誕出發或跨年，各有可取之處！三間嘅優惠都係5月底前出發，中間不適用日子就有所不同，大家可以按自己出發日子去揀返適合航班！ 國泰．2人同行每位價格： 倫敦$4,449起 (連稅$5,707起)、曼徹斯特$4,376起 (連稅$5,637起) 恒生信用卡用戶於Hutchgo使用優惠碼「HASE200」即可減$200，折扣後連稅計：倫敦$5,607起、曼徹斯特$5,537起。 出發日期：2017年10月2日-12月14日、12月24-31日、2018年1月8日-2月13日、2月19日-3月27日、4月6-10日、4月19日-5月31日 寄艙行李限額：30kg 停留期限：2-60日 預訂網址：http://www.hutchgo.com.hk (恒生信用卡減$200優惠券代碼：HASE200) 維珍．2人同行每位價格： 倫敦$3,341起 (連稅$4,898起)、曼徹斯特$3,186起 (連稅$5,010起) 出發日期：即日-2018年5月31日 (旺季日子不適用) 寄艙行李限額：23kg 停留期限：3-60日 預訂網址：http://www.ctrip.com.hk 英航．2人同行每位價格： 倫敦$3,840起 (連稅$5,238起)、曼徹斯特$3,070起 (連稅$5,118起) 出發日期：2017年10月8日-12月6日、12月24-27日、2018年1月14日-2月6日、2月21日-3月20日、4月17日-5月31日 寄艙行李限額：23kg 停留期限：3-60日 預訂網址：https://www.cheapflights.com.hk 預訂資訊： 預訂日期：即日-2017年9月25日 預訂網址： http://www.hutchgo.com.hk (恒生信用卡減$200優惠券代碼：HASE200) http://www.ctrip.com.hk https://www.cheapflights.com.hk 提提你：搜尋時記得人數必須揀2人或者以上先見到優惠！

港航新添置嘅A350客機除咗飛曼谷外，亦都有飛台北！依家仲有商務艙優惠，2人同行香港直航來回台北$1,663起 (連稅$2,118起)，包30kg行李同豐富飛機餐！呢個價可以歎新機商務艙，真係好抵玩，最啱一家大細親子遊！ 港航全新A350客機今個月先投入服務，新淨之餘空間極為寬闊，商務艙設平躺座椅，可以瞓住飛！上機前，更可享用港航新設嘅貴賓室，環境同餐飲都一流㗎，當中有香港機場最長嘅食物枱，大把美食任揀！ 出發日期去到下年3月，跨年都有平！例如除夕出發、1月4日回程都可享以上優惠價。預訂時，記得揀返人數係2人或以上先搵到平飛！ 留意返，唔係每班航機都用A350客機，12月17日前飛台北都有機會搭到，之後就要飛長線先坐到！不過，搭A330同樣有平躺座椅㗎！選擇航班時，可以喺「詳細資料」睇所屬機型，亦都可以參考以下部分會用A350客機嘅航班時間。 A350客機航班時間參考： HX252 09:10-11:15 / 09:05-10:55 HX282 17:50-19:50 / 16:40-19:00 HX253 12:15-14:15 / 11:55-13:45 HX283 20:50-22:55 / 20:00-22:10 預訂資訊： 出發日期：即日-12月18日、12月30日-2018年2月13日、2月21日-3月23日 機票有效期：14日 預訂日期：即日-2017年10月31日 (售完即止) 預訂網址：http://www.hutchgo.com.hk