Big Fun Trip 旅遊情報

斯里蘭卡航空有隻曼谷優惠，來回曼谷$950 (連稅$1,383) 起！如果上Expedia 連埋酒店一齊訂，可以再平多啲。 二人同行，5日4夜套票連稅每人只需$1,484起！價錢已包斯里蘭卡航空來回機票、4晚住宿、30kg 寄艙行李、稅項。呢口價只係比張機票貴$101，但就已經全包、有埋住宿！一口價唔駛煩！ 旅遊日期唔一定5日4夜，可長啲或短啲，最多8日7夜。出發日期由即日起至2016年12月15日 (日期間斷，詳情見頁資料)。另外，補番差價亦可改搭其他航空公司如國泰、泰航、阿聯酋等。 留意，Expedia 嘅訂法係先揀酒店，後揀機票。大家揀完酒店後，再揀航班就可以了。 斯里蘭卡航空．曼谷5日4夜套票推介： 來回機票＋艾薩努克公寓 ☆☆☆☆｜連稅$1,833起 (預訂) 酒店位處市中心是隆，行去河城購物中心只需約15 鐘。酒店提供免費接駁車前往區內要點及購物中心，出入方便。 來回機票＋曼谷素坤逸路50號華特福公寓 ☆☆☆☆｜連稅$1,854起 (預訂) 入住酒店式公寓，房間夠大，由開放式到一屋兩房都有，鄰近Terminal 21 購物中心及中央世界商業中心。 來回機票＋普拉索拉差達12號酒店 ☆☆☆☆｜連稅$1,859起 (預訂) 酒店房間夠大，有泳池、健身室等設施，附近有便利店、酒吧和食店，非常方便。距離Huai Khwang 地鐵站約8分鐘步程。 來回機票＋曼谷是隆中央酒店 ☆☆☆☆｜連稅$2,307起 (預訂) 距離Saphan Taksin BTS 站僅5分鐘腳程 ，搭的士到熱門購物區亦只是10分鐘，酒店樓下就有食肆、超市！ 來回機票＋曼谷 Terminal 21 酒店 ☆☆☆☆｜連稅$3,214起 (預訂) 酒店位置勁方便，喺正Terminal 21 購物中心及BTS隔離，無論shopping、搵食定去其他地方都好Easy。 除以上推介，大家可以自由配搭唔同嘅航空公司同酒店。套票可以一人出發，但因為無人同你分擔房價，價錢會貴啲。 另外，如果大家想喺行程中住唔同嘅酒店，可以喺行程搜尋中揀「我只需要在部分旅程中入住酒店」，咁就可以設定套票包邊幾晚酒店，其餘日數再加訂其他酒店，更具彈性。 預訂資訊： 出發日期：即日-9月30日、10月9日-12月15日 訂飛日期：即日-12月15日 停留期限：2-7日 免費寄艙行李：30kg 預訂網址：http://www.expedia.com.hk (提提您：Expedia 嘅預訂步驟係先揀酒店，後揀航空公司及航班)

好癲呀！千一蚊飛歐洲！ 卡塔爾航空推出超震撼三折優惠，香港經多哈飛歐洲各地來回只需$1,160起！涵蓋歐洲56個目的地！ 來回連稅：伊斯坦堡$3,413、馬德里$3,533、布魯塞爾$3,535、米蘭$3,545、蘇黎世$3,579、羅馬$3,651、巴黎$3,763、奧斯陸$3,816、莫斯科$3,819、巴塞隆拿$3,835、維也納$3,839、日內瓦$3,846、阿姆斯特丹$3,848、哥本哈根$3,848、威尼斯$3,855、柏林$3,856、慕尼黑$3,903、斯德哥爾摩$3,915、赫爾辛基$3,972、雅典$4,015、法蘭克福$4,034、曼徹斯特$4,209、愛丁堡$4,529、倫敦$4,468、伯明翰$4,518 連稅三千四起坐卡塔爾航空飛歐洲，真係爆抵！而且仲可以坐到全新波音787夢幻客機！卡塔爾航空每日都有兩班由香港飛多哈航班，呢兩班都係以全新波音787夢幻客機執飛，新機硬件唔錯，大家可以坐得更舒適。 另外商務艙都有優惠，來回只需$11,000起，連稅$13,472起！ 以上價錢係二人同行價，一人同樣有優惠，經濟艙只需俾多$200，商務艙只需俾多$500。 如果大家經卡塔爾航空官網買經濟艙 booking class N/S 嘅機票，同行小童仲可以免費添，只需俾番稅項同其他費用就搞掂了。 呢隻優惠可以 open jaw，即係去程同回程可選擇由唔同城市進出，大家喺卡塔爾航空官網首頁揀 Multi-city 就可訂到 open jaw 機票。 想易啲搵到 open jaw平飛，大家可以先就咁 search 來回地點A，以及來回地點B，記低兩個地方有平飛嘅日子。然後，用官網首頁嘅「Multi-city」功能，將地點A有平飛嘅日子配搭地點B有平飛嘅日子，咁就可以搵到 open jaw 平飛㗎喇做。 另外，經官網預訂仲可以賺到3倍 Qmiles 飛行里數 (適用於2016年10月30日前出發，需登記成為Privilege Club 會員並提前24小時進行優惠登記。) 留意番，卡塔爾航空飛歐洲係經多哈轉機。 預訂資訊： 出發日期：2016年9月15日-12月14日、2017年1月11日-6月30日 訂票日期：2016年8月29日-9月5日 免費寄艙行李：經濟艙30kg (不限件數)、商務艙40kg (不限件數) 預訂網址：http://www.qatarairways.com

有時去旅行俾多少少坐商務艙真係唔算過份！ 斯里蘭卡航空飛曼谷推出咗商務艙優惠，來回曼谷只需$1,950 (連稅$2,404)！呢口價錢坐商務艙去曼谷的確吸引，而且仲包40kg 寄艙行李，想點掃貨都唔怕爆喼！ 另外，經濟艙都有得平，來回曼谷只需$950 (連稅$1,383)、科倫坡$2,678起 (連稅$3,207起)、馬爾代夫$2,740起 (連稅科$3,168)！經濟艙都包成30kg 寄艙行李！曼谷經濟艙嘅價錢只算係一航，科倫坡同馬爾代夫就算唔錯，但平飛唔係日日有，大家要識下唔同嘅日子。 曼谷航班時間就係晚機去午機返，啱晒周未前放工就上機，去番個週末叉下電！ 馬爾代夫需要喺科倫坡轉機，但去到果邊都仲係日頭，可以直入Resort 即歎！ 留意番，斯里蘭卡航空唔係日日都有航班，曼谷去程及回程逢星期一、四、六有航班；馬爾代夫去程逢星期一、四、六有航班，回程逢星期三、五、日有航班。 曼谷航班時間： 香港>曼谷：UL893 18:15-20:05  (一/四/六) 曼谷>香港：UL892 13:20-17:10  (一/四/六) 預訂資訊： 出發日期：即日-9月30日、10月9日-12月15日 訂飛日期：即日-12月15日 停留期限：2-7日 免費寄艙行李：商務艙40kg、經濟艙30kg 預訂網址： http://www.srilankan.com (曼谷商務艙)  http://www.hutchgo.com.hk (曼谷、科倫坡、馬爾代夫經濟艙)

HK Express 今晚12點 (8月29日00:00) 又推震撼優惠，用埋85折優惠代碼後，全線航點單程只需$89！ 來回連稅：廣島/鹿兒島/高松/石垣島$433、福岡$506、台中$563、峴港$570、曼德勒/仰光$614、釜山/濟洲$595、東京/名古屋$626、清邁/布吉$616、暹粒$633、首爾$637、大阪$661 快啲tag 定朋友今晚一齊搶飛啦！ 主要航點旅行日期由9月1日至10月31日，曼德勒由9月1日至10月28日 以上價錢未包行李寄艙及機上餐飲。 行李寄艙費用：20kg $260、25kg $360、30kg $365 如果需要行李寄艙，建議喺預訂果陣加埋好了。因為之後於網上補購行李，收費會非賞之貴！20kg 每程$390，25kg 每程$540，30kg 每程$545！ 如果買左Ufly-Pass優先購票證，宜家就可以提早上去買了。 預訂資訊： 旅行日期：2016年9月1日-10月31日 預訂日期：2016年8月29日-8月30日5:59pm 停留期限：無限制 15%優惠碼：UBERHK15 預訂網址：https://booking.hkexpress.com *HK Express 個系統預設加左寄艙行李同旅遊保險，如果唔需要記住自行剔除，揀「無托運行李」同「不用，謝謝。我將另行安排旅遊保險」。 提提你： 訂飛時HK Express 系統預設左行李寄艙及旅遊保險嘅費用，如無需要請自行取消。 成功訂購機票後，建議 screen cap或影低訂單資料，方便日後查詢預訂機票狀態。 訂票時所遇到的常見問題：http://www.hkexpress.com/zh-hk/needhelp/faqs.aspx

依家啲歐洲特價盤筍到連聖誕旺季都可以飛！今次輪到Skytrax 2016年全球最佳航空「阿聯酋航空」。 香港經杜拜來回歐洲各地$3,590起！聖誕、跨年都有得平！ 來回連稅：阿姆斯特丹$4,299起、馬德里$4,325起、慕尼黑$4,369起、米蘭$4,434起、巴黎$4,553起、維也納$4,558起、巴塞羅那$4,604起、倫敦$4,988起。 論價錢，俄航會較平，但以阿聯酋航空嚟講，算係幾唔錯，話晒都係全球最佳航空公司，當中倫敦連稅唔駛五千！加上仲可以聖誕旺季出發，確實吸引！例如可以12月24日去，跨埋年1月3日返。 官網並無呢個優惠，大家可以上Ctrip 出飛。 預訂資訊： 出發日期：9月11日-9月26日、10月3日-12月31日、2017年1月11日-1月24日、2月2日-3月31日 (回程不適用於10月4日-10月9日、2017年1月30日-2月5日) 訂票日期：售完即止 停留期限：1個月 免費寄艙行李：30kg 預訂網址：http://www.ctrip.com

有冇粉絲準備9至10月去泰國而又仲未訂酒店？ 泰國ibis 酒店為慶祝進駐泰國8週年，會喺今晚1點 (8月29日1am) 推出限時優惠！泰國ibis 酒店低至888泰銖 (約$199) 起！地點包括曼谷、蘇梅、喀比、芭堤雅、華欣、布吉等，呢口價仲包埋早餐添！會員更可以參加抽獎，10位得獎者將可獲得10,000 Le Club 積分，兌換成免費住宿！ 優惠酒店： ibis Bangkok Sathorn ibis Bangkok Nana ibis Bangkok Riverside ibis Bangkok Siam ibis Hua Hin ibis Samui Bophut ibis Phuket Patong ibis Phuket Kata ibis Pattaya ibis Styles Krabi Ao Nang 今次優惠只限Accor 會員，大家可以預先登記做咗會員先，到開賣時就可以即刻入去買啦！ 官方話酒店888泰銖起，實際價錢要到開賣時先知。 預訂資訊： 入住日期：2016年9月1日-10月30日 訂房日期：8月29日1am-9月1日0:59am 預訂網址：www.accorhotels.com

Booking.com 全球精選酒店低至5折優惠！ 優惠涵蓋全球唔少旅遊地點，熱門地點如東京、首爾、曼谷、新加坡、巴黎、倫敦、洛杉磯、三藩市、紐約、多倫多、悉尼、墨爾本等當然走唔甩，除此之外，冷門地點如布宜諾斯艾利斯、聖保羅、開羅等都有，大家不妨睇下有冇啱嘅地方。 優惠不限入住日期，幾時入住都得。 預訂資訊： 入住日期：即日起 預訂日期：即日起 預訂網址：http://www.booking.com 搵到心水酒店，預預前不妨上埋HotelsCombined 酒店格價網 格下價先。

無咁多AL 飛但又想relax 下？去澳門啦！踏入9月淡季，澳門酒店嘅減價戰又嚟啦！ 依家仲有兩間新酒店——澳門永利皇宮、澳門巴黎人加入，真係夠晒熱鬧！ 全新酒店： 澳門永利皇宮酒店｜每晚$1,470起 (連稅$1,691起)．(詳情) 現已開幕，金光閃閃，排場夠豪，仲有纜車圍住轉。留意部份房型包觀光纜車門票。 澳門巴黎人酒店｜每晚$912起 (連稅$1,049起)．(詳情) 9月13日開幕，酒店內嘅巴黎鐵塔乃依照艾菲爾鐵塔1/2比例建造，係澳門嘅新地標。 2015年開幕新酒店： 澳門新濠影匯酒店明星滙｜每晚$714起 (連稅$821起)．(詳情) 留意部分房型仲包影匯之星、蝙蝠俠夜行飛馳套票，好抵！ 澳門皇冠假日酒店｜每晚$638起 (連稅$740起)．(詳情) 酒店走平實、舒適路線，呢個價錢住到4.5星，屬平價之選。 除咗以上4間新酒店推介，仲有其他酒店優惠酒店，大家不妨上Ctrip 睇睇。 預訂資訊： 入住日期：9月1日-9月30日； 9月26日-10月13日 (平房主要係星期日至星期四入住) 預訂日期：即日起 預訂網址：http://www.ctrip.com.hk 搵到心水酒店，預預前不妨上埋HotelsCombined 酒店格價網 格下價先。

荷蘭皇家航空推出德國漢堡快閃優惠！ 香港經阿姆斯特丹/巴黎來回漢堡$3,300 (連稅$4,295) 起。 回程仲可以 open jaw，由歐洲其他城市走 (例如奧斯陸、羅馬、威尼斯、蘇黎世、馬德里、巴塞隆拿、赫爾辛基、斯德哥爾摩等)，連稅$4,303起！如需 open jaw，可使用「多個目的地」功能搜尋。 呢個優惠另一賣點係聖誕跨年日子都有得平！ 旺季平飛分佈： 聖誕/跨年：12月25,26,27日去；1月10日或之後返 農曆年:1月24日去；1月30日返 (請4日放7日) 如果 open jaw 都唔夠，想再玩盡啲，可以補少少錢停留轉機點 (姆斯特丹/巴黎) 最長24小時，咁就可以喺阿姆斯特丹同巴黎快閃玩一晚！舉例，如聖誕/跨年時段去 (12月25日去；1月10日返)，可以用「多個目的地」功能分4個航段輸入以下各航段資料再search。 第1程：2016年12月25日 香港>阿姆斯特丹 第2程：2016年12月26日 阿姆斯特丹>漢堡 第3程：2017年1月10日 羅馬>巴黎 第4程：2017年1月11日 巴黎>香港 用以上方法可以一票玩晒荷蘭、德國、意大利、法國共四個國家，來回連稅亦只需$4,634起！ 預訂資訊： 出發日期：9月11日-12月31日、2017年1月11日-3月31日 (旺季除外) 預訂日期：8月29日 (售完即止) 停留期限：最長1個月 免費寄艙行李：23kg (一件) 預訂網址：http://www.expedia.com.hk

話說小編好鐘意儲萬寧同莎莎啲印花去換喼！但次次都儲得好辛苦！今日就無意中喺HKTV mall 發現咗個爆抵嘅大牌子旅行喼！唔駛儲印花都一樣買到！ HKTV mall 將新秀麗 (Samsonite) 旗下美國旅行者 (American Tourister) 嘅「Sunset Square Spinner」28吋巨喼，由$2,000癲劈至$599！而且包3年全球保養兼免費送貨！仲有三隻色 (黑、紅、藍) 俾您揀。 另外，仲有5% Mall Dollar 現金回贈。 產品資料： Sunset Square Spinner 77cm/28inch 採用堅硬、防刮HS ABS材質，時尚輕便。使用固定密碼鎖、X型彈性束帶網狀夾層。 尺寸: 77 x 52 x 29cm 重量: 4.2kg 容量: 88L 3年全球保養 預訂資訊： 預訂日期：即日起 (售完即止) 出貨日期：8月26日預訂，最快9月02日送達 預訂網址：http://www.hktvmall.com *留意番，呢個優惠由Samsonite HK 出售，不設退貨。