樂桃推出 Last minute 優惠價！香港飛沖繩單程$150起、來回連稅$734起！價格比之前平咗少少！

不過今次得沖繩有平咋！話就話係即飛價，但其實出發日期係6月底，仲要只限6月29及30日出發！

優惠於星期五 (5月10日) 早上10點開賣，只係限售2日咋，認真閃減！啱日子的話就記得準時搶飛！

預訂資訊：

出發日期：2019年6月29日-6月30日 (適用於回程 MM963 12:55-14:35)

預訂日期：2019年5月10日00:00-5月11日23:59 (香港時間)

預訂網址：https://www.flypeach.com

新航優惠減到去澳洲，今次勁多航點都有平！香港來回澳洲各地$2,500起！連稅三千三起咋！

連稅計：黃金海岸$3,375起、珀斯$3,432起、墨爾本$3,469起、阿得萊德$3,485起、凱恩斯$3,519起、悉尼$3,547起、布里斯班$3,567起！

航班係經新加坡轉飛嘅，票價已包30kg寄艙行李額、飛機餐。出發日期去到12月中，包括8月份嘅暑假日子去都有平！

優惠只適用於官網預訂，大家可於搜尋時嘅日期位置，一次過以月曆模式睇多日票價，就會快啲搵到幾時有平！

預訂資訊：

出發日期：2019年5月15日-7月3日、8月5日-12月15日

寄艙行李限額：30kg
機票有效期：2-21日

預訂日期：即日-2019年5月26日

預訂網址：https://www.singaporeair.com (揀「多點進出 / 入境停留」搜尋)

想嚟個快閃 trip？澳門係個唔錯嘅選擇！依家船飛仲有半價！

永安旅遊會喺今日 (5月8日) 1:00PM 至4:00PM 推出澳門船飛優惠！永安會員憑推廣碼「DF603」經永安官網或App，預訂來回澳門嘅金光飛航船飛，即享$160起震撼價！呢口價仲要已包$30離境稅及船上任用 WiFi！另外，再送每位一張「銀河逍遙賞代用券」，可以去澳門銀河免費食返餐！真係筍到跳舞！

留意返，呢個至抵價只限星期一至五 (公眾假期除外)，去程適用於18:00或之後嘅航程，回程適用於17:00前嘅嘅航程。如果想平日早去晚返都有平，每位$240起，都抵啦！

用推廣碼後，每個訂單最多可以減6次，成班 friends 出遊都可以齊齊享有超筍價啦！

另外，如果想住返晚靚酒店，再睇下 show 同食下靚 buffet 咁，仲可以憑以下推廣碼享住宿及活動價惠！

預訂全線澳門酒店滿$800 (未計稅) 減$80推廣碼：MH183 (有效期至5月19日)

預訂全線澳門當地玩樂美食產品消費滿$500減$50推廣碼：MK113 (有效期至5月19日)

預訂資訊：

出發日期：即日-2019年6月21日 (只限平日，公眾假期除外，視乎供應)

預訂日期：
[船飛] 2019年5月8日1:00PM 至4:00PM (售完即止)
[酒店 / 當地玩樂、美食] 即日-2019年5月19日 (售完即止)

預訂網址：
[船飛] https://m.wingontravel.com/ferry
[酒店] https://hotels.wingontravel.com
[酒店 / 當地玩樂、美食] https://m.wingontravel.com/local/list-citygroup-8-macau

越南再有$0機票喇！廉航越捷航空 (Vietjet) 會喺明日 (5月8日) 起，一連3日嘅每日下午1PM 至3PM 推出$0機票！

連稅計：香港來回富國島$400起、胡志明市$432起！

富國島係新航點嚟，就好似越南版嘅布吉咁，最啱就係去歎陽光與海灘！

出發日期由7月中至12月底。大家亦可只訂單程，再另外訂其他 Airline 嘅單程峴港 / 河內，自製 Open jaw！

搜尋時，記得剔選「找到最便宜的機票」嚟睇多日票價，可以易啲搵到幾時有平。

估計平飛數量唔多，搶唔到$0平飛嘅話，可以睇埋越南航空同期嘅優惠 (詳情)。

航班時間

富國島
去程：VJ977 15:40-17:25 (逢星期一、三、五、日)
回程：VJ976 10:50-14:35 (逢星期一、三、五、日)

胡志明市
去程：VJ877 19:59-21:30
回程：VJ876 15:10-18:50

提提大家：票價只包7kg手提行李額，不包機上餐飲及寄艙行李額。如要寄艙，網上加購費用為每程15kg/$111、20kg/$128、25kg/$177。

預訂資訊：

出發日期：2019年7月9日-12月31日 (部分日子及旺季不適用)

預訂日期：2019年5月8日-5月10日 (每日1:00PM-3:00PM)

預訂網址：https://www.vietjetair.com

越南簽證：持特區護照可以自行上越南入境處官網辦理網上簽證，費用為US$$25，最快3個工作天就辦理到。網上簽證網址：https://evisa.xuatnhapcanh.gov.vn/web/guest/khai-thi-thuc-dien-tu/cap-thi-thuc-dien-tu (如只去富國島，持特區護照係免簽證)

想即興飛轉韓國？韓亞呢隻 Last minute 優惠夠晒抵玩：香港來回首爾$1,360起 (連稅$2,071起)！

出發日期去到6月底，夾 Weekend 或者七一假期去都得，例如6月27日去、7月1日返！打工仔可以慳返啲大假！

航班時間有得揀凌晨機去、晚機返 (視乎供應而定)，去程到步就天光可以即刻去玩、回程又可以食多餐炸雞先上機！

票價已包23kg寄艙行李額、飛機餐。大家記得預先上韓亞官網用「快速查詢最低價格」功能睇邊日最平，然後再去 Airbare 訂飛！

預訂資訊：

出發日期：2019年5月12日-6月4日、6月8日-6月27日、6月30日

寄艙行李限額：23kg
機票有效期：12個月

預訂日期：即日-2019年5月15日

預訂網址：https://www.airbare.com.hk

越南愈抵價！越航推出最新優惠，香港來回越南$550起！連稅千二起咋，比起之前又平咗啲！

連稅計：胡志明市$1,243起、河內$1,283起！出發日期去到12月，當中包括7至8月嘅暑假旺季都有平！正！

而且 Open jaw 都冇問題！可以趁夏天去搭船遊下龍灣、喺河內睇水上木偶戲，再去胡志明市食 Pho、歎法菜！

票價已包20kg寄艙行李額、飛機餐。今次優惠係官網先有，搜尋時揀「My dates are flexible / Lowest fares」就可更快睇到幾時有平啦！

預訂資訊：

出發日期：
[胡志明市] 2019年5月13日-5月27日、6月3日-6月5日、6月10日-6月21日、7月1日-8月31日、9月4日-9月26日、10月4日-12月20日
[河內] 2019年5月8日-7月5日、7月25日-8月31日、9月4日-9月26日、10月4日-12月20日

寄艙行李限額：20kg
機票有效期：1個月

預訂網址：https://www.vietnamairlines.com (如要 Open jaw，揀「Multiple Destinations」搜尋)

越南簽證：持特區護照可以自行上越南入境處官網辦理網上簽證，費用為US$$25，最快3個工作天就辦理到。網上簽證網址：https://evisa.xuatnhapcanh.gov.vn/web/guest/khai-thi-thuc-dien-tu/cap-thi-thuc-dien-tu

呢排香港啲天氣陰陰暗暗！真係想飛去泰國搵返陽光與海灘！阿聯酋航空有隻曼谷 / 華欣套票優惠！包晒機票、酒店，連埋稅都只係千六蚊就玩到4日3夜或6日5夜！

2人同行出發，阿聯酋航空．香港來回曼谷機票＋酒店 (以最平住宿為例) 連稅：4日3夜$1,650起、6日5夜$1,683起！票價已包25kg寄艙行李額、飛機餐。

適用出發日期至11月尾 (部分日子不適用)，如想暑假尾臨開學前玩返轉，可以揀8月28日出發，9月2日或之後返。

阿聯酋航空．4日3夜「機票＋4/5星酒店」推介：

(價格以11月24日去，11月27日返為例)

[曼谷] 機票＋普拉索拉差達 12 號酒店 ★★★★｜連稅$2,041起
酒店房間夠大，有泳池、健身室等設施，附近有便利店、酒吧和食店，非常方便。距離地鐵「Huai Khwang 站」約8分鐘步程。

[曼谷] 機票＋曼谷蘇坤蔚路 X2 共鳴酒店 ★★★★｜連稅$2,210起
走精品酒店路線，設計時尚有型！位於 Sukhumvit 嘅低密度住宅區，距離 BTS「On Nut 站」只有約3分鐘步程，隔離有大型超市 Tesco Lotus Super Store，非常方便。

[曼谷] 機票＋曼谷是隆中央酒店 ★★★★｜連稅$2,483起
距離 Saphan Taksin BTS 站僅5分鐘腳程 ，搭的士到熱門購物區亦只是10分鐘，酒店樓下就有食肆、超市！

[曼谷] 機票＋曼谷阿瑪瑞水門酒店 ★★★★★｜連稅$2,809起
酒店型格時尚，位處購物及商業區的核心地帶，毗鄰Platinum購物中心、水門市場、Central World、Siam Paragon、四面佛等重要景點。

[曼谷] 機票＋蘇坤蔚路 55 號大中心點酒店 ★★★★★｜連稅$2,982起
酒店設有著名嘅 Let’s Relax Onsen & Spa，同時提供正宗日式溫泉。酒店配套完善，除咗 Gym、Sauna、泳池等，仲有 Jacuzzi。距離 BTS Thong Lo 站約10分鐘步程，唔想行嘅話，可搭酒店免費提供嘅 tuk tuk 來往車站。

[曼谷] 機票＋曼谷 Terminal 21酒店 ★★★★★｜連稅$3,171起
酒店位置勁方便，喺正Terminal 21 購物中心及BTS隔離，無論shopping、搵食定去其他地方都好Easy。

[曼谷] 機票＋曼谷 137 柱公寓酒店 ★★★★★｜連稅$3,586起
豪宅式享受！位於購物區 Phrom Phong，豪華的裝潢下營造出家的感覺。酒店設有 infinity pool，可享怡人景色，打卡必到！

[華欣] 機票＋華欣馬拉喀什溫泉度假村酒店 ★★★★★｜連稅$3,087起
酒店喺正海邊，設計充滿摩洛哥風情！設有室外 infinity pool，距離華欣夜市約10分鐘車程。

除以上推介，大家可自選鍾意嘅酒店。入住華欣嘅酒店都得，只要於搜尋時直接喺「目的地」位置輸入想住嘅區域就可以了！

預訂時，係先揀酒店、再揀機票。去到揀機票一版，於左邊「包括的航空公司」剔選「阿聯酋航空」，就可更快搵出以上套票！

航班時間係晚去午返，而行程長短亦可自訂。最耐玩足1個月！套票係2人同行每位計，但一人出發都可，只係因為冇朋友仔攤分房價，會貴少少！

提提大家，搵曼谷套票時，目的地要填「曼谷 (及附近地區), 泰國」，咁先會搵到曼谷全市嘅酒店。如果你填咗「曼谷, 泰國 (機場)」，就只會搵到機場附近嘅酒店！

航班時間：
[去程] EK385 21:30-23:45
[回程] EK384 14:00-18:05

預訂資訊：

出發日期：2019年5月14日-7月5日、8月28日-9月26日、10月3日-11月30日 (回程不適用於10月6日-10月14日)

寄艙行李限額：25kg
機票有效期：2日-1個月

預訂日期：即日-2019年5月22日 (須於出發前最少7日預訂；售完即止)

預訂網址：https://www.expedia.com.hk/packages-HK (以網頁版預訂為佳)