Home Blog Page 507

【單程$138機票】香港飛台中單程$138起、清萊$158起、宮古島$218起、濟州$258起!7月9日前出發 – HK Express (優惠至3月17日)

HK Express 推出單程$138機票優惠!香港飛台灣單程$138起、東南亞$158起、日本$218起、韓國$258起!

來回票價:台中$276起 (連稅$761起)、芽莊$336起 (連稅$811起)、峴港$336起 (連稅$864起)、清萊$316起 (連稅$877起)、清邁$336起 (連稅$897起)、布吉$416起 (連稅$977起)、宮古島 (下地島) $436起 (連稅$991起)、曼谷$436起 (連稅$997起)、石垣島$516起 (連稅$943起)、濟州$516起 (連稅$1,031起)、暹粒$516起 (連稅$1,117起)、釜山$536起 (連稅$1,051起)、首爾$536起 (連稅$1,088起)、長崎$696起 (連稅$1,123起)、廣島 / 鹿兒島$716 起 (連稅$1,143起)、高松$736起 (連稅$1,163起)、福岡$736起 (連稅$1,236起)、東京$716起 (連稅:羽田$1,333起、成田$1,338起)、大阪$716起 (連稅$1,366起)、名古屋$756起 (連稅$1,373起)、塞班島$1,116起 (連稅$1,667起)、寧波$276起 (連稅$833起)!

今次價格貴咗少少,唔趕住去嘅建議再等下次優惠。預訂時,記得要揀來回機票咁搜尋,先會搵到以上嘅優惠價。

旅遊日期去到7月9日,但留意曼谷係3月至6月、宮古島就係7月至10月。而明年2月前出發都有另一隻單程$228起嘅平飛。

提提大家:票價並不包括寄艙行李額、機上餐飲。

寄艙行李收費 (每程計):20kg $229、25kg $279、30kg $329
網上後加行李 (每程計):20kg $275,25kg $430,30kg $435

預訂資訊:

旅遊日期:
[曼谷] 2019年3月31日-6月30日
[宮古島] 2019年7月19日-10月19日
[其他航點] 2019年3月18日-7月9日

預訂日期:即日-2019年3月17日11:59PM

預訂網址:https://www.hkexpress.com

【澳洲直航機靚價】直飛澳洲!香港來回悉尼 / 墨爾本$2,540起!可 Open jaw!暑假都抵 – 澳洲維珍航空

澳洲維珍繼續有抵價直飛澳洲!香港直航來回澳洲$2,877起!連稅計:悉尼$3,548起、墨爾本$3,613起!

以上係4月前出發嘅即飛價嚟。而8月底前嘅其他日子出發都抵:連稅計:墨爾本$3,793起、悉尼$3,912起!暑假旺季都有添!

想玩多幾個地方的話,可以 Open jaw 咁飛!例如墨爾本入、悉尼出:連稅$3,528起!順住路玩夠晒方便!

票價已經包咗2件23kg寄艙行李額、飛機餐!大家預訂前可先上澳洲維珍官網,睇埋前後日子票價就可搵到邊日最抵!

乘搭澳洲維珍航空,香港直航來回悉尼$2,540起 (連稅$3,548起)

預訂資訊:

出發日期:
即日-2019年4月3日 (連稅:悉尼$3,548起、墨爾本$3,613起)
即日-2019年8月31日 (連稅:墨爾本$3,793起、悉尼$3,912起)

寄艙行李限額:2件23kg
機票有效期:3個月

預訂日期:即日起

預訂網址:
[Airbare] https://www.airbare.com.hk (連稅:悉尼$3,548起、墨爾本$3,613起)
[Skyscanner] https://www.skyscanner.com.hk (連稅:墨爾本$3,793起、悉尼$3,912起)

【日本優惠券】日本高級酒店預訂網 Relux 6周年送高達20%OFF 優惠券!2019年5月27日前入住!

日本高級酒店預訂網 Relux 6周年啦!為此特別推出6周年紀念優惠活動!現有會員或新註冊會員登入後即可參加,最勁可以領取20%OFF 優惠券!攞完優惠券,就可以即刻平訂靚酒店!

登入後,click 頁底的「立刻領取優惠券」。
登入後,click 頁底的「立刻領取優惠券」。

領取優惠券後,需於2019年3月31日前預訂,適用入住日期就去到2019年5月27日。

優惠券分以下五等,睇下大家好唔好彩抽到20%OFF 嘅一等獎優惠券了。

一等獎:20%OFF 優惠券
二等獎:8%OFF 優惠券
三等獎:5%OFF 優惠券
四等獎:3%OFF 優惠券
五等獎:1%OFF 優惠券

大家抽完之後,點選右上角「帳戶」>「Relux 點數 / Relux 優惠券」即可見到優惠券已加入你的帳戶內。

活動資訊:

適用入住日期:即日-2019年5月27日

領取優惠券日期:即日-2019年3月24日
預訂日期:即日-2019年3月31日

預訂網址:https://rlx.jp/cp/6thyear

【冰島早鳥優惠價】香港來回雷克雅未克$4,016起!連稅五千一起!10月至11月出發 – 北歐航空

飛冰島都有早鳥平飛!乘搭北歐航空,香港經哥本哈根來回雷克雅未克$4,016起 (連稅$5,129起)!

平時去冰島都要連稅六千左右,仲要轉兩次機!依家連稅五千一咋,仲係轉一次機就到,正!

優惠票數量唔多,集中於10月至11月份出發。可以去欣賞雪地景緻、感受當地文藝氣息,再去藍湖歎溫泉!

票價已包23kg寄艙行李額、飛機餐!大家亦可加幾舊水,Stopover 哥本哈根:來回連稅$5,538起!

預訂前,可先上北歐航空官網用「Low price calendar」搜尋,搵到咩日子有平後再去 Skyscanner 訂飛啦! 如要中停哥本哈根,可以揀「多個城市」嚟搵。

乘搭北歐航空,香港來回雷克雅未克$4,016起 (連稅$5,129起)

預訂資訊:

出發日期:2019年10月6日-11月19日 (部分日子不適用)

寄艙行李限額:23kg
機票有效期:6日起

預訂日期:即日起 (售完即止)

預訂網址:https://www.skyscanner.com.hk

(提提大家:Skyscanner 將雷克雅未克譯為「雷克雅維克」、及將北歐航空譯為「斯堪地那維亞航空」。大家可輸入城市代碼「REK」嚟搜尋,同埋見到航班編碼係「SK」開首就冇錯了。)

【即飛澳洲抵價】Last minute 直航平飛!香港來回悉尼$2,700起!4月3日前出發 – 澳洲航空 (優惠至3月31日)

澳航 Last minute 平飛!直飛澳洲勁抵,香港來回悉尼$2,700起 (連稅$3,544起)!

連稅三千五搭到直航機,認真超抵!出發日期係4月3日前,買完飛可以即刻執嘢走!

票價已包30kg寄艙行李額、飛機餐!最耐可以停留3個月添,可以搵埋留澳親友齊齊四圍去玩!

如果想易啲搵到平飛,記得上澳航官網睇多幾日嘅票價,然後上 Airbare 用更低價格訂飛!

香港來回悉尼$2,700起 (連稅$3,544起)

預訂資訊:

出發日期:即日-2019年4月3日

寄艙行李額:30kg
機票有效期:3個月

預訂日期:即日-2019年3月31日

預訂網址:https://www.airbare.com.hk

【韓亞、大韓齊減】韓國抵玩價!香港來回首爾$1,172起!連稅千八起!包23kg行李 – 韓亞航空 / 大韓航空 (優惠至3月31日)

韓亞、大韓齊齊有平價,飛韓國勁抵玩!香港來回首爾:韓亞$1,172起 (連稅$1,827起)、大韓$1,180起 (連稅$1,835起)!

韓亞係 Last minute 優惠嚟,3月份出發先有!而大韓就去到12月,可以即飛賞櫻、去明洞 / 東大門 Shopping,或者秋季睇紅葉!

票價已包飛機餐、23kg寄艙行李!航班時間都算唔錯,韓亞有凌晨去、晚返,大韓就有晚去晚返 (視乎供應而定)!

大韓嘅價格係於 Hutchgo 用減$100優惠代碼預訂嘅。平飛唔係每日去都有,大家預訂前可先上官網搜尋,睇多日票價搵邊日最平!

乘搭韓亞航空,香港來回首爾$1,172起 (連稅$1,827起)!

預訂資訊:

出發日期:
[韓亞航空] 即日-2019年3月31日
[大韓航空] 即日-2019年3月31日、4月1日-4月15日、4月21日-7月4日、8月24日-9月28日、10月4日-12月20日

寄艙行李限額:23kg

Hutchgo X 大韓航空減$100優惠代碼:KE100

預訂日期:即日-2019年3月31日

預訂網址:
[Airbare] https://www.airbare.com.hk
[Hutchgo] https://www.hutchgo.com.hk

【新加坡減價戰】國泰跟減!香港來回新加坡$434起!可早去晚返!6月底前出發 – 國泰航空 (優惠至3月12日)

又有獅城平飛!見新航劈得咁開心,國泰一於跟減!香港來回新加坡$434起 (連稅$1,184起)!勁平!

以上係2人同行嘅每位價格,都係連稅千一起,正!航班時間有多個選擇,凌晨 / 早機去、晚機返都得添!

票價已包30kg寄艙行李額、飛機餐!出發日期去到6月底,夾 Weekend 快閃遊就啱晒啦!

提提大家:搜尋時記得於人數揀「2」,先會搵到以上平飛!

2人同行,香港來回新加坡:每位$434起 (連稅$1,184起)

預訂資訊:

出發日期:2019年3月31日-4月3日、4月6日-4月14日、4月23日-5月7日、5月12日-6月5日、6月8日-6月27日

寄艙行李限額:30kg
機票有效期:2-7日

預訂日期:即日-2019年3月12日

預訂網址:https://www.skyscanner.com.hk

【歎搭高質日航】日本靚價!香港來回東京$2,409起!去賞花+Shopping!包46kg勁大行李額!7月前出發 – 日本航空 (優惠至3月31日)

歎住飛去日本賞花!日航有隻靚價機票:香港來回東京$2,409起 (連稅$3,412起)!連稅三千四起搭到高質日航,又幾抵玩喎!

出發日期去到7月,可以即飛去賞櫻,或者初夏去睇繡球花!票價已包美味飛機餐、46kg寄艙行李額,賞完花就去瘋狂 Shopping!

夾 Weekend 去玩都有平,航班時間有午去晚返,都算唔錯!但留意出入有機會係不同機場,例如羽田入、成田出!預訂時記得睇清楚啊!

平飛唔係日日都有,大家預訂前可上日航官網用「無指定旅遊日期」功能,睇前後2星期邊日有平,然後再上 Airbare 訂就最抵!

香港來回東京$2,409起 (連稅$3,412起)

預訂資訊:

出發日期:即日-2019年7月11日 (部分日子不適用)

寄艙行李限額:2件23kg
機票有效期:3個月

預訂日期:即日-2019年3月31日

預訂網址:https://www.airbare.com.hk

【華航靚價套票】台北 / 台中 / 高雄 / 台南「機票+酒店」連稅:3日2夜$1,684起!早機去、晚機返!12月底前出發 – 中華航空 (優惠至3月10日11:00PM)

華航近期有隻平飛,去台灣各地都好抵!想慳到盡咁訂飛?可以一次過訂齊「機票+酒店」套票,連稅千六蚊就玩到3日2夜啦!

乘搭中華航空,香港來回台北 / 台中 / 高雄 / 台南機票+酒店 (以最住宿為例) 連稅:3日2夜$1,684起、4日3夜$1,741起、5日4夜$1,809起!

航班時間有不同選擇,有得揀早機去、晚機返!出發日期去到12月底,包括暑假尾日子都有!大家更可自訂行程長短,最耐玩到8日7夜!

華航.台灣3日2夜套票推介:

(以6月16日-6月18日為例,2人同行每位計)

[台北] 華航機票+趣旅館 – 林森館 ★★★|連稅$1,813起
步行3分鐘可達捷運「中山國小站」,附近有超級市場、便利店、藥妝店。酒店走年青活力路線,有足球機及按摩椅等休閒設施!

[台北] 華航機票+儷夏商旅 – 西門町西寧館 ★★★|連稅$1,856起
位於西門町嘅酒店,附近有眾多食肆、商店,方便掃街及 Shopping ,周邊環境非常熱鬧!另外,酒店房間有免費 Mini bar供住客享用!

[台北] 華航機票+HOTEL PAPA WHALE ★★★★|連稅$1,925起
2016年開幕嘅酒店,位於西門町,距離捷運西門町站約8分鐘步程。設計上結合咗輕工業風與 SOHO 都會風,夠型格!房間唔大,最細嘅房約140呎,但新淨企理!

[台北] 華航機票+台北門精品飯店 ★★★★|連稅$1,939起
設計時尚有格調,客房亦夠大!位於中正,位置方便,行去西門町購物區約8分鐘,而行去台北車站約10分鐘!

[高雄] 華航機票+翰品酒店高雄 ★★★★|連稅$2,015起
位於愛河附近,步行2分鐘即達捷運「鹽埕埔站」!前往駁二藝術特區、西子灣或旗津島都相當方便。酒店設施充足,有健身室、酒吧等。部分房間更可望翠綠公園景致。

[台中] 華信機票+Hotel 7 逢甲 ★★★|連稅$2,081起
於西屯區,距離逢甲夜市僅5分鐘腳程,設計及所選用嘅傢俱簡單新穎,別具型格!

[台南] 華航機票+WeLOFT INN ★★★|連稅$2,043起
走 LOFT 工業風嘅酒店,佈置時尚、具設計感!酒店位於台南市中心,附近有眾多著名餐廳、食肆!

以入住「天使青旅 – 台北西門」為例,華航.台北3日2夜套票:2人連稅共$3,368起、每位$1,684起!

除以上推介,大家可自選心水酒店!揀酒店時,揀「價格」由低至高排序,再以「酒店星級」及「鄰近區域」作篩選,就可易啲搵到適合嘅住宿!

預訂時,記得係先揀酒店、再選機票。去到揀機票一版,可於左邊「包括的航空公司」剔選「中華航空」/「華信航空」,咁就會快啲搵到呢隻套票。

價格為2人同行每位計,已包30kg寄艙行李額、飛機餐。不過一人出發都可以,只係因為冇朋友仔幫手攤分房價,會比以上價格貴少少。

提提大家:搜尋時唔好於目的地填機場代碼,否例就只會搵到機場附近嘅酒店。例如訂台北套票時,要填「台北 (及鄰近地區), 台灣」,咁先會搵到台北全市嘅酒店!

預訂資訊:

出發日期:即日-2019年12月31日 (部分日子不適用)

寄艙行李限額:30kg
機票有效期:7日

預訂日期:即日-2019年3月10日11:00PM

預訂網址:http://www.expedia.com.hk (以網頁版預訂為佳)

 

【超平價歎搭新航】2人同行優惠!香港來回新加坡$700起!連稅千一起!6月底前出發 – 新加坡航空 (優惠至3月8日)

新航繼續推激抵價!2人同行出發,香港來回新加坡.每位$700起 (連稅$1,155起)!連稅千一呢口價認真爆抵!

出發日期去到6月底,最啱春季 / 初夏去玩!票價已包30kg寄艙行李額、飛機餐,可以爆買手信啦!

而且於3月31日起,將會有全新夢幻客機787-10執飛以上航線嘅其中一班機!又抵又有得搭新機,正!

提提大家:今次係2人同行優惠,搜尋時記得揀返人數係「2」先會搵到呢隻平飛!

2人同行出發,香港來回新加坡.每位$700起 (連稅$1,155起)

預訂資訊:

出發日期:2019年3月31日-4月16日、4月22日-6月30日

寄艙行李限額:30kg
機票有效期:2-5日

預訂日期:即日-2019年3月8日

預訂網址:https://www.skyscanner.com.hk