大馬平飛再跌價！馬印又有優惠啦：香港來回吉隆坡$882起 (連稅$1,162起)！比起上次優惠又平咗！
馬印雖然係低成本航空，但已包25kg寄艙行李額、機上輕食，座位又有個人娛樂系統，同傳統航空冇乜分別！
出發日期去到明年8月，就連暑假旺季都有平！最啱一家大細齊齊去玩！另外亦可經吉隆坡轉飛檳城：來回連稅$1,296起！
又或者 Open jaw 都得，例如吉隆坡入、檳城出：連稅$1,303起！咁就可以玩多幾個地方啦！
出發日期：即日-2019年8月21日
預訂日期：即日-2018年12月2日
遊韓靚價！連稅千七就飛到首爾，呢口價極抵呀！乘搭大韓航空，香港來回首爾$1,331起 (連稅$1,786起)！
票價仲要包埋23kg寄艙行李額、美味飛機餐，仲係凌晨機去、晚機返！計落仲筍過搭廉航！
出發日期去到明年3月底，橫跨星期六日咁趁 Weekend 快閃遊都冇問題！想慢慢的話，最耐可停留1個月添！
優惠於部分日子不適用，大家可先上大韓官網睇多日票價，搵到邊日最抵之後再上 Skyscanner 訂飛啦！
出發日期：即日-2018年12月18日、2019年1月6日-1月31日、2月12日-3月29日 (視乎供應)
寄艙行李限額：23kg
機票有效期：1個月
預訂日期：即日-2018年12月10日 (售完即止)
直飛澳洲有靚價！香港直航來回澳洲$2,928起！連稅計：墨爾本$3,861起、悉尼$4,052起！連稅三千八起咋，勁抵！
出發日期仲去到明年10月，即買即走又得、買定早鳥飛都得！就連明年暑假旺季都有平，可以探探留澳親友、再一齊周圍去玩！
Open jaw 咁飛都抵，例如悉尼入、墨爾本出：連稅$3,991起！機票有效期達3個月咁耐，慢慢 hea 住玩多幾個地方都冇問題！
出發日期：即日-2019年10月30日
寄艙行李限額：2件23kg
機票有效期：3個月
預訂日期：即日-2018年12月16日
自從燃油附加費生效，去台灣玩都貴咗幾舊水！要最筍咁遊台，可以上 Expedia 訂華航台灣套票！雖然冇以前咁抵，但係平過分開訂！
明年10月底前出發，華航 / 華信台灣「機票＋酒店」連稅：3日2夜1,733起、4日3夜$1,792起、6日5夜$1,908起！(以最平住宿為例)
票價已包香港來回台北 / 台中 / 高雄 / 台南機票、30kg寄艙行李額、飛機餐、住宿及稅項！航班選擇勁多，有早去晚返添！
(以2019年3月10日去、3月12日返為例，2人同行每位計)
[台北] 華航機票＋趣旅館 – 林森館 ★★★｜連稅$1,886起
步行3分鐘可達捷運「中山國小站」，附近有超級市場、便利店、藥妝店。酒店走年青活力路線，有足球機及按摩椅等休閒設施！
[台北] 華航機票＋儷客旅店 – 西門町館 ★★★｜連稅$1,925起
位於西門町嘅分館，距離西門町商圈只有5分鐘步程，行去紅樓、西門町捷運站約10分鐘。酒店裝潢色彩繽紛富特色！最值得讚係佢哋有提供嬰孩浴盤、矮椅子、玩具等，適合帶埋嬰兒或小孩入住。
[台北] 華航機票＋西門101-s精緻旅店 ★★★｜連稅$1,965起
位處極為方便嘅西門町購物商圈，距離捷運西門站僅5至6分鐘步程。房間不大，但勝在夠平而又企理。
[台北] 華航機票＋華山文旅 ★★★★｜連稅$2,251起
2016年12月開幕，位於台北中正區，華山1914文創園區就喺正對面！距離捷運「忠孝新生站」只有4分鐘步程。酒店設計時尚簡約，客房仲夠晒大，最小亦有33平方米(355平方呎)，部份房型更擁有華山公園嘅優美景觀。
[台中] 華信機票＋1969藍天飯店 ★★★★｜連稅$2,218起
懷舊風格復古酒店，內外佈置都充滿LOFT風格，極具質感。步行5 – 8分鐘可達中華路夜市、一中街夜市，距離台鐵 / 高鐵站只有5分鐘步程，附近亦有巴士站，交通方便。
[高雄] 華航機票＋捷絲旅 – 高雄站前館 ★★★★｜連稅$2,214起
設計貫徹捷絲旅一向嘅簡約時尚風格，房間相當舒適。距離捷運美麗島站 (光之穹頂)、高雄火車站僅5分鐘步程，非常方便。
[台南] 華航機票＋WeLOFT INN ★★★｜連稅$2,120起
走 LOFT 工業風嘅酒店，佈置時尚、具設計感！酒店位於台南市中心，附近有眾多著名餐廳、食肆！
除以上推介，大家可自選鍾意嘅酒店！價格係2人同行每位計，不過1人獨遊都得，只係因為冇朋友仔幫手攡分房價，會比以上價格貴小小。
預訂時，記得係先揀酒店、再選機票。部分航班係由華信 (華航集團子公司) 執飛嘅，揀機票時如果見唔到華航班次，揀「華信航空」就啱了。
而行程長短亦可自訂，最耐可以玩到8日7夜！想玩多幾個地方都得，搜尋時剔選「我只有部分日期需要入住酒店」，就可以設定套票包邊幾晚酒店，然後再另外加訂其他地點嘅住宿！
搜尋時，記得唔好於「目的地」位置輸入機場代碼，否則就只要搵到機場附近嘅酒店！例如訂台北套票時，要填「台北 (及鄰近地區), 台灣」先得。
出發日期：即日-2018年12月19日、12月31日、2019年1月3日-1月24日、2月7日-3月29日、4月7日-4月25日、5月1日-6月7日、6月9日-6月30日、7月3日-7月10日、9月1
日-9月12日、9月14日-9月30日、10月1日-10月6日、10月16日-10月30日 (回程最遲11月6日)
寄艙行李限額：30kg
機票有效期：2-7日
預訂日期：即日-2018年12月31日
預訂網址：http://www.expedia.com.hk (以網頁版預訂為佳)
即興遊都有平飛！12月底前搭阿聯酋飛曼谷，連稅千五蚊起就玩到4日3夜，有齊「機票＋酒店」！正！
2人同行出發，阿聯酋航空．香港來回曼谷機票＋酒店 (以最平住宿為例) 連稅：4日3夜$1,524起、5日4夜$1,553起、6日5夜$1,584起！
航班係午去晚返，收工即飛都冇問題！行程長短可自訂，最耐可以玩到1個月！就連跨年旺季都有平添！
(以12月16日去、12月19日返為例，2人同行每位計)
機票＋曼谷瑪卡薩美居酒店 ★★★★｜連稅$1,976起
距 BTS「Makkasan 站」及 MTR 「Phetchaburi 站」約10分鐘步程，酒店亦有提供免費接駁車。距市中心旺區唔算遠，但因為係位於商業區，環境較清靜。
機票＋曼谷沙吞縣智選假日酒店 ★★★★｜連稅$2,178起
位於是隆，行去 BTS「Chong Nonsi 站」只需2至3分鐘腳程 ，去MBK、Central World 都好方便 ！酒店樓下就有便利店、食店等。
機票＋曼谷是隆中央酒店 ★★★★｜連稅2,316起
距離BTS「 Saphan Taksin站」僅5分鐘腳程 ，搭的士到熱門購物區亦只是10分鐘，酒店樓下就有食肆、超市！
機票＋蘇坤蔚路 55 號大中心點酒店 ★★★★★｜連稅$2,619起
酒店設有著名嘅 Let’s Relax Onsen & Spa，同時提供正宗日式溫泉。酒店配套完善，除咗 Gym、Sauna、泳池等，仲有 Jacuzzi。距離 BTS 「Thong Lo 站」約10分鐘步程，唔想行嘅話，可搭酒店免費提供嘅 tuk tuk 來往車站。
機票＋ 羅盤天空風景酒店 ★★★★★｜連稅$2,641起
2016年開業，鄰近 BTS 「Phrom Phong 站」，附近又有購物點「Emporium」及「EmQuartier」，去邊都咁方便！
機票＋曼谷拉差阿帕森購物區萬麗酒店 ★★★★★｜連稅$2,800起
提供5星級豪華住宿，最細嘅房都38平方米 (409平方呎)，最大仲有成85平方米 (915平方呎)。Spa、泳池、健身室等設施一應俱全。而且位置一流，距離 BTS「 Chidlom 站」 只有3分鐘步程，想shopping 嘅話行去 Siam Paragon 亦只需10分鐘。
機票＋曼谷港麗酒店 ★★★★★｜連稅$3,200起
經典嘅5星級酒店，以提供優質服務見稱。酒店提供 shuttle bus 往來BTS 站，出入算方便。酒店樓下有大型超市、星巴克等。
票價已包30kg寄艙行李額、飛機餐，航班仲係以 A380 客機執飛，環境同服務都夠晒高質，可以舒舒服服咁飛！
除以上推介，大家可自選心水酒店！揀酒店時，按「價格」由低至高排序，再以「星級」、「位置」篩選，可以更快搵到適合嘅酒店！
入住芭堤雅 / 華欣嘅酒店都得，搜尋時直接輸入想住嘅地區就可以了。如果要於行程中住不同酒店，就可以剔選「我只有部分日期需要入住酒
店」嚟設定！
提提大家，搵曼谷套票時，目的地要填「曼谷 (及附近地區), 泰國」，咁先會搵到曼谷全市嘅酒店。如果你填咗「曼谷, 泰國 (機場)」，就只會搵到機場附近嘅酒店！
出發日期：即日-2018年12月19日、12月26日-12月31日 (回程最遲2019年1月30日)
寄艙行李限額：30kg
機票有效期：2日-1個月
預訂日期：即日-2018年12月2日 (於出發前最少7日預訂)
預訂網址：https://www.expedia.com.hk/packages-HK (以網頁版預訂為佳)
想去歐洲過聖誕 / 跨年？依家訂飛都未遲，搭阿聯酋有優惠價添！香港來回歐洲各地$1,933起 (連稅$4,049起)！
連稅計：阿姆斯特丹$4,049起、馬德里$4,140起、米蘭$4,178起、蘇黎世$4,322起、倫敦$4,331起、巴黎$4,349起、羅馬$4,380起、慕尼黑$4,718起！
出發日期去到12月底，即買即飛都得添呀！要去過聖誕 / 跨年的話，可以揀12月24日或之後出發、明年1月6日或之後回程！
以旺季嚟講，呢口價認真超值！票價包埋30kg寄艙行李額、飛機餐，仲有阿聯酋高質服務！最啱去過個白色聖誕，再倒埋數迎接新年！
平飛唔係每日去都有，大家可先上阿聯酋官網以「彈性日期」搜尋，然後上 Skyscanner 訂飛就最抵！
出發日期：即日-2018年12月19日、12月24日-12月31日
寄艙行李限額：30kg
機票有效期：4日-1個月
預訂日期：即日-2018年12月2日
又係時候平訂酒店！Expedia 推出最新一期快閃優惠，全球酒店低至4折起！多個人氣旅遊點嘅酒店都有平，準備冬季遊嘅可以睇睇！
預訂前，記得登記成為 Expedia 會員。登入後搜尋，於部分酒店可享隱藏優惠價！會員仲可儲積分、換現金券，更有機會免費 Upgrade 房間、延遲 check-out 等！儲夠積分後，有得用$0入住心宜酒店添！
(以下價錢為2人入住雙人房每晚計，以2019年1月6-7日為例。會員價為登入後，圖片上有黃色標籤嘅就係隱藏優惠價。)
[台北] CitizenM 台北北門酒店 ★★★★｜會員價：連稅$574起
來自阿姆斯特丹嘅潮牌酒店，位於北門，靠近台北車站及機場捷運，位置方便，而且旺中帶靜。客房有超大窗戶，可以飽覽台北市景！房內設觸控板，可直接調校房內冷氣、電器、燈光等，夠 high-tech。Lobby 同大廳設計具型格，融合台北街頭藝術，完全係打卡位嚟！
[台中] 文華道會館 ★★★★｜連稅$651起
富藝術感嘅酒店，位於市中心，5分鐘步程可達逢甲夜市。酒店有不同房型，設3人 / 4人房。亦有不同佈置主題，如：「藝術客房」、「沙翁客房」，各有不同風格。
[東京] 品川王子大飯店 ★★★★｜連稅$982起
位於JR「品川站」對面，行2分鐘即達！更可於成田機場搭NEX或利木津巴士直達酒店！酒店頗具規模，一般雙人房面積有20平方米，於當地嚟講都幾大！
[大阪] 大阪東急REI飯店 ★★★｜會員價：連稅$425起
位於梅田，位置優越！酒店後面係阪急東通商店街，有一蘭拉麵、居酒屋、商店等。而且可經此商店街直達東梅田及梅田地鐵站地下街，非常方便！客房唔大，最細果間只有13平方米，但喺梅田有呢啲價位，真係抵！
[京都] 三井花園飯店京都四條 ★★★★｜連稅$495起
距離地鐵「烏丸站」只需約5分鐘步程，附近有便利店、超市，交通算方便。客房介乎15-22平方米，酒店設有大浴場，去完街可以浸一浸消除疲勞！
[名古屋] 名古屋榮誠信酒店 ★★★｜會員價：連稅$419起
酒店位置優越！行去榮地鐵站2號出口只需30秒！對面就係激安殿堂，樓下有 Family Mart & Tully Cafe，過兩條街又有24小時食肆。
[首爾] 明洞九樹 2 號頂級酒店 ★★★｜會員價：連稅$703起
2017年1月開幕嘅新酒店，一貫九樹嘅簡約雅緻設計，住得舒適。位於首爾Jung-Gu區，係買衫買化粧品嘅集中地，距離中午廣場 (Noon Square)、Bangsan市場約10分鐘步程。
[釜山] 釜山皇冠海港酒店 ★★★★｜連稅$431起
鄰近地鐵「中央站」，搭一個站就去到南浦洞 / 釜山火車站！酒店位於貨櫃碼頭旁，晚上環境寧靜優美，部分房間更有海景睇！
[曼谷] 曼谷瑪卡薩美居酒店 ★★★★｜連稅$557起
距 BTS「Makkasan」及 MTR 「Phetchaburi」約10分鐘步程，酒店亦有提供免費接駁車。距市中心旺區唔算遠，但因為係位於商業區，環境較清靜。
[華欣] 機票＋諾富特華欣七岩海灘度假酒店 ★★★★｜連稅$560起
位於七岩，接近海灘及座擁無敵海景。酒店設有兒童遊戲室，酒店泳池仲有埋滑水梯！適合親子遊帶埋小朋友入住！
優惠酒店當然唔只以上咁少！另外就連歐洲、美加、澳洲、新西蘭等地嘅酒店，都會有優惠！大家可以上 Expedia 睇睇！
入住日期：即日-2019年1月10日 (部分酒店至2019年1月尾)
預訂日期：即日-2018年11月29日
預訂網址：http://www.expedia.com.hk/expedia-sale
提提你：唔同嘅預訂網都有唔同嘅優惠，搵到心水酒店，可先上 HotelsCombined 格下價。
直飛英國！英航有隻同行優惠，香港來回倫敦$3,035起 (連稅$4,616起)！直航機都只係連稅四千六起，價格唔錯！
以上價格係2人同行每位計，而1人出發都只係加多百七蚊：來回連稅$4,786起！部分航班係用 A380 客機執飛添，最啱舒舒服服搭長途機！
出發日期去到明年6月中，最耐可以停留2個月！無論冬季去感受雪地氣氛，定係春夏暖返啲先去 Shopping 都冇問題！
出發日期：即日-2018年12月10日、2019年1月11日-1月29日、2月18日-3月27日、4月25日-6月12日
寄艙行李限額：23kg
機票有效期：3-60日
預訂日期：即日-2018年11月28日
近期有好多曼谷平飛！而最啱打工仔快閃遊嘅，就當然係埃航！香港來回曼谷$828起 (連稅$1,341起)，比起上次優惠又平咗啲！
航班係晚去午返，逢星期一、三、五出發！即係可以星期五收工即飛、玩到星期一返嚟！請一日假就得啦，平得嚟又慳到大假！
票價包46kg (2件各23kg) 寄艙行李額、飛機餐，而且係用 787 客機執飛，環境唔錯！趁 Weekend 做個 SPA、去夜市掃街就最正！
出發日期去到明年10月，但留意部分日子及旺季不適用。大家可先上埃航官網睇前後日子票價，再去 Skyscanner 訂飛！
航班時間
去程：ET609 21:50-23:30 (逢星期一、三、五)
回程：ET608 12:05-15:50 (逢星期一、三、五)
出發日期：即日-2018年12月19日、12月31日-2019年1月30日、2月8日-4月12日、4月22日-10月31日
寄艙行李限額：2件23kg
機票有效期：1個月
預訂日期：即日-2018年11月30日
國泰 / 國泰港龍 fanfares 第318期！今期以馬爾代夫比較吸引！
廈門$1,034、寧波$1,334、高雄$1,479、清邁$2,125、濟州$2,391、加德滿都$3,839、巴黎$4,500、馬爾代夫$4,506
2人同行每位價錢：檳城$2,616起
今期出發日期估計為12月至明年3月，視乎航點而定。
估計出發日期：2018年12月-2019年3月 (視乎航點而定)
預訂日期：2018年11月27日8am起 (售完即止)
