千八蚊有齊新加坡「機票＋2晚酒店」，仲要係搭全球最佳航空！新航呢隻套票認真抵玩，一於訂飛去新加坡玩返幾日啦！
乘搭新加坡航空，香港來回新加坡機票＋酒店 (以最平住宿為例) 連稅：3日2夜$1,813起、4日3夜$1,890起、5日4夜$1,966起！
航班時間有唔同選擇，可以揀早機去、晚機返添！出發日期去到5月底，夾勞動節、佛誕假期或者 Weekend 去都得！
新航．新加坡3日2夜套票推介：
(以4月7日去、4月9日返為例，2人同行每位計)
機票＋飛龍酒店 – 水晶 ★★★｜連稅$2,011起
實惠之選，房間簡約整齊！酒店座落芽籠區，步行可達地鐵「Aljunied 站」及「Mountbatten 站」，附近亦有巴士站通往市內各處！
機票＋新加坡薰衣草維酒店 ★★★★｜連稅$2,404起
位於小印度，酒店門口就係地鐵「Lavender 站」出口。附近有便利店、美食街，而步行前往武吉士都唔太遠！
機票＋太平洋大酒店 ★★★★｜連稅$2,480起
具口碑嘅老牌酒店，距離地鐵「Bras Basah 站」約3分鐘步程。附近有眾多食肆、商店，而且接近武吉士，出入方便！
機票＋宜必思新加坡明古連街酒店 ★★★｜連稅$2,485起
酒店座落市中心旺區，屬方便熱鬧之選！距離地鐵「Bugis站」僅7分鐘步程，酒店旁邊有7-11、大型商場，方便 Shopping！
機票＋新加坡悅樂加東酒店 ★★★★｜連稅$2,499起
酒店位於東岸，雖然唔近地鐵站，但近海灘、裝修靚，附近多嘢食如珍寶海鮮樓嘅辣椒蟹同胡椒蟹，榴槤街亦喺附近。
機票＋新加坡 G 酒店 ★★★★｜連稅$2,530起
距地鐵「Bencoolen 站」只有3分鐘步程，行6分鐘可以去到武吉士！附近有多個 Shopping mall，位置熱鬧又方便！
機票＋花拉第一酒店 ★★★★★｜連稅$2,704起
位於小印度嘅五星級酒店，步行2分鐘即達地鐵「Farrer Park 站」！附近有購物商場、超級市場及唔少著名食肆。酒店設備充足，有兩個泳池添！
以入住「坎貝爾旅館青年旅舍」為例，新航．新加坡3日2夜套票：2人連稅共$3,626起、即每位$1,813起！
除以上推介，大家可自選鍾意嘅酒店。揀酒店時，按「價格」由低至高排序，再以「酒店星級」作篩選，可以更快搵出適合嘅酒店！
票價已經包咗飛機餐、30kg寄艙行李額。大家可自訂行程長短，快閃遊又得、玩多幾日都得，最耐可以玩到6日5夜！
預訂時，記得係先揀酒店、再選機票。套票價格係2人同行每位計，不過1人獨遊都冇問題，只係會比以上價格貴少少。
提提大家：搜尋時，目的地要填「新加坡, 新加坡」，咁先會搵到市中心嘅酒店。如果填咗「新加坡, 新加坡 (SIN – 樟宜)」，就只會搵到機場附近嘅酒店！
預訂資訊：
出發日期：即日-2019年1月29日、2月11日-4月11日、4月22日-5月31日
寄艙行李限額：30kg
機票有效期：5日
預訂日期：即日-2019年1月23日
預訂網址：http://www.expedia.com.hk (經網頁版預訂為佳)
