首爾航空推出年度勁減「Cider Sale」！香港來首爾單程$100起、來回連稅$880起！平到要跳返隻 K-POP 舞啊！

出發日期係2月至10月份，即係話去賞櫻 / 初夏遊都有平飛！航班係凌晨機去、晚機返添！

首爾航空係韓亞旗下嘅廉航嚟，票價只包10kg手提行李額。不過寄艙費減咗啲：15kg ₩40,000 (約HK$269)！

優惠於1月14日早上9點開賣！遲咗睇都唔緊要，因為1月16日會額外再開賣多一千張飛！到時記得把握機會啦！

提提大家：以上優惠係會員限定嘅。去首爾航空官網申請成會員，登入後預訂就訂到平機票啦！

航班時間

去程：RS502 00:50-05:30
回程：RS501 20:10-22:50

韓亞、大韓、德威、濟航都做緊首爾優惠，可以睇埋比較下：

– 韓亞即飛價！Last minute 優惠！香港來回首爾$1,047起！連稅千七起(詳情)

– 初春遊韓！大韓靚價！香港來回首爾$1,007起！去過情人節都得！可周末快閃遊 (詳情)

– 即飛韓冬價！香港飛首爾單程$200起！來回連稅一千起！2020年3月底前出發(詳情)

– 濟航 Super Sale！櫻花季勁平飛！香港飛首爾單程$100起！來回連稅八百幾起(詳情)

預訂資訊：

旅遊日期：2020年2月1日-10月24日

預訂日期：2020年1月14日9:00AM-1月20日11:00PM (於1月16日9:00AM起，額外加開1,000張飛)

預訂網址：https://flyairseoul.com

連稅三千二飛到俄羅斯咁遠！俄航筍減，香港來回莫斯科$2,627起 (連稅$3,269起)！呢口價仲係搭直航機，平到跳舞啊！

優惠適用於3月前出發，買完 Plan 埋就差唔多飛得！可以去莫斯科克里姆林宮、紅場及聖巴索大教堂等地 Selfie 打卡！

而轉飛聖彼得堡都得：來回連稅$4,167起！或者 Open jaw 咁飛，莫斯科入、聖彼得堡出：連稅$3,736起！

如果想快啲搵到咩日子有平，可以先上俄航官網，搜尋後揀「Prices for a month」睇整月票價，然後上 Skyscanner 以更低價訂飛！

預訂資訊：

出發日期：2020年1月28日-3月4日 (須於3月4日或之前回程)

寄艙行李限額：23kg
機票有效期：5-160日

預訂日期：即日-2020年1月30日

預訂網址：https://www.skyscanner.com.hk (如 Open jaw，揀「多個城市」搜尋)

要平靚正遊東南亞，去越南又抵又好玩！乘搭越南航空，香港來回越南$654起！勁筍！

連稅計：胡志明市$1,346起、河內$1,386起！Open jaw 都得，例如河內入、胡志明市出：連稅$1,350起！

出發日期去到9月底，當中包括暑假旺季日子去都有平！最啱學生平平哋去歎世界、輕鬆下！

票價已包20kg寄艙行李額、飛機餐。胡志明市有早機去、傍晚機返添 (視乎供應而定)，時間好實用！

優惠於部分日子不適用，大家可先上越航官網睇幾時最平，之後去 Skyscanner 訂就最抵！

預訂資訊：

出發日期：2020年2月1日-4月7日、4月13日-4月28日、5月4日-9月29日

寄艙行李限額：20kg
機票有效期：1個月

預訂日期：即日-2020年1月16日

預訂網址：https://www.skyscanner.com.hk (如 Open jaw，揀「多個城市」搜尋)

國泰推出美國直航優惠價！香港來回三藩市$2,310起 (連稅$4,177起)！價格都唔錯啊！

出發日期係2月至3月份，可以趁初春去探探親、再齊齊去金門大橋前 Selfie 打卡！

票價已包飛機餐、2件23kg寄艙行李額！而且係直航機嚟，一程過夠晒方便啊！

平飛數量唔算多，大家可先上國泰官網睇多日票價，搵到幾時最平後再去Skyscanner 以更低價預訂！

加航、新航都做緊三藩市優惠，可以睇埋比較下：

– 美國筍價！香港來回三藩市$2,285起！洛杉磯 / 西雅圖都平！11月底前出發 (詳情)

– 新航新年價！香港來回新加坡$900起！連稅千三起！吉隆坡 / 三藩市都有平 (詳情)

預訂資訊：

出發日期：2020年2月1日-3月27日

寄艙行李限額：2件23kg
機票有效期：1個月

預訂日期：即日-2020年1月16日

預訂網址：https://www.skyscanner.com.hk

Last minute 遊韓癲價！韓亞有隻即飛平機票，再用埋永安嘅優惠券：預訂首爾雙人套票即減$400！於韓亞官網單買機票都要連稅$1,779起，依家只係貴幾蚊就可以訂到套票啦，認真勁抵！

韓亞航空．香港來回首爾「機票＋酒店」套票：4日3夜$1,114起 (連稅$1,786起)、5日4夜$1,178起 (連稅$1,851起)、6日5夜$1,243起 (連稅$1,915起)！

票價已包23kg寄艙行李額、飛機餐，並以入住最平住宿為例，2人同行每位計。優惠適用於3月底前出發，航班有得揀凌晨機去、晚機返添 (視乎供應而定)！

韓亞．首爾3日3夜選精套票：

(以3月22日去、3月25日返為例，2人同行每位計)

機票＋明洞藍山旅館 ★★★｜連稅$2,113起
座落明洞嘅酒店，位置極佳！行3分鐘可達地鐵「明洞站」！一落樓就已經可以 Shopping，附近仲有好多食肆！房間面積唔大，簡簡單單，適合喜歡方便及經濟實惠型嘅旅客！

機票＋明洞斯塔茲2號酒店 ★★★｜連稅$2,157起
酒店位置方便，距離地鐵「明洞站」、「忠武路站」 (3號線和4號線) 僅5分鐘步程，行去明洞購物區亦只需10分鐘。

機票＋GMS酒店 ★★★｜連稅$2,344起
2017年1月開幕，步行2分鐘便可達地鐵「永登浦站」，前往地下街購物非常方便。房間面積充足，介乎 20 – 25平方米；浴室設有浴缸，加上大理石牆身配搭，十分典雅。

機票＋首爾站設計者酒店 ★★★★｜連稅$2,355起
2017年2月開幕，位於龍山區的精品酒店。酒店門外就係地鐵「淑大入口站」 (4號線)，搭2個站就到明洞！酒店房由唔同設計師佈置，各有主題和風格，極富設計感！

機票＋首爾汝矣島格萊德酒店 ★★★★｜連稅$2,402起
於地鐵「國會議事堂站」4號出口旁邊，附近又有機場巴士，出入方便！酒店位於汝矣島，可以去汝矣島公園 / 漢江公園野餐！

機票＋天空花園酒店明洞1號店 ★★★｜連稅$2,520起
明洞最方便酒店之一，樓下就係明洞大街，甚麼類型的商店都一應俱全，行去地鐵站更只需3分鐘。Skypark 連鎖集團旗下，信心有保證。

機票＋明洞 PJ 酒店 ★★★★｜連稅$2,752起
酒店位於明洞區，喺地鐵「乙支路4街站」同「忠武路站」之間，附近多食肆、便利店。酒店房間夠大，提供免費接駁車來往明洞購物區同東大門。

優惠套票預訂流程：

1. 用手機進入優惠頁面，按「立即領券」(需會員登入 / 登記入會領取)
2. 按「下載 / 打開手機 App」，然後按「機酒套票」，輸入目的地及旅遊日期，按「搜尋 機票＋酒店」；又或者按「立即預訂」，輸入目的地及旅遊日期，按「搜尋 機票＋酒店」。
   
3. 如要揀其他時間嘅航班、或者搜尋後顯示並非 HK Express 航班，可按「更換航班」選擇
   
4. 揀完航班，就扲「更換酒店」揀酒店。大家可按「星級鑽級」排序；按「差價」以價錢排序；按「篩選」以地區揀酒店，或者按右上嘅放大鏡，直接輸入心儀酒店名稱。
   
5. 揀好航班及酒店後，按「訂單填寫」、輸入旅客及聯絡人資料，剔選是否加訂「保險」。
6. 前往「付款」頁面，於「優惠券」揀選是次東京套票優惠券，即可享折扣！
   

如要於行程中入住多間酒店，可於搜尋位置剔選「選擇部分日期入住」設定套票包邊幾晚酒店，然後再另外加訂其他日子嘅住宿就得，極具彈性。

提提大家，以上優惠係永安會員專享，同埋用手機網站 / App 先用到嘅。大家記得先成為永安會員，再經優惠頁面領取優惠券、然後用手機預訂，就可以訂到平套票！

預訂資訊：

出發日期：2020年1月16日-1月20日、1月30日-3月28日

寄艙行李限額：23kg
機票有效期：12個月

預訂日期：即日-2020年1月12日

領取優惠券網址：https://package.wingontravel.com (領取優惠券後，需使用永安手機版網站  / 手機 App 預訂)

阿聯酋劈價劈到去英國！香港經杜拜來回英國$1,132起！連稅計：倫敦$3,672起、曼徹斯特$3,701起！

優惠適用於11月底前出發。Open jaw 咁飛都得，例如倫敦入、曼徹斯特出：連稅$3,719起！

而8月尾去都有平：香港來回倫敦連稅$3,973起！旺季都係連稅四千有找，勁抵！

留意以上係特別票價，只包15kg寄艙行李額、及7kg手提行李額。如果初夏去的話，輕裝遊其實都夠用！

優惠唔係每日都有，大家可先上阿聯酋官網睇多日票價。搵到幾時有平飛後，再去 Skyscanner 訂就最抵！

提提大家：預訂時，記得睇清楚寄艙行李額有幾多啊。

新航、土航、卡塔爾、阿提哈德都做緊英國優惠，可以睇埋比較下：

– 歎飛北歐抵價！哥本哈根$2,330起！連稅二千八起！法蘭克福 / 倫敦都有平 (詳情)

– 英倫震撼價！極平飛英國！香港來回倫敦$302起！連稅三千三起 (詳情)

– 全球最佳航空爆抵價！卡塔爾航空來回歐洲$1,737起！連稅三千五起！商務艙$13,874起 (詳情)

– 歐洲勁平飛！香港來回歐洲各地$693起！連稅三千一起！可 Open jaw！6月前出發(詳情)

預訂資訊：

出發日期：即日-2020年1月21日、1月26日-7月2日、8月16日-9月24日、10月3日-11月30日

寄艙行李限額：15kg
機票有效期：4日-1個月

預訂日期：即日-2020年1月13日

預訂網址： https://www.skyscanner.com.hk (如 Open jaw，揀「多個城市」搜尋)