飛泰國度假，蘇梅都係個唔錯嘅選擇！依家曼谷航空做緊優惠，只要上 ZUJI 以套票形式訂齊「機票＋酒店」，玩4日只係連稅三千一！正！

2人同行出發，曼谷航空．香港來回蘇梅機票＋酒店 (以最平住宿為例) 連稅：4日3夜$3,187起、5日4夜$3,209起、6日5夜$3,238起！

航班係直航機嚟添，唔駛轉機夠晒方便！明年4月中前出發都有平，去度假曬太陽、玩水上活動、歎 SPA，或者同另一半漫步沙灘都冇問題啦！

蘇梅「機票＋4 / 5星級酒店」套票推介：

(以12月9日去、12月12日返為例，2人同行每位計)

機票＋迪瓦海灘渡假村及水療中心 ★★★★｜連稅$3,629起
接近機場，附近有便利店，出入方便！部分房間可以直達海灘 / 泳池，酒店早餐仲係喺海景餐廳享用，景致優美！

機票＋蘇美島亭閣別墅渡假村 ★★★★｜連稅$4,154起
喺正 Lamai 海灘旁邊，行5分鐘就到！附近有夜市、餐廳及 SPA，位置唔錯！酒店有不同房型可供選擇，包括 Villa、套房，亦有通往泳池嘅客房！

機票＋坎達布里查汶海灘蘇梅島諾富特渡假村 ★★★★｜連稅$4,315起
位於查汶區海灘嘅 Novotel 酒店，附近有便利店、餐廳、酒吧等，而酒店亦有提供免費 Shuttle bus 前往市中心。

機票＋森斯瑪渡假村及水療中心 ★★★★｜連稅$4,556起
酒店只招待16歲或以上嘅住客，有別墅、套房、設私人泳池嘅客房等，多種房型可供選擇！

機票＋蘇梅島漢沙渡假村及水療中心 ★★★★★｜連稅$5,177起
位於波普，距機場只有10分鐘車程！位置接近漁人村，附近有唔少餐廳、酒吧！酒店內設 Infinity Pool，又極近波普海灘，內外景致都一流！

機票＋薩拉蘇美曾蒙海灘渡假村 ★★★★★｜連稅$5,989起
座落曾蒙海灘，附近有便利店，10分鐘車程可達機場、漁人村、查汶！酒店特設相連別墅，適合一大班親友入住！

機票＋蘇梅島班達靈巖洲際飯店 ★★★★★｜連稅$6,515起
遠離市區及機場嘅酒店，位於懸崖之上，面向廣闊海景，環境寧靜清幽、遠離煩囂！

機票＋蘇梅島六善酒店 ★★★★★｜連稅$7,142起
座落蘇梅島北部，擁有超開揚海景！酒店走熱帶度假風，以木作主要建材，感覺自然清新！

除以上推介，大家可於 ZUJI 任揀酒店！大家可按「價錢」由低至高排序，然後以「品質等級」作篩選，會易啲搵到心水酒店！

套票價格以2人同行每位計，已包20kg寄艙行李額、飛機餐。行程係可長可短嘅，最耐玩到8日7夜咁耐！

而航班時間就係午去早返，加$160可以改做早機去 / 午機返。如果要加錢改時間，預訂時按「更改航班」、再揀返想轉嘅航班就可以了。

預訂資訊：

出發日期：即日-2019年4月12日 (旺季及部分日子不適用)

寄艙行李限額：20kg
機票有效期：3-7日

預訂日期：即日-2018年10月31日

預訂網址：https://www.zuji.com.hk (以網頁版預訂為佳)

又嚟澳洲平飛！繼澳航劈價，連國泰都減埋一份！香港來回墨爾本 / 悉尼$2,921起！國泰都少見呢個價位！

連稅計：墨爾本$3,842起、悉尼$3,933起！價格貴澳航少少，但係平飛數量夠充足。航班係直航機嚟，包咗30kg寄艙李額、飛機餐！

出發日期就去到明年7月，最耐可停留3個月！趁依家仲未要收燃油附加費，好快啲訂定飛啦！

預訂資訊：

出發日期：即日-2018年12月13日、2019年2月18日-7月10日

寄艙行李限額：30kg
機票有效期：3個月

預訂日期：即日-2018年10月26日

預訂網址：https://www.skyscanner.com.hk

搭國泰遊東京，都可以好筍！單買機票的話，喺官網賣緊連稅$3,443起。但依家加多四十幾蚊，就有埋3晚住宿！只要上 Expedia 訂套票，再於付款前輸入優惠代碼「CXPKG300」即減$300！所以就有咁抵啦！

2人同行出發，國泰．香港來回東京機票＋酒店 (以最平住宿為例) 連稅：4日3夜$3,480起、5日4夜$3,609起、6日5夜$3,738起！

價格已包30kg寄艙行李額、飛機餐！出發日期去到明年3月底，即飛賞楓又得、或者 plan 定明年賞櫻之旅、再去掃貨 Shopping！

國泰．東京4日3夜精選套票：

(以2019年1月13日去、1月16日返為例，使用折扣後每位價格)

機票＋HOTEL MYSTAYS 東池袋 ★★★｜連稅$3,640起
酒店距離JR「大塚站」或地鐵「新大塚站」約10分鐘步程，附近有24小時營業嘅超市及食店。

機票＋淺草雷門 APA 酒店 ★★★｜連稅$3,886起
2017年10月開業，環境新淨，距雷門只有3分鐘步程！四周有大量食肆及購物點，而4分鐘步程內可達各鐵路站！

機票＋東京新橋 b 酒店 ★★★｜連稅$4,114起
位於西新橋，2017年9月開業嘅酒店。而距 JR「新橋車站」及地鐵「虎之門站」約6分鐘步程，搭地鐵下站就到銀座！

機票＋赤坂蒙特利酒店 ★★★★｜連稅$4,127起
位於地鐵 (丸之內線)「赤坂見附站」，從A出口到酒店僅350米。到新宿、銀座、池袋唔駛轉線，非常方便。

機票＋APA 新宿歌舞伎町塔樓酒店 ★★★｜連稅$4,183起
酒店位置非常方便，酒店距離 JR 新宿站只有5-8分鐘步程，酒店附近就係歌舞伎町區，四周都有食店、便利店、酒吧。

機票＋東京第一酒店 ★★★｜連稅$4,189起
由知名建築家隈研吾設計，於2017年7月開幕嘅型格時尚酒店！酒店鄰近晴空塔，距離押上站只需3分鐘步程！

機票＋銀座三丁目相鐵士多啤梨客棧 ★★★｜連稅$4,231起
位於銀座，於2017年12月開業嘅新酒店。酒店喺三越百貨隔離，附近有便利店、購物熱點、食肆，方便用餐及購物！

機票＋新宿王子大酒店 ★★★★｜連稅$4,472起
位置優越！毗鄰歌舞伎町，距離新宿火車站只有5分鐘步程，非常方便！基本上一行出門口就已經可以shopping，而且附近有大把食店。

機票＋新宿燦路都廣場大酒店 ★★★★｜連稅$4,502起
呢間酒店位置蠃晒！距離新宿車站只有3分鐘步程，而且機場巴士直達，唔駛拖住行李行餐死。四周就係各大商場、百貨公司，樓下就有食店、便利店。房間更加係舒適、整潔。

機票＋新宿格拉斯麗酒店 ★★★★｜連稅$4,821起
酒店以哥斯拉為主題，位於歌舞伎町旁，從 JR 新宿東口行步行5分鐘就到，夠晒方便。

除以上推介，大家可自選心水住宿！入住關東其他地區嘅酒店 / 旅館都得，只要直接於目的地輸入想住嘅地區就可以了。

而行程長短亦可自訂，最耐玩到8日7夜！如果要於行程中住多間不同酒店，可以揀選「我只有部分日期需要入住酒店」嚟設定！

提提大家，搜尋時，目的地要填「東京 (及附近地區), 日本」，咁先會搵到市中心嘅酒店。如果你填咗「東京, 日本 (TYO-所有機場)」，就只會搵到機場附近嘅酒店！

預訂資訊：

優惠碼適用出發日期：即日-2019年3月31日
較平出發日期：即日-2018年12月19日、12月30日-2019年1月30日、2月10日-3月31日

寄艙行李限額：30kg
機票有效期：2-7日

預訂國泰套票未連稅滿$2,000減$300優惠碼：CXPKG300 (名額300個)

預訂日期：即日-2018年11月30日

預訂網址：http://www.expedia.com.hk (以網頁版預訂為佳)

泰筍啦！泰航旗下「泰國微笑航空」嘅新航線於下星期啟航啦！以後有得平飛布吉，就連曼谷都有抵價添！

香港來回曼谷$925起 (連稅$1,381起)、布吉$1,055起 (連稅$1,564起)！票價已經包埋30kg寄艙行李額！

航線於10月29日啟航，而以上優惠價就去到3月尾前出發都有！飛布吉時間唔錯，係早去午返！而曼谷就係午去早返。

搜尋時，記得係要揀返泰航嘅班次 (見到標明「由 Thai Smile 營運」就係)，直接揀 Thai Smile 反而搵唔到咁平！

預訂資訊：

出發日期：2018年10月29日-12月18日、12月30日-2019年1月30日、2月10日-3月28日

寄艙行李限額：30kg
機票有效期：2-14日

預訂日期：即日-2018年10月31日

預訂網址：https://www.skyscanner.com.hk

濟州航空會喺聽日 (10月24日9:00am) 推出11月出發嘅 last minute 優惠！香港飛濟州或澳門飛首爾都有靚價！11月1日前入手都仲可以免收燃油附加費㗎！

香港飛濟州單程$240起、澳門飛首爾單程MOP250起！

來回連稅計：香港來回濟州$920起、澳門來回首爾MOP1,225起！

航班方面，香港飛濟州去程係凌晨機，回程係晚機；澳門飛首爾去程有午 / 凌晨機，回程有早 / 晚機。

提提大家，呢隻「特價機票」不包括寄艙行李額，只限10kg 手提行李額。如有行李需要寄艙，可以考慮買高一個級別嘅票種，香港出發每程貴約$295，澳門出發每程貴約$250。

預訂資訊：

旅遊日期：2018年11月1日-11月30日 (部分日子不適用)

預訂日期：2018年10月24日9:00am-10月26日9:00am

預訂網址：https://www.jejuair.net