Home Blog Page 550

【東京】心動香草價!香港飛東京單程$388起!連稅千二起!2019年3月底前出發 – 香草航空 (優惠至12月3日)

東京心動價又嚟啦!香草航空推出優惠,香港飛東京單程$388 (來回連稅$1,244起)!聽日 (11月30日) 下午2點開賣!

價格同上次優惠相同,一般般咁啦!出發日期就去到明年3月底,雪季去玩或者等初春冇咁凍都得。

票價包 10kg 手提行李額,不包括寄艙行李額及飛機餐。如要將行李寄艙,費用為:每程首20kg $305,其後每5kg $76!

預訂資訊:

出發日期:2018年12月22日-2019年3月30日 (部分日子及旺季不適用)

預訂日期:2018年11月30日2:00pm-12月3日10:30PM (香港時間)

預訂網址:https://www.vanilla-air.com

(於香草航空訂飛時,可以唔駛填 Passport Number)

【即買即飛】跨年都有!香港飛濟州 / 首爾單程$260起!新航點大邱都平!12月份出發 – 濟州航空 (優惠至11月30日)

濟州推出 Last minute 閃劈優惠!12月份出發,香港飛濟州 / 首爾單程$260起!來回連稅計:濟州$1,232起、首爾$1,267起!

澳門飛大邱 / 首爾都有單程$250嘅平飛,來回連稅計:大邱MOP1,189起、首爾MOP1,294起!大邱係新航點嚟添!

以平日嚟講唔算抵,但係今次跨年都有平!例如香港來回濟州:12月27 / 29日去、明年1月2日返!澳門粉絲於回歸假期去都抵!

以上航班全部都係凌晨機去、晚機返,非常實用!優惠已經開賣咗,去到明天 (11月30日) 早上9點就冇,要搶飛就快手!

以12月27日去、明年1月2日返為例,香港來回濟州:連稅$1,232起!

航班時間

香港來回首爾
去程:7C2108 01:25-06:05、7C2102 13:35-18:15
回程:7C2101 09:55-12:35、7C2107 21:40-00:25+1

香港來回濟州
去程:7C2186 02:25-06:30 (逢星期一、四、六 / 12月14日起:逢星期一、二、四、六)
回程:7C2185 22:30-00:35+1 (逢星期三、五、日 / 12月14日起:逢星期一、三、五、日)

澳門來回首爾
去程:7C2002 14:35-19:00、7C2004 01:35-06:10 (逢星期一、三、五、日)
回程:7C2001 11:00-13:35、7C2003 22:05-00:35+1 (逢星期二、四、六、日)

澳門來回大邱
去程:7C2022 02:00-06:00 (逢星期一、二、三、五、六)
回程:7C2021 20:05-23:05 (逢星期一、二、四、五、日)

提提大家:呢隻係屬於「特價機票」,只包10kg手提行李額,冇免費寄艙額。如要加寄艙行李額,可加兩舊水左右揀貴一級別嘅機票。另外,濟航近日改咗行李政策,由件數計改做重量計,即係只要唔超重,分開幾件行李咁都冇問題!

預訂資訊:

出發日期:2018年12月1日-12月30日

預訂日期:即日-2018年11月30日9:00AM

預訂網址:https://www.jejuair.net

【日本優惠碼】日本高級酒店預訂網 Relux 送高達12%OFF 優惠券!即訂即減!2019年2月前入住 (優惠至12月16日)

正呀!平訂日本靚酒店!日本高級酒店預訂網 Relux 推出冬之旅優惠!現有會員或新註冊會員登入後,即可領取12%OFF 優惠券 或3,000円OFF 優惠券 或 5%OFF 優惠券!攞完優惠券,就可以即刻平訂靚酒店!

領取優惠券後,需於2018年12月16日前預訂,適用入住日期就去到2019年2月12日。

優惠券3等獎:

大獎:12%OFF 優惠券
二獎:3,000円OFF 優惠券
三獎:5%OFF 優惠券

小編抽到12%OFF 優惠券!Yeah!
小編抽到12%OFF 優惠券!Yeah!

大家抽完之後,點選右上角「帳戶」>「Relux 點數 / Relux 優惠券」即可見到優惠券已加入你的帳戶內。

預訂資訊:

適用入住日期:即日-2019年2月12日

預訂日期:即日-2018年12月16日

預訂網址:https://rlx.jp/cp/fuyutabi2018

【新加坡】套票平過機票!國泰.新加坡「機票+酒店」連稅:3日2夜$2,144起、5日4夜$2,313起!可早去晚返 – 國泰航空 (優惠至12月7日)

國泰有隻新加坡優惠,但價格係冇以前咁平了!想盡慳的話,可以一次過訂齊「機票+酒店」套票,玩3日2夜連稅二千一起,仲平過喺官網淨訂機票!

2人同行出發,國泰.香港來回新加坡機票+酒店 (以最平住宿為例):3日2夜$2,144起、4月3夜$2,228起、5日4夜$2,313起!

出發日期係明年1月至3月份,航班有早機去、晚機返!票價已包飛機餐、30kg寄艙行李額,去 Shopping 掃貨都唔駛怕行李超磅!

國泰.新加坡3日2夜套票推介:

(以2月24日去、2月26日返為例,2人同行每位計)

機票+飛龍酒店 – 水晶 ★★★|連稅$2,317起
實惠之選,房間簡約整齊!酒店座落芽籠區,步行可達地鐵「Aljunied 站」及「Mountbatten 站」,附近亦有巴士站通往市內各處!

機票+橋南酒店 ★★★★|連稅$2,675起
位於牛車水,行3分鐘即達地鐵站!附近有美食街、Maxwell 熟食中心,非常熱鬧!房間面積偏小,不過位置靚、服務好、仲有杯 Welcome drink 添!

機票+新加坡海灘路目的地酒店 ★★★★|連稅$2,729起
位於阿拉伯街,行2分鐘即達地鐵「Nicoll Highway 站」!酒店設計時尚,設有泳池位於頂樓,擁開揚景觀!

機票+新加坡 G 酒店 ★★★★|連稅$2,745起
距地鐵「Bencoolen 站」只有3分鐘步程,行6分鐘可以去到武吉士!附近有多個 Shopping mall,位置熱鬧又方便!

機票+新加坡烏節路優特爾酒店 ★★★★|連稅$2,842起
位於購物區烏節路上,係2017年10月先開幕嘅新酒店!唔單止位置便利、環境新淨,酒店設備更相當智能化、有埋機械人 Serve 住客添!

機票+皮克林賓樂雅酒店 ★★★★★|連稅$3,651起
酒店位於地鐵「Chinatown站」旁,喺一間著重綠化,以環保為主題嘅5星級酒店,酒店設計清新、自然,豪華與舒適並重。

以入住「納諾青年旅舍」為例,國泰.新加坡3日2夜套票:2人連稅共$4,286起、即每位$2,144起!

除以上推介,大家可以任揀自己鍾意嘅酒店。揀酒店時,按「價格」由低至高排序、再以「酒店星級」及「鄰近區域」作篩選,會易啲搵到適合嘅酒店!

大家可自訂行程長短,最耐玩8日7夜都得!價格係2人同行每位計,但1人獨遊都可!只係因為冇朋友仔幫手攤分房價,所以價格會貴少少!

提提大家:搜尋時,目的地要填「新加坡, 新加坡」,咁先會搵到市中心嘅酒店。如果填咗「新加坡, 新加坡 (SIN – 樟宜)」,就只會搵到機場附近嘅酒店!

預訂資訊:

出發日期:2019年1月7日-1月25日、2月18日-3月31日

寄艙行李限額:30kg
機票有效期:2-7日

預訂日期:即日-2018年12月7日

預訂網址:http://www.expedia.com.hk (以網頁版預訂為佳)

【馬來西亞】又平咗!香港來回吉隆坡$882起!暑假照平!轉飛檳城都抵!2019年8月前出發 – 馬印航空 (優惠至12月2日)

大馬平飛再跌價!馬印又有優惠啦:香港來回吉隆坡$882起 (連稅$1,162起)!比起上次優惠又平咗!

馬印雖然係低成本航空,但已包25kg寄艙行李額、機上輕食,座位又有個人娛樂系統,同傳統航空冇乜分別!

出發日期去到明年8月,就連暑假旺季都有平!最啱一家大細齊齊去玩!另外亦可經吉隆坡轉飛檳城:來回連稅$1,296起!

又或者 Open jaw 都得,例如吉隆坡入、檳城出:連稅$1,303起!咁就可以玩多幾個地方啦!

香港來回吉隆坡$882起 (連稅$1,162起)

預訂資訊:

出發日期:即日-2019年8月21日

預訂日期:即日-2018年12月2日

預訂網址:https://www.skyscanner.com.hk

【韓國平飛】香港來回首爾$1,331起!連稅千七起!2019年3月底前出發 – 大韓航空 (優惠至12月10日)

遊韓靚價!連稅千七就飛到首爾,呢口價極抵呀!乘搭大韓航空,香港來回首爾$1,331起 (連稅$1,786起)!

票價仲要包埋23kg寄艙行李額、美味飛機餐,仲係凌晨機去、晚機返!計落仲筍過搭廉航!

出發日期去到明年3月底,橫跨星期六日咁趁 Weekend 快閃遊都冇問題!想慢慢的話,最耐可停留1個月添!

優惠於部分日子不適用,大家可先上大韓官網睇多日票價,搵到邊日最抵之後再上 Skyscanner 訂飛啦!

香港來回首爾$1,331起 (連稅$1,786起)

預訂資訊:

出發日期:即日-2018年12月18日、2019年1月6日-1月31日、2月12日-3月29日 (視乎供應)

寄艙行李限額:23kg
機票有效期:1個月

預訂日期:即日-2018年12月10日 (售完即止)

預訂網址:https://www.skyscanner.com.hk

【澳洲】直航靚價!香港來回墨爾本 / 悉尼$2,928起!連稅三千八起!暑假都平!2019年10月前出發 – 澳洲維珍航空 (優惠至12月16日)

直飛澳洲有靚價!香港直航來回澳洲$2,928起!連稅計:墨爾本$3,861起、悉尼$4,052起!連稅三千八起咋,勁抵!

出發日期仲去到明年10月,即買即走又得、買定早鳥飛都得!就連明年暑假旺季都有平,可以探探留澳親友、再一齊周圍去玩!

Open jaw 咁飛都抵,例如悉尼入、墨爾本出:連稅$3,991起!機票有效期達3個月咁耐,慢慢 hea 住玩多幾個地方都冇問題!

香港直航來回墨爾本$2,928起 (連稅$3,861起)

預訂資訊:

出發日期:即日-2019年10月30日

寄艙行李限額:2件23kg
機票有效期:3個月

預訂日期:即日-2018年12月16日

預訂網址:https://www.skyscanner.com.hk

【台灣】華航筍玩套票!台北 / 台中 / 高雄 / 台南「機票+酒店」連稅:3日2夜1,733起!2019年10月底前出發 – 中華航空 / 華信航空 (優惠至12月31日)

自從燃油附加費生效,去台灣玩都貴咗幾舊水!要最筍咁遊台,可以上 Expedia 訂華航台灣套票!雖然冇以前咁抵,但係平過分開訂!

明年10月底前出發,華航 / 華信台灣「機票+酒店」連稅:3日2夜1,733起、4日3夜$1,792起、6日5夜$1,908起!(以最平住宿為例)

票價已包香港來回台北 / 台中 / 高雄 / 台南機票、30kg寄艙行李額、飛機餐、住宿及稅項!航班選擇勁多,有早去晚返添!

華航 / 華信.台灣3日2夜套票推介:

(以2019年3月10日去、3月12日返為例,2人同行每位計)

[台北] 華航機票+趣旅館 – 林森館 ★★★|連稅$1,886起
步行3分鐘可達捷運「中山國小站」,附近有超級市場、便利店、藥妝店。酒店走年青活力路線,有足球機及按摩椅等休閒設施!

[台北] 華航機票+儷客旅店 – 西門町館 ★★★|連稅$1,925起
位於西門町嘅分館,距離西門町商圈只有5分鐘步程,行去紅樓、西門町捷運站約10分鐘。酒店裝潢色彩繽紛富特色!最值得讚係佢哋有提供嬰孩浴盤、矮椅子、玩具等,適合帶埋嬰兒或小孩入住。

[台北] 華航機票+西門101-s精緻旅店 ★★★|連稅$1,965起
位處極為方便嘅西門町購物商圈,距離捷運西門站僅5至6分鐘步程。房間不大,但勝在夠平而又企理。

[台北] 華航機票+華山文旅 ★★★★|連稅$2,251起
2016年12月開幕,位於台北中正區,華山1914文創園區就喺正對面!距離捷運「忠孝新生站」只有4分鐘步程。酒店設計時尚簡約,客房仲夠晒大,最小亦有33平方米(355平方呎),部份房型更擁有華山公園嘅優美景觀。

[台中] 華信機票+1969藍天飯店 ★★★★|連稅$2,218起
懷舊風格復古酒店,內外佈置都充滿LOFT風格,極具質感。步行5 – 8分鐘可達中華路夜市、一中街夜市,距離台鐵 / 高鐵站只有5分鐘步程,附近亦有巴士站,交通方便。

[高雄] 華航機票+捷絲旅 – 高雄站前館 ★★★★|連稅$2,214起
設計貫徹捷絲旅一向嘅簡約時尚風格,房間相當舒適。距離捷運美麗島站 (光之穹頂)、高雄火車站僅5分鐘步程,非常方便。

[台南] 華航機票+WeLOFT INN ★★★|連稅$2,120起
走 LOFT 工業風嘅酒店,佈置時尚、具設計感!酒店位於台南市中心,附近有眾多著名餐廳、食肆!

華航台北機票+「漫步 1948」2晚住宿:2人連稅共$3,467起!即每位$1,733起!

除以上推介,大家可自選鍾意嘅酒店!價格係2人同行每位計,不過1人獨遊都得,只係因為冇朋友仔幫手攡分房價,會比以上價格貴小小。

預訂時,記得係先揀酒店、再選機票。部分航班係由華信 (華航集團子公司) 執飛嘅,揀機票時如果見唔到華航班次,揀「華信航空」就啱了。

而行程長短亦可自訂,最耐可以玩到8日7夜!想玩多幾個地方都得,搜尋時剔選「我只有部分日期需要入住酒店」,就可以設定套票包邊幾晚酒店,然後再另外加訂其他地點嘅住宿!

搜尋時,記得唔好於「目的地」位置輸入機場代碼,否則就只要搵到機場附近嘅酒店!例如訂台北套票時,要填「台北 (及鄰近地區), 台灣」先得。

預訂資訊:

出發日期:即日-2018年12月19日、12月31日、2019年1月3日-1月24日、2月7日-3月29日、4月7日-4月25日、5月1日-6月7日、6月9日-6月30日、7月3日-7月10日、9月1
日-9月12日、9月14日-9月30日、10月1日-10月6日、10月16日-10月30日 (回程最遲11月6日)

寄艙行李限額:30kg
機票有效期:2-7日

預訂日期:即日-2018年12月31日

預訂網址:http://www.expedia.com.hk (以網頁版預訂為佳)

【即飛套票】阿聯酋筍玩套票!曼谷「機票+酒店」連稅:4日3夜$1,524起、6日5夜$1,584起!12月31日前出發 – 阿聯酋航空 (優惠至12月2日)

即興遊都有平飛!12月底前搭阿聯酋飛曼谷,連稅千五蚊起就玩到4日3夜,有齊「機票+酒店」!正!

2人同行出發,阿聯酋航空.香港來回曼谷機票+酒店 (以最平住宿為例) 連稅:4日3夜$1,524起、5日4夜$1,553起、6日5夜$1,584起!

航班係午去晚返,收工即飛都冇問題!行程長短可自訂,最耐可以玩到1個月!就連跨年旺季都有平添!

阿聯酋.曼谷4日3夜套票推介:

(以12月16日去、12月19日返為例,2人同行每位計)

機票+曼谷瑪卡薩美居酒店 ★★★★|連稅$1,976起
距 BTS「Makkasan 站」及 MTR 「Phetchaburi 站」約10分鐘步程,酒店亦有提供免費接駁車。距市中心旺區唔算遠,但因為係位於商業區,環境較清靜。

機票+曼谷沙吞縣智選假日酒店 ★★★★|連稅$2,178起
位於是隆,行去 BTS「Chong Nonsi 站」只需2至3分鐘腳程 ,去MBK、Central World 都好方便 !酒店樓下就有便利店、食店等。

機票+曼谷是隆中央酒店 ★★★★|連稅2,316起
距離BTS「 Saphan Taksin站」僅5分鐘腳程 ,搭的士到熱門購物區亦只是10分鐘,酒店樓下就有食肆、超市!

機票+蘇坤蔚路 55 號大中心點酒店 ★★★★★|連稅$2,619起
酒店設有著名嘅 Let’s Relax Onsen & Spa,同時提供正宗日式溫泉。酒店配套完善,除咗 Gym、Sauna、泳池等,仲有 Jacuzzi。距離 BTS 「Thong Lo 站」約10分鐘步程,唔想行嘅話,可搭酒店免費提供嘅 tuk tuk 來往車站。

機票+ 羅盤天空風景酒店 ★★★★★|連稅$2,641起
2016年開業,鄰近 BTS 「Phrom Phong 站」,附近又有購物點「Emporium」及「EmQuartier」,去邊都咁方便!

機票+曼谷拉差阿帕森購物區萬麗酒店 ★★★★★|連稅$2,800起
提供5星級豪華住宿,最細嘅房都38平方米 (409平方呎),最大仲有成85平方米 (915平方呎)。Spa、泳池、健身室等設施一應俱全。而且位置一流,距離 BTS「 Chidlom 站」 只有3分鐘步程,想shopping 嘅話行去 Siam Paragon 亦只需10分鐘。

機票+曼谷港麗酒店 ★★★★★|連稅$3,200起
經典嘅5星級酒店,以提供優質服務見稱。酒店提供 shuttle bus 往來BTS 站,出入算方便。酒店樓下有大型超市、星巴克等。

阿聯酋.曼谷機票+「曼谷 Overstay 青年旅館」4日3夜套票:2人連稅共$3,048起、即每位連稅$1,524起!

票價已包30kg寄艙行李額、飛機餐,航班仲係以 A380 客機執飛,環境同服務都夠晒高質,可以舒舒服服咁飛!

除以上推介,大家可自選心水酒店!揀酒店時,按「價格」由低至高排序,再以「星級」、「位置」篩選,可以更快搵到適合嘅酒店!

入住芭堤雅 / 華欣嘅酒店都得,搜尋時直接輸入想住嘅地區就可以了。如果要於行程中住不同酒店,就可以剔選「我只有部分日期需要入住酒
店」嚟設定!

提提大家,搵曼谷套票時,目的地要填「曼谷 (及附近地區), 泰國」,咁先會搵到曼谷全市嘅酒店。如果你填咗「曼谷, 泰國 (機場)」,就只會搵到機場附近嘅酒店!

預訂資訊:

出發日期:即日-2018年12月19日、12月26日-12月31日 (回程最遲2019年1月30日)

寄艙行李限額:30kg
機票有效期:2日-1個月

預訂日期:即日-2018年12月2日 (於出發前最少7日預訂)

預訂網址:https://www.expedia.com.hk/packages-HK (以網頁版預訂為佳)

【旺季抵價】聖誕 / 跨年平飛!香港來回歐洲各地$1,933起!12月31日前出發 – 阿聯酋航空 (優惠至12月2日)

想去歐洲過聖誕 / 跨年?依家訂飛都未遲,搭阿聯酋有優惠價添!香港來回歐洲各地$1,933起 (連稅$4,049起)!

連稅計:阿姆斯特丹$4,049起、馬德里$4,140起、米蘭$4,178起、蘇黎世$4,322起、倫敦$4,331起、巴黎$4,349起、羅馬$4,380起、慕尼黑$4,718起!

出發日期去到12月底,即買即飛都得添呀!要去過聖誕 / 跨年的話,可以揀12月24日或之後出發、明年1月6日或之後回程!

以旺季嚟講,呢口價認真超值!票價包埋30kg寄艙行李額、飛機餐,仲有阿聯酋高質服務!最啱去過個白色聖誕,再倒埋數迎接新年!

平飛唔係每日去都有,大家可先上阿聯酋官網以「彈性日期」搜尋,然後上 Skyscanner 訂飛就最抵!

以12月29日去、明年1月6日返為例,香港來回阿姆斯特丹$1,933起 (連稅$4,049起)!

預訂資訊:

出發日期:即日-2018年12月19日、12月24日-12月31日

寄艙行李限額:30kg
機票有效期:4日-1個月

預訂日期:即日-2018年12月2日

預訂網址:https://www.skyscanner.com.hk