新年悶悶地，好想去旅行！不過現在先開始計劃新春旅行，未免太遲啦，一定要捱貴機票、酒店！其實澳門農曆新年都有好多豐富嘅活動，大家不妨去走一轉，當行返個大運！
唔講唔知，原來今年除咗係豬年，仲係澳門回歸20周年！所以今年嘅新春賀歲活動係有史以來最精彩嘅，絕對可以為大家帶來一個熱鬧嘅新年，慶賀豬年嘅來臨！
大年初一：大龍巡遊龍獅表演
所謂一年之計在於春，一日之計在於晨！正月第一日，當然唔少得舞龍舞獅啦！當日喺澳門街頭將會有大型嘅龍獅表演，長達1000米嘅大金龍絕對係亮點之一！而除咗有傳統採青，仲會有多項精彩表演，大家記住去湊湊熱鬧，拎返個好意頭呀！
2019農曆新年慶祝活動——龍騰舞躍賀新春
時間：早上9:50至10:10
地點： 外港客運碼頭（旅客入境大堂）
點睛儀式、龍獅隊表演、一條大金龍、18頭醒獅、燃放鞭炮
時間：11:00至11:20
地點：大三巴牌坊
大金龍、獅隊、財神、福祿壽三星、十二生肖、金童玉女、澳門旅遊吉祥物巡遊、燃放鞭炮
時間：11:21至12:00
地點：大三巴牌坊 → 議事亭前地
大金龍巡遊
時間：11:45至13:15
路線：議事亭前地 → 東方斜巷 → 崗頂 → 龍嵩街 → 擺華巷 → 政府總部 → 卑第巷 → 聖老楞佐教堂 → 亞婆井 → 媽閣街 → 媽閣廟 → 聖地牙哥酒店 → 西灣湖大馬路 → 南灣湖圓形地 → 西灣湖廣場
想由澳門財神得到利是？財神將會聯同福祿壽、金童玉女和澳門旅遊吉祥物——麥麥會喺不同地方大派利是！另外，在大年初一除了有澳門嘅龍獅表演隊之外，更邀請咗香港、葡萄牙、中國少數民族及印民嘅表演隊，喺不同嘅澳門著名景點同大家歡度豬年第一天！
香港表演隊（激鼓樂社（香港）有限公司）
時間：15:00至15:15
地點：北帝廟
葡萄牙表演隊（Marcha de Alfama）
時間：15:35至15:50
地點：氹仔龍環葡韻
中國少數民族賀新春代表隊
時間：17:15至17:30
地點：祐漢街市公園
印民表演隊（Griya Seni Ekayana）
時間：17:45至18:00
地點：漁人碼頭
大年初二：瘋搶利是睇表演
錯過咗年初一財神派利是？唔緊要，因為財神話人人有份永不落空，年初一拎唔到，年初二再派過！
日本表演隊（Audrey）
時間：10:40至11:00
地點：大三巴牌坊
荷蘭表演隊（Street Circus）
時間：11:25至11:45
地點：議事亭前地
英國表演隊（Sparkling Drums）
時間：12:10至12:30
地點：塔石廣場
斯洛伐克表演隊（Lego People）
時間：12:50至13:10
地點：南灣‧雅文湖畔
法國表演隊（Red World）
時間：13:25至13:45
地點：媽閣廟
呢天更會有來自日本、荷蘭、英國、斯洛伐克和法國等地嘅表演隊伍，千祈唔好錯過！
大年初三：金豕報歲喜回家2019農曆新年花車匯演
講到新年，又點少得花車匯演同放煙花？今年澳門嘅花車巡遊邀請咗32個來自五湖四海嘅表演團體，更有多達 18 架花車，配合返今年「回家過年」嘅主題，每一部設計都各有特色。澳門作為UNESCO聯合國「創意城市美食之都」，大家今年都可以喺花車上搵到不同嘅美食元素，有啲仲係代表「極好意頭」嘅菜式！
另外在花車巡遊期間，大家更可以掃描花車上面嘅QR code，即可進入投票平台參加「我最喜愛花車投票活動」，投選出你最喜愛嘅花車，提交埋簡單個人資料及聯絡方式後，就可以參加抽獎！睇吓你今年夠唔夠運，有機會贏取豐富大獎！
雖然當晚花車巡遊正式開始時間係晚上 8 點，不過其實早幾個鐘由下晝開始就會有不同嘅表演嘉賓暖場，包括大家都好熟悉嘅歐陽靖MC Jin、小肥、陳惠敏、古卓文等，一邊唱住歌，一邊同大家一齊等待精美嘅花車巡遊！
除此以外，當晚喺澳門旅遊塔對開海面亦會有煙花表演，以璀燦嘅煙花表演同大家一齊迎接豬年！
慶祝澳門特別行政區成立二十周年
金豕報歲喜回家2019農曆新年花車匯演
日期：二零一九年二月七日（星期四）
暖場表演時間：17:30
開幕表演時間：20:00至22:00
嘉賓司儀：林盛斌、楊詩敏、古卓文、陳庭鋒、程文政及陳如欣
表演嘉賓（西灣湖廣場）：歐陽靖MC Jin、小肥、陳惠敏、古卓文
巡遊路線：西灣湖廣場 → 孫逸仙大馬路 → 澳門科學館
年初三煙花表演
時間：21:45
地點：澳門旅遊塔對出海面
完咗花車巡遊之後，所有花車將會停泊喺澳門科學館海堤，畀大家拍照留念！
花車展覽
時間：2月7日22:00至2月10日17:00
地點：澳門科學館海堤
大年初六：花車匯演和文藝表演
錯過咗大年初三嘅花車匯演？唔緊要，年初六一樣有花車匯演！當日巡遊路線就有少少唔同，將會行經更多地方，由沙梨頭北街行到祐漢街市公園，雖然無煙花睇，不過就有文藝表演，一樣精彩！當晚仲會公佈埋得票最多嘅花車㗎！
年初六花車匯演及文藝表演
日期：二零一九年二月十日（星期日）
時間：晚上8點至9點30分
文藝表演時間：晚上8點15分至9點30分
文藝表演地點：祐漢街市公園
起步儀式地點：沙梨頭北街
嘉賓司儀：林盛斌、古卓文、陳庭鋒、李蔓瑩
表演嘉賓（西灣湖廣場）：龍世傑、周佩英、歐陽日華、曹永廉
巡遊路線：沙梨頭北街 → 青洲大馬路 → 拱形馬路 → 黑沙環馬路 → 慕拉士大馬路 → 黑沙環第四街 → 長壽大馬路 → 市場街 → 祐漢街市公園
花車展覽
時間：2月10日晚上10時至2月17日下午6時
地點：塔石廣場
新年想去澳門玩返轉嘅你，記住Mark實以上日子，一齊去澳門感受一個充滿氣氛嘅熱鬧新年啦！
