Big Fun Trip 旅遊情報

大韓、韓亞推出首爾全年優惠，出發日期去到2018年2月。最驚喜係連復活節、聖誕節、除夕/新年前後出發都有得平。 2017年4月前出發： 大韓航空．來回首爾$1,725起 (連稅$1,960起) 韓亞航空．來回首爾$1,739起 (連稅$2,082起) 2017年4月後出發： 大韓航空．來回首爾$1,882起 (連稅$2,117起) 韓亞航空．來回首爾$1,784起 (連稅$2,176起) 以傳統航空嚟講，呢啲價位已經算係抵玩，如喺聖誕、除夕/新年呢啲旺季日子出發，價錢直情係爆抵！票價已包23kg寄艙行李及飛機餐。 去程及回程航班都無特別限制，視乎供應而定。 紅日旺季出發策略： 復活節：4月11日去、4月18日返 (請4日放8日) 聖誕節：12月20日去、12月26日返 (請3日放7日) 除夕/新年：12月26,27,28,29,30日去、2018年1月1日返 (最多請3日放7日；最少請0日放3日) 預訂資訊： 出發日期：即日-2017年3月31日、4月5日-4月11日、4月18日-7月6日、8月27日-9月27日、10月4日-2018年2月4日 停留期限：最長1個月 免費寄艙行李限額：23kg 預訂日期：即日起 預訂網址：http://www.ctrip.com.hk *Ctrip 個系統反應有時會較慢，搜尋時，可能要俾多一、兩秒個系統由張貴飛chok 番張平飛出嚟。另外，佢預設咗旅遊保險嘅費用，如想自行安排旅保 (旅保格價)，輸入出生日期後可自行剔除。

HK Express 失驚無神推出Mega Sale！只限今日！ 今次優惠有14個航點，單程只需$99！必搶！ 來回連稅：芽莊$577、台中/花蓮$583、塞班$590、峴港$595、清萊/清邁/布吉$644、仰光$670、暹粒$653、首爾$655、關島$655 旅行日期由2017年2月13日至4月12日 以上價錢未包寄艙行李及機上餐點。 寄艙行李費用：20kg 每程$229，25kg 每程$360，30kg 每程$365 網上後加行李：20kg 每程$275，25kg 每程$430，30kg 每程$435 成功訂購機票後，建議screen cap、影相去記低訂單資料，以方便日後查詢預訂機票狀態 預訂資訊： 出發日期：2017年2月13日-4月12日 停留期限：無限制 預訂日期：2017年2月10日 (只限一日) 預訂網址：https://booking.hkexpress.com *HK Express 個系統預設加左寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。 提提你： 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx  

嚟緊嘅暑假想飛但又未Plan 好去邊度玩？咁就啱啦！中旅社推出勁抵嘅「香港航空1+1機票組合優惠」！ 香港直航來回溫哥華＋直航來回日本/首爾/東南亞機票只需$4,938！連埋稅只需五千多起。 呢個機票組合優惠包兩張機票：第一張機票係指定嘅溫哥華航線，賣點係可以喺暑假超級旺季出發！而另一張機票係直飛日韓/東南亞，出發日期仲去到2018年1月。 當國泰賣緊成六千蚊飛溫哥華嘅時候，依家五千蚊就已經包咗直飛溫哥華再加另一個航點！真係抵到跳舞！ 香港航空係傳統航空公司，飛溫哥華包左2件23kg寄艙行李，飛日本/首爾/東南亞就有20kg寄艙行李。 組合航點可以揀： 日本/韓國：東京/沖繩/鹿兒島/宮崎/首爾 東南亞：台北/曼谷/河內/金邊/三亞/海口 預訂資訊： 出發日期： 2017年6月30日-8月31日  2017年9月1日-2018年1月31日 2017年9月1日-9月28日、10月2日-10月3日、10月6日-12月21日、12月26日-2018年1月31日 停留期限： 2-7日  1個月 預訂日期：2017年2月6日-2月24日 呢隻優惠官網無得訂㗎，有興趣嘅話可以打電話或電郵中旅社查詢。 查詢電話：2998-7888 電郵：[email protected]

正呀喂！Klook 推出情人節勁减優惠，全線產品預訂金額滿$2,000，於付款頁輸入優惠碼「KLKHKVDAY2017」即減$200！用到盡嘅話即係額外有多9折！ 今次要訂夠$2,000先有折，所以最啱就係愛嚟買主題樂園門票，例如買2張日本迪士尼2日pass 都差唔多夠數，又或者買環球影城門票再+快證。 另外，日韓台WiFi 蛋每日只需$12起、香港機場快線$42起。 提提大家，如果所訂嘅行程、景點、門票爭少少先夠二千蚊，可以係同一訂單中訂埋WiFi蛋、機場快線車票等去湊夠數。 小編心水推介： 東京迪士尼樂園/迪士尼海洋．一日電子門票｜每張$509起 (預訂) 東京迪士尼樂園/迪士尼海洋．二日電子門票｜每張$908起 (預訂) 日本環球影城門票｜每張$509起 (預訂) 白川鄉合掌村巴士1日遊｜$460起 (預訂) 本島恩納村青洞浮潛和深潛 (自行前往)｜$468 (預訂) 日本4G隨身WiFi (香港機場領取)｜$12起 (預訂) 喜樂樂度假村雪上樂園｜$275起 (預訂) 首爾滑雪一日團．洪川大明滑雪場一日滑雪體驗｜$204起 (預訂) Vivaldi Park 滑雪世界 (含往返首爾接駁巴士)｜$204起 (預訂) 韓式養生「仁寺洞汗蒸幕」｜$47起 (預訂) 韓國4G隨身WiFi (香港機場領取)｜$12起 (預訂) 墨爾本動物園門票｜$181起 (預訂) 機場快線 (預訂) 單程車票：青衣站 $60 $42、九龍站 $90 $63、香港站 $100 $70 來回車票：青衣站 $110 $77、九龍站 $160 $112、香港站 $180 $126 預訂資訊： 預訂日期：即日-2016年12月31日 滿$1,000減$100優惠碼：KLKHKVDAY2017 預訂網址：https://www.klook.com/zh-TW/promo/klkvdayhk2017

香草航空會喺聽日 (2月10日) 6pm 再推平機票呀！不過今次唔係東京，只得北海道札幌！ 香港單程經東京飛札幌$706起，來回連稅約$1,903起 ！ 另外，單買東京來回札幌都得，單程$128起，來回連稅$388起！ 由於今次優惠香港飛東京並無平，所以價位高咗。建議大家先入手東京至札幌航段，等香港飛東京段有平先再入手。 以上價格不包行李寄艙及飛機餐。 寄艙行李費用：20kg 每程HK$305，之後每5kg $79 另外，香港航空都做緊札幌優惠，來回只需$2,290起 (連稅$2,572起)！不妨睇埋。 預訂資訊： 出發日期：2017年4月2日-5月31日 預訂日期：2017年2月10日 (6:00pm)-2月16日 (10:30pm) (香港時間) 預訂網址：www.vanilla-air.com.hk

捷星航空 (Jetstar) 推出情人節限時熱賣，來回東京連稅$955起、大阪連稅$1,057起！如果上ZUJI「機票+酒店」一齊訂，可以再抵啲。 東京「機票+酒店」套票： 4日3夜連稅每人$1,245起 (以5月15日去、5月18日返為例)； 5日4夜連稅每人$1,381起 (以5月15日去、5月19日返為例)； 大阪「機票+酒店」套票： 4日3夜連稅每人$1,270起 (以5月15日去、5月18日返為例)； 5日4夜連稅每人$1,374起 (以5月9日去、5月13日返為例)； 以上為二人同行嘅每位價錢，已經包咗Jetstar 來回機票、整個旅程嘅住宿、稅項！旅程可長可短，可以選擇少啲日數或多啲日數都得。一人出發亦可，不過會貴啲，因為無朋友仔同你攤分房價。 出發日期至2017年6月30日前出發 (部分日子不適用)。3月同5月會有多啲平套票，2月、4月同6月嘅平套票就較少。 東京5日4夜套票推介： 以下套票價錢，以3月14日去，3月18日返為例： 機票＋西新井標誌飯店 ★★｜連稅$1,536起 2015年尾開幕嘅青年旅館，距離東武晴空塔線嘅西新井站只有3分鐘步程，鄰離有AEON，shopping 同搵食都方便。 機票＋APA 新宿歌舞伎町塔樓飯店 ★★★｜連稅$2,370起 酒店位置非常方便，酒店距離JR新宿站只有5-8分鐘步程，酒店附近就係歌舞伎町區，四周都有食店、便利店、酒吧。酒店頂層仲可以免費浴場！ 機票＋東新宿 E 飯店 ★★★｜連稅$2,563起 酒店喺地鐵東新宿A1 出口旁邊，行30秒就到，附近有好多便利店、食店，非常方便！ 大阪5日4夜套票推介： 以下套票價錢，以5月9日去，5月13日返為例： 機票＋大阪難波陽光之路飯店 ★★★｜連稅$2,212起 位置極佳，日本橋站6號出口附近，行去道頓堀、黑門市場只需3-5分鐘。 機票＋HOTEL MYSTAYS 堺筋本町 ★★★｜連稅$2,242 酒店位於梅田，行去堺筋本町地鐵站約需6分鐘，距離大阪城堡約15分鐘步程。 除咗以上介紹，大家可以自由搭配唔同嘅酒店，亦可自訂旅程嘅日數。 留意，以上價錢未包行李寄艙嘅費用，如需加行李，可以喺「檢視行程」頁面加購，每程15kg $165、20kg $190、25kg $220、30kg $255、35kg $290、40kg $325。另外，每人免費有7kg手提行李。 提提您，訂嘅時候，可選擇以「價錢」從低至高排起，咁就可以方便啲搵出最平套票啦。 預訂資訊： 旅行日期：2017年2月23日-3月24日、5月9日-5月24日、6月1日-6月30日 停留期限：不限 寄艙行李：20kg 預訂日期：即日-2017年2月11日 預訂網址：https://www.zuji.com.hk

香港航空有隻夏季尾出發嘅沖繩優惠！ 香港來回沖繩只需$970起 (連稅$1,268起)！ 最正嘅係航班方面並無限制，時間任揀！ 出發日期由8月27日至9月25日，可以食正暑假最尾果幾日。而9月去沖繩亦係最佳月份，因為5至6月係梅雨季，7至8月又多颱風，相對嚟講，9月份屬於夏季尾，熱得嚟無7至8月咁辛苦，又少啲颱風，啱晒玩水上活動。 港航係傳統航空公司，票價已包20kg寄艙行李及飛機餐。 預訂資訊： 出發日期：2017年8月27日-9月25日 停留期限：2-7日 免費寄艙行李限額：20kg 訂飛日期：即日起 訂飛網址：http://www.hongkongairline.com (更新．已售罄) 留意： 大家揀完機票後，港航個預訂系統會自動幫你揀高一級價錢嘅「自在飛」類別！如果無需要「自在飛」所包嘅附加項目，記得揀番「優惠經濟客艙」嘅類別，千其唔好買錯。 香港航空個預訂系統自動加咗旅遊保險嘅費用，如無需要或自行安排，可剔走有關選項。

暑假飛台灣竟然有平飛？ 香港航空推出暑假台北優惠，香港來回台北只需$860 (連稅$1,196) 7月至8月暑假旺季出發。以暑假超級旺季嚟講，呢個價錢算好抵！ 不過咁，平飛只限晚機去早機返。如果想要靚少少時間，加多$290起可以揀早機出發，而其他時間會貴唔少。 港航係傳統航空公司，包20kg寄艙行李同飛機餐！ 平飛分佈日子：  7月3,4,8,9,10,11,12,15,16,17,18,19,23,24,25,26,29,30,31日、8月1,2,6,7,8,9,13,14,15,16,19,20,21,22,23日 2017年7月6日-8月26日 預訂資訊： 出發日期：參考上述 停留期限：2-7日 免費寄艙行李限額：20kg 預訂日期：即日起 訂飛網址：http://www.hongkongairlines.com 留意： 大家揀完機票後，港航個預訂系統會自動幫你揀高一級價錢嘅「自在飛」類別！如果無需要「自在飛」所包嘅附加項目，記得揀番「優惠經濟客艙」嘅類別，千其唔好買錯。 香港航空個預訂系統自動加咗旅遊保險嘅費用，如無需要或自行安排，可剔走有關選項。

酷航Scoot 同虎航Tigerair 聯手推出澳洲快閃優惠！ 香港來回珀斯、悉尼、墨爾本、黃金海岸只需$890起！ 來回連稅：珀斯$1,777、黃金海岸$1,894、悉尼$1,899、墨爾本$1,915 旅行日期由2月21日至5月31日。 呢啲價位真係唔飛唔得！快啲tag 埋旅友一齊訂飛至得。 香港飛新加坡航段會由虎航執飛，新加坡飛澳洲航段則由Scoot以 波音787夢幻客機執飛。 以上價錢未包寄艙行李 20kg FlyBag 每程$400、25kg FlyBag 每程$500、35kg FlyBag 每程$600 需要買埋行李嘅話建議直接揀買Flybag，會平過先買Fly 再另外加買行李(每程平$50) 另外，經新加坡轉機如果唔加錢買Scoot-thru 轉機服務嘅話，需要先領取行李入境新加坡，然後再出境新加坡上機。如果新加坡轉機時間太短嘅話，建議加購Scoot-Thru 轉機服務 (每程$110)，以免因提取行李而轉唔切機。 預訂資訊： 旅行日期：2017年2月21日-5月31日 預訂日期：即日-2017年2月9日 預訂網址：http://www.flyscoot.com/zhtw

虎航Tigerair 出咗快閃優惠！ 香港單程飛新加坡$173 (來回連稅$786)、經新加坡轉飛峇里島$421 (來回連稅$1,278)、馬爾代夫$870 (來回連稅$2,256)！ 旅行日期由2017年2月21日至5月31日。 新加坡可以早機去、午機返，時間算ok。 以上價錢並未包括寄艙行李既費用 新加坡 20kg 每程$150、25kg 每程$200、30kg 每程$250、35kg 每程$300、40kg 每程$350 馬爾代夫 20kg 每程$300、25kg 每程$400、30kg 每程$500、35kg 每程$600、40kg 每程$700 預訂資訊： 訂票日期：即日-2017年2月9日 旅行日期：2017年2月21日-5月31日 預訂網址：http://www.tigerair.com/hk/zh/