Big Fun Trip 旅遊情報

香草航空會係聽日 (7月1日) 下午5時推出心動香草優惠！出發日期涵蓋暑假旺季。 香港飛東京成田單程只需$354，來回連稅$983，連稅唔駛一千。 賣點係可以暑假旺季出發，應該會好搶手！旅行日期由7月11日至10月29日 以上票價並未包括託運行李費用及機上餐飲。 留意：香草航空嘅託運行李收費比其他廉航貴！託運行李20kg每程$305，之後每5kg $79。如果多行李嘅話，建議可以分開去程及回程買，咁樣回程就會以円計，收費會平好多！又或者盡量同朋友share。 喺香草航空訂飛可以唔駛填Passport Number。 航班時間： 香港>東京 JW300 01:55-07:15、JW304 15:35-20:55 東京>香港 JW303 10:25-14:35、JW307 21:05-00:55+1 預訂資訊： 旅行日期：2016年7月11日-10月29日 訂票日期：2016年7月1日5pm-7月4日10:30pm 預訂網址：http://www.vanilla-air.com

香港航空推出暑假台北商務艙優惠！ 即日至7月14日出發：$1,290 (連稅$1,580) 7月15日至8月31日出發：$1,710 (連稅$2,000) 論價錢，其實同經濟艙唔係爭好多。港航嘅商務艙除左個位舒服D，賣點當然係平躺座椅 (Flat Bed)，就算航程短，短短地瞓個美容覺都好㗎！行李當然有得升級，包30kg寄艙行李。當然上機前仲可用埋貴賓Lonuge。 要留意A330-300機型 (333) 先有圖中180度全平躺睡牀 (商務艙介紹)。 港航官網並無此優惠，要上Hutchgo 出票。 預訂資訊： 出發日期：即日-2016年-8月31日 預訂日期：即日-7月4日 (或售完即止) 停留期限：最長14日 預訂網址：http://travel.hutchgo.com.hk (搵飛時記住揀「商務艙」)

Hutchgo 推出限時72小時日本訂房優惠，於付款頁輸入指定禮券碼，可獲額外82折優惠。 今次個優惠碼有成82折都算幾罕有！入住日期仲可以去到12月31日！ 優惠不設最低消費要求，只要預訂即時確認之酒店，輸入代碼即享82折優惠。 推介酒店： 新宿永國際酒店｜$635起 (連稅$774起) 新宿華盛頓酒店 ｜$805起 (連稅$981起) 格拉斯麗新宿酒店｜$1,005起 (連稅$1,225起) 道頓堀酒店｜$711起 (連稅$867起) 大阪喜來登都酒店｜$927起 (連稅$1,131起) 大阪宜必思尚品酒店｜$1,027起 (連稅$1,253起) 東京第一酒店沖繩格蘭美爾度假村｜$809起 (連稅$987起) 日本那霸希爾頓逸林酒店｜$820起 (連稅$1,000起) 沖繩聖瑪麗娜酒店｜$1,361起 (連稅$1,660起) 格拉斯麗札幌酒店｜$804起 (連稅$980起) 博多B酒店｜$411起 (連稅$501起) 名古屋The B酒店｜$612起 (連稅$746起) 除左以上推介，所有日本酒店都可以用電子禮券碼再減！ 預訂資訊： 入住日期：即日-2016年12月31日 預訂日期：即日-2016年7月3日 9:59am 電子禮券碼：HOTEL18 (於付款頁面填寫，只適用於已登記之會員) 名額：500個 預訂網址：http://travel.hutchgo.com.hk 提提你：搵到心水酒店，可先上HotelsCombined 格下價。 經測試：10月18日入住東京 新宿永國際酒店，輸入禮券碼後，連稅價錢由$913減至$744。  

香草航空啱啱推出咗一個優惠代碼，訂票時輸入「NRT270」可享即減$270優惠！ 折後香港飛東京 (成田) 單程只需$648 (連稅$813) 起！ 呢個優惠碼限訂繽紛香草嘅票價 (即係已包20kg行李同指定座位)，暑假旺季都適用，8月暑假尾仲有唔少$648票價，7至8月中正暑假就貴多百零蚊。 留意番，呢個優惠只適用去程JW304航班 (15:35-20:55)。可以單買去程或一次過買晒來回，但只有去程有得減。論價錢，如果淨買去程都算抵，但買來回就好似吸引力唔算大！ 優惠啱啱開賣，暫時供應充足。 預訂資訊： 出發日期：2016年7月1日-10月29日 預訂日期：即日-7月6日10:59pm 減$270優惠碼：NRT270 預訂網址：www.vanilla-air.com.hk

Ctrip 推出一系列的北海道機票及酒店優惠。 先睇酒店，今次推出嚟做特價啲酒店又幾唔錯喎！阿編對於以下酒店都幾有興趣。 優惠酒店每晚房價 (以10月18日入住為例)： 札幌TSUBAKI尊貴酒店｜連稅$525起 (雙人房) 札幌站南口轉右行5分鐘就到酒店，夠晒方便，鄰近BIC CAMERA 同便利店。 札幌最佳西方酒店｜連稅$589起 (單人房)、$616起 (雙人房) 酒店就近JR，由JR札幌北門出口行5分鐘就到，對面有串燒店，夜宵好方便。 札幌三井花園酒店｜連稅$817起 (雙人房) 由札幌站南口右轉步行5分鐘便到酒店，鄰近BIC CAMERA及便利店，每晚連稅$667。 小樽歐森飯店｜$575 (單人房)、$726起 (雙人房) 酒店位置方便，距離JR 小樽站僅3分鐘步程，酒店設有桑拿、大浴池。 除左以上介紹，仲有其他嘅酒店可供選擇。 優惠機票： 再睇埋機票價惠，Ctrip 呢次所推出嘅係國泰航空香港來回札幌優惠，香港來回札幌$4,708起 (連稅$4,907起)！出發日期至2017年2月22日。 留意番，Ctrip 個系統反應較慢，搜尋時，可能要俾多一、兩秒個系統由張貴飛chok 番張平飛出嚟。 經測試，以10月18日去，10月25日返，來回連稅$4,907起！ 預訂資訊： 出發日期：即日起 預訂日期：售完即止 預訂網址：http://www.ctrip.com.hk

Hotels.com 推出台北藝術節慶訂房低至3折優惠！ 預訂金額滿$2,999，可同時使用優惠碼 "HK299OFF"，額外再減多$299！ 是次優惠涵蓋台灣821間酒店，入住日期至12月31日。 預訂資訊： 入住日期：即日-2016年12月31日 預訂日期：即日起 (售完即止) 滿$2,999減$299優惠碼：HK299OFF (此優惠碼有效期至7月1日，如使用此優惠碼訂房，入住日期只去到9月30日) 預訂網址：http://www.hotels.com 提提你：搵到心水酒店，可先上HotelsCombined 格下價，因為唔同預訂網都有唔同嘅優惠。 以上優惠代碼不適用於某些連鎖酒店集團，當輸入優惠代碼後會出現「此折扣代碼不適用於你想預訂的酒店」。

香港航空推出黃金海岸、開恩茲航線早鳥優惠！連稅三千五就可以飛澳洲啦！ 香港來回黄金海岸/開恩茲只需$2,950！來回連稅：黄金海岸$3,570，開恩茲$3,714 香港航空係傳統航空公司，票價已包30kg寄艙行李及機上餐飲。出發日期由8月13日至2017年3月23日 (部分日子除外)。 現時，黃金海岸呢條線只得港航獨家做直航，所以呢口價真係超值！而且仲可以暑假出發。 同埋，優惠仲可以Open Jaw，即係去程及回程由不同城市進出，一次過玩哂黃金海岸同開恩茲！至於黃金海岸飛開恩茲果程內陸機，可以加$800搭返港航或者坐廉航如Jetstar！如需open jaw ，可使用「多個目的地/中途停留」搜尋。 航班時間： 黃金海岸： 去程：HX15 18:45-12:15+1 (二、四、六) 回程 (中停開恩茲)：HX16 10:05-19:05 (三、五、日) 開恩茲： 去程 (中停黃金海岸)：HX15 18:45-06:05+1 (二、四、六) 回程：HX16 13:50-19:05 (三、五、日) 預訂資訊： 出發日期：2016年8月13日-12月19日、12月27日-2017年1月25日、2月5日-3月23日 預訂日期：優惠需要提前45日訂票 停留期限：2-14日 預訂網址：http://www.hongkongairlines.com

AirAsia 出咗個夏日輕鬆遊優惠！香港/澳門單程飛泰國/馬來西亞只需二百蚊起！如果連埋酒店一齊訂可以再慳多啲！ 香港出發，4日3夜套票連稅曼谷$1,064起、布吉$1,463起、清邁$1,199起、吉隆坡$986起、沙巴$1,055起！ 澳門出發，4日3夜套票連稅芭堤雅$1,435起！ 以上價錢已經包咗來回機票、4晚酒店住宿、稅項。出發日期至11月底。 AirAsia 4日3夜套票推介：  來回機票＋曼谷暹羅智選假日酒店 ☆☆☆｜連稅$1,657起 (預訂) 酒店位置佳，行3分鐘到BTS National Stadium 站，MBK 就係附近。  來回機票＋曼谷Terminal 21 酒店 ☆☆☆☆｜連稅$2,033起 (預訂) 酒店位置勁方便，喺正Terminal 21 購物中心及BTS隔離，無論shopping、搵食定去其他地方都好Easy。  來回機票＋美爵布吉芭東大酒店 ☆☆☆☆☆｜連稅$2,043起 (預訂) 度假村位於巴東，靠近大海，有3個室外泳池、水療設施、健身至等設施，啱晒度假同休息。行去Jungceylon 購物中心、孟加拉夜街約15分鐘步程。另外，酒店提供接駁車到海灘及購物中心。  來回機票＋阿特平納克爾華考清邁酒店 ☆☆☆☆｜連稅$1,596起 (預訂) 酒店嘅設計有啲地中海風情，有個好特別嘅半室內泳池。位於舊城核心嘅外圍，勝在夠靜，不過尚算方便。  來回機票 (澳門出發) + 貝拉別墅普瑞瑪酒店 ☆☆☆｜連稅$1,480起 (預訂) 酒店位於芭堤雅海灘路，行10分鐘到達藝術天堂及芭堤雅海灘。行5分鐘更即可到達芭堤雅 Central Center 購物中心。 來回機票＋婆羅洲景觀套房酒店 ☆☆☆｜連稅$1,631起 (預訂) 套房夠晒大，設有廚房，適合一家大細！5分鐘車程就到海邊！ 費斯套房酒店＋來回機票 ☆☆☆☆☆｜連稅$1,745起 (預訂) 酒店位置佳，皙51層有天際泳池，可以邊游邊望雙子塔，勁好feel。 以上套票已包AirAsia...

台灣虎航會喺明早 (6月29日) 9:00am 開賣一日限定優惠！ 台北/高雄出發單程飛澳門只需TWD777起 (約HK$186起)！其他航點單程TWD1,188起 (HK$284起)。 呢口價唔算特別平，但勝在可以暑假出發。根據經驗，澳門出發飛台灣都會有平！澳門粉絲可以留意下。 台北出發來回各航點連稅：澳門約HK$735起、仙台/函館/岡山約HK$788起、福岡約HK$857起、沖繩約HK$859起、張家界約HK$898起、沙巴亞庇約HK$933起、大邱約HK$944起、曼谷廊曼約HK$951起、東京成田約HK$966起、名古屋約HK$970起、東京羽田約HK$978起、新加坡約HK$980起、大阪約HK$1,004起。 高雄出發來回各航點連稅：澳門約HK$735起、東京成田約HK$966起、大阪約HK$1,004起。 如果想暑假玩完台灣，再到其他城市玩嘅朋友可以諗諗！ 以上價格不包括飛機餐及行李寄艙。 行李寄艙費用 (台灣出發 - 每程)：15kg TWD750、20kg TWD850、25kg TWD950 預訂資訊： 出發日期： 2016年7月14日-8月31日、 8月12日-8月31日、 7月1日-8月31日 預訂日期：6月29日 09:00-23:59 停留期限：不限 預訂網址：http://www.tigerair.com

英鎊跌咗咁多，呢排又有咁多英國平機票！係時候走番轉英國喇！ 如果已經Plan 好嚟緊去倫敦，以下呢個優惠就真係合時！KKday推出「倫敦近郊景點」Local Tour 限時4日優惠！輸入折扣碼「KKFLYTOUK」即享8折優惠！折扣後九個精選行程低至HK$340起！費用已包門票、接送，唔駛自己搭公共交通工具兩頭騰！部分行程仲包午/晚餐添！ 九大行程夠晒多元化！包括走訪倫敦近郊人氣Check-point 如巨石陣、溫莎堡、巴斯、牛津、史特拉福、科茲窩等。 預訂資訊： 旅遊日期：即日-8月31日 預訂日期：即日-7月1日23:59 預訂網址：https://www.kkday.com