Homepage – Video | Big Fun Trip 旅遊情報

【優惠】Priceline 夏日限定優惠！台北來回機票$500起

13/06/2014 0

［想即時知最Big優惠，請 like FB...

去到北海道，如果只可以揀一樣嘢嚟食，一定係蟹﹗鱈場蟹、毛蟹、松葉蟹，隻隻肥美﹗嚟北海道要食過蟹個旅程先可以叫做完美﹗ 係札幌搵蟹食可以話無乜難度，但如果你連諗都唔想諗，最方便快捷就係去「蟹本家」或「蟹將軍」食蟹料理，兩間嘅質素分別不大，價錢相若，隨意揀一間就可以了。今次一落機就等唔切，直接踩入「蟹本家」，先嚟個方便蟹宴嚟以即時滿足我嘅蟹慾﹗ 由於太肚餓，一坐低唔駛9秒9就點左個套餐。前奏先來點小吃。跟住就當然係正式品蟹﹗從最純味的刺身吃起，鱈場蟹肉一疏一疏的，既有彈性又鮮甜無比﹗ 食完刺身，就食清蒸的，蒸熟的鱈場蟹，簡簡單單最能吃出鮮味﹗ 極品蟹膏﹗咸香鮮味﹗ 跟住係松葉蟹火鍋，又係另一番滋味﹗湯底燙過蟹後非常鮮味，不過記得唔好飲晒個湯﹗好戲還在後頭﹗ 然後係蟹腳鐵板燒、炸蟹肉飯糰、天婦羅蟹㶰，同埋焗蟹蓋，味道香口，但個人還是比較喜歡清蒸的，比較能吃出原本的鮮味﹗ 壓軸的是這個其貌不揚但鮮甜無比的雜炊（蟹粥）﹗就是剛才果個精華火鍋湯底所炊出嚟的﹗ 最後是夕張密瓜﹗完美﹗ 蟹本家網址：http://www.kani-honke.co.jp（相片及資料提供：Alex Lau）